أخوية

أخوية (http://www.akhawia.net/forum.php)
-   رسم و تصوير (http://www.akhawia.net/forumdisplay.php?f=60)
-   -   حــوارات فـنيّه .. (http://www.akhawia.net/showthread.php?t=102819)

The morning 13/07/2008 20:40

اقتباس:

كاتب النص الأصلي : M i i i D O (مشاركة 1059030)
بس احترم الفنان لـ شخصو ... تسؤ

:D

طيب هون بدي اطرق لكونك احد المشتركين بمسابقه اخويه للرسم و التصوير و اجري بعض المقارنه ..
انت عم تشارك لتربح و راضي تدخل مسابقه و مقارنه عالمركز الاوّل - حتى و ان لم يكن الهدف الرئيسي - ..
انت عم تستخدم احساسك ضمن شروط لتسمع اغنيه و ترسم بناء عليها لوحه و رح تاخد جائزه على ذلك ..
فكـيف بتشفلي هالحاله مقارنه مع حاله الفنان اللي حضرتك قلت ما بتحترمه ؟؟ :sly:

whiterose 13/07/2008 20:44

اقتباس:

كاتب النص الأصلي : M i i i D O (مشاركة 1059014)
شو الفايدة ازا الكاتب كتب الكتاب .. وصمدو عندو بالبيت .. ؟؟ من وين رح يعمل اسم ؟؟ من وين رح ينعرف الكتاب ؟ اما الفنان التشكيلي ( رسم - تصوير ) مانو مضطر يبيع كل لوحة بيرسمها ... والفنان بيعمل اسمو من لوحاتو .. بمعرض مثلاً ... بس مو ضروري كل معرض يطلع منو الفنان مجنط من كل لوحاتو .. يعني النقطة الي بدي اوصلها ... المعارض التشكيلية ما انوجدت بس لبيع اللوحات ... وجودها الاساسي ... لاظهار هالفنان .. وتوجهاتو الفنية

انا معك ميدو بهي النقطة وبقوة

بس اذا واحد مشحتر وفنان تشكيلي وعميدفع 3 و4 الاف ليشتري الوان وورق رسم
ويرسم لوحة حلوة

بيقعد بلا اكل وشرب ولبس



على الهامش
عم قول لحالي ليش الرسامين مبهدلين وبيقعدوا بنص الشارع
وشعرون طويل وتيابون كلها الوان

طيب والرسام يلي ماببيع لوحته ياترى بيضل عنده ببيته حيط فاضي

..AHMAD 13/07/2008 20:44

اقتباس:

طيب هون بدي اطرق لكونك احد المشتركين بمسابقه اخويه للرسم و التصوير و اجري بعض المقارنه ..
انت عم تشارك لتربح و راضي تدخل مسابقه و مقارنه عالمركز الاوّل - حتى و ان لم يكن الهدف الرئيسي - ..
انت عم تستخدم احساسك ضمن شروط لتسمع اغنيه و ترسم بناء عليها لوحه و رح تاخد جائزه على ذلك ..
فكـيف بتشفلي هالحاله مقارنه مع حاله الفنان اللي حضرتك قلت ما بتحترمه ؟؟
مو زابط معك التشبيه

النئطة الاولى

لوحتي اللي رسمتها رح تنعرض للعالم بدون مقابل
لوحتو اللي رسمها رح تنعرض للعالم بمقابل
الجوائز تبع المسابقة معنوية مش اكتر
ولو بدك تقولي عني كزاب وكنت بتمنى انو هالنقاش يكون بعد نتائج المسابقة
بس لو الجائزة مادية ... ان كانت قيمتها كبيرة او صغيرة ... رح ارفضها
بالنسبة لاسمع غنية وعلى اساسها ارسم اللوحة ... فإستخراج فن من فن تاني ... مو غلط ... وبظن بيطلع احلى .. لم اتصور شي مو ملموس ... شي ماني شايفو قدامي لارسمو

بالاخير ... انا عمنافس عالمركز الأول او التاني او الاخير حتى بــــــــــدون مقابل :D

..AHMAD 13/07/2008 20:48

اقتباس:

انا معك ميدو بهي النقطة وبقوة

بس اذا واحد مشحتر وفنان تشكيلي وعميدفع 3 و4 الاف ليشتري الوان وورق رسم
ويرسم لوحة حلوة

بيقعد بلا اكل وشرب ولبس

انا هدول ما بلومهن ولو باعو كل لوحاتن

بس برجع للمرة المية بعيد:yahoo:

هدول عميبيعو لحاجتهن

انا اللي بيفورني .. وبيخليني احتقرهن ... فنانين مانهن بحاجة لبيع هاللوحات ومع زالك بيبيعو ... بســــــ ليساوو اسم مادّي ... .وما بيطول هالاسم

اقتباس:

على الهامش
عم قول لحالي ليش الرسامين مبهدلين وبيقعدوا بنص الشارع
وشعرون طويل وتيابون كلها الوان

طيب والرسام يلي ماببيع لوحته ياترى بيضل عنده ببيته حيط فاضي
ليكني انا رسام وقمة الاناقة وبقعد عالكرسي بنص بيتي وشعري عالصفر وتيابي نضيفة :p
ومع انو حالتي المادية مو كتير قوية
بس لسا ما وصلت للمرحلة اللي بيكون بس الرسم فيها هوي مصدر رزقي :D

The morning 13/07/2008 20:50

اقتباس:

كاتب النص الأصلي : whiterose (مشاركة 1059029)
الجدير بالذكر هنا
لو احتفظت الكاتبة احلام مستغانمي بكتاباتها في خزانتها
هل كانت الناس قالت عنها أنها أديبة كبيرة

لو احتفظ ليوناردو دافنشي بلوحة الموناليزا في خزانته هل قالت به العالم
كنت انا ومن انا ذكرته الآن..

خطرلي في سـياق الاحتفاظ بالاعمال فانو في غضب من ناحيتي انا شخصيا :pos: .. على اليونان ..
الفنون اليونانيه الموجوده اليوم هي فنون رومانيه الصنع تقليدا للفنون اليونانيه الاصليه .. و مازال البحث جاري عن المنحوتات الاصليه .. حيث انو باليونان قررو يدفنو كل فنونهم و بذلك يرجع الفضل للرومان اليوم اننا بنعرف عن اليونان ما نعرفه لولا ذلك ما كان تم بلوره ايّ فكره تتعلق بالفنون اليونانيه براسنا..
الله يصلحهم :pos: ..

بكل الاحـوال انا برجع بقول اني ضد انو يتحوّل الفن لمجرّد وسـيله كـسب لكن مش ضد انو يـكسب الفنان من خلال اعماله ..

:D

..AHMAD 13/07/2008 20:51

اقتباس:

بكل الاحـوال انا برجع بقول اني ضد انو يتحوّل الفن لمجرّد وسـيله كـسب لكن مش ضد انو يـكسب الفنان من خلال اعماله ..



هي الجملة اللي صرلي ساعة بالزبط عمدور عليها وما كانت تتلاقى :D

whiterose 13/07/2008 20:53

ميدو انت هاوي
انا مابعرف اذا انت عم تدرس الرسم او شي

بس انت لسه باول الطريق يعني لسه بالخطوة اولى
بكرى اذا الله راد
وانشهرت مابتعرف يمكن تصير تبيع لوحاتك ممكن لهدف مادي وممكن لهدف ترويج اسمك
يعني نحنا ببلد الناس بالها مشغول كيف ممكن تعيش وشو تاكل اليوم

مو بالها تحضر معارض
لهيك للأسف بافخم المعارض يلي بتصير لأكبر فنانين بتلاقي الرواد شي ببكي

The morning 13/07/2008 20:56

اقتباس:

