أخوية
الصفحة 2 من 11 < 1 2 34567891011 >
عرض 40 مشاركة من هذا الموضوع في صفحة واحدة

أخوية (http://www.akhawia.net/forum.php)
-   عناوين الأخبار (http://www.akhawia.net/forumdisplay.php?f=71)
-   -   مقتل 25 سجين في سجن صيدنايا (http://www.akhawia.net/showthread.php?t=103938)

yass 05/07/2008 18:28
هوب هوب ... حذفنا ردين فيهون تبادل ورد و بوسات شوارب...


الرجاء البقاء في موضوع الخبر و عدم الخروج عنو الى هجوم شخصي أو ما شابه.. مشان ما نضطر نزعل من بعض


مشكورين

THE_unforgiven 05/07/2008 18:30
خلص بقا ولو .. مابدنا ننزع الصحبة .. بس قاعدين عم نتناقش بروية .. شبك قلبتلي اياها انتا والشباب خناقة .. خيو فسرلي وجهة نظرك بصراحة ووبإيجاز .. وأنا ببقى بناقشك كمان بهدوء ... ماحلو الزعل مشان موضوع ..

THE_unforgiven 05/07/2008 18:35
ومنبقى نحنا ولاد بلد واحد .. وانا كتير بحترم رأيك .. بس بتمنى ماتجرحني بالحكي وخلي المستوى يضل يليق بأخوية ... وانا من جهتي بعتذر إذا أذيتك بالحكي بس هديلي الوضع شوي ..

VivaSyria 05/07/2008 18:35
اقتباس:
كاتب النص الأصلي : yass (مشاركة 1049912)
هوب هوب ...
عجبتني هي حسيتك عم تئشر لشي باص على طريق حمص.. :larg:

VivaSyria 05/07/2008 18:40
اقتباس:
كاتب النص الأصلي : +++ THE PUNISHER +++ (مشاركة 1049914)
خلص بقا ولو .. مابدنا ننزع الصحبة .. بس قاعدين عم نتناقش بروية .. شبك قلبتلي اياها انتا والشباب خناقة .. خيو فسرلي وجهة نظرك بصراحة ووبإيجاز .. وأنا ببقى بناقشك كمان بهدوء ... ماحلو الزعل مشان موضوع ..
حبيب وجهة نظري وضحتلك ياها بالرد.. و هلأ برجع بلخصلك ياها.. المعتقلين غير المساجين.. يعني المعتقل هو الشخص يلي موضوع بمعتقل بسبب رأي أو فكر أو شي من هالقبيل.. عيب تطلق عليه صفة المجرم و تتمصخر عليه و تقول انو ملائكة و منهالحكي.. هاد بيجوز يكون انسان مثقف و واعي و بيحب بلدو ومن محبتو لهالبلد قال رأيو يلي ماعجب الحكومة..

ayhamm26 05/07/2008 18:41
وينك يا ابو دريد , لو كان هلق بسوريا كان هلق حفرلوا شي قبر جماعي بصيدنايا وما طلع من السجن حدا يخبر

phoenixbird 05/07/2008 18:43
مين ابو دريد؟

مسطول على طول 05/07/2008 18:44
اقتباس:
ما الذي حصل في سجن صيدنايا العسكري ؟

مصادر موثوقة تؤكد أن تسعة أعشار ما نقلته منظمات حقوق الإنسان السورية ووسائل الإعلام لا أساس له من الصحة

العصيان نفذه إرهابيون من جماعة " القاعدة " لجأوا إلى حرق مفروشات بتحريض من جهات خارج السجون

دمشق ، الحقيقة ( خاص) : تناقل بعض وكالات الأنباء والمحطات الفضائية عن بعض منظمات حقوق الإنسان السورية ، التي تعيش على الإشاعات ، أخبارا زعمت أن عصيانا وقع داخل سجن صيدنايا العسكري ( 25 كم شمال شرق دمشق) ، وأن عدد القتلى " بلغ العشرات ، وأن السجناء صعدوا إلى سطح السجن خوفا من القتل " .
غير الله مابيعرف شو عم يصير جوا السجن

بالنسبة لسجناء القاعدة وجند الشام هدول الهم اماكن مخصصة وممنوع زيارتهم او انو تسأل عنهم ,

اما الباقي من الي بيقلو عنهم ارهابيين هنن من الي طلعو ع العراق وفي نسبة كبيرة بمعرفة النظام وتشجيع منو , ولهلاء بتذكر قبل بداية الحرب على العراق كيف فتحت السفارة العراقية فجأة وستأجرة عشرات البولمانات ونظمت رحلات على ابو موزة ,

والشباب الي رجعو بعد سقوط النظام بلشو يشحطوهم ويستجبوهم شي طلع وشي ضل ,

ويلي ضل وجهولو تهمة "تعريض سوريا الأعمال عدائية" .. والاحكام كانت مخففة يعني مابين 3 لـ5 سنوات

phoenixbird 05/07/2008 18:44
طب شباب شو مشان موضوع الاسلاميين وانو هدول من القاعدة حسب ما قال ياس بالموضوع؟

ayhamm26 05/07/2008 18:48
اقتباس:
كاتب النص الأصلي : phoenixbird (مشاركة 1049928)
مين ابو دريد؟
له يا زلمي ما عرفتو, الدكتور رفعت الاسد سليل الحسب والنسب وقائد معركة سجن تدمر الشهيرة اللي اوقعت شي كم مية اخونجي رجعي انبطاحي عدو للثورة

مشان هيك تذكرتو هلق قلت لحالي لو كان موجود كان حل القصة بنص ساعة وقتل كل المساجين وخلص.

ayhamm26 05/07/2008 18:50
اقتباس:
كاتب النص الأصلي : phoenixbird (مشاركة 1049930)
طب شباب شو مشان موضوع الاسلاميين وانو هدول من القاعدة حسب ما قال ياس بالموضوع؟
في شغلة مشتركة بكل مصادر الاخبار وهي انو المعتقلين معن موبايلات
والغريب انو شلون معتقلين اسلاميين وبسوريا ومعن موبايلات , يعني متل ما بتعرفوا الواحد لما بتكون تهمتو دينية بيتوصوا في اكتر يعني ما عد اهلو بيعرفوا وين هو لحتى يقدروا يهربولو موبايل؟؟؟

phoenixbird 05/07/2008 18:56
اقتباس:
كاتب النص الأصلي : ayhamm26 (مشاركة 1049935)
في شغلة مشتركة بكل مصادر الاخبار وهي انو المعتقلين معن موبايلات
والغريب انو شلون معتقلين اسلاميين وبسوريا ومعن موبايلات , يعني متل ما بتعرفوا الواحد لما بتكون تهمتو دينية بيتوصوا في اكتر يعني ما عد اهلو بيعرفوا وين هو لحتى يقدروا يهربولو موبايل؟؟؟
هوي هي اللي ما فهمتا

THE_unforgiven 05/07/2008 18:58
مو هوي هادا اللي بيحط العقل بالكف ... لهيك عم قلكن روقو في إن بالموضوع ...

مسطول على طول 05/07/2008 19:03
اقتباس:
كاتب النص الأصلي : ayhamm26 (مشاركة 1049935)
في شغلة مشتركة بكل مصادر الاخبار وهي انو المعتقلين معن موبايلات
والغريب انو شلون معتقلين اسلاميين وبسوريا ومعن موبايلات , يعني متل ما بتعرفوا الواحد لما بتكون تهمتو دينية بيتوصوا في اكتر يعني ما عد اهلو بيعرفوا وين هو لحتى يقدروا يهربولو موبايل؟؟؟
المرة الماضية هيك صار طلعو موبايلات شرطة السجن , بقا اذا بجد ماسكين مدير السجن واربع ضباط فصار معهم كوشة موبايلات :adal:

ayhamm26 05/07/2008 19:06
صارت من فترة قصة شبيهه بالاردن لما السجناء عملوا تمرد و مسكوا مدير السجن وصوروا فيديو ومدري شلون هربوا الفيديو لبرا وصار هلق على اليوتيوب

phoenixbird 05/07/2008 21:03
بثت نيو تي في قبل شوي اتصال واحد من المعتقلين معها

YaSeR 05/07/2008 21:14
اقتباس:
كاتب النص الأصلي : phoenixbird (مشاركة 1050073)
بثت نيو تي في قبل شوي اتصال واحد من المعتقلين معها
شو حكا ؟؟؟

مسطول على طول 05/07/2008 21:14
لاتعليق رسمي الى الان :lol:

كأنوا الشغلة مو عنا ولحنا غلطانين اعلام خزيىء يئبر البي كلو شفافية


اقتباس:
كاتب النص الأصلي : phoenixbird (مشاركة 1050073)
بثت نيو تي في قبل شوي اتصال واحد من المعتقلين معها
اية شو حكا هاد الارهابي ؟


الساعة بإيدك هلق يا سيدي 07:22 (بحسب عمك غرينتش الكبير +3)
الصفحة 2 من 11 < 1 2 34567891011 >
عرض 40 مشاركة من هذا الموضوع في صفحة واحدة

Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.02773 seconds with 10 queries