|
اقتباس:
كنت رايدة كمل العلقة بس لما شفت بروفايلك قلت بلاها قال اراقة الدماء قال :cry: يلا رايحة اشرب مي بعد الكولا لأرتوي :p |
اقتباس:
بس عنا بروي .. بس ما في احلى من المياه الجوفية .. يلي معبية بلدي .. :sosweet: |
يا ستنا انت عالئليلة وصلتي وشربتي من مية الفيجة ....
في غيرك ما عم يعرف اي مي عم يشرب .... ال مي صنع "اي دولة من دول الخليج " .... لك اذا هني صحرا وما عندون مي .... عم يشربونا مي معدنية اي بئيت كل السنة وانا دور على مي لبناني او سوري لاعرف حالي شو عو اشرب .... وهلكتو للبقال " الايراني" الي تحت السكن ... وانا كل يوم طالعة نازلة , والحوار كان كالتالي: " سمسمة: هو ما جاب مي سوري او لبناني" , "البقال : هو يجيب بس انت يدفع وايد غالي" , " سمسمة: انا يدفع بس هويجيب , هو بدو يعرف حالو شو عم يشرب.." اي والله وهيك من شي شهر جابلي مي لبناني وصرت اشرب وما يهمني لا تاخزوني طولت عليكن , بس سيرة وانفتحت:lol: |
على سيرة المي يا جماعة الخير بدكون تسمحولي بهالقصة الي صارت معي هاد محسبوكن أنا يعني عم أدرس بألمانيا الفكرة أنو أول ما وصلت على ألمانيا واستلمت غرفتي بالسكن قلت بروح بتسوقلي شوية غراض مشان الفطور واللذي منو والله ورحتلكون على هالسوبرماركت ووصلت على قسم المشروبات ولا لاقيلكم أنواع ما أنزل الله بها من سلطان وبنكهات مختلفة قلت أنا بدي مي عادية رحت سناولت قنينة مي طبعا مكتوب عليها بس بالألماني ومحسوبكون بالمرة بالألماني جملتين ما بعرف احكي رحت على غرفتي وفتحت هالقنينة ولا فسسسسسسسسسسسس طلعت صوت قلت العمى شو القصة بيجوز من الضغط حطيتها على تمي وشربت ولا طلعت مي مع غاز ومن يومها لليوم ما اشتريت قنينة مي ومابشرب الا من الحنفية أضمن وأفضل ونحنا الشوام متعودين على مية الحنفية......:ss: وشكرا |
انا اوقات بحس على حالي صار لي فترة ما شربت معي بعود بشتهي عليها
انا من جهتي عايش على الآيس تي بس يلعنهم كلاب هال مندرين غلوها من سنة وعملوها 25 :jakoush: انا بشوف اي من الممكن واحد يعيش بلا مي بس بعتقد مانه صحي بس ليكني بعدني عايش :adal: |
اقتباس:
|
اقتباس:
جرب الأيس تي الجديد من شتاشيت(كتاكيت) اسمه بانش فيه على دراق وليمون وسعرها 20 وعاملين عرض 2 ب 35 ونصيحة لا تجرب الأيس تي من ليبتون لأنو سعرها 55 يعني حق علبة شاي صغيرة من ليبتون هاد غير طعمتها يلي كتير عادية |
يا ياس كل واحد بيتعلم من كيسه ومعلش تضرب شي كلواية بالك ليش في عندي وحدة تانية هي " يَدَك" بتجي هيك وكالة :lol:
|
اقتباس:
صراحة ما اشتريتها ضيفوني ياها بالطريق كانوا عبيعملوا دعاية بس طعمتها متل المندرين :lol: |
اقتباس:
فما كان من المناجر تبعي إلا ان قال لي وين عم تغطي كل نص ساعة؟:frown: نصيحة لا تجربها جربها بايام العطل وانت بالبيت:p |
اقتباس:
أبوي عندو عادة يشرب كم كاسة مي الصبح هيك عالريق قبل القهوة... قديه حاول اني اتعلم هالعادة عالصغر و ما قدر... لبين ما داومت بقسم البولية و شفتلك كيف يجو الناس اللي معهون بحص بالكلية كيف مطعوجين من الألم.. صرت افيق الصبح أول شي اعملو اشرب مي.. صحيح بدك كم فوتة عالحمام بعدين (هاد المفعول تبعها :lol:) بس ميت فوتة عالحمام و لا حصوة بالكلية اقتباس:
|
اقتباس:
اي هية صغيرة بس طيبة وفعلا انا افتكرتها مندرين بالأول قولتك شغل مندرين تعبئة كتاكيت:p |
اقتباس:
ومشان اسعار اليبتون شو محسبنا عمو اليوم عمنشتغل نحن بالعملة الخضرا ;) |
اقتباس:
لا تشكولي ببكيلكون هاد انا حركة رمل كيف بحصة انا كان السبب الأعدة الطويلة بحكم شغلي على الكمبيوتر وشرب القهوة كتير بيعمل ترسبات واكل الملوخية وهي اكلتي المفضلة:larg: وبالنسبة للأيس تي ليبتون اي ولله 55 كانك صرلك زمان ما اجيت على سوريا ؟ |
اسعار قناني المي والعصير بسوريا سياحية |
اقتباس:
|
اقتباس:
|
بالنسبة لموضوع العطش
تصوروا يا جماعة مرة كنت مية من العطش وفتت عند واحد رفيقي وعنده محل عطورات وبارفانات وهيك شغلات قمت عا السريع وبدون ما اسلم على حدا ولا حتى أقول مرحبا فتت داايركتلي على القنينة المي الي وقعو عيوني عليها وفتحتها عاسريع السريع وحطيتها على تمي مع أول شفة وبلعة تقولو سيخ نار نزل بمعدتي يا جماعة حنجرتي حسيتها لبت نار ما كان ناقصها غير كبريتة الله وكيلكم الحكي مو متل الشوف يعني عيوني تبلبصوا تبلبص ونطولن شي تلات متار لقدام ولا عدت أحسن أبلع ريقي ولا عدت أحسن أسعل تقول شي تسكر وسياخ نار عبتطلع تقولو شربت كيروسين أقوى المهم يا جماعة صار لوني خمري وأنا لوني أبيض متل التلج جلدي وخدودي متل التفاح وعيوني الزرق ألي كانوا زرق صاروا متل لون الدم ويا لا عقلبي شلون صرت يا الله ما أحلاني أبوس روحي أنا أقبر عضامي كان علي سحبة عيون تقولوا لوز مو هيك المهم وعلى قولة الدكتور ألي كنت من عنده من شي تلات ساعات و كنت رايح أعمل عملية شد لوشي يي أبوس وشي أنا وبنفس الوقت رايح أشفط الدهون والترهلات لأنه صاير وزني زيادة عن المعدل بتري كيلو ورحت لأعمل شفط لهالتري كيلوا بيقوم بيقلي الدكتور حرام حرام حرام عليك يا أخي أنت فيصك فيص أنجل أمبوسيبل تعمل بحالك فقالي ما بنصحك تقوم بهيك عملية مع أنه أنا من مصلحتي أني أعملك هيك عملية منشان أقبض ماني وكمان ما بنصحك لأنه أنت وشك وتضاريسه بياخدوا العقل حرام تشوهه وتلعب فيو بس ممكن نعمل شوية بادي لوشن أو ممكن نعملنا حمام أو أتنين زيت على كل إذا بتحب فينك تاخد موعد من السكرتاريا من برا والسكرتيرية بتحددلك الموعد تبع الحمام والبادي فأنا امبسطت لهالوضوع مع أنه ما أكتنعت كتير بحكي الدوكتور وحملت حالي وطلعت من عنده ورحت على اليلو بيج وأخدت أرقام تانية لبرفسارسرة - شو جمع البرفسور- المهم وأعدت أعمل كونكشن معهم عسى أني يقبلو يعملولي نيو لوك بالفيس تبعي وطبعا هون أخدت مع اتنين دوكتور معهم أختصاصات بورد من جرمانيا المنتحدة وبعدين بيني وبنكن كنت نازل عبتمشى فكتير عطشت بعد هالقصة الطويلة واللعي لعولي قلبي يا عليهم ايه وين كنا نحنا بشو كنا عمنحكي آه صحي نحنا كنا عمنحكي على الحرقة من القنينة الي شربت منها من عند رفيقي ألي ما سلمت عليه فهون يا جماعة بجد بجد ما بعرف شو صلي فركدوا الموجدين كلن لعندي وهذا يدحني على دهري وهدا أمشي امشي على الضكتور المهم قلي رفيقي لك شو عملت انت المهم دق فيني وأخدني عند الحلاق الي جنبه والوا مرحبا جار والحلاق أفتكرني زبون وقالي الحلاق : تفضل استريح على الكرسي دقن ولا شعر ؟ وأنا ما قدرت جاوبه لأنه كانت حنجرتي محروقة بس رد عليه رفيقي وقاله لا لا بدنا بس نستعمل مي من عندك لانه بدنا نغسله حنجرته المهم فتنالكم على المغسلة وفتح رفيقي نربيج المي وقلي تغمغمض وكب المي من تمك ولا تبلعا وقضينا ساعة عمنغسل ومنغسل ومنغسل ومنشطف بهالزلعمة ( الحنجرة ) وبعد ما ارتحت شوي وخفت المي وبدي صوتي يطلع مع بحة وأنا صوتي كتير حلو كنت اغني بالحفلات بالداون سنتر يعني مرسح مفتوح المهم هون ارتحت وسحبت كرسي وقعدت عند رفيقي وقالي لك شو عملت بحالك قلتله : ماففي شي حبيت أشرب كاسة مي قالي بتعرف شو هي قلتله ما بعرف الي بعرفه هو مي ودار القنينة وقالي شوف شو مكتوب على القنينة أحذروا شو طلع مكتوب سبيرتوا منشان البرفانات !!!!!!!!!!!!!!:p وهي قصة الي ما بعرف شو دوختوني ولي شقد بلعي :sick: :D |
| الساعة بإيدك هلق يا سيدي 03:34 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
