انو قصدك تضل عنفس النقطة .. نو شريك لانو لح تطلع .. على الغرب .. برا الكرة كلا هيك كمان ..

في في منطقة لسا وسيمو .. فكرو فيا ..

:D

ولك ام بصلة مشوية .. هدي حالك شويات .. ما لح حط الجواب ... اي بتفقس اللعبة كلا ..

مننطر ازا الكل بدو الجواب بحطو خلص ..

:D

ما كان بقصد انك تقول الجواب ع المسالة..

كان بقصد تجاوب وسيم...

عمي وسيم..قلو يقول الجواب يخليلنا ياك..بدنا نبدا احتمالات

:p

طب اخر سؤال, هاي النقطة بيمشي الحالة بغض النظر عن ابعاد الكرة؟؟

طيب خلص ما مشكلة..فكروا فيها ئد ما بدكن

بس تخلصوا خبروني..

عادي وسيم ضل فكر..ما تحجز حالك بطلبي :D

سلامات

يلعن سماك يا يمان ما اغشك

انا قايلك اخدتها من الكرة الارضية وبتطلع القطب الشمالي يعني ضروري قلك خطوط طول وعرض لحتى يمشي الحال :pos:

غشاش جبان بطاطا وبيتنجان :shock:

خيتو من جهتي هادا اخر احتمال .. اذا مشي الحالو مشي الحالو.
اذا ما مشي الحالو .. بدي اجي شقلك كل طاباتك .. وققتلة لرفيقتك السألتك هادا السؤال:jakoush:( حاسس حالي شرير:x)

لاء عنجد .. انو هلق منشوف عمو هاني اذا بجعبتو في شي جديد ..
اذا لاء .. خلص منخلي يحطلنا الجواب الصح ومنكفي بالاحتمالات تبعوتك
اتفقنا؟

انو شلون طلع معك بس الواحد يبلش من القطب الشمالي بيطلع برات الارض؟

:hashish:

ابو الهن الحشاش ... رجاع فوت شوف هالرد .. قلتلك من القطب الشمالي .. بدك تقلي كيف كنت ..

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

هلا بيني وبينكم انا ماني ناطر هاد الجواب كنت .. لانو يعدمني ياكم عهيك مخوخة ..

انو هاد جواب سهل ومفروض من الاول بين معكم .. بس عم ننطر جواب المنقطة التانية .. ركزو شوي .. حتلاقوا .. سهلة وموجودة ..

ما فهمت بالضبط .. شو قصدك ؟ بغض النظر عن ابعاد الكرة ؟

هلا ازا بدكم خلونا نثبت حكينا على انو قطر الكرة .. = 1000000000000 سم منيح ..

ما بعرف شو قصدت شرحلي وسيمو ؟ :D

لانو يا عيني انا فكرت انو سؤالو بيحكي عن خطوط مستقيمة مو خطوط نصف كروية وعلى اعتبار ما معنا نصف قطر الكرة فافترضت لحالو انو يكون اصغر من خمسة وبالتالي باستخدام خط مستقيم متجه من القطب الشمالي لكرة لقطبها الجنوبي وبافتراض انو نصف قطر الكرة اقل من خمسة الخط سوف يخرج من الكرة


بالنسبة للنقطة التانية
قلبي عم يقلي انو هيي مركز الكرة بس تعى اثبتها بقى :pos:

حدا يفهمني كيف الواحد بيمشي على سطح كرة .. بخط مستقيم !! :?

عكلن انا ما لح حط الجواب بعرف .. اب الهن .. عقلو حمصي .. بدو كتير لحتى .. يستلسم :pحيط يعني ..

بقا .. انا ببقا بشوفكم بكرا .. لعل وعسا ها .. بكون حدا حركلو مخو بفرنك ونص ..

تصبحو عخير .. وحركوه حركوه يعدمني .. الشو اسمو :p

يلعن ها

لك انتي مو قايل على سطح الكرررررررررررررررة واذا انتي مو محدد على سطح الكرة ممكن تنزيل خطين باتجاه الجنوب من سطح الكرة واحد هوي خط مستقيم والتاني خط نصف كروي متجه باتجاه القطب الجنوبي


تبين انو مسألتك فاشلة بجدارة :pos:

ولك ما تيبس راسك .. :frown: اعترف بفشلك الذريع اعترف :p

لك .. اب الهن .. انا قلت ايا منقطة من الكرة بتحقق هي الحكي يعني اكيد من سطح الكرة بقصد .. عكلن ما بدنا نقلب النقاش عهي .. حاول تفكر فيا ولح تلاقيا .. اول منطقة طلعت ...

لح تطلع التانية . فكر شوي بطريقة تناظرية :p

صبحو غخير:D

انتي فاشل رياضيا يا ولد
يعني ضروري ندخل هلأ بالسطح وبالكتلة وبالمابعرف شو بالكرة ونبهدلك :pos:

خلص امرنا لالله مندور عالنقطة التانية

:x:x:x

ماشي ما لح قلك شي .. يا حمصي :p

شو وين صرتو؟!

اخي انا انسا جوابي ... كنت عم فكر بغير طريقة :D

بس على فكرة ,, كانو طريقة طرح السؤال مو واضحة;) .. لانو انا لشفت حل وسيم لعرفت شو قصدك

لسة ما يئست..بيئول رح فكر وبيغيب سنة هاني..

اخي فكر بسرعة..بدي اخلص من هالمسائل

بدنا احتمالات لانو..احلى :gem:

لا ياسر .. انا ما كان بدي .. طريقة الحل متل ما وسيم .. كتب انو .. يعني بدو خطوط الطول والعرض .. نو ما هيك القصة .. انو عادي كان بدي ياه يشرحلي ياها لهاني .. انو بس راح كتبلي انو والله القطب الشمالي وخلصنا يعني .. بركدن كان عم يشلف تشليف .. على كلن انا قلتلكم انو النقطة الاولى او المنطقة الاولى حتكون اسهل وحدة بس بدنا التانية تطلع معكم وهديك اللي بدا تحريك المخ .. كلو ..


عراسي ياسر .. ولنشوف شو بصير معكم .. :D

** ام بصلة مشوية .. قحطي من هون خلين يعرفو يفكرو :frown:

1 ) اسمي ماتيا :frown:

2 ) لكان بعتمد عليك..بس تخلصوا..خبرني نبدأ احتمالات

مو مشان شي.. بس مشان فهمك ع البند :p

خيو انا بحب اختصر الحكي
في عندك شي حزازير للمعلم حضرتي بتستاهل اني عذب حالي واكتب الحل تبعها على الكيبورد ولا مافي
:gem:

اخي شو رايك تفرجينا شطارتك بمسالة يمان يللي حطها

او تخليلنا شطارتك لمسالة الاحتمالات يللي رح حطها

بتستاهل تعبك

يمون انت حليتو لحالك ابو مخ؟؟؟؟؟


شوي لفكر بشكل جدي بس انشالله ما ينحل قبل ما حركو لمخي ها

اي اي .. انو .. ما كتير اخدت معي وقت ..

اليوم حليت وحدة جديدة بمحاضرة الادارة الحكومية قاعد ومالل قلت مالي غيرا .. وروقت وقت حليتا .. :o

ادارة وحكومية كمان!!!الله يسترك يا ولد بحضرتها للحكومة عم.....

كاني ما قريت شي

معناها منستنى الاحتمالات :larg:

اي واخرتنا نضل ننطر

الهيئة ما رح نخلص من هالمسالة..

الجاسوسة ام بصلة المحروقة صرعتينا بمسالة الاحتمالات تبعيتك

بما انو قاتلة حالك عالاحتمالات شو رايك تحسبيلنا شو احتمال انو تنحل مسالة يمان خلال العشر سنين القادمات :p

:o:o:o:p

احتمالها صفر..

لانو ما في مين يحلها اصلاً :frown:

خلصنا وهات الحل ادا عندك..

هاظا وقد نتج في احدى الصفنات الصميدعية تبين انه (بالاعتماد على الكرة الارضية )

يوجد مدار كامل من النقاط يعني دائرة كاملة من الكرة جميعها نقاطها من الممكن (انتبه على كلمة ممكن يعني ممكن تحقق وممكن لاء حسب المسار اللي انتي بدك يا ) ان تحقق الشروط المطلوبة بالمسألة لنفرض مثلا مثلا يعني :

الكرة الارضية وخط الاستواء ونقطة القطب الجنوبي

خط الاستواء يبعد عن القطب الجنوبي 10 سم

لنختر اي نقطة عشوائية على خط الاستواء ولننزل نحو الجنوب سنصل الى القطب الجنوبي
هلأ بس نوصل عالقطب الجنوبي معد نقدر نتجه نحو الغرب يعني صار الاتجاه الاجباري شمال يعني قصدي انو حتى لو اتجهت الى الغرب عشرة سم حتى لو عشرة كم لك خيو روح جخ نحنا كريمين وانتي بتستاهل روح باتجاه الغرب 1000 كم فانتي رح تضل بالقطب الجنوبي

هلأ هون بتتطبق كلمة ممكن
انو انا ممكن ارجع بنفس الطريق اللي اجيت منو وارجع لنفس النقطة او ممكن ارجع بطريق مختلف واوصل لكل نقاط خط الاستواء بس بيضل في عندي احتمال (ماتيا ركزي على كلمة احتمال هاي بيجي منها بالفحص ) انو طبق شروط المسألة انو ارجع بنفس الخط وارجع عالنقطة اللي انطلقت منها

هلأ التسالي وين انو ممكن ينط واحد يقلك خيو لاء بين خط الاستواء والقطب الجنوبي عشرة سم ممكن يكون اقل
اي على عيني خود اي مدار فوق خط الاستواء وتحت القطب الشمالي بحيث يبعد عن القطب الجنوبي عشرة سم رح يحقق معك نفس الفرضية

ممكن حدا تاني يقلك لاء خط الاستواء يبعد اكتر من عشرة سم عن القطب الجنوبي اوكي ما في مشكلة خود اي مدار تحت خط الاستواء وفوق القطب الجنوبي بحيث يبعد عشرة سم عن القطب الجنوبي رح يحقق معك نفس الفرضية



انو شو بيعرفني هيك خطرت على بالي

ملاحظة : ما حدا ينط يقلي من وين جبت انو من القطب الجنوبي ما فيك تتجه نحو الغرب هاي مثبتة جغرافيا انو ما في داعي تتحرك بالاقطاب بس دير وجهك ولحالك بتتنقل من اقصى الشرق لاقصى الغرب



وحياكن :D

طيب حلو كتير كتير كتير .. بشرفي .. تحليلك عجبني وخرط مشطي .. هي اولا .

قربت كتير على الحل .. وتفكريك كان بالطريق الصح ..

بس انت قالب الموازين ومعلق براسك نقطة القطب الجنوبي .. فكرة الدائرة اللي حكيت عنا .. صحيحة 100 %

بس .. حاول انك تنسا شوي .. القطب الجنوبي .. وفكر .. بقيت معك خطوة وحدة بسيطة وبتنحل معك المسالة ..

ركز على الدائرة ام المحيط اللي بيساوي 10 سم بشو ممكن انها تفيدك .. لتطبق الشروط المحطوطة كانت ..

انو اول شي ممننزل .. 10 سم جنوب بعدو 10 سم غرب بعدو 10 سم .. شمال ..

أحيييك وارفع لك ال.. طاقية بو الهن :D

خي يمان .. الحقيقة تقال.
بهاي المسالة فوتتنا كلنا بالحيط .. وانت كنت اول واحد فينا فايت فيه..:pos:

ما علينا... مرت عخير

عما نستنا الجديد

:shock:اول شي مين قلك انو .. خلصت المسالة ؟

هاني ما حلها صح .. هاني .. كتب الطريقة الاقرب للحل ولهلا .. ما حلو بس قرب عالفكرة وعم يمشي صح .. تاني شي خيو وسيم .. ليش فوتك بالحيط ؟

بكرا بس لتشوف الجواب لح تشوف انو ولا ابيخ من هيك لو فكرت فيا شوي .. بس فكرو منيح ..

وتركو فكرة انو النقطة محصورة بين القطب الشمالي او القطب الجنوبي ..

:D

يعي ببساطة شريك .. انا طلبت انك توجدلي منطقتين ... على سطح الكرة .. لو نزلنا باتجاه الجنوب 10 سم .. ورحنا بعدا عال غرب ب 10 سم وطلعنا عالشمال بعدو ب 10 سم .. منرجع لنفس النقطة !!

القطب الشمالي كانت احدى هي النقاط .. هاني كتبا بس بدون شرح .. ما قلتلو انو اي .. نرطتك انت كتبت جوابك .. وقلتلك انو صح وحلوا لحكي .. ناطرين المنطقة التانية .. واونلي .. ازا في شي مانو مبين او ما مفهوم .. بخبركم عنو ابو السيم :D

بنفس الطريقة النقطة التانية هي القطب الجنوبي (كمان مثلت بزازيتين قائمتين ) ونفس فكرة خطوط الطول والعرض .

بس هو للدقة :
الاجابة هي، النقطة الاولى : اعلى نقطة على سطح الكرة (بغض النظر عن حجمها ونصف قطرها)
النقطة الثانية : اخفض نقطة على سطح الكرة (ايضا بغض النظر عن حجمها ونصف قطرها)

شرط التحقيق: اعلى نقطة واخفض نقطة قبل التحرك اي في مرحلة الثبات هي المقصودة .

- اي نقاط بخلاف تلك النقطتين لن تحقق الهدف المطلوب .

مرحبا

بدي افهم شغلة
انت مستبعد القطب الجنوبي على اعتار انو هو الجنوب؟ يعني رح يكون غلك اختيار القطب الجنوبي؟
طيب شو رأيك باي أفق من ناظر موجود على سطح الكره الأرضية .. أي أفق و بأي اتجاه
قصدي نهاية ما يستطيع الناظر رؤيته .
جد النقطة التانية مش سهلة
كمان في سؤال في عدد محدد للنقاط و إلا بس تنين .
شكراً

ما بيزبط هاد الحكي .. هلا دقيقة شبيبة .. بدنا منكم انو تكونو شوي الحل واقعي يعني ما بدنا نفتل ونلف على بتعض بالحل ..

هلا .. الكرة بدكم تخلوا ثابتة يعني مو ترووحو اول شي .. تحطوا للطابة .. تقولو القطب الشمالي حقق النقطة . بعد شوي تقلبو الطابة بالعكس .. وتقولو القطب الجنوب صار بحقق المطلوب :p

تاني شي .. القطب الجنوبي غغلط الجواب محمد .. لانو انا حصرتلك انو لازم حضرتك تنزل من النقطةا لمختارة ..

باتجاه الجنوب اول حركة .. ب مقدار 10 سم ..

طيب بهي الحالة .. انت عم تطلع برّا الكرة الارضية .. واهازا غلط ..

او بالاحرى .. لو طلعت .. ورحت عالغرب ب 10 سم ورجعت لفوق .. لعند الكرة ما لح ترجع على القطب الجنوبي نفسو اللي طلعت منو " في حال اني فرضت انو الخروج خارج سطح الكرة مقبول تماما ..
اهلا ..

لاء انا ما لغيت شي .. الحل والتحليل هوة اللي بيلغي الجنوب .. وحكيت فوق بردي على محمد اقراه وشوف ..

ومنشان الافق والنظر .. انظور من وين ما بدك .. بس خلي الطابة ثابتة وغير متحركة يعني ما كل شوي تقلبا تساوي الشمالي جنوبي وترجع تطبق شو ساوينا عالشمالي ..

خلينا نقول منشان عدد محدد منشان النقاط .. لاء قول في منطقة معينة .. بتضمن عدة نقط محققة .. منشان سهل عليك الفكرة .. لو عرفت ايا نقطة منن .. لح يبين معك .. بقية النقط اللي بتقبل هاد الشي ...

:D

طيب مادام هيك ففي عندك مركز الكرة الارضية أو المحرق يللي بتتساوى الجهاد حولو .. يعني بفعه المحرق او المركز وين ما تحركت فيها رح تكون بنفس المكان و بنفس الاتجاه .
فكره صميدعية تحليلية ما هيك:lol:
طيب اذا مافي استبعاد للقطب الجنوبي فرح تتغير النظريو و بيكون الاتجاه لفوق لنو القطب هوي الجنوب و ما بظن في إلو جنوب لأنو صرنا برات الكرة .. إلا اذا أخدناها بخط منحني و طلعنا لفوق و هيك بيصير وضعو بنفس وضع الشمالي .
أنا كان قصدي بخصوص الوقوف على سطح الكرة الأرضية و النظر لأبعد نقطة بالأفق .. هي النقطة بيجوز تحقق الشرط.
شو رأيك؟ و كمان من دون تحريك و باي اتجاه بدكيا:D