|
نفس السكران في حانة ابو اغوب
عديت نجمات السما طلعو تلت نجمات وحدة خاطبها القمر وتنين مبهورات تيراتيرا رم رم ابو اغوب .... بصحتك بارون ابو اغوب: حبيبي ..... قلتلك هادا وقت شغل .... ما في شرب بشرفي ابو اغوب انك بتفهم ........ بصحتك بارون هلأ بدي اسألك ابو اغوب .... عدم المؤاخذة يعني ...... انتي لعبان لعبة الكراسي انتي وصغير ..... ما تفهمني غلط .... دخيل عينك .... .بس قلي لعبان او مو لعبان هاي اللعبة تبع الكراسي ؟ ابو اغوب : اشو هاي لعبة كراسي؟ ابو اغوب .... ما تزعل مني ...... سماع ..... لنقول في عنا عشر بني ادمين ........ وفي تسع كراسي ............ وبيبلشو هالبني ادمين يبرمو حوالي هال....... اي .... كراسي وموسيقى عم تشتغل ...... وهيك فجأة ..... عدم المؤاخذة يعني ..... بتوقف الموسيقى ....... وبيقعدو هالبني ادمين عالكراسي ......... وبيضل بني ادم فاشل بدون كرسي هادا منقول ...... عدم المؤاخذة .......... الله معك وكل مرة منشيل كرسي من هالكراسي ......... ابو اغوب ..... سماع هيك ليصير في عنا شخصين وكرسي وحدة بس ............ بصحتك بارون (ويشرب رشفة من كأسه ) وبس تتوقف هالموسيقى ..... ويقعد بني ادم واحد ويضل بني ادم واحد واقف ....... اللي قعد بيربح الكرسي ....... واللي ضل واقف ..... ما تزعل مني ابو اغوب ...... بيخسر اللعبة هلأ بارون.... سماع ....... هلأ بهالزمن هاد ...... ولا تزعل مني دخيل عينك ..... النظام تغير ....... صار بس تتوقف الموسيقى بيقعد شخص واحد وبيفرد ايدي واجري على كل الكراسي ....... سماع بارون ......... وبيصير بيوزعها على صحباتو و المقربين ...... حتى لو كانو هدول صحابو ومقربينو ....... برات اللعبة ....... وهيك هوي بيضل قاعد عالكرسي ......... وصحباتو على كراسيهن وما حدا بيقلهن شو عم تعملو ......... اي عدم المؤاخذة ..... لا لجنة تحكيم تدور عليهن ...... ولا مين يقلهن يا احبة هيك ما بيصير ..... بارون سماع ........ كنا نفكر انو الولاد الصغار بيغشو بهاللعبة ..... طلعو الولاد الكبار بيغشو اكتر من الصغار ..... وعدم المؤاخذة يعني بصحتك بارون كرسي كراسي على راسي راح ظالم اجا قاسي تيرم ترم تيراريرا رم |
اقتباس:
والله معك حق:lol::lol::lol::yahoo::deal: |
اقتباس:
اي عمي طلعت هي بالاساس لعبة الكراسي للكبار فقط |
خــــــــــــــــــــــــ ـــــي شو حبيت هالـــركـــن انــــــو عـــــندي كـــــتير حكــــيات بـــدي احكيون هـــــيكـ لــــ لحـــــالي مــامــعي حــــدا وبلــــى ولا شـــــي |
مشكوووووووووووووووووووووو ووووووووووووووور
|
تنويه إداري
Maykil و الله يا معلم ماعندك صلاحية لتوصل لهي الصفحة. مدري ليش :
|
كتيررررررر حلو يسلمن رفيقة
|
يـــــا ويلاااه شو عبالي مليار شغله بختصرون بشـــغلـه جالي ع بالي افتــــح الباب وامشي.. امشي لحالي ... وما معي ولا شي وما معي ولا حدا لوصل لبلاد ما فيها حدا بعرفو.. /طلبي بسيط/ ...بس مستحيل..انو اهلي..انودراستي...انو..انو... دايما بئول لولا في بالحياه الله ..كنت اطلقت ع اهلي لقب الله واستغفر الله ..بس لو ما كانو ال 2 بحياتي ..كنت صرت../بس للاسف/ صرت كنت ...وافهما اذا بيفهما خدلك حشيشه بس انتبه ليدمعو عيونكـ مو من شي من دخان الحشيشه ..لانو الدخان بيعمي /بعد التعب... عم انتظركـ يا بكرا ...وصـــامدون لنشوف نهايتها / |
طفولة
ولي عليكي يعني آثار الحشيش مبينة عليكي بس عنجد على فكرة الحكي كلياتو صح وبيمر فيه نص الشعب واكتر شي البنات طيب معليش اسألك سؤال يصحي شوي من هالسكرة اللي عايشتيها وصلتي على بلاد ما بتعرفي فيها حدا بعدين؟. |
لما تكون وحيد ومافي حدا جنبك مع انك وسط ملايين العالم فتكون دخلت بزمن القوقعة
يعني انو الواحد هيك مدري كيف بيصير يتقوقع على حالو بيخلق زمن غير الزمن وبعيش بعالم غير العالم يمكن ليهرب او يمكن ليلاقي شي مضيعو بالواقع وقت بتكون انت غير موجود بالوجود وبتحاول تلغي كل الوجود وتحولو للاوجود بيكون وجودك هو اللاوجود والوجود غير موجود ........ بنشعل سيكارا |
اقتباس:
بشرفي حكيك كلو مدوزن جود لقلك جود :D |
اقتباس:
مو سكره ..انما حشيشة قلم هاد السؤال ما عندي الو غير هي:D |
شلون يعني شلون يعني هي
 عم تتهربي ما بيمشي الحال خيتوبدك تجاوبي حدا معو قداحة؟ |
اقتباس:
امركـ وصلت لما صرت بـــ اخــويه انكشلي اسئله كمان هاا ..ع كلن ما عاد تشوفني بس اخلص فحص هون... اتطمن شغلة 6 شهور ومنخلص ع الاخر ومشان الئداحه بدكـ تسأل ابو سليمان من شوي كان عم يشعل سيكاره |
لممممموووهاااااااا
|
اذهبو يا جميع الامم واعلموهم بأنني
فان سألوكم قولو لهم كأنني فاذا لم يفهمو فاخبروهم اني سأمحو من الوجود كل من لا ينحني |
ييييييييييي مرحبا ويلي لك كيفك .. والله زماان عن سهرااات التحشيش سوااا :hashish::hashish:
بس بتتذكر وقت اختباراتك خخخخخخخخ :hashish::hashish: هلأ انا عم عاني متلك :hashish: |
الحياة مجموعة من التحديات واكبر تحدي بالحياة هو تحدي الذات او النفس
انك تقنع حالك بانك قادر على انك تعمل اي شي انك تتحدى كل العوائق النفسية تتحدى الزمان والمكان ... تشعل سيكارة تحت المطر بكبريتة ...:sick: |
لا ابو سليم انا بخاالفك الرأي
الحياة مجموعة قواعد لايتم ادراكها الا بعد مفارقتها :shock: |
وعندك بحرية..... يا ريس
وصحن ملوخية... يا ريس وكبة مشوية...... يا ريس وسمكة مقلية... يا ريس وفروج بروتسد.... يا ريس و رز وبامي........ يا ريس وعالصفرة الطيبة قعدناااا... وجاط التبولة لحوااااااسنا وانشالله يجبو التحلاية. لنعبي المعدة ونتسااااالى وجيب الفلافل.... يا ريس وسندويش شاورما.... ياااااااااا ريس و..صحن الحمص.... يا ريس وكام صحن مخخل... يا ريس وشي صدر كنافة... يا ريس وقنينة شمبانيا..... ياااا ريس وقنينة عرق فتحنااا... وكاس الوسكة طيــــــرنا (يعني طيرنا بعد السكرة) ولعبنا شدة وربحنا.... طرنيب وتريكس وشب الكوبا وبعدين قمنا نتيسر وعاملنا حادث وتيسرنا. يا ريس ياريس يــــــــــــــــــــــــ ـــــــــا ريس |
اقتباس:
هي التحديات نفسها القواعد يعني مثلا الانسان بيبحث عن الحرية المطلقة بس ما بيواجه اصعب أمرين اللي هنن الطموح و الالتزامات وما بيدرك انو كان حر لبعد ما يموت بيدوق الأمرين ليخلص للأمرين المذكورين اعلاه وما بيقدر يخلص منن وبس يموت بيعرف انو مافي شي ايمو حرية مطلقة وهي قاعدة من قواعد الحياة :?:shock: |
اقتباس:
احلى تحية لاحلى محشش :D |
اقتباس:
وسيم حبيب القلب :D هلئ هو في نظرية تانية واللي هي بتقول انو المدمن على شي وبيكون مقطوع منو بيصير يهلوس وهي الهلوسات متل الصدمات الكهربائية اللي بيستخدموها لمحاولة إنعاش القلب :sick: ليش هيك قلبت ... الطربيزة |
اقتباس:
:? بالله؟؟ عم تحكي جد؟؟ عن الطربيزة؟؟ قلبت :shock: :? الله يستر وينك لقلك شغلة ضربت صاروخ ماريغوانا هلق نص غرام و النص التاني عم يسنتى و ما بدي دخنو لوحدي شو رايك؟ اااااخ يا راسي :hashish: |
أي طربيزة .... :shock:
هلئ هدول النص غرام كم بايت بيطلعو بركي بتقدر تبعتلي نصن وهيك بندخنن سوا ... ولا قلك انت دخن وانا بفتل راسي :lol: |
بايت؟
شو هاد ؟ شو بيشتغل ؟ مين بيطلع ؟ ليك ما تواخذني عم اكتب كل كلمة بسطر بس وقت بحشش بضيع النيشان تبعي و الكلمات بتفوت ببعضا لك بدي كبر الخظ و ماني عم لاقيه :? شو بدك انت هلق ؟ ؟ ؟ جاي و لا شو ؟ |
لك
لا خلص انت دخن وانا بس اجي لعندك بجيب معي وهي كتبت هيك بشان تقدر تقراهن بعرف راسك بيكون فاتل |
اقتباس:
رهيبة :lol: |
احم
بتقبلو رجعة محشش منشق لعندكون :cry: |
اقتباس:
|
قال اشو
لدينا سلك نحاسي مصنوع من الخشب ملون بالزيرقوني اوجد اسم الشخص اللي صنعه ما كان ناقص غير يجينا هيك سؤال امبارح بالفحص قال 16 سؤال خلال سعتين هلق لو كانت مدة الفحص سنتين كان فيها وجهة نظر وكل سؤال ظولة شي صفحة صفحة ونص والورقة القدموا لنا اياها لنكتب عليها فيها 5 صفحات و2 مسودة عملنا جهدنا المسودة نبيضها ونكتب عليها ما مشي الحال قال اكتب على الورقة بس يا اخي ما بتوسع شطبنا الاسم مشان نستفيد من الفراغات بين الاحرف وصغرنا الخط حتى 2 على الوورد يعني صرت انا ما اشوف اللي عبكتبه كتبنا على المقعد لانه شي بحر ان الاسئلة سهلة يعني ما رضي لنا المراقب يخرز لنا المقعد مع الورقة اي دين بحلل وبحرم هاد الحكي .!!؟!؟! قولوا لي يا اخي عبتعجبني فكرة التقمص بقول اني كنت بزماني دكتور بشي جامعة ما بعرف شعور داخلي يعني وقت بدخل على القاعة بدور بركدا في بايدي شي شنتاية فيها لاب توب بعدين بتذكر اني كنت بالحياة السابقة مرتشي كلب حقي 6 آلاف ليرة للمادة قام مدري مين كان نزل من مرتبتي وحولني لطالب ملتعن حظه بالدنية وفعلا نظرية صحيحة ها من اول ما دخلت وشفت دكتور المادة شعرت باحساس غريب شوي كمان بدي اقول له " فين الوظيفة ما كتبتها يا " اكيد كان طالب الي بالحياة السابقة :larg: |
لمن كانو الشباب صغار بلإبتدائي كانو يسألوهون شو بدكون تصيرو بس تكبرو يا شطورين ؟؟؟!
دغري عالحارك نرد : دكتور , طيار , وزير لما طلعو من الإعدادية كان الشباب ماكلين صدمة التاسع والنتائج وهيك وصارو بالثانوي سئلوهون شوبدكون تصير يا شباب بس تكبرو ممم مهندس , محامي لما نفلجت الشباب بالبكلوريا ومابعد البكلوريا شو بدكون تصيرو يا شباب المستقبل ؟؟ الشباب : انشالله ها نشالله شوفير تكسي, شوفير سرفيس |
لك آخ على الطفولة
فتحت لي جروحاتي يا بابو جوزيف لك ما عدت اعرف اقول آخ ولا آه مع انه مافي فرق بس الهئية صعب تخلط بيناتهم الطفولة الله يرحم ايام كانت امي تجي على المدرسة تجيبني تشوفني مفحم من البكي وآكل شي 50 بوكس و200 رفسة آخ وقت كنا نبكي وقت ننسى نجيب الدفتر والآنسة تزعل علينا نعود نبكي بزيادة فين هلق وفين هنيك هلق بتروح على الجامعة بكل ثقة بتدخل على القاعة بقول لك الدكتور فين حلقة البحث بتجاوبه ما كتبتها ولك حتى اذا سال اكتر منبدا منتأفاف وننزعج ونقول له محسب ما عندي شغلة غير اجيب لك شغلك وحلقة بحثك !!! من جهتي مرة كان في عندنا متل محاضرة عطانا اياها الاب المشرف على الكنيسة ركز فيها على ان قيمة الانسان بتنبع من انسانيته بمعنى آخر لازم علي احترم الانسان على ما هو ما على شكله اذا كان فيه اعاقة او لا ولا على مهنته وجاب مثال عن الزبال قال انه ابدا ما لازم ننظر له نظرة فوقية لانه اذا ما كان موجود فمن فمين دبه ينظف الباحة مين بده ينظف الصفوف لازم على الكل يحترمه وشغلته لا تقل اهمية على الاستاذ بتذكر طلعنا كلياتنا حلمنا بالحياة نصير زبالين مشان العالم تحترمنا |
دوورررررررررررررررررررررر رررها، انا ناااااطررررر.....
|
فلا كنا ولا كانا...يا صاحب الوعد خلي الوعد نســــيـانــا طاف النــ ع ــــاس على ماضيكـ وارتــــحلت حدائـــق الــعمر بكيا ...فـ اهدأ الآن كان الوداع ابتسامات مبلله بالدمع حينا وبالتذكار احيانا حتى الهدايا وكانت كل ثروتنا ..ليل نسيناها هدايانا شريط شــعر... عبيق الضوع.. محرمة ...ونجمة سقطت من غصن لقيانا يا رحلة في مدى النسيان موجعة ... |
هنيك بكل مكان وبـ لا مكان بتلاقي كل شي او ما بتلاقي شي
انك تحلم هدا حلم لتحقق الحلم بدك معجزة سماوية أو اورنجية حسب حالة الطقس وبما انو الطقس وبدك تنتبه لانو الطقس بيتبدل وبيتغير وبيطور بسرعة والرياح في تقدم مستمر والثلوج بتوصل لاعلى مستوياتها وكل هاد مو بحاجة لخطة حمسية أو لاذن مسبق صار لازم سخن الابريق سئع .... |
هيك وبلا ولا شي احسن شي انك تكون ولا شي وعلى اعتبار اي شي إلو حيز من الهوا بكون شي
فيفضل انك تعمل حالك انك شي بس بدون اي شي ..... النوم بروفا للموت .... ولحتى ما تاخد حيز من الهوا لازم تقطع النفس بشان ما تاخد حيز من الهوا وهيك بتكون صرت شي بدون شي ... وبماانو انا ما بدي كون اي شي ولاني اساسا ولا شي بدي انسى كل شي واعمل بروفا .... فاضية وحياة عيونكن .... فاضية |
قواسم مشتركة
الشعب متل الغنم بحاجة دائما لراعي...... ليرعاه
|
فوارق
الغنم بيتسمن ليتضحى فيه بالاعياد او لشي مناسبة
بس الشعب بيتجوع وبيتضحى فيه بدون مناسبة ...... |
بصمات من تحشيشات..بقلمهم يبصمون على ارواحنا
يفاجئني صمود الأسوار مع أن المعركة كانت خاسرة بامتياز. أغفر لك جوعي وعطشي وآلامي جميعها، ما لن أغفره لك هو مساسك بالأبيض لوناً يجمعن. تعبت عيناي من انتظار الوقت المناسب للبكاء، ومتى كان للبكاء وقته؟ أريد زاوية مهجورة حتى من نور الشمس، زاوية أصرخ فيها دمعي وأذرف تساؤلاتي جميعها بدون أن أخشى السؤال. كيف ضاقت بي المطارح بغيابك، حتى جغرافيا الأمكنة تغّيرت، اختفت، أعدْ لي زاويتي الصغيرة، تكفيني قوقعتي لأمضي ما تبقى من أيامي بانتظارك. قلتُ لكَ يوماً: خذ عينيَّ ولكن دعني أراك، ياصغيرة، لن تعرفي الدفء بعد اليوم أغمضي عينيكِ يا طفلة فَقَدَتِ الحضن الدافئ فهرب اليُتْمُ منها مخافة أن تسيء إليه ضُمّي يديكِ إلى صدرك واعتزلي الصلاة والسّجود، لا معنى لصلاتك بعد اليوم، حتى السّماء أقفلت أذنيها عن سماع أنينك. حتى السماء رفضتك.. لأن ما كان، كان اختراع وقت من خارج الوقت، ليكون وقتنا أطول. كانت كلماتي "إليكَ، إليكَ وحدك"، صارت "منكَ...منكَ وحدك". كانت كلماتي حقيقة انتماء الـ"أنا" حتى الذوبان، صارت ذوبان "أناي" في انتمائها إلى اللاأحد. ... وكأن الحبر صار دمعاً والأوراق عيوناً تناديني، تطلب مني العودة إليها. أُخبرها أنك رحلت، فلمن أكتُب! أناديكَ، يا كلّ الحزن غيابُكَ أغرقني في ألم من لون آخر بعدما انتهيتُ من صراعي مع الألوان أحتجز جيوش الشوق المهاجمة وراء سور اللامبالاة، فأسقط. أسقط مضرّجة بدمع الحزن. سقطت الأميرة في الفخ وأنتَ، إن نظرت إلى أعلى سترى بين خيوط الشمس بقايا قلب صغير أعلن ذات يوم انتماءه الواحد ولكن... ... في الزمن الخطأ. إنطفأ الحلم، أغمضت عينيّ على كلّ الحب وفتحتهما على ما يشبه الاستمرار. آخر الأيتام يا قليل الإيمان من كلّ الحضور إلى كلّ الغياب، يوجعني شوقي أحرقها أعاد الجميع إلى نوره وغابت هي في ظلمة النكران. تراها الدعوة لم تكن أكثر من دعوة للموت على حدود شمعة تحترق؟! ماذا تفعل اليوم؟ ماذا يفعل اليوم؟ ليبقى السؤال اليتيم: حين ينتفي سبب وجودنا وتغتال الأيام أفراحنا، ماذا يبقى لنكمل به المشوار؟ قولوا له أنتم. فعيناها لن يراهما بعد اليوم قولوا له : سامحتْكَ برحيلها، فسامِحْها ولا تَعُدْ عودي إلى أمان البراعم، شمس الخارج في انتظارك لتحرقك وتسقط أوراقك خيرٌ لكِ أن تعانقي التراب لا الأفواه الشَّرِهة. خيرٌ لكِ أن تظلّي باردة. فصار تمثالاً جندي يمارس قوانين السِّلم في زمن الحرب اليوم يقف مشدوهاً في ساحة لا معركة فيها. خالية إلاّ من الذكريات كم يكبر الحزن حين نكون في المكان الواحد دون أن نكون أمام ألم غيابك عني صار الموت يبدو رحلة سعيدة. تقرع نواقيس الخطر أجراس أسئلة ما كانت لتخطر على بالي - لماذا قصصتِ شعرَكِ ؟ - لأنّ أصابعك لن تسَرِّحه. /ابداع حد الصدمه/ |
| الساعة بإيدك هلق يا سيدي 21:56 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