كاتب النص الأصلي : M i i i D O (مشاركة 1059055)
مو زابط معك التشبيه

النئطة الاولى

لوحتي اللي رسمتها رح تنعرض للعالم بدون مقابل
لوحتو اللي رسمها رح تنعرض للعالم بمقابل
الجوائز تبع المسابقة معنوية مش اكتر
ولو بدك تقولي عني كزاب وكنت بتمنى انو هالنقاش يكون بعد نتائج المسابقة
بس لو الجائزة مادية ... ان كانت قيمتها كبيرة او صغيرة ... رح ارفضها
بالنسبة لاسمع غنية وعلى اساسها ارسم اللوحة ... فإستخراج فن من فن تاني ... مو غلط ... وبظن بيطلع احلى .. لم اتصور شي مو ملموس ... شي ماني شايفو قدامي لارسمو

بالاخير ... انا عمنافس عالمركز الأول او التاني او الاخير حتى بــــــــــدون مقابل :D

ما رح ادخل لتفاصيل لكن انت ما فهمت قصدي من المقارنه بشكل تمام ..
قصدت انّو عم ينفرض عليك طبيعه الاحسااس ..
انت الفنان اللي عم تحكي عليه هو البرامج الالكترونيه مش عم تحكي عن انسان !!
طرحك نظري لا يوجد فنان بالدنيا لا يحب ما يبدعه و يستغل الفن استغلال تام و يمصّه مصّ بالطريقه اللي عم تقولها الانسان هو شي قابل للحركه ضمن المجالات .. انت عم تفترض انو هو فنان سيئ - مش مهنيا انما شخصو سيئ - و هون اعترض و بشدّه ..
الدكتور عملو انساني لكنّه يتقاضى اجر على ذلك و مع ذلك ما بنلومه لكن الفنان اذا كان يعمل و يبيع بنحاربه و بندعي انه يتخلى عن مبادئه ..

..AHMAD 13/07/2008 20:58

اقتباس:

ميدو انت هاوي
انا مابعرف اذا انت عم تدرس الرسم او شي
عمادرسو اكاديمياً حالياً ... بمعهد ادهم اسماعيل ازا سامعة فيه

اقتباس:

بس انت لسه باول الطريق يعني لسه بالخطوة اولى
بكرى اذا الله راد
وانشهرت مابتعرف يمكن تصير تبيع لوحاتك ممكن لهدف مادي وممكن لهدف ترويج اسمك

مشكلتي .. اني بعرف حالي .. من الناس الي مستحيل تتغير ... والايام بتثبت هالشي

اقتباس:

يعني نحنا ببلد الناس بالها مشغول كيف ممكن تعيش وشو تاكل اليوم
مو بالها تحضر معارضلهيك للأسف بافخم المعارض يلي بتصير لأكبر فنانين بتلاقي الرواد شي ببكي

بهي معك انا .. لهيك بتلاقي اغلب عظماء الفن عنا .. خيرهن لبرّا

:D

..AHMAD 13/07/2008 21:02

اقتباس:

ما رح ادخل لتفاصيل لكن انت ما فهمت قصدي من المقارنه بشكل تمام ..
قصدت انّو عم ينفرض عليك طبيعه الاحسااس ..
انت الفنان اللي عم تحكي عليه هو البرامج الالكترونيه مش عم تحكي عن انسان !!
طرحك نظري لا يوجد فنان بالدنيا لا يحب ما يبدعه و يستغل الفن استغلال تام و يمصّه مصّ بالطريقه اللي عم تقولها الانسان هو شي قابل للحركه ضمن المجالات .. انت عم تفترض انو هو فنان سيئ - مش مهنيا انما شخصو سيئ - و هون اعترض و بشدّه ..
الدكتور عملو انساني لكنّه يتقاضى اجر على ذلك و مع ذلك ما بنلومه لكن الفنان اذا كان يعمل و يبيع بنحاربه و بندعي انه يتخلى عن مبادئه ..
بما انك تطرقتي لعدة مجالات ... ووصلتي للدكتور

فيكي تقوليلي كم دكتور تجاري موجود
او بالاحرى كم دكتور عميمارس دكترته كرمال جيبتو

يعني ما عاد صار دكتور لخدمة الطب .. ولخدمة المريض... صار دكتور لخدمة جيبتو
فيكي تبرهنيلي عكس انو كتير دكاترة فاتو عمهنة الطب عمبدأ ( بتقص عملة دهب من وراها )

هلئ هون يمكن بعدت شوي عن النسق الاساسي اللي هوي الفن لانو ما بيشبه الطب
الطب بيعتمد عالخبرة
الفن بيعتمد عالابداع والخيال الواسع

:D

The morning 13/07/2008 21:02

اقتباس:

كاتب النص الأصلي : whiterose (مشاركة 1059070)
ميدو انت هاوي
انا مابعرف اذا انت عم تدرس الرسم او شي

بس انت لسه باول الطريق يعني لسه بالخطوة اولى
بكرى اذا الله راد
وانشهرت مابتعرف يمكن تصير تبيع لوحاتك ممكن لهدف مادي وممكن لهدف ترويج اسمك
يعني نحنا ببلد الناس بالها مشغول كيف ممكن تعيش وشو تاكل اليوم

مو بالها تحضر معارض
لهيك للأسف بافخم المعارض يلي بتصير لأكبر فنانين بتلاقي الرواد شي ببكي

انا فهمانه على ميدو فكرتو و يمكن نكون بنتفق ببعض الجوانب لكن اللي عم اعترض عليه هو الطرح الغير موضوعي - بنظري - لفكره لفنان ..
اتصور ميدو بيقصد لما الفنان بينعطالو صوره و بقلو رسملنا هي اللوحه و بيرسمها و بيتقاضى عليها اجر .. هاد النوع انا يصيبني بالاحباط :sick: ..
و النوع التاني هو اللي بيرسم لوحه و هو قاعد و صافن و بعدين ببيع اللوحه - هذا النوع جـيد ..

لكن اللي جنني وقت قال لا يحترمه و مابعرف شو بلّش يوزع شهادات من جيبته :frown: ..

عني شـخصيا ارفض - مبدئيا بما اني مرتاحه ماديا -اني بيـع اعمالي لانو متل ما بقول بيكاسو .. الرسم طريقه اخرى لكتابه المذكرات و لا ارى انو مزكراتي حاليا قابله للبيع بأي شكل :frown: ..

whiterose 13/07/2008 21:04

معهد ادهم اسماعيل

الله يسامحك معقول انا روز ما اعرف معهد ادهم اسماعيل:frown:

..AHMAD 13/07/2008 21:08

اقتباس:

اتصور ميدو بيقصد لما الفنان بينعطالو صوره و بقلو رسملنا هي اللوحه و بيرسمها و بيتقاضى عليها اجر .. هاد النوع انا يصيبني بالاحباط ..
و النوع التاني هو اللي بيرسم لوحه و هو قاعد و صافن و بعدين ببيع اللوحه - هذا النوع جـيد ..

كمان في نوع تالت .... كمان بيصفن وبيصفن وبيابدع باللوحة .... كرمال بس البيع ثم البيع ثم البيع .. هاد ما بقدر احترمو انا ... بجوز كل العالم يحترموه وانا ما احترمو

لانو كل شخص عندو نظرتو للفن

اقتباس:

لكن اللي جنني وقت قال لا يحترمه و مابعرف شو بلّش يوزع شهادات من جيبته ..

ما وصلك شي شهادة من هالشهادات الي وزعتها من جيبتي :lol:

اقتباس:

عني شـخصيا ارفض - مبدئيا بما اني مرتاحه ماديا -اني بيـع اعمالي لانو متل ما بقول بيكاسو .. الرسم طريقه اخرى لكتابه المذكرات و لا ارى انو مزكراتي حاليا قابله للبيع بأي شكل ..
اي وانا برفض .. مع اني مو مرتاح مادياً ... بس في الف وسيلة للكسب غير الرسم وبيع الرسومات .. بس ينسد الطريق بوجهي .. ولما ما اقدر لاقي ولا شغل .. ولما افقد كل مصادر الرزق .... وقتها ممكن فكر .. اني بيع لوحاتي كرمال عيش ... وهاد النوع زكرت اني ما برفضو ولا بعارضو

:D

The morning 13/07/2008 21:11

اقتباس:

كاتب النص الأصلي : The morning (مشاركة 1059063)

بكل الاحـوال انا برجع بقول اني ضد انو يتحوّل الفن لمجرّد وسـيله كـسب لكن مش ضد انو يـكسب الفنان من خلال اعماله ..

:D

اقتباس:

كاتب النص الأصلي : M i i i D O (مشاركة 1059068)

هي الجملة اللي صرلي ساعة بالزبط عمدور عليها وما كانت تتلاقى :D

هلئ بما انو متفقين بالفكره فعشو مختلفين حاليا :? ؟!

..AHMAD 13/07/2008 21:14

اقتباس:

هلئ بما انو متفقين بالفكره فعشو مختلفين حاليا ؟!
مو على شي ... مع انو صاحبين العلاقة ( محمد - وايتروز ) المفروض يتناقشو بين بعض ما تناقشو :lol:

فيكي تسكري عالموضوع ( مو تسكري الموضوع .. في فرق :p ) ازا ما ضل شي للنقاش

:D

The morning 13/07/2008 21:20

اقتباس:

كاتب النص الأصلي : M i i i D O (مشاركة 1059120)
مو على شي ... مع انو صاحبين العلاقة ( محمد - وايتروز ) المفروض يتناقشو بين بعض ما تناقشو :lol:

لا نهائيا الموضوع ما انطرح كرمال محمد و وايت روز بس انا عم استغل افكار الاعضاء و تاجر فيها عهالموضوع :lol: ..
اقتباس:


فيكي تسكري عالموضوع ( مو تسكري الموضوع .. في فرق :p ) ازا ما ضل شي للنقاش

:D
دائما في شي جديد للنقاش مو :sly:؟

Abu ToNi 14/07/2008 21:24

اقتباس:

كاتب النص الأصلي : محمد ابراهيم (مشاركة 1058523)
الله وكيلك فورتي دمي وعصبت

لما بتحكي عن الفن ما تجيبي سيرة المصاري لانو الفن لايقدر بثمن .

ولاك كابي فنّك لا يقدر بثمن (لذلك لا تدني من فنّك منشان المصاري)

متل ما اتفقنا يعني ولا تدير بالك باي حكي عن المصاري
من شو بتشكي ال 50 ليرة مع الكارت ؟؟؟ انتا قلت انو اقل من 30 بتقبل مني ومع الكارت كمان .

بدي منك تتابع بالموضوع وتنزل اعمال جديدة

اول تلوينة : ماني ولاك :lol:
تاني تلوينة : يا واطي هاد اللي طلع من خاطرك ؟! 50 ليرة شو ما سمعت شو عبصير حكي سماع الأرقام سماع
اقتباس:

اللقطة الوحدة 8000 سوري
وانت قاعغد عبتشارعني على " نص دولار " بحسب ما فهمت منّك وعلى الكرت من عندي ولا من عندي

يا لطيف شقد العالم بتحب النصب :lol:

وانا عبقول من فين بشتروا سيارات وفلات ومعامل :sick:

---------------------------------------
مشان مشروع الفن والثمن اكيد في كتير اشياء ما بتقدر المصاري تعبر عنها في كتير لقطات ما بتقدر المصاري تعطيها حقها لكن بنفس الوقت في شي اسمه حياة وفي الها متطلبات يعني اللي بيعمل فن اكيد لازم يقبض حق الفن اللي عبقدمه لولا هيك من فين بعيش ؟
تماما متل الطبيب اللي مضطر ياخد مصاري حق معاينة المريض مع ان الطب مهنة انسانية لكن من فين بعيش اذا اعتبر العمل بالمجان هو الحل الصحيح . .؟!
فالله يرضي لي عليكم اللي حب له شي لوحة يخبرني مشان افضي رسالة من صندوقي ونتراسل ونتفق على السعر :larg:

whiterose 14/07/2008 22:23

اقتباس:

فالله يرضي لي عليكم اللي حب له شي لوحة يخبرني مشان افضي رسالة من صندوقي ونتراسل ونتفق على السعر
طيب انا عجبتني وحدة

وانا ماعندي رسائل خاصة شو الحل؟


الساعة بإيدك هلق يا سيدي 14:53 (بحسب عمك غرينتش الكبير +3)

Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.04211 seconds with 10 queries