|
اقتباس:
أولاً أهلا و سهلا فيكي. تانياً ما بعرف مين بتقصدي ب (شرفاؤنا) ؟ بأكدلك أنو السلفي مانو شريف. تالتاً فكرة إنت معنا بتعيش , مو معنا بتموت هي فكرة السلفيين أولاً , لذلك ما في حل تالت و لا حتى تاني معهم:انضم أو مت. رابعاً الإيمان بالله هو حرية فكرية مقدسة و شخصية لايجوز تعمميمها بالسيف و مواجهة حكم الموت لمجرد أنك (الآخر). خامساً هلق هو حلم بس مانو مستحيل: فصل الدين عن الدولة هو الحل المثالي للتخلص من أمثال هؤلاء. أخيراً بعتذر إذا طلعنا شوي عن الموضوع بس لازم وضح لأم فرحان:D أنو (هالمتشددين) رح يلاقولنا بشي وقت لفراغهون شي حجة ليطيروا رؤوسنا. تحياتي |
في مبدئين كتير بمشي فيهون بالحياة:
الأول: انو الزمن كفيل بوضع كل واحد في مكانه.. مهما كان هالواحد ليكون و الثاني: انو بالنهاية اذا قلنا حرية فمعنى حرية واضح .. مو حرية لناس ع حساب ناس.. بخصوص هالناس اللي بالسجن.. أخي هنن بالقطب الشمالي و أنا بالجنوبي... بس مو تبع الأرض.. تبع المريخ حتى... لكن هالشي لا يعني اني أبرر الهمجية اللي صارت... و لا عم قلك مانهون خطر... ما بيسوئني انو حدا يكون اسلامي.. حقو الطبيعي.. لكن اذا بدو يلغيني هذا يسوئني.. بس اذا أنا استبق بالغاؤو لأنو بدو يلغيني فبصير أنا الاقصائي مو هنن.. هيك شغلات تعطيهون قوة.. خطابهون براغماتي و كتير سهل يتحول الى مظهر الضحية .. و عمليا حتى لو الشعب هلأ ينحو نحو التدين ... قديه نسبة قوتهون بالمجتمع؟ بالعكس لما تحاربهون بهالشكل عم تقوّيهون... عندي قناعة انو مثلا.. لو الجيش مو منقلب على حكومة الاسلاميين بالجزائر كان ما صارت كل هالمذابح اللي ما زالت مستمرة.. و لا صار في نسبة التشدد اللي صارت.. مو ربحو؟ مو في دولة؟ و في قانون؟ و في دستور؟ يبلطو البحر معناتا... الزمن كفيل باثبات فشلهم اذا فشلو.. و اذا ما فشلو معناتو انت الفاشل.. المشكلة تكمن لما مافي دولة, و لافي قانون, و لا في دستور, و لا في قوى أمن حقيقية... طبيعي تصير شغلة متل هيك مشكلة.. بس الحق مو عليهون... الحق على..... و استرو ما شفتو منا |
اقتباس:
اقتباس:
اقتباس:
اقتباس:
اقتباس:
أما بالمقارنة مع المحاكم السعودي والقضاء السعودي نعم لاني اثق بعدالة القاضي السلفي ذو الحى الطويلة واستحقر قضاتنا وقضائنا المبجل اقتباس:
ليك شريك انا ضد الفكر الاستئصالي او الاصولي من آي تيار كان فليكن ان كان على مبدء الاسلاميين او الشيوعيين وانا مع الديموقراطيه للعظم..الفكره الديموقراطيه تعني ان نسمح للجميع بحرية التعبير والنزول للشارع والاعتصام و. و. الخ.. وهذا الامر غير متوفر في بلادنا والقمع شغال على ابو موزة الأمر الأهم ولو افترضنا او سلمنا جدلاً انه كان في تعدديه وديموقراطيه ووصل احد الاحزاب للسلطه بانتخاب الشعب ... الفكر الديموقراطي الذي سمح بالتعدديه هو سيكون بمثابة قدوه وهم لايستطيعون الا ان يحترموه ولكن عليه ايضاً ان يكون قد حضر برنامج وقوانين لايستطيع آي حزب آخران يستئثروا بالحكم و ان وجدوا فرصه وان يضع لهم خطوط حمر في صلب الدستور غير قابله للتغير الاباغلبيه توافقيه حزبيه او برلمانيه او شعبيه وعند وصولهم للحكم المعارضه ستفند اخطاء ذالك الحزب امام الشارع وعلى مرئا الشعب الخ... وهنا وبعد وصولهم للحكم سنرى تجربتهم ان نجحوا اهلاً وسهلاً وان فشلوا الشعب سيرمي بهم ويستبدلهم لانو حاجه بقا مابدنا هيك برنامج :sly: وهم سيتعلموا من تجاربهم وأخطاءهم و رآي وحكم الشعب وسيراجعوا انفسهم ويعدلوا من برنامجهم وهنا نكون بدئنا ببناء الدوله الديموقراطيه (حكم الشعب) خليك معي على سيرة السلفيين مثال هلاء لوكان في ديموقراطيه وحريه بالسعوديه مثلاً ماكان تأسس تنظيم القاعده من الاساس لح قلك ليش وكيف هلاء بن لادن وهو بطل العالم في الطميمه هو في نظر البعض بطل وبنظر الآخريين آرهابي متوحش .. بس شوقصته لعمو بن لادن لح نحاول نختصر بختصار وبعد حرب الخليج الثانيه(احتلال الكويت) زلمه نبعص من وجود 350 الف من جنود امريكا وحلف الاطلسي ببلده فقام واصدر صحيفه اسمها الاصلاح والارشاد انتقد فيها وهاجم الوجود الأمريكي فجماعة آل سعود نبعصو كمان سكرولوياها (بلا معنا) وقامو بمضايقتة امنياً واقتصادياً الخ.. بعد فتره سافر على السودان وهوه مهندس ورجل اعمال فتح شركه زراعيه وشركة تعهدات الخ.. بس رجع اصدر نفس الصحيفه بالسودان وصار ينتقد آل سعود بالاسماء ويكبر بالحكي بلاطول سيره قلعوا من السودان وصادرولوا املاكه .. طيب هاد زلمه عنده جماعه متشتته بالعالم كله مهم راح سافر لباكستان وبعدا راح على افغانستان وهوه عرفان انه العوده للسعوديه لن تفيده ،دعاه الدكتور المسعري المعارض الشهير في بريطانيا ان يأتي لهناك رفض لانه صوته لن يصل ولن يحدث تغير وبعد مايقارب من ثلاث سنوات علن تأسيس تنظيم القاعده وهدد امريكا وبريطانيا بشن هجمات وبلشت سلسلة الانفجارات الخبر ونيروبي ودار السلام وأنا اسألك المهم الديموقراطيه هيه الحل والفكر الديموقراطي وحرية التعبير حل لكل شيىء في بلادنا حدا فهم الغايه والعبره قصة مسيو بن لادن ولوين وصل ومين بيتحمل نتائج الاستئصال ؟؟؟؟ اقتباس:
ع الهامش كلمة سلفي بتعني لاغلبية الساحقة من السنة |
اقتباس:
مشان هيك اليهودي والامريكي اشرف منا عرفت كيف .. قلهم لرؤسأك المبشرين يسلمو جثث الشباب وقلو لرئيس فرع الامن السياسي حاجة تجتمع باصحاب اللحى وتتفاوض معهم بهل الخصوص واخيراً العنف لايولد الا العنف وابن البلد رايح بين الرجلين |
"مسطول على طول" انا بأيد كلامك وبشدة.. وايضا كلام ياس
القمع لا ينتج إلا القمع وبما اننا نريد الحرية والديمقراطية في بلدنا فلازم تكون للجميع... بتفهم منيح كل من يخاف ان يستلم فلان او فلان الحكم (وانا واحد منهن) لكن لنتجنب ان تستغل الديمقراطية بشكل سلبي من قبل المتشددين او غيرهن لازم من هلا نعمل كلياتنا على دعم المبادىء السليمة الي بترضي كل فئات الشعب ومحاربة كل فكرة تقيد حرية الآخر أو تضر بالمصلحة العامة .... ولما بنوصل لمرحلة يكون فيها المواطن مستعد انو يوقف "حتّى" بوشّ اخوه (أو ابن عقيدتو, او زميلو بالانتماء السياسي, او او ) اذا كان الاخير بيشكل خطر على غير مواطنين, ساعتها خلي مين من كان يستلم الحكم ما بيهم, طالما رح يعرف انو في مين يوقفو عند حدو اذا لعب بديلو... اكيد مارح بنوصل لهيك شي بسهولة (خلينا نكون واقعيين) واكيد رح تكون الخطوة الجاي صعبة بس المهم انها تكون عالطريق الصحيح... |
اول شي بشكر مسطول على الموضوع الحلو
وأنا برأي أن سجن ابو غريب رغم كل السلبيات اللي فيه بيضل احسن بألف مرة من السجون اللي عنا بل مافي مجال للمقارنة مابينهم, أنا عندي صاحب انسجن في سجن تدمر واثناء اعتقاله اغتصبوه وسلبو عرضه, على الأقل في ابو غريب مافي هلشي, وكلنا منعرف مجزرة تدمر المشهورة اللي راح ضحيتها مئات ويمكن الالاف. السجانيين اللي عنا صنف من البشر قليل من امثاله او بالأصح مو محسوبين على البشر, لا قلب ولا احساس ولا ضمير ومابيعرفو شي اسمو اخلاق, اختاروهم من ضيع جربانه كلهم جوعانين ومليانيين عقد نقص وعندهم حقد طبقي لأهل المدن والطبقة المثقفة. يا محلا ابو غريب علي عنا |
اقتباس:
السلفية يعني اتباع سنة رسول الله صلى الله عليه وسلم وسلفه الصالح بعيد عن التشدد ياريت لو تقرأ شوي عن التاريخ الأسلامي القديم وكيف كانت الأقليات المسيحية واليهودية عايشة في حرية وانسجام مع المسلمين. كلنا منعرف عمر بن الخطاب وعدله اللي مابقى نشوف متله في عصرنا هاد كلنا منعرف قصة ابن عمرو بن العاص لما ظلم مواطن مسيحي كان عايش في مصر وضربه لأنه تغلب عليه في سباق الخيل وطبعا عمرو بن العاص كان حاكم مصر يعني ابوه لما اجى المسيحي لعمر بن الخطاب وحكى حكايته جاب ابن عمرو بن العاص وخلى المواطن المسيحي يقتص وياخد حقه منه وكمان اقتص من ابوه عمرو بن العاص وكان هو الحاكم. هاي هي المعنى الحقيقي للسلفية مو اللي انت فاهمه ياترى ممكن انت تاخد حقك مابدي اقول لك من محافظ مدينتك ولكن من مجرد ملازم في الجيش؟؟ |
سلام
اولا انا ما بعرف ليش نص الشباب مبعوصين من الاسلاميين ....... انا بقول انه حكم الله احسن من قانون البشر ومشان تعرفوا المحاكم باوربا وغيرها صخي |
المحاكم باوربا حرة ولكن كمان مانها عادلة بس احسن من بلادنا بكتييييييييير
وعلى فكرة لا يمكن انك تاخد السعودية مثال اسلامي لا ابدا لانه محاكمهم ما حرة .. المحاكم الاسلاميه لا يوجد لها مثال على الواقع للاسف حاليا |
اقتباس:
رؤسائي؟؟ لمجرد أني ناقشتك صرت عميل و مخبر و تابع ؟؟؟؟؟؟؟؟؟؟؟؟؟ بعد شوي بتكفرني و بتحلل دمي و بتعلق مشنقتي لأني (الآخر)!!!!!!!!!! ملاحظ التناقض بكلامك: كود:
أن نقبل كلنا ببعض ونحترم بعض بغض النظر عن المعتقد الفكري والعقائديكود:
انا مع الديموقراطيه للعظمو لي عودة قريبة |
اقتباس:
و الله الشعب السوري مسكين ....دخلك شو يعني كرامة :shock::shock: و لامرة حسيتها بسوريا !!! من المطار و انت نازل !!! |
اقتباس:
:D:D:D:D:D:D :D:D:D:D :D:D :D بدك كمان...... |
[quote=sona78;1053466]ما بعرف اذا الك تجربة مع السجناء السياسيين بس بحب قلك انو بعض السجانين ( اكيد قلال بس هاد لا يعني انو مو موجودين ) تعاطف جدا مع سجناء الراي
هي من ناحية يمكن صح بس لا تنسى انو ابن البلد هوي يلي جاب الاحتلال وعم يحتمي فيه يعني هوي ايضا سجان واتفه من يللي عنا لانو كمان خائن [quote][7- مجرد تساؤل هل تجرء الحكومة الأمريكية أن تمارس مامارستة في العراق على شعبها ؟؟ /QUOTE] برايك ليش؟؟ لانها ديمقراطية ؟؟؟؟؟ ولا لانها ما بتسترجي خوفا من شعبها ؟؟ بأكدلك انو ولا وحدة اقتباس:
حاجتك عاد الشغلي شغلة مبدأ قال شو استفادوا :sly: |
| الساعة بإيدك هلق يا سيدي 06:38 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون