|
شو ؟؟؟؟:shock: شايفلكن الشباب و الصبايا نازلين في بعضهن :jakoush:...وماحدا مستني حدا:pos: إيه شو عليه;-) المهم .....:cry: أبوسليمان نفد مني ....شنوا كنت ملتهي هالكام يوم ومشغول بالمعرض على كل الأحوال مييييييييييييييييييييت أهلين بأبو جوزيف نور العين وراجعلك:melody: تحياتي لأبو سليمان وتحياتي لأبو جوزيف وأشواقي لكل الأعضاء :D |
مع انك رفيق تحشيش.. بس لازم اسئلك هالسؤال اللي عم اسألو للكل:
رأيك بالتحشيش ؟ رأيك بأبو حشيشة ؟ وسؤال تاني .. بالنسبة الك: شو أحسن شي بشخصيتك .؟ وشو أسوأ شي بشخصيتك..؟ |
شو رأيك بالاعضاء التالية اسماؤن
رح اكتب عن اللي بعرفون gazita حبابة البنت وطيوبة وطفولية :lol: reemi بس اسمع ريمي او شوف نك نيما ع جنب دغري بيخطر ببالي جبلة وسوريا ;-) marioma alghzayala ماصار وتحاكينا او صار بينا نقاش hanny dagher اول شي يعدمني ياه بعدين تاني شي هاد الواسطة تبعي :p واخوي الكبير هون willli كمان يعدمني ياه حبيبنا وحبيب حبيبنا layla مممم مابعرف بس بتشتغلي منيح يقسمك وبديري بالك عليه sezar ابو السيز العظيم ابن البلد تبعي وعاساس في شرش قرابة :pos: الحاج متولي نسونجي من إسمو توت توت توت مابعرف butter fly مابعرف من جديد صار في شوية احتكاك varon اول مرة بسمع فيه ghazool مابعرف .hus والله الزلمة اكابر ومنيح وفهمان بس بعد ما تهكر المنتدى ورجع تغير انا هيك حسيت Barleb مين هاد tony 124 مين هاد the light مين هاد سرسورة محمد ابراهيم:7asheesh: حباب goverment يعدمني ياه مافي من وراه غير المشاكل صياد الطيور حبيبنا ووطني واهم شي وسوفي اسير التشرد مضيع كلمة السر :o كمان حبيبنا وصديقنا من اول ما سجلت المستحيل مين هاد the morrning :pos::pos::pos::frown: لا عنجد حبابة مورننغ وبعرفا من زمان واهم شي صديق التحشيش :hashish: عاشقة علي لولو الصغيرة طيوبة متل غازو كوستا خرج ولم يعد YaSeR مين هاد abosleman مين هاد لا عم امزح شغل حشيش منوشه كبيرة المنتدى spector تغير بعد البرتقالي :pos: yamen_h مين هاد - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - بحب اقرا ردودو شوي بس ماد ماكس ابو حشيشة وائل الحقيبة السوداء مسطول ع طول مممم مسطول ع طول حباب ووطني شامي من طوكيو ما لي خلطة معو أمرأة من ورق ما لي خلطة معا دلوعه سوريا تعرفت عليها من جديد لسا يعني مايا* مين هي لبندا مابعرف fofo besset syria ريمي التانية :lol: هاد نيابة عن حسون :D مكيف الافندي بسوريا هلأ و نحنا محبوسين هون :pos: وي ميس يو حسون :yahoo: خالص :ss: |
اقتباس:
التحشيش هو نبض الحياة فحشش عليها تنجلي ولولا التحشيش ما صار في باخوية :larg: ابو حشيشة اهم عنصر باخوية لان اخوية كلها مبنية على ابداعاتو :hashish: اقتباس:
اقتباس:
|
اقتباس:
طيب ليش انت مسمي حالك اب جوزيف ؟ |
اقتباس:
حبيب انا عم افت خبز للعالم ;-) بعدين عن جد ما بعرفك شو يعني :D مشان سؤالك اللي صرت منسؤلو شي 10000000 مرة :pos: رح جاوب وعم فكر رجع نك نيمي القديم بيني وبينك :? THE BLACK DEATH بس عم يخافو منو :lol: المهم جوزيف بلإنكليزي = يوسف بالعربي => ابو جوزيف وصلت الفكرة :lol: |
لك قلي انك عاشق من سوريا سابقا
لك هلق عرفتك لك ولو كيفك انا THE BLACK DEATH كمان سابقا تزكرتني |
هلا انت بلاك ديث ؟؟
يا هلا يا هلااا .. عـ القليلة حطلك أشعار انو غيرت النك يا زلمة .. |
لك حاطط بالتوقيع
قال يعني اني عرفتك انك انت عاشق من سوريا قبل ما افتح لروفايلك |
شايفك يا أبو جوزيف مروق ع الاخر ماحدى عم يدايق فيك
خدلك هل كم سؤال ع الماشي عطينا رأيك ///سياسه//// عطينا رأيك بسطر او كلمه بهل القاده الرئيس بشار الأسد حسني مبارك الملك عبدلله ( الاردن) الملك عبدلله ( السعوديه) رئيس الوزراء العراقي نوري المالكي جورج بوش الاب سعد الحريري وليد بيك حسن نصر الله //// فنون ///// عطينا رأيك بسطر او كلمه بهل القاده اليسا وائل كفوري تامر حسني يارا يوري مرقدي جواد العلي رابح صقر شو اكتر البوم حبيتو بـ2006 شو اكتر غنيه حاسسها قريبه منك شو اكتر مسرحيه بتحبها شو اكتر فلم عجبك ( بلامعنا ) شو اكتر مسلسل تابعتو بلهفه ////// شغلات عامه شروي غروي ////// كم صديق عندك قريبين من القلب بالحياة :hart: كم صديقه شو الاكله مفضله عندك بلد بتحب تزورها بلد بتحبها بعد بلدك بلد بتكرها غير اسرائيل أخر كتاب قرأتو مين اكتر شب قريب الك باخويه مين اكتر بنت قريبه الك باخويه كم مره حبيت بيكفو مابدنا نتعبك اكتر من هيك :larg: |
اقتباس:
إف تعبت :adal: |
احم احم يلا يلا خود هلمايك لائلك و جاوب على اسئلتي
1. اسمك الحقيقي؟ 2. شو بتشتغل؟ 3. عمرك؟ 4. وين ساكن؟ 5. نمرة رجلك؟..... منشان اذا صغيرة يكبرولك ياها ببيت الخالة:clap: 6. خطوة مهمة بلنسبة الك و ناوي تساويها بلمستئبل؟ 7. شو بتؤل لامك ..... و شو بتؤل لابوك؟ لكل واحد كلمة 8. عذابي... ولا مضروب على البك؟ 9.اذا اجتك فرصة تساوي عملية تجميل.... شو رح تجمل بحالك؟ 10. وصفلي حالك بكم سطر...... اخر شي في عنا جارتنا ..... على العكازة و طئم سنانها لسا جديد حاطتو ..... و باروك غير شكل.... و بين كل سن و سن في فراغ شي مترين....... بئا جاوب على الاسئلة منشان اعطيها السيرة الذاتية شيتك بركي بتوافئ عليك :clap: يلا باي هلا مع اسئلة تانية حضرلي حالك يا مشكلجي:clap: |
اقتباس:
عم تاخدي بتارك هون مو انا بورجيكي |
اقتباس:
لك يعدمني يااااااااااااااااااااااااااااااااااااااااااااااااا ااااااااااااااااااااااك لك لسانك بسبع شطلات ولي عليك يسلموووو تعبتك معي بس تعبي راحة جهزلي حالك و عاشت الاسامي .... و العمر كلو ..... مام و داد.... ياي شو هدلع :clap:ولا نننوسة |
اقتباس:
الله يسلمك والعمر إلك قصدي المهم فسري متل مابدك :p :pos: تعبك لك الله يعدمني ياكي :frown: دلع :? ليش انتي شو بتحكي ياما يابا :lol: |
اقتباس:
بؤل ..... ميمة و بابو:?:clap::clap: |
ابو جوزيف بدي قيس معيار ضغتك :clap:
1. شو بتكون ردة فعلك اذا واحد كذب عليك و انت بتعرف انو كذاب ؟ 2. شو بتكون ردة فعلك وئت تشوف جارتك الكرارة عم تحكي عليك و بس تشوفك عم ترحب فيك و بحرارة شديدة:clap: 3. شو بتكون ردة فعلك اذا شفت شب دلوع و حاطتت علكة بتمو ..... و عم يحكي قصة انو تخانئ مع شلة شباب و عامل جنتل يعني بلمختصر المفيد؟ بتكذبو ولا بتمرئلو ياها؟ 4. شو بتكون ردة فعلك اذا رفيئك كرك عليك انك تروح معو مشوار و انت عم تكش دبان وشك و مئهور؟ 5. شو بتكون ردة فعلك اذا راجع من الشغل و اجاك ضيف دمو اتئل من دمي؟:clap: 6. شو بتكون ردة فعلك اذا شفت شب عم يتئاوا على ختيار؟ 7. شو بتكون ردة فعلك اذا جاييك نوم و في كوشة ولاد عم ينطوطو على التخت ؟ 8. شو بتكون ردة فعلك اذا صار حدى عمل معك مؤف طالعك فيه ئد الناموسة بتردلو فعلتو؟ 9. شو بتكون ردة فعلك اذا ئاعد بي باص و معصب و شي بنت صارت تطلع فيك من فوء لتحت و عم تضحك عليك مع رفيئتها؟ 10. اديش ضغتك هلاء نجيبلك حب لتخفيض الضفط ولا لسى؟:clap: رد ترد عليك البلاطة يارب:clap: |
انو معقول ابو جوزيف هوي اللي بالمقلاية:?كيف ما انتبهت:oops:كنتو خبروني:frown:ما تواخذوني:cry: هلء بحط الاسئلة اللي حطيتا لابو سليمان.
|
| الساعة بإيدك هلق يا سيدي 12:19 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون