بس سؤال فني
كيف شايفة الأنترنت بسوريا وتقبل الكمبيوتر عندك للأنترنت ؟

انا برايي اكبر نعمة انو عنا انترنت

يعني بتذكر من شي عشر سنين كنا اذا بدنا نفتح انترنت نشترك من لبنان

ونتكلف مكالمة دولية على لبنان

وبعدين اذا بتقعد اكتر من نص ساعة بيكشفوك انو عم تستخدم انترنت وبيقطعولك الخط

يعني انا شاهدة على عصر تطور الانترنت بسوريا

والله تطور

شو رأيك أذكرك بسنة 1918
كان هناك معملين نسيج
واحد بحلب والتاني بأميركا نسيان أسم المدينة
طبعا عبعطيك هالمعلومة بما أنه شاهدة على تطور الزمن

والله حتى ال ADSL بهوي .. قليل شو بيعطل وبيفصل ... مرت فترة كل اسبوع يتعطل يوم كامل

ومو هالسرعة يعني انا كان عندي 512 بس فعليا مو شامم ريحتها وابطا بكتير

هاد غير لما يعطل .. الله لا يوفقون ضليت 3 تيام فتلت الشام فتل وما حدا عرفان شو العطل كلو عم يتحزر
لحتى دفعتلون مصاري لحتى عرفو

يعني اذا قسنا الانترنت عنا على غير بلدان بيكون سيء

بس قارنو الانترنت عنا مع انترنت الصومال بتلاقو عنا جنة :p

والله من هالناحية معك حق بياخد العقل :p


شفتو بس اتطلعو من الزاوية الصح بيطلع معكون الامر ايجابي :o

شكرا للموضوع المهم,وندخل بصلب الموضوع وانا اخترت بهوي وبجدارة كمان , وكمان متل بقية الشباب والصبايا لوفي اسوء من بهوي كنت اخترتو وطبعا ليش بهوي؟
*اول شي انو الديل اب انقرض من نوعا ما بالبلدان الاجنبية وحتى بأكتر الدول العربية
* حتى الدي اس ال متل ماحكا ياسر نوعا ما وسط لأنو بمر ايام كتير بتروح اللان يعني مرة ضلينا شي اسبوعين ومافي اشارة بنوب وكان عطل من المقسم وحتى الدي اس ال مو متوفر يعني هلئ انا بدي اعمل اشتراك بمكان تاني وصل اخي معن لدفع 100 الف مشان يحسنو يدبرو بورت ومامشي الحال
* الاسعار نوعا ما غالية مقارنة مع دخل الفرد
* النقطة المهمة وهي حجب المواقع بحجة الضغط على الشبكة , هلئ انا بفهم انو انحجب موقع ما من اجل السياسة اما بس انو مشان الضغط على الشبكة هي اول سمعة , وهي بتنقاس على البنزين والكهربا انو بحجة الناس مشان توفر وماتستهلك كتير بيرفعو السعر , يعني مثلا انو مشان وفر الكهربا بروح بشمط فيش البراد كل ساعيتن او تلاتة مثلا .
واحلى سمعة طلعولنا فيا مشان الانترنت والضغط وما تم تنفيذ الفكرة بسبب تغيير الوزير المختص وهي كانت انو اشتراكات الدي اس ال رح تكون حسب الاستخدام يعني شريحة 512 مثلا بحقلك تعمل داون لود ل4 غيغا بالشهر كلشي فوق هيك بتدفع عليه اكسترا وكتير كمان
طبعا متل ماخبرتكن انو الحمد الله ماتم هالشي لأنو وقتا كان بصير الموضوع مسخرة والناس رح تضحك علينا

على الهامش : ياسر سلملي على المانيا

انا ما كتير عندي خبره باعتبار انو لما بنزل عسوريا اخر شي بكون بدي استخدمه هو النت لو ما في شـغل يتطلب ..
صوتت للاحتمال الوسط .. لانو اخر مرّه نزلت كان احسن بـكتتتتير و جـيد مقارنه بالمرّات اللي قبلها :gem:

شو هادا انترنت ؟!:?
عنا منو بسورية ليش !!!!:shock:
والله غريب ... ما تعرفنا عليه لهلأ ... ما بعرفو الله وكليكن !!!:pos:

مسـكه بيطلع فيها صـور بتـجمّع منها و بتربح ;) ..

حاجة تتكبرو هلأ الله بيعدمنا ياه :cry:

انو ضليتو تحكو على الانترنت لحتى قطعولي ياها اربع ساعات ورا بعضون :jakoush::jakoush::jakoush::jakoush:


انو يعني ليش حسدتونا؟؟؟؟ :jakoush: :jakoush::jakoush::jakoush:

يا جماعة انا ممكن خالف صاحب الموضوع لأنو قدح و ذم الميت ما بجوز.. لا تجوز على الميت إلا الرحمة :pos:
فلا تجيبو سيرة المرحوم :cry:

مشان الله لأ

ما خلصت من ياس و مخالفاتو طلعتلي انت :cry:

:cry:يعني بينبلع لانو احسن من انو ما يكون في انترنيت بالمرة

و انا هيك عم قول يعني الرمد أحسن من العمى ;)

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

هالكاركتير بزكرني بنسبه التصويت :lol: