|
اقتباس:
نحنا جماعة متخلفين لا نؤمن بالديمقراطية والاعتصام السلمي ونعتبر الاعتصامات السلمية كما اجمع عليها جمهور العلماء مظهراً من مظاهر البدع و إنطلاقاً من القاعدة الاصولية كل بدعة ضلالة وكل ضلالة في النار نرفــــــــــــــــــــــ ـــــــــــــــــــــــــ ـــــض هاي المظاهر التي تؤدي بنا الى جهنم وبئس المصير :jakoush: :jakoush: :jakoush: :jakoush: |
اقتباس:
ولي ماعاش يلي بدو يوجهلك كلمة انت معلمنا الكبير :D:D |
اقتباس:
بعرف انك عم تخبرينا بعدين مين يلي بدو يسكر الموضوع ؟؟؟؟؟؟؟؟؟؟ هون ما بتتسكر المواضيع هون كل واحد بيعبر عن رئيه وطالما في احترام للاعضاء وما في كلمات خارجة الموضوع ما بينقفل هذا المفروض !!!!!! يعيش المناخ الديمقراطي :clap: بدي روح نزل اغنية لفيروز بموضوع ماما حتى تخلصوا علاكم المصدي :p |
اقتباس:
ولو شفت انك كتير مهتم فلعيونك راح ابعتلك النصوص:larg: |
اقتباس:
:o أنا معلم و كبير كمان :shisha: مو راكبة معي هاي القصة يا شامي من طوئيوووووووووووو بعدين حتى لو شتمت عادي هاي وجهات نظر ولكل واحد فينا ان يعبر عن وجهة نظره بالشكل الذي يرتئيه مناسباً حلوة هاي يرتئيه حاسس نفسي صرت مثقف :p اهم شي انو نحافظ على حريتنا في التعبير ;-) |
من شان الله ليش كل هالزعل:x في كتير مواضيع بهالمنتدى فيالي عجبو الموضوع:lol: يحكي فيه ويناقش ويالي ما عجبو:pos: اروح لموضوع ثاني ولا تفهموني غلط:D
|
اقتباس:
هلاء عن جد عم تحكي ؟؟؟؟؟؟؟؟؟ ما بتعرف انو الديانات كلها حرمت الزنا ذا لايت بلا ما نضحك على حالنا ونستخف بعقول البشر انتا بتعرف اني بحترمك وبحترم وجهة نظرك دايما لكن هون ما ممكن اتفق معك بنوب هلاء العذرية مو مقياس للشرف ممكن اقبل هاي العبارة لانو في كتير بنات ممكن يكونوا عذراوات ومع ذلك اقذر من العاهرات بتصرفاتهم و باسلوب حياتهم ممكن تكون الرذيلة هيا مفهوم حياتهم وممكن كتير اشيا نتخيلها هون لكن انو يكون الجنس بدون زواج نهج حياتنا بعتقد انها صعبة شوي هلاء في سؤال تبادر لذهني هون على افتراض انك ارتبطت بفتاة بدون زواج وكانت العلاقة بينكم متل علاقة الزوج بزوجته وكانت هاي الفتاة مرتبطة قبلك بشخص ولسبب او لاخر تركته هلاء نفترض انك كنت ماشي معها بالشارع وبالصدفة قابلتوا هالشخص هاد وانتا بتعرف انها مارست الجنس معه بسئلك هون ذا لايت وبتمنى تكون صادق معي متل العادة هل راح تعتبر الامر عادي وانو ما في مشكلة ولا راح تتنكد لانك شفته ولانها شافته وهو شافها ؟؟؟؟؟؟ تحياتي الك:D |
اقتباس:
ردي الاول قلت فيه انو هو مخالف للشرائع الدينية كفعل وكممارسة....اما عن وجود علاقة جوهرية بين عذرية البنت بالشرف والاخلاق فانا بعتبر انو هاد الكلام كتير كبير وغيرمقبول....لانو الشرف والاخلاق هن قيمتين او مفهومين اكبر بكتير من انو يكونو بيخضعوا لتعريف محصور ومرتبط ارتباط حصري بالعذرية أو بغشاء البكارة.... تاني ناحية....العلاقة يللي بتسقط من قيمة البنت هي الدعارة ومش العلاقة الجنسية مع شريك حياة قبل الزواج....طبعا انا هاد رأيي ومقتنع فيه لسبب بسيط...انو العلاقة الجنسية قبل الزواج وقت بتكون في اطار مجتمع لا يحكمه الدين وبفضل اني سميه مجتمع علماني مع انو التسمية ما نها صحيحة...ووقت بتكون باطار علاقة حب صحيحة غير قائمة ع الخداع متل معظم لعلاقات بمجتمعنا...بشوفها علاقة صحية وصحيحة.... وراح اعطيك مثال بسيط....انا عايش بفرنسا...واتحدى اي شخص يقدر يقلك انو فيه يمارس الجنس مع اي بنت الا اذا كانت حبيبتو وشريكته حصرا....بمعنى انو هون الجنس جزء من علاقة تعايش بين شخصين ومش موجودة بالشكل يللي بتتخيله الغالبية العظمى من شعبنا.... وبصراحة اكتر....الانحلال الاخلاقي يللي كنت شوفو يوميا بمجتمعنا الشرقي هو اضعاف مضاعفة عن يللي شفتو هون...... وجوابي ع سؤالك....وبغض النظر عن رأي أي حدا فيه لانو ما كتير بيهمني....انا بقبل اتزوج بغير عذراء وما عندي مشكلة.... طبعا رديت ع السؤال وما كنت حابب رد عليه ع العام لأنو هلئ بتسمع حكي بطعمة وبلا طعمة والشاطر بيصير يللي بدو يقيملي اخلاقي ومبادئي وبدو يحاول يعطيني مثال عن اختي... |
اقتباس:
اما انو في ناس لسبب او لاخر بمارسو هالعلاقة يالي هي اعلى درجات الحب اي شي مشرف لمل يكون في ايطارو القانوني لانهن واثقين تماما من انهن راح يتجوزو هي قضية ثانية مع اني مالني موافقتهن عالفكرة:frown: بس في النهاية راح اضلو مع بعض وعن انو حدا يحكم عليك:jakoush: فما بظن لانو انت يالي راح تعيش حياتك وانت حر:clap: وهاد مو معناتو انك مومنيح وخسيس وواطي:shock: وملاحظة صغيرة معك حق في اكثر فساد في الدول العربية بالنسبة للغرب:larg: |
اقتباس:
اقتباس:
اقتباس:
اقتباس:
|
اقتباس:
اسف كتير اني تاخرت بالرد لاني مشغول شوي واسف مرة تانية على طرح السؤال ما قصدت شي يدايقك ذا لايت واجابتك مع احترامي الشديد الك ولكلامك لا تتعلق بسؤالي بنوب انا سؤالي كان واضح انو كيف راح تتصرف وقت ما تلتقي مع الشخص يلي ماريست معه قبل هيك اما انك تقبل الارتباط بانسانة مو عذراء فانا بكيف هذا القبول على انه سمو منك بحيث انك قبلت ترتبط بانسانة مو عذراء ممكن تكون مغتصبة او تكون غرر بها وهيا صغيرة بقصد انضحك عليها يعني ممكن تكون ضحية وانتا قبلت الارتباط لانك شفت فيها الشي يلي كنت عم تبحث عنه صدقني ذا لايت انا كتير بحترم هالكلام وبقدره وبفهمه صح لكن ما بعتقد انك تقبل ارتباط بفتاة مارست مرات مع اشخاص قبلك وبارادتها المطلقة نحنا كل يوم ممكن نحب سخص جديد وكل يوم ممكن نلتقي مع اشخاص نلاقي فيهم اشيا عم نبحث عنها ودايما ممكن نثق لو كل مرة راح نلتقي بشخص ونشوف فيه شي عم نبحث عنه ونثق فيه ونمارس الجنس معه لانو تخيلنا انو هو شريك العمر راح تنقلب لدعارة يلي انتا بترفضها وصدقني ما في فرق بينها وبين العاهرة العاهرة بتقبض مصاري وهيا بتاخد هدايا هون ممكن انتا تقلي ان الثقة ما بنبنيها على اوهام ولازم نكون متاكدين من شريكنا اوكي كلامك صحيح لكن الثقة هون مفهوم نسبي و مو كل الناس عندها الوعي والادراك الصحيح لتقدر تحدد مفهوم وخواص الشريك يلي لازم نثق فيه اما بالنسبة للاديان وكلامها عن الشرف والاخلاق والعذرية فانا بقلك الاديان افترضت عدة مقومات لبناء انسان سوي من خلال حلقات بتتجمع مع بعضها لتصيغ مفهوم الانسان و مفهوم الاخلاق وتعمل تكاملية بين المفهومين العذرية حلقة من هاي الحلقات تاثر وبشكل كبير على صياغة المفهوم الاخلاقي و بالتاكيد على مفهوم و ماهية الانسان يمكن افكاري شوي مو مرتبة لاني شوي مشغول بموضوع بنكمل حوارنا بغير وقت واكيد ذا لايت انا بحترم كل حرف بتحكيه لاني بحترم شخصك لك مني كل الحب والاحترام :D |
بس نحنا نسينا شيء كتير هو انو اللي فاقدين عذريتهن مو بس من شان السبب اللاخلاقي في كمان الاغتصاب وهون الامر مختلف تماما راح ارجع بكرا لنتكلم بهالموضوع
|
اقتباس:
يعني عن جد انت مقتنع انو هاد سبب كافي لعدم الزواج من انسانة مارست الجنس من قبل سواء بزواج او لأ؟؟ اقتباس:
بتمنى ترجع تشوف كلامك وتحاول تشوف هاد التناقض اقتباس:
|
| الساعة بإيدك هلق يا سيدي 18:48 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون