|
اقتباس:
لا عنجد الله لا يبلي حدا ويفك اسر كل مظلوم :D |
موضوع كتير حلو وبيحكي عن واقع
بس ليش كل هاد الخوف كمان لازم نبعد هذه الاوهام عنا شوي ومهما صار منضل احسن بكتير من غيرنا واي بلد تدعي الديم وقراطيه فهيه من اخترعة سجون ليس لها مثيل واساليب تعزيب تفتك في جسم الاسان بدون ترك اي اثر فخليها على ربك |
تسجيل متابعة
|
اقتباس:
|
اقتباس:
|
اقتباس:
|
اقتباس:
الغلاء: إعادة توزيع الدخل القومي البطاله: توجييه الموارد البشريه القمع : دولة الأمن و الأمان لك صرنا نحمل حالنا مسؤولية أغلاطن ونقول أكيد نحنا يلي عم نغلط لحتى هيك عم بيصير. |
اقتباس:
|
أنا مفلسٌ يا صديقِ وليس باستطاعتي أن أضع على روحك في كل يوم إكليل ورد
إحسم موتك الان |
أنا برأيي أي واحد موجود في ذرة خوف من هو وخلق بس المجتمع بيساهم بتنمية هالذرة هي والدولة والحكومة الهون الدور الأكبر بتنمية هالذرة لجعلها أكبر من حجم الإنسان يعني بتلاقي الدولة ما همها المواطن كيف ممكن نقضي عالفساد كيف ممكن نرفع إقتصاد بلدنا لفوق متل أوروبا ولا همون تحسين دخل الفرد هم الدولة الوحيد هو إيجاد عناصر مخابرات لحتى يضرب ويسب وإيجاد مخبرين مشان يضلو يكتبو تقارير ويروحو هالبشر يعني بالنهاية هم الدولة الوحيد هو إضعاف شخصية المواطن وسلبه ما أمكن من الأموال الخلاصة انون عاملين المواطن بقرة حلابة بيشتغل طول النهار متل الشئسمو لحتى يطلع حق رغيف الخبز والضرايب الي بدو يدفعها آخر السنة |
كلام نظري ولكن ؟!!
بسم الله لا اريد ان انظر ، واكتب خطب عن الشجاعة ووو ، ثم اكتفي بالسكوت .اعجبني اعترافنا بالجبن ن والاعتراف بالمشكلة اول الطرق لحلها كما يقولون .مااحب ان اضيفه بمشاركتي الاولى ان الخوف ليس جبنا ً فنحن بشر ، ولكن الجبن ان اقف مكتوف اليدين امام مشهد تنتهك فيه كرامة الانسان ، الجبن أن يمنعني خوفي من السكوت عن الظلم ، الجبن أن يقدر الظلمة والمستبدون على دفي الى استخدام اساليبه القذرة في التعامل مع الاخرين .ربما الاجدى للتعامل مع الخوف هو العمل على ارض الواقع ، ولقد تعلمت من اكثر من موقف جرى معي ان الخوف ليس الا شعور طارىء ليس كقانون الطوارىء ، وبإمكاننا التخلص منه بالثبات في الموقف ..ولكن ان نسعى, ونحن نضع نصب اعيننا ان لا نلجأ الى اسليبهم الخسيسة ، ولا الى العنف ، وان نغير سلميا ً بكل ما اوتينا من قوة ، قوة الحق .. واعذروني اذا احسستم كلامي نظريا والسلام عليكم .. نبيل
|
اقتباس:
بدي افرق الك بين الشجاعة والتهور الشجاعة انو تعمل العمل وما يوقفك الخوف ممكن يوقفك شيئ تاني بس مش الخوف (تخاف بس ما تقف) التهور انو تعمل العمل وتقف بعدو (لانو قلة ذكائك وسوء تقديرك للامور تسبب بايقافك) الدنيا فيها متهورين وفيها شجعان . بس ياترى مين بيكمل للأخر وما بيقف !!! الشجاع ولا المتهور ؟؟ وفي الحريص يللي بيكمل لابعد من التنين :o هاد بيخاف وما بيتهور وبيكمل ابعد من التنين . بعتقد الخوف في حدود معينة هو ظاهرة صحية لانو احد المشاعر الانسانية (طبعا بقصد الحدود الطبيعية) |
اقتباس:
بتتخيل يعني رح يشحطوك لانك حاطط صورة بشار؟؟:lol: |
انا رايي انو الخوف بهالحالة الو مبرراتو اللي ما بتقدر تتجاهلها يعني الجيل اللي تربى بفترة التمانينات والتسعينات مر بظروف صعبة, النظام خرج من معركتو مع الاخوان منتصر انتصار ساحق وبطريقو سحق كل انواع المعارضة الموجودة, تميزت هالمرحلة بترسيخ ثقافة الخوف وثقافة عبادة الشخصية
ثقافة الخوف هي اللي مكنت النظام من الاستمرار داخليا لحد الان, الخوف من كل شي , الخوف من بعضنا , الخوف من المخابرات والتعذيب والبهدلة , الخوف على المستقبل , لك حتى الخوف من انو شو رح يصير فينا لو الديكتاتور مات. اكيد كلنا مرينا بهالمرحلة , اهالينا بخوفونا من كل شي الو علاقة بالسياسة او الشان العام وحتى لما كبرنا وتغربنا لسا الخوف ملاحقنا حتى لما الواحد بيصير ببلد غريب وايدين الامن بعيدة عنو بضل يفكر لو عرفوا اسمي ممكن يسببوا اذى لاهلي او يستنوني لانزل زيارة شي مرة او ....... والامثلة اللي منسمعها كل يوم بتعزز هالشعور اكتر و اكتر لما نقدر نكسر حاجز الخوف منكون دقينا اول مسمار بنعش الدكتاتورية بس لا حدا يسالني كيف لاني ما بعرف. يسلمو فيفا سيريا على طرح فكرة الموضوع |
والله انا بدخل على اخوية
من سوريا ومن بيتي وبشارك عادي بحرية وما شفت حدا بعد يعني انت مكبر الموضوع شوي انا برايي انه هاد الشي الي حكيتو موجود وين ما كان بس الطريقة بتختلف وهو ضروري كمان لان يعني شعب بكالمه اذا كل واحد عمل الي بده ياه بتصير البلد غابة يعني نحن تعودنا ننتقد وبس وشعبك اذا فتح تمه بده قدرة الله لتسكره يعني انا شايف ان الي نحن فيه سببه نحن مو اي حدا تاني :D:D |
نجحو في جعلي جبانا؟
|
اقتباس:
بس كل ما تقدم العمر بالانسان كل ما زاد وعيو وحسب البيئة يللي موجود فيها بتلعب دور في شخصيتو انت خايف كل هالخوف من مشاركتك بالمنتدى ورح تكب الكومبيوتر ومدري شو شو كمان ...... ليش كتبت الموضوع ؟؟؟؟؟ وطرحت اكتر من سؤال بالموضوع شي انو عميل وشي انو عم تحارب النظام الاشتراكي ووصلت للاعتقال بالمطار وشوي تانية رح تعيش بالقصة يللي كاتبها احترنا معك :larg::larg::larg::larg::larg: |
مدري ليش بعد هالموضوع تذكرت شغلات كانت تصير معي بالجبل لما كنت صغير كنت أركض واطلع ع الجبل بكل جرأة و ماكنت خاف من شي بالمرة هلاء لما روح ع الجبل اللي حكيت عنو لو شو ما بسترجي أطلع بخاف من الحيايا (فوبيا )ما تضحكوا هه
ع كل حال هاد تاكيد أنو الانسان بيصير جبان ما بيولد جبان :frown: |
| الساعة بإيدك هلق يا سيدي 01:38 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون