|
كوستا
مطرح غريب شوي بالبار عم اشرب واسكر وارقص وحشش وشوف حياتي شو اللي مخليك لهلأ بالبار ؟ |
يللي بتحب تضيفنا ...
انت كريم ونحنات منستاهل اقتباس:
|
وين رحنا ؟؟؟؟:shock:
|
اقتباس:
البار الو جو خاص فيه ولما بكون معك حدا تاني وبالاخص من الجنس اللطيف بتكون القعدة غير شكل ... المهم انا يللي مخليني بالبار لانو افضل مكان بقدر كون في حر وبشوف حريتي الشخصية طبعا هون بقصد عن حياتي انا فقط يعني لما بشرب .. بسلطن ... بصير بغير دنيي :nirvana: بروح عالبيست وببلش ارقص .....:yahoo: ولما بخلص برجع بصير بدي عبي الطاسة بشوية حشيش .... :hashish::hashish: ولما بحشش بصير بابدع بالكلام لانو هون بكون كلامك صار من داخلك وغير مصطنع فاحلى مكان هو البار ......:shisha: وبشوف حياتي فيه لانو من بعد حشيشي ما ينبت حشيش .....:o |
ياسيدي وهالمرة مو انت اللي جاي لعندي عالاستديو انا اللي رايح عالبار كرمالك هالمرة بس من دون حشيش لانو اللي بيحشش مع ابو جوزيف يبطل يحشش
|
كوستا كلمة اخوية حسب ما عرفتها مرسيل مرة انو هي كناية عن اطياف المجتمع السوري
انت كيف بتشوف الاخوية |
اقتباس:
( طبعا انا ومرسيل متعودين عالخناق )وهي وردة لميمو :D انا اخوية بشوفها متل نافذة او منبر او اي شي ممكن تعبر فيه عن شعورك واحساسك وعن امالك وحياتك ومستقبلك ..... الاخوية اكبر من انو تكون محصورة بالمجتمع السوري بكل طوائفو ومذاهبو واعراقو ..... وحتى جنسياتو ... الاخوية متل بيت كبير بيجمع الكل ومن وين ما كان ..... ( مرسيل كتبت موضوع مرة اسمو اخوية بيتي ) هو صح اخوية نبعت من سوريا ..... بس هي مانها ملك لسوريا .... او للشعب السوري .... الاخوية عبارة عن مجتمع كبير وصغير .... الاخوية عظيمة .... |
احد الاعضاء اللي ما بدو اني اذكر اسمه قال انو متل ما الاخوية بيت كبير فهي مصيدة كمان او فخ بمعنى تاني انو بسبب الاخوية اعتقل عدد من الاعضاء
شو رايك؟ |
اقتباس:
مشان يللي اعتقلو ان كانو من اخوية او من برات اخوية .... رح احكي بالمنطق ... يعني في ناس من الستينات اعتقلو .... وما كان في انترنيت ولا كان في اخوية ... طيب لنفرض انو موقع اخوية غير موجود ... وهالناس يللي كانت عم تكتب باخوية اكيد بدها تكتب بغير موقع واكيد بدون يعتقلو كانو ..... فاخوية غير مسبب للاعتقال ..... يعني اخوية مالها علاقة بالهشي .... هنن بيتحملو مسؤولية كلامون ....واعمالون .... واعتقالون مابعتقد كان نابع من كتابتون باخوية .... وتحية للشباب المعتقلين ..... |
طيب سيدي هلا رح نشوف 5 صور وبدي منك تقللي شو بيعنولك هالصور
|
 |
اقتباس:
وعلم البلد يللي حامل الجنسية فيها .... بس مع الاسف ما بيعنيلي شي .... |
عادة العلم هو الرمز الوطني الاول للبلد لكن كيف ما بيعنيلك شي ؟
يبقى فيك تتخلى عن جنسيتك ؟ |
او بمعنى تاني اذا كان علم البلد ما بيعنيلك ليش قاعد هون؟
|
اقتباس:
ممكن تقلي شو بيرمز العلم ..... حتى اعطي الجواب الشافي ... يعني شو المقصود من الالوان ... والنجمتين والوانون .. |
شبنا ؟
اللون الأبيض يرمز للدولة الأموية اللون الأسود للدولة العباسية اللون الأخضر يرمز للإسلام اللون الأحمر يرمز لدم الشهداء النجوم ترمز لحالة الاتحاد بين الدول العربية هاد اللي تعلمناه بالمدرسة |
اقتباس:
ما بدنا نخلط شي بشي تاني ... |
اقتباس:
هاد العلم يا معلم هو رمز وطني وبيرمز لسوريا .... بس سوريا مو هي الدولة الاموية ... ولا هي الدولة العباسية ... ولا هي الاسلام ... منرجع لبقية الالوان بس خلص وحدة وحدة سوريا يا معلم هي مهد الحضارات ... متل ما بقولو ... وفيها او مر عليها حضارات كتير ... ليش استثنينا كل الحضارات يللي منتغنى فيها وحطينا على علمنا رموز بترمز لدين واحد فقط .. علمنا انو بسوريا في اديان متعددة ... يعني بحسها طائفية وعنصرية هالرموز ..... اما دم الشهداء ... هي مافينا نحكي عليها بس بما انو موجود مع بقية الالوان ... رح يروح بالمعية معون .... والاتحاد كان قبل ما يكون العلم بهاد الشكل .. وحتى بعد الانفصال بين سوريا ومصر وبعهد الانفصال كان غير هيك العلم .... والاتحاد اثبت فشلو وما رح يرجع .... ولنفس السبب ما رح يعنيلي شي هالعلم لانو بالنهاية عبارة عن رمز للطائفية ...... |
| الساعة بإيدك هلق يا سيدي 12:02 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون