كاتب النص الأصلي : abosleman (مشاركة 640628)

كتير اعضاء بتمنى اشرب القهوة معن
بس بما انو بدك ثلاث اعضاء رح قلك
ظل جيفارا .. مادماكس ... Nirvana
الاسباب يامعلم هدول من العالم اللي كتير بحترم آرائن وافكارن
وبتمنى انو اجتمع معن واتعرف عليهن اكتر ..
وبما انو اتنين ظل جيفارا ومادو من طرطوس . وانا بحب طرطوس فاكيد اكتر مكان مناسب

كاتب النص الأصلي : fofo besset syria (مشاركة 639581)

اسئلتي المعتادة :

1. شو الشي الي ما فيك تعيش بدونه؟

الصداقة ... ما بالضرورة يكون الصديق انسان اي شي ممكن تشوفو كل يوم وبتقدر تتحاور معو
وبتحسو بيفهمك بكون صديق
ممكن يكون الكتاب ,,, أو البحر,,, او شي نجمة

2.ازا عندك الصلاحيات انك تغير شي واحد بسوريا شو ما كان...شو بتغير وليش؟

النظام الدراسي والمناهج -مع بعض هدول -
نظامنا الدراسي تعيس ومابيعطي الفرصة للطالب يختار
ومناهجنا عنجد سمجة بتحس الطالب لما يوصل للبكلوريا رح تجيه جلطة دماغية
وهلئ منتشرة عنا تجارة الجامعات الخاصة -بعتبرا تجارة وقت بينرفع المعدل لدراسة اختصاص معين وبيتم فتح جامعه بدرسك نفس الاختصاص بمعدل اقل ع حسابك -

3.ازا كنت لحالك عجزيرة لحالك و بدك تضل معزول عن الناس واي شي خارج الجزيرة لمدة سنة و فيك تاخد معك شخص واحد و3 اشياء من اغراضك الخاصة شو بتاخد وليه؟ (ما فيك تاخد موبايل او تلفزيون او كمبيوتر او اي وسيلة اتصال مع العالم)وطبعا مو اكل وشرب وهاي الاشيا لأنه اعتبرها مأمنة الك بس بدك تاخد شي بعز عليك وبعنيلك انه يضل معك

اذا بدي انعزل لحالي ما بالضرورة اخد شخص معي
كتاب شامل لـ جبران خليل جبران
شطرنج
ومجموعه فيروز _ طبعا هي ما بتعتبر وسيلة اتصال بالعالم الخارجي _


4.شو تعريف الغربة بالنسبة الك؟

كاتب النص الأصلي : fofo besset syria (مشاركة 639584)

ابو سليمان كمان سؤال..شو كان شعورك اول ما لقيت حالك صرت بالمقلاية ؟:p


:shock: هيك بعدين :sick: وبعدين :hashish:

وشو بتعنيلك اخوية بما انو صارلك زمااااااااااااااااان فيها..و شو رأيك فيها هلأ .. احسن من قبل او زمان كانت احسن واحلى؟

اخوية بيتي الصغير اللي بدخل عليه لما حس بالوحدة ... والحرية والاشتراكية :p

كل جيل مر بأخوية كان إلو طابع متميز عن اللي قبلو وفيه اعضاء متميزين واعضاء ما بينطاقو
بس اكيد بضل الجيل القديم وانا بسميه جيل العمالقة متميز ومشرق فيكي تقولي متل التاريخ العربي
وبتمنى المستقبل ما ينحدر فينا متل حاضرنا العربي

موفق بالمقلاية :p

كاتب النص الأصلي : Nirvana (مشاركة 640643)

بتشرف .. :D

كاتب النص الأصلي : Nirvana (مشاركة 640646)

بتعرف سؤالي وهو أهم سؤال :lol:

هدا السؤال من لما عرفت اني بالمقلايه عم فكر فيه :p

رأيك بالتحشيش؟
هو الوصول لابعد نقطة ممكنة بالفكر والفكرة.. والفكرة انو لازم نصطل
لنقدر نتواصل مع مجتمع المصاطيل المطاطي :o عجبتني هي المطاطي


ورأيك بأبو حشيشة؟

سيدنا الكبير ومعلمنا وتاج راسنا ولولاه كنا متنا
الله لا يحرمنا منو ومن تحشيشاتو

وشو بتحب تعمل بحياتك وما قدرت لهلا تعملو؟

السباحة ....:shock: لهلئ ما قدرت اتعلم السباحة :p

بالنسبة اذا الشي اللي بدي اعملو مادي فكتير امور بتمنى اني اعملها وماقدرت اعملها
بس لساتني عم اسعى ع امل اني اعملها ( إننا محكومون بالامل )

وإذا كانت الشغلة روحية او شخصية اني كون انا بمجتمع بيحترم انك تكون انت ومابطالبك انك تكون هو

وشكراً.. :D

كاتب النص الأصلي : butterfly (مشاركة 639601)

1. الأنسان الخير والشر
2. الله الوجود والعدم
3. سوريا الام الحنون
   
4. ابو سليمان حكاية صغيرة اسما خضر
   
5. أخوية المجتمع الحلم
6. الشمس الضوء اللي بيكشف خفايا النفس
7. الطموح الدافع للاستمرارية
8. الحب اكبر من اني احكي
9. الفشل الطريق للنجاح
10. الأحمر الدم والنار
11. الأسود لون بلاك المفضل اللي بعتبرو ابيض -مو لبلاك-
12. الأبيض مو لون بلاك المفضل
13. اليد اقدم وسيلة للتعبير
14. الجسد مرآة الروح
15. الفم آخر مرحلة للسيطرة ع الكلام
16. التفوق نهاية الفشل
17. الطبيعة التأمل
18. المال قيود الحياة
19. الموسيقى غذاء الروح
20. الأبداع الجنون الرائع
21. الأخرين قصص وحكايا
22. الأنوثة جماليه المرأة
23. الذكر مرآة تعكس جمال الانوثة
24. الأمومة الجمال الحقيقي للانوثة
25. الطفولة عالم الاحلام
26. الحياة بداية الموت
27. الموت نهاية الحياة
28. Butterfly فراشة المنتدى وروح المكتبة :mimo:
    

رح أرجع ... :p:mimo:

كاتب النص الأصلي : يمان Rooooonaldo (مشاركة 639615)

كاتب النص الأصلي : The morning (مشاركة 639709)

كاتب النص الأصلي : marioma alghzayala (مشاركة 640572)

اجيت لاسالك بس رح انطر لتجاوب ..والله كتار ...:?

ابو سليمان شو بتحب اسالك انا جاهزة:gem:

كاتب النص الأصلي : كهربجي مثقف (مشاركة 641336)

هلق شلون بيقلو فيها هي يعني؟؟
يعني مثلاً لنقول أنا بدي أقلي حدا.. شو بعمل؟