يعني شو ممكن احكي او قول

مابتخلو لأي قصة مغزى اومعنى
كتيييييير بتخلوني اني اصاب بأحباط كبير من زمان ماانصبت فيه
مصدر الحكي مابقدر قوله

تانيا هدفي من كتابه الموضوع مو اني انا مع الشي المكتوب او ضده
ومو لأنو هي هية حقيقة العلمانية

سبب الكتابة طلب نقاش مع احد المشرفين واحد المنسقين وبعض الأعضاء ب أكتر من
نصف المقال ككل

انا قلت يتبع

وانا للأسف كنت ناوية تابع من اول ما بلشت لأني بالشغل كنت عم كش دبان ماكان في كتير شغل
فقلت ببلش بالموضوع يلي كنت عم فكر فيه من اكتر من شهر بس اجى شغل فجأة وتركت ومشيت
وما اتوقعت ارجع لاقي هيك ردود

بس ردودكم كتير مخزية وجارحة بصراحة كان فيكم تخلوا شوية احترام لألي على القليل اذا مو للمصدر


وتصبحوا على خير من ها الشي خسرنا مع الأمارات:cry:

حشت نشت انت بتعرف وجهة نظري للنصرانية ولازم كل الأخوة المسيحيين يعرفوا انها تخص ديان تانية غير المسيحية

انا كمان بيعرف الكل وجهة نظري بكافة الاديان وحتى بفكرة الله بحد ذاته بس ولا مرة قلت ( ما حتى اعترف بالفاتيكان بالاول )
مع اني ما بحب اعلق على الهامش بس اسلوب تمرير الحشكيل بالهامش ما بيعجبني :pos:

انا وعبقرا المقالات المحطوطة فوق كنت كلما اقرا سطر اقول : " هاد السطر لازمه اقتباس وتعليق "
فاكتشفت انه المقال كله لازمه اقتباس وتعليق لان واضح شقد الكاتب رؤيته بعيدة ( الكاتب الأصلي )

منتمنى يكون النقد بالموضوع
وأفكار الموضوع إن تقبل الخطأ أو الصواب ؟




على الهامش : لم أقرئه بعد

بنصحك تسارع بقرائته لأن كتير حيعجبك ضارب 2 ب 1

المسيحية والعلمانية بنفس الوقت

أصبح خلينا نقرأ شوي
وإذا في نقد مننقد بالموضوع
مو مندخل بالحيطان

جبرييل انت قديم بالمنتدى بس ليش ما تواجهنا لهلىء مابعرف مع انو شكلك بتحب المشاكل متلي:p

المهم انا وجهة نظريلجميع الأديان مو بس المسيحي معروفة

مو نقد ولا سب ولا تهجم اصلا انا مستحيل اقدر قرب لشخص موسى او عيسى عليهم السلام

وانا بعترف بالدين المسيحي كدين ومابنكره ومستحيل انكره لكن الفاتيكان حوله كتيييييييييير علامات استفهام مابدي احكي فيها حاليا

تحية:D

على الهامش كلشي شفت محششين بحياتي متل مالك ماشفت

بس للتوضيخ إنو كلنا منعرف مصدر الحكي... وصدقيني ماردينا عليكي لحتى جبنا مصدر الحكي و قرينا الموضوع كامل.. وحتى في شباب ماقبلو يردو عليكي حتى خلصو قراية الموضوع الكامل مو بس النص المقتبس.. و اذا بتحبي هلأ بحطلك رابط المنتدى يلي انتي نقلتي منو.. ورابط الموقع يلي المنتدى أخد منو المقال و يلي أكيد إنتي ماوصلتيلو.. فياريت ما تفكري انو المصدر سر..

و برجع بقلك ذكر مصدر المقال كان خدم مصداقيتك أكتر لسبب منون إنو ماكنتي بينتي بمظهر المتبني لهالفكر المتخلف.. و النقطه الأهم انك ماكنتي موفقة بإختيار عنوان المشاركة أبداً..
وعالهامش و بصؤاحه لما رجعت هلأ قريت ردودنا بالفعل يمكن قسينا عليكي شوي.. بس صدقيني انو هالشي مو لشخصك بس عن جد الموضوع كان مستفز.. موفقة :larg:

اقتباس:

التعريف : العلمانية وترجمتها الصحيحة : اللادينية أو الدنيوية ، وهي دعوة إلى إقامة الحياة على العلم الوضعي والعقل ومراعاة المصلحة بعيداً عن الدين وتعني في جانبها السياسي بالذات اللا دينية في الحكم ، وهي اصطلاح لا صلة له بكلمه العلم الوضعي والعقل ومراعاة المصلحة بعيدا عن الدين وتعني في جانبها بالذات اللادينية في الحكم ، وهي اصطلاح لا صلة له بكلمه العلم

ومو غلط هالشي ... بالعكس ربط الدين بالحكم والسياسة اكبر دليل على مدى فشل وجهل وتخلف وتزمت الحكومات اللي بتعتمد عالدين بسياستها بشكل كامل او جزئي ... والدليل على زالك ... اعظم الامبراطوريات والدول والحضارات ... قائمة عالعلمانية

اقتباس:

وقد ظهرت في أوربا منذ القرن السابع عشر وانتقلت إلى الشرق في بداية القرن التاسع عشر وانتقلت بشكل أساسي إلى مصر وتركيا وإيران ولبنان وسوريا ثم تونس ولحقتها العراق في نهاية القرن التاسع عشر . أما بقية الدول العربية فقد انتقلت إليها في القرن العشرين

أولاً العلمانية هية قناعة وليست ظاهرة من الظواهر الطبيعية او غير الطبيعية ... لحتى نقول انها ظهرت بالقرن كزا وانقرضت بالقرن كزا
والتانيا بهالتعقيب ... انو مين اول انسان انوجد ؟؟؟ آدم ؟؟؟ اي يا ستي ... ادم بزاتو كان عندو شي من العلمانية ... ومو بس ادم ... كل هالخلق ( بغض النظر عن دينهن ان كان دين معترف فيه عند الله كالاسلام او المسيحية او اليهودية او كدين ما معترف عليه عند الله كالبوذية وما الى زالك ) واكترهن تمسك وتعصب بشكل ايجابي او سلبي بدينهن عندن شيئ من العلمانية ... ومو بارادتهن الشغلة ... هالشغلة بتخلق معهن ... متل ما بيخلق الاحساس بالفرح او الجوع او النعس او الزعل او او او او .... بيخلق معهن احساس بالعلمانية ... بعض الاشخاص بيدركو هالاحساس وبيتجاهلو .. البعض بيدركو وبيعتمدو ... والبعض الاخر ... لا بيدركو ولا هم يحزنون

اقتباس:

ومدلول العلمانية المتفق عليه يعني عزل الدين عن الدولة وحياة المجتمع وإبقاءه حبيساً في ضمير الفرد لا يتجاوز العلاقة الخاصة بينه وبين ربه فان سمح له بالتعبير عن نفسه ففي الشعائر التعبدية والمراسم المتعلقة بالزواج والوفاة ونحوهما

.

وكمان برجع بقول مو غلط هالشي .... انو يعني الدين ما انوجد لنفاخرفيه قدام العالم ... ونقول انا متدين يا عالم شوفو ما احلاني... كل الاديان عبارة عن معتقدات وتقاليد شخصية مو اكتر ... فـ مو محتاجين اكتر من انو تكون علاقتكن مع ربكن خاصة ضمن هالدين هاد وضمن اماكن العبادة المخصصة

اقتباس:

تتفق العلمانية مع بعض الأديان في فصل الدين عن الدولة حيث لقيصر سلطة الدولة ولله سلطة الكنيسة وهذا واضح فيما ينسب للسيد المسيح من قوله

بالمقارنة بين الجملة الاولى باللون الاحمر وبين الجملة التانية باللون الاحمر كمان بقدر استنتج التالي ؟؟... انو مثلا الله كان نسيان هالشغلة عند المسيحية وصلحها عند الاسلام .؟؟؟ تدارك الوضع مثلا؟
بكل حال
في مقولة بالنسبة الي بعتبرها حكمة مثل عبرة ... او شو ما بدكن تسموها سموها.. الدين لله والوطن للجميع

اقتباس:

التأسيس وابرز الشخصيات : · انتشرت هذه الدعوة في أوربا وعمت أقطار العالم بحكم النفوذ الغربي والتغلغل الشيوعي . وقد أدت ظروف كثيرة قبل الثورة الفرنسية سنة 1789م وبعدها إلى انتشارها الواسع وتبلور منهجها وأفكارها وقد تطورت الأحداث وفق الترتيب التالي : - تحول رجال الدين إلى طواغيت ومحترفين سياسيين ومستبدين تحت ستار الاكليريوس والرهبانية والعشاء الرباني وبيع صكوك الغفران - وقوف الكنيسة ضد العلم وهيمنتها على الفكر وتشكيله ا لمحاكم التفتيش واتهام العلماء بالهرطقة ، مثل: 1-كوبرنيكوس : نشر عام 1543م كتاب حركات الأجرام السماوية وقد حرمت الكنيسة هذا الكتاب . 2- جرادانو:صنع التلسكوب فعذب عذاباً شديداً وعمره سبعون سنة وتوفي سنة 1642م. 3-سبينوزا : صاحب مدرسة النقد التاريخي وقد كان مصيره الموت مسلولاً . 4- جون لوك : طالب بإخضاع الوحي للعقل عند التعارض . ظهور مبدأ العقل والطبيعة : فقد اخذ العلمانيون يدعون إلى تحرر العقل وإضفاء صفات الإله على الطبيعة . - الثورة الفرنسية : نتيجة لهذا الصراع بين الكنيسة وبين الحركة الجديدة من جهة أخرى ، كانت ولادة الحكومة الفرنسية سنة 1789م وهي أول حكومة لا دينية تحكم باسم الشعب . وهناك من يرى أن الماسون استغلوا أخطاء الكنيسة والحكومة الفرنسية وركبوا موجة الثورة لتحقيق ما يمكن تحقيقه من أهدافهم . - جان جاك روسو سنة 1778له كتاب العقد الاجتماعي الذي يعد إنجيل أ الثورة ، مونتسكيو له روح القوانين , سبينوزا ( يهودي) يعتبر رائد العلمانية باعتبارها منهجا للحياة والسلوك وله رسالة في اللاهوت والسياسة ، فولتير صاحب القانون الطبيعي كانت له الدين في حدود العقل وحده سنة 1804م ،وليم جودين 1793م له العدالة السياسية ودعوته فيه دعوة علمانية صريحة . - ميرابو : الذي يعد خطيب وزعيم وفيلسوف الثورة الفرنسية . - سارت الجموع الغوغائية لهدم الباستيل وشعارها الخبز ثم تحول شعارها إلى ( الحرية والمساواة والإخاء ) وهو شعار ماسوني و( لتسقط الرجعية ) وهي كلمة ملتوية تعني الدين وقد تغلغل اليهود بهذا الشعار لكسر الحواجز بينهم وبين أجهزة الدولة وإذابة الفوارق الدينية وتحولت الثورة من ثورة على مظالم رجال الدين إلى ثورة على الدين نفسه . - نظرية التطور : ظهر كتاب أصل الأنواع سنة 1859م لتشارز دارون الذي يركز على قانون الانتقاء الطبيعي وبقاء الأنسب وقد جعلت الجد الحقيقي للإنسان جرثومة صغيرة عاشت في مستنقع راكد قبل ملايين السنين ، والقرد مرحلة من مراحل التطور التي كان الإنسان آخرها . وهذا النظرية التي أدت إلى انهيار العقيدة الدينية ونشر الإلحاد وقد استغل اليهود هذه النظرية بدهاء وخبث . - ظهور نيتشه :وفلسفته التي تزعم بأن الإله قد مات وأن الإنسان الأعلى (السوبر مان ) ينبغي أن يحل محله . - دور كايم ( اليهودي ) : جمع بين حيوانية الإنسان وماديته بنظرية العقل الجمعي . - فرويد ( اليهودي ) :اعتمد الدافع الجنسي مفسرا لكل الظواهر .والإنسان في نظره حيوان جنسي - كارل ماركس ( اليهودي ) : صاحب التفسير المادي للتاريخ الذي يؤمن بالتطور الحتمي وهو داعية الشيوعية ومؤسسها والذي اعتبر الدين أفيون الشعوب . - جان بول سارتر : في الوجودية وكولن ولسون في اللامنتمي : يدعوان إلى الوجودية والإلحاد

قبل ما احكي اي رد ... برجع بقول متل ما قلت قبل شوي .... العلمانية لا هية ظاهرة ولا هية منظمة لنقول ظهرت وتأسست ونتائجها واهدافها .. وكل هالعلاك المصدي هاد

وانتي زكرتي هون انو العلمانية ادت لاحداث ...بتضطهد الاديان فانو :

بهيك ظرف ... ما منحط الحق عالعلمانية ... ما دخل العلمانية بهيك قصة ... الغلط من هالعقلية البشرية اللي فسرت العلمانية بشكل غلط ... او بالاحرى فسرت العلمانية متل ما بدها وبعدت عن مفهومها الحقيقي
متلها متل اي مسلم او مسيحي متعصب لدينو بدرجة ... بتوصل لحد الفظاعة والتخلف والجهل ... كمان هيك العلمانية ... كلهن معرضين لنفس الظروف

اقتباس:

¨ بعض العلمانيين ينكر وجود الله أصلاً

كتير حلو الاعتراف ... بالـ بعض يعني في بالموضوع ... البعض الاخر وكلمة البعض بحد ذاتها دليلة عالـ قلة الكمية ... (( نتيجة للـ لاوعي طبعا )) لو مو دليل عالقلة لكان كاتب المقال ذكر كلمة الأغلبية بدال البعض .

اقتباس:

¨ وبعضهم يؤمنون بوجود الله لكنهم يعتقدون بعدم وجود آية علاقة بين الله وبين حياة الإنسان .

شرحو

اقتباس:

¨ الحياة تقوم على أساس العلم المطلق وتحت سلطان العقل والتجريب .

هلئ الانسان الذكي طبعا بكل حال ... ما بيقدر الا انو يستخدم عقلو ليحلل الاحداث والاشياء ... بس انو معلش تفسيرلي هالجملة اكتر .. بما انك قارئة للموضوع وفاهمتيه ومقتنعة فيه .؟؟؟

اقتباس:

¨ إقامة حاجز بين عالمي الروح والمادة والقيم الروحية لديهم قيم سلبية .

كمان ازا بتتوضح معك هالجملة مع الي فوقها بتكوني فضلتي عمخي من فوق

اقتباس:

¨ فصل الدين عن السياسة وإقامة الحياة على أساس مادي .

عملو عين العقل بهالشي

اقتباس:

¨ تطبيق مبدأ النفعية على كل شيئ في الحياة . ¨ اعتماد مبدأ الميكافيلية في فلسفة الحكم والسياسية والأخلاق .

هدول الجملتين ازا بتضميهن للجملتين اللي قبلهن واللي لازمهن شرح .. ما بظن ياكلو من وقت كتير ... طالما فاهمة تماما للقصد من الموضوع

اقتباس:

¨ نشر الإباحة والفوضى الأخلاقية وتهديم كيان الأسرة باعتبارها النواة الأولى في البنية الاجتماعية.

انو مثلا ... فيني افهم شو غايتهم من نشر هالاباحة والفوضى الاخلاقية وتهديم كيان هالاسرة المعترة المسكينة المنتوفة ...... بما انها النواة الاولى للمجتمع .... يعني انو لشو بدهن يوصلو مثلاً ... جربتي تسالي حالك ... اكيد جربتي ... هاتي لشوف شو طلع معك :lol:

اقتباس:

أما معتقدات العلمانية في العالم الإسلامي والعربي التي انتشرت بفضل الاستعمار والتبشير فهي :

اقتباس:

¨ الطعن في حقيقة الإسلام والقرآن والنبوة ¨

هدول الجماعة يمكن حكيت عنهن فوق انا ... يعني اللي هني ما عبارة الا عن نموذج للفهم الخاطئ لمفهوم العلمانية مو اكتر

اقتباس:

الزعم بان الإسلام استنفذ أغراضه وهو عبارة عن طقوس وشعائر روحية

هلئ على اعتبار اني علماني ... ما قدرت افهم ... شو كانت اغراضه للاسلام ليش ؟؟ وبعدين الدين بشكل عام مو بس الاسلام انو هوي عبارة عن شو غير طقوس وتقاليد وشعائر منتظمة؟

اقتباس:

¨ الزعم بان الفقه الإسلامي مأخوذ عن القانون الروماني .

كان المفروض بهالفلهوي العظيم اللي كاتب هالمقالة هي ... انو مشان نفهمها بقدر كبير لمقالتو ... يحطلنا هامش صغير باخر الصفحة من تحت كرمال الجاهلين متلي ... يشرحلنا بشكل موجز ... وبشكل ما بيتعد ال 10 او 20 كلمة ... شو هوي القانون الروماني

اقتباس:

¨ الوهم بأن الإسلام لا يتلاءم مع الحضارة ويدعو إلى التخلف

مع احترامي لجميع الاديان ... لكن بتفق معو بهالنقطة .. مو بس الاديان ... كل هالاديان اللي انوجدت ... لا تخلو من التخلف والجهل والتعصب لفكرتو ولو بشكل بسيط او كبير

اقتباس:

¨ الدعوة إلى تحرير المرأة وفق الأسلوب الغربي

مع انو ما بشوف غلط بالمرأة الغربية .... بس انو يعني شبو الاسلوب الغربي ؟

اقتباس:

¨ إحياء الحضارات القديمة

وين الغلط بهالشي ؟؟؟ .... انو يعني بحياتي ما سمعت بشخص متدين بيرفض مقولة "اللي مالو قديم مالو جديد " ... فيعني وين الغلط بهالشي ؟

اقتباس:

¨ اقتباس الأنظمة والمناهج اللادينية عن المغرب ومحاكاته فيها

ماني شايف عيب بهالشي :?

اقتباس:

¨ تربية الأجيال تربية لا دينية .

هون في شغلة دايما بتطن براسي ... حابب ازكرها ... بس قبل ما ازكرها بحب نوه انو لما عمقول فلان مسلم وفلان مسيحي ... مو القصد انو اتعرض لهالدين او لهالدين ... انما لمجرد التوضيح مو اكتر :
انو اي شخص مسلم مثلا تزوج وجاب هالولد .... يعني ليش مفروض عليه انو يبقى مسلم ... طيب بركي بعد ما وعي هالولد واكتمل نمو مخو بدو يكون مسيحي هالشب ما بدو يضل مسلم ... بدو يصير علماني ... انو لازم نقول عنو مسلم بس لانو ابوه مسلم ؟؟؟
فلزالك انا بفضل التربية اللادينية ... او ما عندي مانع ازا هالجيل تدرس منهاج الاديان كلها ليختار اللي بناسبو واللي بيخليه يحس انو هو اقرب لربو فيه

اقتباس:

· إذا كان هناك عذر لوجود العلمانية في الغرب فليس هناك أي عذر لوجودها في بلاد المسلمين لأن الأنسان الغير متدين إذا حكمه قانون مدني وضعي لا ينزعج كثيراً ولا قليلا لأنه لا يعطل قانون فرضه علية دينه وليس في دينه ما يعتبر منهجا للحياة ، أما مع المتدين فالأمر مختلف حيث يوجب عليه إيمانه الاحتكام لشرع الله . ومن ناحية أخرى كما يقول الدكتور يوسف القرضاوي – فإنه إذا انفصلت الدولة عن الدين بقي الدين المشوه قائما في ظل سلطته القوية الفتية المتمكنة وبقيت جيوش من الراهبين والراهبات والمبشرين والمبشرات تعمل في مجالاتها المختلفة دون أن يكون للدولة عليهم سلطان بخلاف ما لو فعلت ذلك دولة إسلامية فأن النتيجة أن يبقى الدين بغير سلطان يؤيده ولا قوة تسنده حيث لا بابوية ولا كهنوت ولا اكلريوس

عليي الحلال هالقرضاوي اقنعني بشكل فظيع :lol:

إيواه طيب معناها إذا سمحتي شوفيلي هون:


أنو ما فهمت أنو إي واذا يهودي يعني...

_(:aah::خاين..عميل..زئبقي..انبطا حي)

_شبك سمايلي فاير دمك!...شبك.. ليش انبحتت عليي هيك منقول يعني أنو وإذا يهودي...

_(:aah::خاين..عميل..زئبقي..انبطا حي)

_أعوذ بسعدو...

_(:aah::خاين..عميل..زئبقي..انبطا حي)

_يلعن *** مانك حافظ غير هالأربع كلمات:sly:...


المهم شو معناها هاي؟؟؟

اقتباس:

حتى ما يصير زعل و سوء تفاهم ... عندي بعض الملاحظات ..

مافي زعل اكيد وخاصة هووون

اقتباس:

طالما انتي رايك مو من رأي صاحب المقال ... ليش نزلتي المقال ؟

لأني بصراحة كنت بدي استعدعي yass و sezar و black و gabriel لطاولتي المستديرة
للنقاش بهاد الموضوع وكنت بدي اكتب العلمانية من وجهة نظر اكتر من كاتب
وقارن بيناتهم بس انا لفت انتباهي رأي ابو دجانة للعلمانية وكتير كمان

اقتباس:

نصيحة أخوية مني .... اذا تحبين نشرح لك العلمانية بنفسنا احسن !

بحبش بمواضيعي عن العلمانية بتلاقي جواب لردك

ولو استنيتو فقط بضع ساعات لكان هلىء بين ايديكم احلى نقاش عن العلمانية
وكنتوا غيرتو اغلب افكاركم عنها
بس انا كل مرة بقول اخوية تغيرت في بصيص امل بس مافي امل ( امل اتزوجت من زمان)

بس طلعت غلطانة لما فكرت انو في ناس بيتناقشو

لما عن نقول يهودي اكيد نحنا ماعم نسب نحنا بس عم نعرف انو ها الكاتب هاد يهودي يعني افكاره وآراءه اكيد مشتقه من دينه الماسوني للتنويه بس

اذا انت معتبر يهودي مسبه انا شو دخلني;)

الماسونية دين :?

و تاني شي ما قريت الموضوع كلو

يعني يا اخ او اخت طالب انو ما يكون في رد استفزاي او خناق وبنفس الوقت كل الكلام استفزازي وقاصر وفيو يعني مو تعصي لا فيو تغييب للعقل ع شاكلة ( المفكرين ) الاسلام ولو بستغرب كيف بيفكروت باعتبار انو الاسلان والقران فكروا من زمان وحطوا قوانين وعلوم تنفع لكل زمان ومكان ع زعمون .صراحة انا ما اقدرت اقرا المقالة كلها بركيو لانو تضييع وقت بس يعني يلي ما عم افهمو ابدا انو ليش يس المفكرين يلي اصلون يهودي اشار الكاتب لاصلون ليش ما قال مثلا فلان المسيخي ممكن يرد ع هيدا السؤال؟؟؟؟ صراحة شي فعلا مسخرة.

عفوا يعني.. عفوا عفوا... بس انتي تناقشي لحتى تحكمي اذا اللي ذكرتي أسمائهم بيناقشو أو لأ؟ يعني تحطي مقالة توصم العلمانية بالانحلال الأخلاقي و تقوليلي نقاش و هلأ بدك تجي بمظهر الضحية على يد المتخلفين اللي ما يناقشو؟

لو حدا جايب مقالة لوفاء سلطان و كاتب عنوانها "حقيقة الاسلام" شو كان صار؟

و عالهامش: بسبب معرفتي لطريقتك بـ"النقاش" و احترامك للرأي الآخر و لهالمنتدى ككل... ما بيسوئني بنوب انو تقولي عني (ع اعتبار ذكرتيني فوق) اني ما بناقش... لأنو مصطلح النقاش واضح انو مختلف... أنا ما بغلط عالعالم و لما العالم ترد أجي اعملهون عايلين علي

لاء مو دين هي حزب

بس مافيك ماتنكر انه مبادئها مشتقة من الديانة اليهودية المتحرفة اكيد