|
جرائم الشرف
طيب الوحدة مافيها تقتل اخوها كمان انا ماعم اعترض بس هذا السؤال دائما بيخطر ببالي |
اقتباس:
:deal: |
اقتباس:
اقتباس:
اقتباس:
اقتباس:
ايه احلى شي لما طلعت فتوة بتحريم البوكيمون خيو الله يرحم الكواكبي بس ماعم قلك انو يمكن لازم نفوت عالمخ من جوا ونغيروا بحس انو مجتمعنا احيانا لازمه غسيل دماغ مايسترو |
هلق لح نحكي عن المشكلة التانية
النظافة العامة هلق انا لما كنت ببريطانيا لاحظت شغلة صغيرة انو شوارعون مافي انظف منها بس بيوتن مو زيادة عنجد بس انو نحنا بالعكس طيب ليش وشو الحل برايكن مايسترو |
بتوقع في جهل وفي أحساس بعدم المسؤولية والأنتقام
بالنسبة لموضوع النظافة تسجيل حضور |
انتقام من شو؟
تخلف ايه مو شي جديد مايسترو |
شو رأيك نروح أنا واياك على السينما
ونشتري بزر ونشوف فلم رامبو أرض العجور ونطلع نكسر لمبات الكهرباء الي في الشوارع ونقطع الشجرات مثلا هي مثال واحد وبتقدر تقيسه شلون ما بدك  |
هلق اذا الموضوع على الامثلة منضرب امثلة للصبح
بس انو شو ممكن نعمل؟يعني نحنا شباب وبايدينا نعمل كتير شو فيها انو اذا شفنا واحد عم يكب شي بالطريق نحاكيه بزوق ولطف ولك حتى انو نبهدله يعني؟ البلد مو ملك اللي خلفه يوسخها على كيفو..هي البلد الي والك ولهاد ولهديك وللكل مايسترو |
أنو نحن ممكن ننبه اللي حولينا من رفقة واخوة وقرايب لهالموضوع لما منكون معهم وبيرمو شي بالشارع
كحل رسمي بشوف انو الحل بالمخالفات إما تكون مالية أو أنو لما واحد بينكتب فيو مخالفة بتكون العقوبة أنو يروح ينظف شي شارع كمان لازم تبدى هالقصة من وقت ما يكونو الولاد بالمدرسة يتعملو مو بس بالحكي أهمية النظافة ممكن انو ياخدو الاولاد عمل طوعي لتنظيف الأحياء كمان كمان الدولة لازم تزيد عدد الحاويات وسلات المهملات بالشارع مرة كان معي محرمة ضليت طول الطريق تاركتها بايدي لوصلت عالبيت لأن ما كان في ولا حاوية طول الطريق :jakoush: |
المخالفات ما بيمشي حالها هون...شقد لح تكون؟بيعطي نصها للشرطي اللي هو كمان عم يكب بالشارع بيمشي الحال
|
ما بعرف كيف انا ما شفت موضوعك من قبل...
بس بدي ارجع للمثال يلي طرحتو... ازا انت او انا شفنا واحد بالطريق عم يكب وسخ ممكن كردة فعل كل واحد فينا يحكية بطريقة مختلفة... ممكن نحكي معو بزوق ولطف وكمان ممكن نبهدلو... بيتعلق... بس بما انو متل ما انت قلت, البلد مو ملك الي خلفو حتى يوسخها على كيفو... وبما انو نحنا جزء من البلد... ف علينا بتوقع مسؤولية كتير كبيرة بالحفاظ على نظافة البلد... وازا نحنا فضلنا نشوف ونسكت.. بالآخر البلد راح تقلب مزبلة... وهيك كمان بجرائم الشرف في شريحة من المجتمع بتحط علينا آمالها ولهيك مسؤوليتنا في انو نحنا ننشر الوعي في صفوف مجتمعنا... |
تمام انا معك فكري معنا شو ممكن نعمل
من يومين شفت بجريدة الوطن صورة لعبارة طفل واحد يكفي على حيط بالشام كانت رسالة كتير مهمة وبسيطة بظن انو هاد ممكن يكون حل بالاضافة لحملات اعلانية ضخمة ومرتبة مو متل اللي حطوها مايسترو |
هلئ انو يكون في حل هيك يطلع ويفرض عالناس ما بتخيل بتزبط
يعني الموضوع بيبدا عند كل واحد فينا وبينتهي عندو , اذا نحنا من البداية تعلمنا وعلمنا ولادنا انو هدا الشي غلط ممكن يمشي الحال. مرة كنت راجعة من تدمر ع حمص ومعي بالباص (شبه بولمان) سائحة عم نحكي كل هالطريق وهي عم تشرب عصير بعدين خلصت وعطيت العلبة الفاضية للمعاون الي عمرو شي 15 سنة ليكبها بالسلة الي جنب السائق قام حضرتو فتح الشباك وكبها لبرا وكانت الصدمة ... ئامت ئالتلي DON'T YOU LOVE YOUR COUNTRY طبعا انا عصبت وبهدلتو عالشي الي عملو , وحضرتو عم يضحك مو فارئة ... اي هدا بدو تقويس ما بدو حكي يعني خوفي تضل عوجا |
| الساعة بإيدك هلق يا سيدي 14:12 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
متل.الغناء حرام مثلا او حتى سماع الاغاني