|
هلق مو بدك الحق يافيفا
منع النساء من القيادة قلة حيا ههههههههههه بالنهاية بضل انا سورية لكن موضوع الحجاب يا اخي كل واحد حر بدينه هي شغلتهن هنن مو نحن لكن ما بتقدر تشمل الكل بالسوء يا اخي هيك كان قصدي |
مايا
السئافة اذا سمحتي لاتجيبي سيرتها بنوب << ابدا يعني لان هذا شي مفروغ منه ماعندهن حدا وصل للبكالوريا ووقف لابنات ولاشباب ومشان الحجاب في كليات خاصة للبنات ياجماعة والله السعودية اتغيرت اشبكون انتو وبغض النظر عن الحجاب والله النساء السعوديات متحررات اقوى من الرجال هههههههههه انتو ماشفتوا شي هههههههه اللي عم تحكو عليهن هنن بدو السعودية << يعني الضيعجية :) وطبعا انو ابن المدينة غير ابن الضيعة << شي بديهي وكلامك مزبوط يا بونيتا نحن بدنا نحكي بدون عواطف خلونا عاقلين |
البنات السعوديات أكلوا بالبلد على الأقل الواحدة منهم خريجة جامعة محلية,,الأكثرية مسافرين ومتخصصين بره,,,و لغتهم بلبل,,,هيدا إذا ماكانو بيحكوا فرنسي وايطالي,,,
كان من زمان لما نقدم على وظيفة ياخدونا فورا هلق من السعوديات اللي صار معهم شهدات أقوى من شهاداتنا و خبرات أكتر و منفتحين أكتر منا(لأننا غالبا كسوريون مقيمين بره عنا ضوابط مابنقدر نتجاوزها بالعمل ) ماعد إلنا مكان ألا اللي قد حالوا,,أو عندو واسطة,,او فلتت زمانوا,,,, هيدا أنكم تتخيلوا أنو البنت السعودية مقموعة كان زمان,,,البنات هون بيسوقوا من المقعد الخلفي,,,,و حافظين الشوارع اكتر من الرجال,,,,, يعني البلد فيها سلبيات و إيجابيات مابنفقدر ننكرها,,, المهم طلعنا كتير عن موضوعنا ,,,,هيدا العجوز مريض نفسيا و الله ياخده قبل الخمس سنين الجايين,,,, |
اقتباس:
ونحنا هون مش بصدد نعلق ع اي حد بنوب بس بنحكي وقائع |
طبعا حبيبتي ريمي
نحن لا نخص احد وكلامنا لطرح الوقائع وبس نتكلم بشكل عام بالنهاية نحن ولاد بلد ومنغار على بلدنا << لكن واقعيين كلام بونيتا صح كل شي اتغير صارفي بنوك خاصة للبنات وجامعات وكافيه نت وصالات بلياردو وبولينج ومولات خاصة للنساء وجامعات تخرج شهادت عالية وعالية جدا كمان بعدين بونيتا النسوان ما بيسوقوا من المقعد الخلفي لانو في شوفور ههههههههه ومنرجع للموضوع الاصلي الله ياخدو قبل ما يكمل الخمس سنين هههههههههه |
هذا خير دليل على وجوب وجود قانون منع الزواج من القاصرات..
القانون يللي حاول البعض اسقاطه او نجح في اسقاطه بذريعة خشيتهم من تفشي الزواج العرفي .. كما ورد بالاقتباس ادناه ( بموضوع لـ yass ) : اقتباس:
والغريب انو في ناس وافقتهم على هالتصرف!! . . قصة هذا العجوز (يللي بدو يتزوج بنت الـ 10 سنوات) ، هي دليل قاطع على انو ممنوع اسقاط القانون الذي يمنع الزواج من القاصرات..لانو في ناس متل هالعجوز عندهن تخلف وما رح يتوانوا نهائياً عن الزواج من طفلة .. اجباري لازم يتواجد قانون منع الزواج من القاصرات..اجباري..حتى بس يكبروا هني ياخدوا قرار زواجهم بانفسهم ، بطبيعة الحال لما يتزوجوا وهني صغار من عجوز مهترئ رح يعرفوا لما يكبروا انو تدمرت او خربت حياتهم بفترة من الفترات ادا ما كانت بكل الفترات بسبب اهلهم وجهل من حولهم.. |
اقتباس:
اية دليل ،لايمكن المقارنة على اية وجه ولايمكنك الاستناد الى مقالة عريب الرنتاوي التي نقلها ياس . في مصر القاون الحالي لا يبيح الزواج لمن هنّ دون السادسة عشر والقانون الجديد يريد الوصول بسن الزواج الى الثامنة عشر . على اية حال ساعود الى الرد تفصيليا بموضوع مقالة عريب الرنتاوي . لو تكرمتي ممكن رابط الموضوع "مقالة الرنتاوي" ؟ :D |
بنوك خاصة للنساء.
مولات خاصة للنساء جامعات خاصة للنساء... طيب ليش معتبرينو تطور هاد و فرحانين عليه.. ما هاد بالزبط قمة التخلف... لأنو معاملة البني آدك كحيوان غرائزي .. |
يا اخي
كل واحد على دينو الله يعينو قال تعالى : (( قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ ** وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ )) صدق الله العظيم |
اقتباس:
دخيلك سكري هالباب... ما بيناسب أبداً |
اقتباس:
وللمعلومة ما حطيت الاقتباس حتى نفوت بنقاش حوالين يللي اسقطوا هالقانون.. النقاش حوالين هالنقطة كان بموضوع ياس.. انا ردي كان حوالين يللي انذكر بالموضوع هذا.. ولا ضير بـ اني اقتبس شيء بيدعم جملة حكيتها بالرد.. بالنسبة اذا فيني اعتمد او لا على المقالة يللي نقلها ياس.. فـ وقت ياس جاب المقالة.. شفنا كتار موافقين على ما ورد داخل المقالة.. وموافقين على النقاط المذكورة بالمقالة ومن هالنقاط في نقطة ( اسقاط قانون منع الزواج من القاصرات ) الموافقة على هالنقطة من ناس داعمين لـ المذكورين بالمقالة بتعني انو في فكرة انو اي معليه يصير مسموح الزواج من القاصرات..يعني يللي انورد بالمقالة عن الموافقة على اسقاط هالمادة هو مش افتراء وكذب ومش ما الو اساس من الصحة ( بما انو شفنا ردود حقيقةً موافقة على اسقاط القانون ) .. بقى عليه مبني ردي..ومستند على المقالة + على دعم وموافقة المؤيدين (للمذكورين بالمقالة) لـِ ما ورد بالمقالة من اسقاط وغير ذلك |
لا تتكلم بلسان الكل اخي ;)
بعدين هي بلاد الحرمين الشريفين شلون بدك الناس فيها يكونو :shock: كل واحد حر بحالو |
انسة ماتيا
كلامي واضح ، لايمكن المقارنة بين الوضع هنا وبين الجزء المقتبس بمقالة الرنتاوي هنا او بالمقالة بكاملها في موضوع اخر ، لماذا اقول ذلك ؟ هنا بهذا الموضوع الرجل تزوج بنت (الوصف الدقيق طفلة) بسن العاشرة وتحت ضغوط دولية ومحلية ومنها مراكز حقوق الانسان و الطفل ، تم تأجيل الزواج حتى يصبح سن البنت 15 عام وانا اوضح ان القانون المصري لايجيز للبنت الزواج تحت السادسة عشر (16 عام) فلايوجد مجال للمقارنة اصلا . ولا يجوز الاستدلال او الاستشهاد لتاييد موقف (لان اصلا الموقف غير متطابق) |
اقتباس:
مزبوط.. لكن الحملة الدعائية تبعيت شوفو التطور ما احلاه بلاها معناتا... لأنو هاد مو تطور.. هاد برأيي تخلف .. ازا انت و أهل السعودية شايفينو تطور انو النسوان ينحط عليهون الحجر الصحي متل الجربانين و ينحطو بأماكن خاصة فهنن ببلادهون يعملو اللي بدهون ياه... بس انو هاد يعتبروه تطور و يقيسو من خلالو اخلاقيات الشعوب التانية فـ لأ و ستين لأ |
اقتباس:
|
يا اخي
الاسلام كرم المرأة وماقصر بحقها باي شي وتطبيق الشريعة مو غلط صحيح انهم عملاء ومتأمركين لكن يطبقون شريعتهم الاسلامية اوككي نحن نتكلم عن البلد عن كل شي بالبلد لايمكن ابدا انكار التطور اللي اللي وصلوا له .................................................. ..... رح تقول مابدنا هالتطور اذا على حساب المبادئ << صح معك حق نحن عم نتكلم بعقل وليس بالقلب اذا بدك اكلمك بالقلب انا كمان بيفور دمي لما بشوف الكامبات الامريكية عندهم وهي محاطة بالحماية والقناصيين الشعب غير مسؤول عن فساد الحكومة ولا كلامي غلط ؟ |
يا مرو ة حنا
مين قالك انهم محبوسين نسوانهن عندهم حرية اكتر مننا حبيبتي ملاحظين انو كلامكم كللوا مبني على الحجاب وعدم الاختلاط السفوووووووووور والاختلاط هو الحضارة ؟؟؟؟؟؟؟؟؟ حسبي الله ونعم الوكيل بس |
اقتباس:
طيب جيت انا قلت..هالقانون يللي بيمنع هالتجسيد التخلفي البعض حاول اسقاطو..( يعني انخرطت بشكل وبآخر لمسار بيخص النقطة يللي انا عم بحكي عنها مش الموضوع ) انو اني بستغرب كيف هيك قانون البعض حاول اسقاطو..وبذكر بموضوع ياس في ناس دافعو عن هالنقطة.. فقلت انو هالقصة عن هالعجوز بتأكد انو يا خيي لازم يكون هالقانون موجود حتى يحد من تفكير هؤلاء بالزواج من اطفال..وانو يللي ما اقتنعوا معنا بنقاشاتنا بموضوع ياسين تعو شوفوا شو تداعيات اسقاط قانون منع الزواج من القاصرات لعل وعسى تفهموا وجهتنا ... برجع بقلك.. اقتباس محاولة الاسقاط هو لاثبات حكيي عن انو في ناس حقيقةً حاولت تسقط المادة..مش لاثبات الموضوع نفسو..يعني المقارنة مش بين الموضوع والاقتباس.. اصلاً ما بيصح تجي تقول مقارنة.. لانو انا ما عم قارن بين الاقتباس والموضوع..او بين اقتباس وشيء آخر.. انا جبت مصدر جملتي لا اكثر..وقلت ليش انا حكيت هالجملة بردي هيدا.. طيب بتقلي عندكن القانون اصلاً بيمنع تحت الـ 16.. طيب اول شي 16 كمان ما عندها تفكير الـ 18..بمعزل عن هالشي كمان.. انا خيي هالمقالة انوضعت قدامي.. ناس وافقت على هالنقطة.. وانا حكيت عن الاعتراض على هالقانون.. بمصر بالسعودية بـ ابصر وين.. مش شأني.. ما عم احكي من هالمنطلق.. عم بحكي عن الاعتراض على هالقانون..كـ اعتراض.. بغض النظر مين اعترض ومين ما اعترض و و و.. |
| الساعة بإيدك هلق يا سيدي 02:04 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون