|
عدد البنات 6
احتمال انو تطلع السحبة الاولى لبنت هي واحد على ستة |
اقتباس:
هادا السؤال التاني مبطن .. ما بيصير:pos: بس جوابك قوي .. عجبتني ;) |
هههههههههه هادا محمد ابراهيم عم يحشش .. انساه عجنب ..
بس دقيقة دقيقة دقيقة ... شو مشان بحلك وسيم نسفت ابو دين الاحتمالات اللي اخدناها .. واللي بعرفا .. لك خيو .. بدي اسالك هلا انت وقت عم تسحب .. كيف عم تسحب ..وتقول انو احتمال سحب رجال هوة 1 على X غلط هاد الحكي ! لانو الغرفة مانا مقسومة ... لنصين .. الغرفة .. فيا التنين رجال ونسوان سوا .. يعني بدو يكون احتمال سحب الرجال .. = 1 على 3X اللي هوة مجموع الرجال والنسوان سوا صح اما لا ! ؟ حولتوني .. ما بعرف .. !!!!!!! |
اقتباس:
بانو الشباب 3 والبنات6 اقتباس:
بيكون الاحتمال واحد على تسعة بس بدل ما تحكي كتير حط اجوبة :o |
اقتباس:
طلع مانو محشش . طلع حربوء:lol: مشان الاحتمالات... خيو ما بعرف شلون لازم اشرح فكرتي احسن هلق متل ما قلتلك قبل .. انتي عندك بهاي الغرفة مجموعة من الاشخاص( x رجال و 2 x مرة ) المطلوب انو يطلع معك بالسبحة رجال ومرة... لحتى يصير هالشي لازم تسحب مرتين من الغرفة .. مرة من الرجال ومرة من النسوان لحتى تسحب رجال من هدول ال x رجال .. لازم تعمل 1 على x يعني مرة تاني رجال من x رجال .. بتنحسب 1 على x وصلت هالمرة شي؟ |
لك انا معك .. فهمان بس حكيك غلط 100 %
حكيك بكون صح لو عم تسحب من غرفة مفصول فيا .. السحب كان عشوائي شريك ... يعني ما بتعرف انت انو لح تسحب هلا من الشباب او من البنات .. لزلكالسحب بدو يكون من المجموع مجموع الشباب والبنات ! فهمتني ؟ |
اقتباس:
اطمن على حالك ، انت منيح بس بدك تشرب شربة مياه عدد الشباب x وعدد البنات 2x اذن عدد اجمالي من بالغرفة بيكون 3x لو سحبت سحبة بيكون اديش احتمال انو يطلع شاب ؟؟ واديش احتمال انو يطلع بنت ؟؟؟ وسيم بيقول واحد على x انو يكون شاب و واحد على 2x انو يكون بنت انا متفق معو وهاد منطقي كتير وعلمي انت على حكيك اللي كتبتو (بدك تحسب كل من بالغرفة) رح يطلع عندك احتمال سحب شاب = احتمال سحب بنت (وهذا قمة الخطأ ولذلك حلك خطأ 100%) لانو عدد البنات ضعف عدد الشباب يبقى لازم احتمال سحب البنت يكون ضعف احتمال سحب الشاب (هاد موجود بحل وسيم المنطقي ) الشغلة مش محاباة مني الو (هو ماشي تمام ) برافو وسيمو :D وبناءا على حل وسيم بيكون الاحتمال هو واحد على سنة (المطلب الثاني) |
لاء .. تحليلك غلط .. شريك انا ما هيك كان قصدي ..
انا هيك حكيي بالضبط .. احتمال سحب الرجل .. بدو يكون هيك .. لو انو الرجال انسحب اول .. يعني كان الترتيب بالسحب رجل-صبية بكون احتمال سحب الرجل = عدد الرجال الموجودين عنا يعني بالاحرى " X " على 3X هلا .. لو انو المراة انسحبت اول .. بكون احتمالها هيك .. احتمال سحب الصبية الو = عدد النساء الموجودين عنا بالغرفة اللي هوة " 2X " على 3X ما فيك تاخد 1 على غلط .. لانو انت هيك عم تحدد رجل واحد بالضبط بدك تسحبو .. يعني بالاحرى .. فهمك ياها كتابيا .. لو كان عنا بالغرفة وفرضنا .. فعلا 3 رجال .. و 6 صبايا .. بدو يكون عنا حالتين .. اما الحالة الاولى انو .. يكون السحب بالترتيب هيك رجل-صبية بهي الحالة احتمال سحب الرجل = عدد الرجال بالغرفة على العدد الكلي للصبايا والرجال يعني " 3\9 " = 1\3 لاننا ما منعرف ايا رجال ممكن انو نسحب من ال 3 الموجودين بالغرفة .. وبنفس الطريقة بتطبق على الصبايا .. بتمنى كون وضحت فكرتي :D |
اقتباس:
|
وصلنا لموقع متقدم اكتر اوك .
اقتباس:
انا اول رد الي كتبت فيه انو احتمال اول شخص مسحوب يكون امراة هو 0.667 هو نفسو اتنين على تلاته او تلتين ، يعني (عدد الصبايا / اجمالي عدد من بالغرفة ) وتقدر تتاكد من هالرابط وجيبتلك الاقتباس هون بس لاحظ هاد جيبتو من دون ما اعرف عدد الشباب او البنات :o فقط من معلومة x , 2x على اية حال انا ما اثبت صحة الاحتمال ،عرضتو فقط (اذا انت تقدر ، هاد حكي تاني) اتفضل اثبت - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - اقتباس:
|
طيب ..انا ردي كان بس .. اعتراضا على جواب وسيم ما اكتر .. من هيك شريك ..
طريقة وسيم كانت غلط برايي وحكيت ناطرين وسيم ازا عندو شي ؟ |
اقتباس:
الاجوبة أ ) X=3 ب) الاحتمال هو 5/8 (5 على 8 ) خيو على شو عم تتخانقوا؟! سيد وسيم بدك تدرج حل البندين (كـ حل مو بس شرح) يمّا انا بدرجهن عنك؟! بلكي بشرحي انا بيفهموا :lol: |
هلق اول الشي رح اكتب الجواب الصح ..
أ) x = 3 ب) اذا بدنا احتمال السبحة الاولة يكون بنت .. بيكون الجواب .. 6 على 9 .. يعني 1 على 3 واذا بدنا احتمال السبحة التاني تكون بنت .. بيكون الجواب .. 5 على 8 هلق مشان الشرح.. اخواتي انا بعتقد انو المشكلة عندكون هلق بقياني بفهم المسألة بالشكل الصح .. رجعو قرو هون اقتباس:
بطريقة الحكي تبعك يمان فينك تطلع اديش احتمال يطلع بالسحبة شب, واديش الاحتمال تطلع بنت هلق هون انتي عرفان سلفا انو طالع اكيد مرة شب . ومرة بنت .. مشان هيك بتحسب بهاي الطريقة بعدين خيو متل الجواب الي جاوبتو انا اول الشي .. يعني شو معنى انو يكون في بالغرفة 1\3 رجال؟؟؟ شي مرة شفت بغرفة تلت رجال:?؟ او تلتين مرة:shock:؟؟ هادا الجواب الي طلع معك هوي جواب اديش نسبة تطلع بالسبحة الاولة شب واديش تطلع بنت .. بغض النظر عن ال x يعني بهالحسابات .. احتمال يطلع شب هوي 1\3 واحتمال تطلع بنت هوي 2\3 وصلت شي الفكرة اما ارحع مرة تاني بطريقة تاني؟ |
اقتباس:
تاني الشي بحب اشكرك انك قلتي عن جوابي صح:yahoo::clap: تالت الشي مشان الشرح . خيتو شكلو في مشكلة عويصة بالطلب الاول .. واكيد بس ينحل الطلب الاول بيبطل في مشكلة بالطلب التاني لانو نسبيا سهل هلق انا حاولت اشرح اد ما فيي .. اذا ضلو الشباب مصرين انو ما يفهو.. فحاولي انتي قنعيون . بركي بيقتنعو من حكي صبية متلك اكتر;) وعكل الاحوال اذا حسيتي انو حكي غلط .. فينك كمان تصلحيلي انا ما عندي اي مشكلة بالموضوع .. وخاصة باعتبار انتي شكلك قديرة بفن الاحتمالات ورابعا .. ميرسي:D |
اقتباس:
متل اني قول لنلاقي x بيطلع 3..هادا جواب..مو طريقة.. خيو وسيم...ع كل حال قلتلك تكتبها كـ حل مو كـ شرح هيك قوانين اللعبة بعتئد الشرح انا بشرحلون اذا ما فهموا عليك |
اقتباس:
قلتلك اختصاصي الشرح:p يعني مو لانو شرح من صبية واذا في غلط..طبيعي صلحلك..شكراً انك شايفني قديرة بالاحتمالات.. بس هاد مستوى سهل..يعني يمكن استصعب مستوى اعلى |
اقتباس:
لو صحيح..بسيطة تعا قلي يا ماتيا هاتي المسألة..وبجبلك ياها..ما ببخل عليك :lol: |
اقتباس:
!! انو 6\9=2\3 مو 1\3 .. اقتباس:
شوف لح فهمك اعتراضي تمام وين .. انت كتبت اقتباس:
كيف طلع معك احتمال سحب الرجل .. 1\3 .. يعني بالاحرى اوكي نحنا عرفانين انو بدنا نسحب رجل من اصل 3 .. بس انت ما عم تسحب من غرفة مفصولة يعني التنين موجودين سوا .. لزلك حكيك لازم يكون عبارة عن 3\9 اللي هوة مجموع البنات والشباب سوا .. هلا بعرف انو الجوابين .. بييساوو بعض اللي انت كتبتو وانا كتبتو بس الفرق .. انو نحنا هون عم نحكي على اعداد معلومة .. وقت بدك ترجع للرموز .. انت كتبت .. (1\x) + (1\2x) = 1\2 .. وهاد الحكي مانو صحيح .. لانك وقت عم تكتب ال 1 فوق انت هيك بهي الحالة بتكون عرفان ايا شخص معين بدك تاخد من الرجال لانو الرجال المحتملين عنّا هني ... 3 رجال للسحب .. وبعدين اهم نقطة للحل يا وسيمو .. بدي ياك تركز فيا شوي .. وهية انك نسفت ابو لعدم الارجاع .. هيك بهي الحالة ما عاد استخدمتو ابدا .. انت لانك عم تنقي رجال .. لحالو من الرجال ومرة من النسوان لحالو .. خيو انا وصلت للحل الصح .. برايي وما بعرف .. بدك بحطلك ياه . لعل وعسى تفهم عليي .. عراسي اب السيم :D |
|
100 ، 100 ، يمان..خطك ما اشبو شي :lol:
وسيم شغلة..لما بدنا نختار حدا..بيكون عدد الامكانيات على العدد الكلي.. ممنوع على عدد قسم واحد.. وبتسدئو..اني هلأ قريت كل الردود :lol: |
اقتباس:
شو اسا بيحاتك ما مخربط بالحساب اقتباس:
تماما هاي هي النقطة الي انا عما جرب احكية .. انا عما نقي مرة رجال من بين الرجال . ومرة بنت من بين البنات.. بغض النظر عن ترتيب السحب . يعني ما حدي جاب سيرة انو اول الشي لازم تسحب بنت او شب . ومتل ما بتعرف الجمع عملية تبديلية اذا بدي اعملة بنفس الطريقة تبعيتك بتكون مشان الحساب .. حت = p ( بحساباتك ) = احتمال 0,5 = حت( شب ) + حت (بنت) 0,5 = 1 على عدد الشباب + 1 على عدد البنات لانك انتي عما تسحب مرة شب ومرة بنت .. والترتيب مانو ضروري ... فبتعرف انو عما تسحب واحد ( مشان منين اجا الرقم واحد . انو نحنا عرفانين انو بسحبة من السحبات طلع معنا شب .. مشان هيك هي اكيدي انو واحد) على عدد الاحتمالات الممكنة انو يطلع معنا شب ( والي هوي عدد الشباب الموجودين بالغرفة والي هي x ) مثلا لو كان بدك يكون في شبين كان بيكون النسبة الي بدك اياها ( الي بمثالنا 0,5 ) = 2 على عدد الشباب (x) وهكذا.... وبتكفي بعدين حساب متل ما بدك يعني بالنهاي انا بنظري الشخصي انو الطريقتين صح .. وكل الطرق بتودي عالطاحون انتي حسبت نسبة انو يطلع باول سحبة شب وبتاني سحبة بنت + اول سحبة بنت وتاني سحبة شب وانا عملت شو احتمال يطلع معنا بسحبة وحدة شب + احتمال يطلع معنا بسحبة وحدة بنت يا رب كون عما ققدر وصل فكرتي اقتباس:
نحنا منعرف من الطلب انو بالسحبة طلع معنا شب, صح ما؟ ومنعرف انو عدد الشباب الموجودين بالغرفة x, كمان صح ما؟ معناتا بيطلع معنا احتمال انو يطلع معنا شبب هوي واحد (هادا عدد الامكانات, متل ما سبق ووضحت انو اكيد لازم يطلع شب واحد) على العدد الكلي والي هوي ال x ( العدد الكلي للشباب الموجودين بالغرفة) فبيطلع متل حكيك تماما انوالنسبة هي 1 على x يا رب تكونو فهمتو عليي .. لانو اذا ما فهمتو رح قول خلص متل ما بدكون .. معكون حق انا كنت غلطان ( مع اني متأكد من حلي:sick:) |
اقتباس:
انا لما قلت عنك قديرة , قلت هيك لانو مبين عليكي عرفاني شو عما تحكي بالزبط, بغض النظر عن المستوى.. يعني الواحد بيحس من شرحك انك فهماني المادة ( حسب حكي المدارس) اي بعدين مشان الطلب التاني .. هلق صرنا نحنا نعرف انو في بالغرفة 9 اشخاص .. 6 بنات و 3 شباب بدنا نشوف اديش احتمال يكون اول شخص منختاور بنت والي هوي عدد البنات على المجوع الكلي .. 6 على 9 .. ومتل ما لاحظ يمان اني خبصت بالحساب شوي .. منقسم البسط والمقام على 3 .. بيقوم يطلع معنا 2 على 3 .. ( ما 1 على 3 لانو 6 تقسيم 3 بتساوي 2 ( الله يعلقك بين ايدي يا يمان :jakoush:)) واحتمال انو الشخص التاني يكون بنت .. فكمان نفس الشي .. يعني عدد البنات على العدد الكلي .. فبيصير 5 على 8 .. لانو البنات نقصو بنت والاشخاص ككل نقصو شخص ( بعد السحبة الاولة يعني ) وبقا حسب ما الواخد يفهم الطلب التاني .. يا بياخد ال 2 على 3 يا بياخد ال 5 على 8 |
اقتباس:
لح بلش انطح يعني :o لك يا ابو السيم .. هلا بدي اسالك سؤال .. وين عدم التكرار .. بالحل تبعك .. او بالاحرى لو اجاك السؤال الماضي نفسو .. وقلك مع العلم .. انو مع تكرار بالحسب اللي بصير يعني مع اعادة . حلّك ما لح يتاثر بس هاد غلط .. لانو الحل لح يتاثر .. لح يصير المجموع الكلي يرجع .. ل 9 كل مرة عند كل عملية سحب .. اقتباس:
|
ولي شو هاد؟:shock::?:shock:
مافهمت شي |
وسيم..بدي عقب ع شغلة بـ ردك..
اقتباس:
يعني لما يقلك عنّا بغرفة 3 شباب و6 بنات..العدد الكلي هو 9 .. شو احتمال يطلع شب؟!..هون ما فيي قول 1 على 3 او 1 على 9..لانو الموجودين هنّي 3 شباب ... رح ارمز لكل واحد منهم بـ حرف.. يعني خلينا نقول في بالغرفة .. أ .. ب .. ج .. لما انا قول 1 على (رقم)..هيك كأني عطيت احتمال اني طلّع واحد (معيّن) منهم..يعني كأني عم قول انو الرجل اللي بيطلع هو أ..وهالشي غلط..لانو مين قلك انو الشب أ هو يللي طلع.. بلكي اللي طلع هو ب او ج.. الحسابات بتصير على الشكل التالي.. احتمال انو يطلع شب هوي.. يا اما يطلع الشب أ ، او يطلع الشب ب او يطلع الشب ج.. يعني عنّا 3 امكانيات الى انو يطلع شب..من هون احتمال يطلع شب هو 3 على عدد الكل (شباب وبنات) والقانون (عدد الامكانيات على العدد الكلي )..اجى من خلال الحسابات هي : احتمال يطلع أ + احتمال يطلع ب + احتمال يطلع ج = احتمال يطلع رجل من الرجال 1 على 9 + 1على 9 + 1على 9 = 3 على 9.. من هون اجى القانون.. عدد الامكانيات على العدد الكلي..ممنوع الاجتزاء والامكانيات برجع بقلك..ما بتعني عدد الرجال اللي بدنا نسحبهم..الامكانيات هي عدد الرجال الموجودين وصلت الفكرة؟! |
بالنسبة للبند ب ..
اقتباس:
كيف بدنا نعرف انو الشخص الذي اختير بالاول هو امرأة..طريقة الحساب هي.. انوا احنا بنعرف تاني شخص هو بنت..فـ عنا احتمالين.. يا اما يكون اول سحبة بنت وتاني سحبة بنت.. يا اما يكون اول سحبة رجل وتاني سحبة بنت.. هو بدو يعرف اديه احتمال انو بالسحبة الاولى كان بنت مو شب.. القانون هو : ( احتمال انو يكون بالسحبة الاولى بنت والتانية بنت ) على [( احتمال انو يكون بالسحبة الاولى بنت والتانية بنت) + ( احتمال انو يكون بالسحبة الاولى رجل والتانية بنت )] = احتمال انو الشخص الاول الذي اختير هو امراة |
طيب كنت بحب يكتب وسيم ادا عندو اي استفسار
بس حتى ما يـُـترك الموضوع..وحتى يستمر حطوا مسائل..بس اتفقوا بالاول..هندسة او احتمالات او غير نمط |
انا تقريبا اقتنعت بحكيك ماتيا .. وفهمت شو قصدتي بالاحتمالات
بس لهلق اسا ما غرفت ليش طلع الجواب نفسو؟ معقول تشليف؟ عكل اذا عندك شي مسألة احتمالات نزلية .. لبين ما نشوف اذا يمان عندو شي هندسة عفوا عالتاخير .. وعالاختصار بالرد . بس مكركبة شوي هالفترة :D |
اقتباس:
وممكن تكون تشليف ،بس بيضل الحكي فيو منطق وبالنهاية الناتج صحيح !! نهاية القول : بدنا مسألة جديدة وياريت تكون بالرياضيات وبعيد عن الاحتمالات (تفاديا للقوانين اللي بعضنا او معظمنا يجهلها ) :D |
اوكي وسيم..وسؤالك نفسو سالتو لحالي وليمان الحقيقة..
كيف بيطلع جواب صح لطريقة غلط..!! اقتباس:
|
اقتباس:
نص طول القاعدة في الارتفاع ها :ss: |
شبيبة .. عندي شغلة وتسلاية صغيرة الكم .. مسكو
1ABCDE x3= ABCDE1 عطوني .. الارقام .. وطلعوا .. مع الطريقة .. ما بدنا بس تشليف .. ! انا حليتا بطريقا .. وفي طريقة تانية للحل لقيتا .. لزلك .. تسلاية بين ما نلاقي شي منيح .. سلامز :D * ABCDE1 او 1ABCDE ..عبارة عن رقم واحد .. وال e احاد .. وهيك يعني .. مانا اعداد مضروبة ببعضا .. |
والله مافهمت شوبدك يا يمان (ليش هيك عمتسوي فيني :?)
:jakoush: |
يا زلمة مو اختراع ..
حل المعادلة املوجودة فوق 1ABCDE x3= ABCDE1 وبس ! عم قلك انو الاحرف فوق ما بتدل على ارقام مضروبة ببعضا .. بس .. هية عدد كامل مكون من احاد وعشرات ومئات وهيك .. |
ممكن نكرر الارقام
|
اقتباس:
|
اقتباس:
|
خود راحتك .. :D
|
رجاء يا شباب ما حدا يحط جواب عالحل بدون طريقة بس .. ما تنسو !
|
شو ياه .. ارانب :p
|
| الساعة بإيدك هلق يا سيدي 11:05 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
هي اول مفلوج وسيمو :p