|
اقتباس:
ورا الادن وممكن يستعمل ايضا كمادة فعالة ضد الشعر شو نسيتي اني كيميائي |
اقتباس:
ومن كتر ما كان فيا لهي اللعبة لئمنة قلبت صهيونية |
اقتباس:
والله يا فؤاد ذكرتني بأصحاب القبعات الصفر الله يستر |
لما بتفيق مكوبس بترتاح وبتقول كان منام وخلص ,بس لما بتمرق هيه وتخلي كلشي وردي وفجاة بتفيق بالغرفة لحالك وتتذكر ان شو رجعك لهنيك...بتعرف ان يامحلي الكوابيس الي بتنتهي بالواقع وما بتبدي منو
|
اقتباس:
لك آآخ يا رفيق ليش عم نعرف إيمتى عم يخلص الكابوس .... ليش عم نفيق مننّو :pos: و بس تمرق هيه و نجي بدنا نفيق من هالكابوس، بتكون مرقتها سريعة جداً و ما منلحق غير نشم شوي من ريحة عطرها اللي بتتلاشى بسرعة بريحة دخان ماظوط السرافيس و الباصات .. و منجي بدنا نبلش بالحلم الجميل اللي فيه بقايا من رائحة هالعطر ، بس للأسف بسرعة بترجع الروايح التانية بتتغطى و بترجعنا للكابوس نفسو ذاتو لنكملو ........ :cry: و هكذا ........ و أحلى وردة حمرا إلك رفيق أبو الفود .. :D |
اقتباس:
بتصفي صور ... نورت رفيقي الغائب |
اقتباس:
بتروح شو بتعمول ...بتطلع بهل الواقع وبتصفن صفنه ..وبتقول لحالك ..اخت هل الحاله ..وبتكبس الزر ..وبتقول كمان هل الواقع كابوس وعم يمر .. ...وانا فيني غير الصوره وغير رب الواقع ..... :D |
الكاس
بيحسسك بالدفا لما بتبرد وبيجعلك فرحان لدرجة الجدبنة...
بتصير شجاع معو وبتودع الخجل وكل الهموم العالقة والمعلقة ... عند قدرة ان ينسيك كلشي مابتحبو وبيخليك طيب قد ماكنت خرة.. وبتصير بتسامح الجميع هاد غير ان بيعزز اللحمة الوطنية ...مين غيرووو؟؟ الكاس ان وبصراحة قنية لا يتجاوز سعرها ال200 ليرة فيها تعمل مفعول وشغل وتحقق اهداف كل الاديان السماوية والارضية والمئرضة!! ان بدل ما تعذب مرسالك وتخلي طالع نازل وهوه حامل هالتعاليم وتضحي بالعبيدة الي راحو فدا دينك شو كانت حلوة منك يامعلم ان بتخليها تمطر ويسكي ؟؟ وبعرف ان ميزانيتك ديقة خليك عالعرق من شو بيشكي هيك مطر عرقي؟!! وكنت بتشوف هالبشر كيف فاتحين تمن للسما وعم يغبو من رحمتك .. وعلي ماعلي انا ,انا شخصيا كنت راح مجد اسمك مع كل كاس ,زعيسرة اسمك رنة الكاس موسيقية اكثر بكثير ,كثير من الاصوات الي بتطلع من بيوتك دخيلك ودخيل حكمتك |
شو بدك بالحكي ..هل الكاس بيعطيك صلاحيات غير شكل ..
انه الواحد لما بتقل شوي ..بصير يسب ويشيل ويحط ..وينزل ويكفر ..ولك محدا بقلو شي قال ليش ..شارب كاس .. انه انت شراب كاس وعمول الي الي بدك يا ... وع هل السيره بغوست يا رفيق :nirvana: |
شايلك قنينة نبيد شغل عمك أبو صالح وبلا منية حدا
قال مطر قال |
جفرا
شو غار القمر منك, عطاكي ضهرو ومن يوما شحب ...وذبلت
تركك قبلة لكل الملوك المغدورين ولكل ذكريات الحيطان والشهدا الي كتبو رسالة لولادن انن راح يولدو بوطنن... رغم اني ماوصلت اراضيكي وعم افقد الامل ان اوصل..بس لساتا صورتك عم تنعكس عوراق الليمون لتخلي هالعشاق بالارض بيكفو بسفرن المقدس عم يغيبوكي عن ذواكرنا تننساكي وننسا عارنا,عارنا كلنا فيكي .. بس وبطهر كل حبات المطر الي بتحضن ارضك راح ضل متذكرك بتلالك,زيتونك وترابك ...وبظل بشتقلك جفرا.... امتاه بتفيق وتنفض هالغبرا جفرا ؟كل اخواتك غبرا وكل رفقاتك غبرا وكل الي بيحكو عنك اليوم غبرا .. لاتقلي متت جفرا ,بعرفك هون بشي مطرح بشي بيت او حته يمكن نايم بحضن امك ..راح تكبر جفرا وتكنس كل هالوسخ عن هالبلد ...بكرا راح يكون الو لونك صورتك وعبقك وانا راح بلش ازرع زيتون واسقي حديد ,زيتونا مابيعشق غير نار وحمام سماك راح يضل مكسور جناح بلا حديد ...ناطرك ياجاي ,لاتتاخر.. |
:cry::cry::cry::cry:
|
جنة
طيب معقول جنة ربنا شو بتحوي ثقلا ؟
ان يابا هاد الي مقضيها علي صلاة وقرائة من الكتاب المقدس وكلما قعد معك بيخرط عليك شي موعظة وهوه مفكر ان بيهديك ..ان اكيد صايرة معكن وحاسينها شو مملة ,فكيف انك بدك تعيش كل حياتك مع وسط جل من هالشكيلة؟!! عم تتخيل ان ماعندك اراجيل وان خمرك بلا كحول وان بهلة الصف الي مابيعرف غير الكتب والدرس ماراح تخلص منو ولو متت !! هاد غير ان كل يوم الصبح بتفيقك مخلوقات بليدة تدعي الملائكة بحياتها ماعملت غلط ولا حكت علي حدا هاد غير ان مابتعمل سكس خيي تركني علي الارض ,انا بني ادم اذا ما اتعذبت مابعرف شو هيه السعادة اتركني محروم وخليني جوع لاستوعب كيف بيشعر الشبعان وبيناتنا ...تعى اعمللنا زيارة مع ملائكتك وحياتك لتروقو ... وبالمعية شوف عبيدتك ما احلاهن ...اي والله ليكفروك ..بس انزل ساعتها بتعرف ليش العالم عم طول قبل ماتموت |
انه انت بيطلع معك كل شغله بدها الله وكاسو ..بتعرف نيالك ع هل المخ وع هل الكتابه .....انه عن جد ليش البني ادم مو ملاك ولبش الملاك مو بني ادم ..يعني بالاخير لما بتقول لواحد انت ملاك بتطلع عم تسبو ....
وين بدك يا ينزل ..هو من غير ما ينزل ..قايمه الحكايه ..اي كيف ما ينزل ...ليلتعن رب ربنا .... |
اقتباس:
فؤاد هات عيرني شوكتك شوي :devil: |
تعودت ع هلالموضوع كتير ...بستفقدو لما ما بكون up
|
اقتباس:
أنا كمان صار عندي ياه عادة يومية متل ما بشييك إيميلي كل يوم الصبح ، صرت عم شييك هالموضوع ، شوفي عليه شي جديد ... :lol: أنا قصدي كلشي إضافات عليه من تعليقات الكل و تعليقات رفيقنا العظيم أممي .. بحبكون كلكون :D |
اقتباس:
اقتباس:
|
| الساعة بإيدك هلق يا سيدي 08:01 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون