|
اقتباس:
بحط علي ذمتي لزياد ان كتب هالشعر بنص رب عز دين سلك تحشيش من النوع البعلبكي الفاخر قال هالضاجعك الهاتف وسط الرياح المنافقة ؟؟عفوا يعني هاي العفوا لولا وجودها بهالقصيدة كان الشاعر طلع تقاعد :lol: |
شيلك عن سرك التحشيش يلي كان راكب وقت إذن .
أبو الزوز . حالة نادرة . دخيل الله لي بزرو . |
نزل السرور
زكريا : ... نحنا يا خواجه فهد , تاريخنا متل بيينا .. ويين هو بينا .. شو عملتولنا ببينا .. وينك يا بيينا ولوه هيك بتوعدوني بثورة وبترجعو بتلغوها ؟ بشرفي انا انوعدت فيها وكنت قاعد ناطركن هون ..كنت واعد ولادي جبلن العاب من الثورة قول انا .. شرشوح , شرشوح وولادي تعودوا عالحقيقة .. بس انت .. انت معك سلاح وشرشوح عم تلعبو فيي يا خواجه فهد ؟ صرلكن زمان عم تلعبو فيي عطيني واحد لولادي .. رشاش واحد .. ثورة وحدة .. ولو يا خواجه فهد .. ولو يا استاذ فهد .. فهد .. فهد !!؟؟ |
التوبيك . مطرحو مو هون .
هون مابياخد حئو مزبوط . كان بينشلف ب الصالون برياحة . او السئيفة . |
[quote=شوط ياقمر;1026800]التوبيك . مطرحو مو هون .
هون مابياخد حئو مزبوط . كان بينشلف ب الصالون برياحة . او السئيفة .[/ quote]h لك ليش ؟؟ والله ابو الزوز كل ضربات عالطاير :p |
هاي مابذكر وين سمعانها /عتابا
شو جنسك شو جنسك ؟ ياحلو تانتي مافي اسلوب كذب الا ت انتتي لازملك هيك شي اصبع TNT يضبط كل مافيكي سوا ااااااااه غنو عتابا ...غنو عتابا بس ماتغنوا متلنا |
العقل زينة / ازعاج
ازعاجين من اعم ازعاجات العالم السبعة الاول ان تتوفق علي بكرة الصبح بسيارة عمومي ماشية ادامك ومامعها ركاب التاني تتوفق علي سيارة عمومي غير هديك وتكون معباية وراك هلق في ازعاج بينبثق عن الاثنين ازعج من الاثنين والي هوه ان تعلق بين الاثنين يعني بيعبولك نهارك القدامني بيعملك بايدو هيك والوراني بيزمرلك |
صراحة ............... العقل زينة ;)
|
مابعرف ليش حاسس الموضوع متعوب عليه بس مالو رغيبة ؟؟;)
|
يا أخي .. الرغيبة مو بعدد الردود !!!
و انا من المتابعين معك .... استمر اكثر .. بس ملاحظة صغيرة ... اذا تقدر تحط نبذة عن المسرحية ... اللي اخذت منها المقطع .... حتى نفهم الفكرة بشكل اكبر |
[quote=اممي;1027453]
اقتباس:
له ياصديئي .. شو جاب لـ جاب . زياد . قمة بـ الـ فكر . والـ تلطيشات الكوميدية . ئلا ئصة . وحكاي . مو عن عبث . نلحشت . واذا حضرتكم . ماستشفيتو من ( كلشي ) غير هلـ ( شي ) . فا تلك مصيبة . أنا :shock: |
ما بعرف ..بيطلع بها الأيام بالحي صوت بيانو ، باسمعه بيكون ، وبكون ميّت بها الأوضة ، صوت بيانو الساعة عشرة ع بكرة ، بطأة المجتمع ال..عجيب ، مش معروف من أي بناية ، من أي طابق ، بَطُلْ أشوف بركي باعرف منين ، ما بعرف ، باصير باطلّع ما بيطلع بوشّي إلا غسيل منشور ..بكثافة ..من أجل النضافة ، والبيانو بيدندن ، مش باعرف اتجاهه ، ما بس تدب الحياة بالمجتمع وبالاسعافات ، صعب تحدد من وين مارقين وبأي ميل طلع صوت أو طرب أو منين طلعت روحه ، بارجع بافوت ع الأوضة ، باسرح ، بدّي أعرف منين عم بيدق ، (مين عم بيدق بيانو؟؟) ، ما بيجي ع راسي إلا صورة بنت ..صغيرة .. وضعيفة ..عمرها تسع سنين ونص ، يعني.. عم تدرس بيانو ، يمكن مَنّا كتير كتير موهوبة بس فظيعة بها الحياة ، عم تتعلم شي منيح يا أخي ، شي ما إلو طايفة ، ما إلو لغة ، ما إلو تهجية ولا أحرف ، مش عم نعرف منين ، فظيعة باحسها ، وهي معلقة ع فرد نوتة ، لأنو معلقة معها ، لأنو بعدا عم تتعلم ، بكرة بيمشي حالن ، مش أحلي ها البنت من تجمع اللجان والروابط ..المعادية ..للإمبريالية ..والصهونية؟ ، مش أحلي ها البنت من مسودة مشروع..اقتراح..احتمال..إمكان ية..حل..لدستور..نظام..معين..يو ماً..ما..بلبنان..الجديد؟، لأجله ..ولأجل السامعين؟، مسودة ..طالعة من راديو صوته مثل الصوص بها الأوضة ، وبتضطر تضل فاتحه ، مابدك تروق شي خبرية يعني انت .. مسنّح وناطر ، تصور بس ..إذا ها البنت كبرت وضلت عم بتدق بيانو ، أديش بتصير عظيمة ، أديش أحسن من ها الحي اللي ساكنين فيه ، هيدي إذا سألتها " عرفتي شو صار بالتلاتة وتمانين؟" راح بتقلك "كيف؟..عفواً أنا ما كنت " ، كانت هيّ ، أو..ما بعرف ، أنا سمعتها بالحي عِنّا كانت ، بس كانت ....عم تدرس بيانو الكلام ..لزياد رحباني اللوحة ل... Caroline Magerl |
[quote=شوط ياقمر;1029041]
اقتباس:
شو فهمتمني رفيق يعني ابو الزوز غير ان مبدع وكمان رفيق يعني فدخيل عينك الزلمة صاحبنا ومابدي مع زعلة :deal: |
اقتباس:
عفكرة هي مابعرف كيف بس كلما بسمعها بحس حالي عم اسمع نفس الصغير وان هيه لحد هلق عم تعزف علي نفس البيانو وصوت زياد عفكرة فيها بيختلف عن اي تسجيل ثاني بتحس عم يحكي عن شي من كل بد:D |
أبو ريتا المخضرم .
الصورة . مامبينة . أما تنئايتك لـ هلـ سكتش وبلذات . فا ينم . عن خبرة . غير مسبوقة أو معلنة . يعني شي ماكن مو حيثما . انا بهنيك . وبهني نفسي فيك :D |
زينه يا اممي زينه :D
|
اقتباس:
|
نص الالف 500 !!!
ليك: مش ضروري تضل تشرح شي لناس معتبرين حالهم بيعرفوه. لا بل بيعرفوا كل شي. مش ضروري تضلّ تحاول تترجم لأشخاص موضوع مش هاممهم بلغتو الأساسية. مش ضروري تضل تعمل إشارات لناس.. عم يتطلعوا على غير محل يا خيي..ليك: مش ضروري تضل سهران على جماعة ناموا من زمان وبالعلامة في واحد منهم قشط راسو بصحن التبولة. روح. ضهار، تمشّى..أستأجر بسكلات
اهداء لزملائي المشرفين :D |
| الساعة بإيدك هلق يا سيدي 04:32 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون