|
اقتباس:
بس بظن انو طالما الموضوع عن الحجاب ف رح يكون حكي غابرييل بالتحديد عن الشي اللي بيخفيه الحجاب بالنسبة للمرأة مقارنة مع الرجل يعني عن الشعر والايدين والمناطق العادية ومو العورة المغلظة ياريت لو تحاولو شوي تفهمو عن شو الشخص بيكون عم يحكي قبل ماتردو عليه رد جارح |
يا ستي انتي ضايعة و مانك عرفانة شو عم يصير و لا حتى شو عم تناقشي
يعني من الاول اجا غابرييل و قال انو ليش نغطي شي الله عطانا ياه بعدين رد عليه بلئامة نسيم بعدين انت دافعتي عن غابرييل و شو قلتي .قلتيلو عم نحكي عن الحجاب مو عن العورة و شملتي و قلتي انو لما الشب بدو ينمحن على شعرات بنت يقعد بالبيت احسنلو مع انو كان نسيم عم يحكي عن العورات مو بس الشعر شرفت انا و قلتلك انو لا تحكي عن الشعر و الحجاب لانو الحجاب مو بس تغطاية الشعر قمت ما كملتي بنفس الفكرة لا ,رحتي شبتيلي فكرة قديمة بتهوي من مدري كم صفحة و تحطيتيلي ياها انا هون قلت لحالي شو جاب هالفكرة هلق و رديت عليكي و قلتلك اللي قلتو اخر الشي صلحتيها بكلمتين هني ((انو اللي بيطالب بعدم الحجاب رح يقبل انو يطلع البنات بعيلتو وهني مبينين العورة المغلظة)) و على فكرة اخر رد لالك (علي) هوي الوحيد اللي فيو هاي الفكرة و بس فما بعرف شو القصة بيجوز حاطة الفكرة كنتي براسك بس نسيتي تكتبيها و ارجعي و اقري |
امرأة من ورق ..
يبدو اني ما رح اقدر وصلك شو بدي بس هاي محاولة أخيرة القصد لما حكيتلو عورة مغلظة ومو مغلظة انو يا بني ادم شوفلك حجة تانية .. يعني ببساطة في أسباب تانية ممكن تكون مقنعة أما الاشي اللي زكرو تخبيص ومالو علاقة بنووووب وان شالله تكون وصلت قــــــــــــــــــولوا آمـــــــــــــــــــــــين  |
اقتباس:
اقتباس:
وبس ....وهاد نفس المعنى اللي ذكرتو باخر رد الي يعني وين عم تقلي ضايعة وماعم اعرف شو احكي ومنشان الرد اللي اجى رد على حكيك فعلا ماكان الو علاقة بهي الفكرة لانو اصلا حكيك انت كان عن فكرة تانية:D |
اقتباس:
من الأحسن ان اختك تطلع على الشارع بلا تياب احسن ما تلبس حجاب وفي تحته مليون شيطان عبيلعب |
اقتباس:
عادي لا تاكلي هم لانهم ما مستعدين يتقبلوا هاي الأفكار بس بقول لكم انكم طالما حاطيين هاي شغلات روتينية محل نقاش فانتوا امة غير قابلة للتمدن والتحضر انت برأيك الشعر شي مشن وين الغلط اذا البنت اظهرت شي من حقها تظهره " لا يروح فكركم لبعيد " بس ليش هيك تفكيركم منحط ؟؟ |
عالم وصلت للفضاء وعالم لسع عبتفكر بنوعية التياب
بتحب تعرف ليش كانت المراة العربية تضع الحجاب " للراسي وباكد لك لسع عبحاورك على اساس الشعر " متل ما بتعرف العرب هم سكان شبه الجزيرة العربية ومتل ما بتعرف حضرتك يا استاذ ان شبه الجزيرة منطقة صحراوية مشان هيك كان الشب بضع العمامة والمراة تضع الحجاب لحماية الشعر من الغبار ومن الرمال مو مشان تخفي وما تخفي على كل حال مفلس فكريا ماني متوقع أكتر من هيك واذ كنت شاكك من هاد الحكي روح على دائرة المعارف الاسلامية لاني جايب هاي المعلومات من هنيك . |
اقتباس:
اقتباس:
بس أنا بدي علق على طريقة كلام السيدين نسيم و ليوبارد : بالبداية كل واحد مننا ما بيمثل غير حالو فما بيحكي غير باسم حالو و بيعبر عن أفكارو هو بس هي اللهجة الواثقة الآمرة الناهية اللي بتحكي من منطق معرفة و إلمام بتفاصيل موضوع النقاش و بتوزع شهادات صح و خطأ يعني وراها جهل أكثر من أنو وراها معرفة باختصار و من الآخر موضوع الحجاب موضوع كبير و في آراء كتير من ناحية دينية و من ناحية غير دينية فهي اللهجة ما ألها طعمة لأنو الموضوع كان نقاش خفيف و ما في تعمق ، ولما واحد بيشارك بنقطة محددة ناقشوها مو ترمو كلامكون على طريقة نتائج ختامية حاسمة للنقاش بكل جوانبه يعني الحجاب حتى المسلمين و مفكري المسلمين بيختلفو على حدوده و بيختلف بين الطوائف و الاتجاهات و بشكل عام الحجاب هو لباس و عادة اجتماعية تأويلها الديني بيختلف من شخص لآخر و كل واحد بيتبنى نصوص معينة على أساسا بيحدد رايه و في كتير ناس بتبنيى رأيها بدون الاطلاع على كامل النصوص و المراجع و تحديدا المتعلق منها بأساس فرض الحجاب و يلي هو كلباس فرض بالبداية انفرض على زوجات الرسول و توسع ليشمل النساء الأحرار بقريش لتمييزهم عن الجواري و بنصوص غير إلهية و لكن باجتهادات الصحابة (ممكن تراجعوا دراسة لراضي عاقل موجودة على الإنترنت دورو عليها بغوغل) يعني هي إذا عم نحكي من حيث المبدأ اللي عم قولو ناقشو فكرة بفكرة و دائما تعلمو أنو قناعات كل إنسان هي خاصة فيه و بتناسبه و الآخرين عندهم أفكارهم و بتناسبهم ، و الأهم أنو إيمانا بمعتقدات "مقدسة" ما بتسحب هالقداسة لألنا شخصيا سلامة |
يا اخي انت طرحت رايك بطريقة حضارية واذا انتهت كمان أنا من أول النقاش ما تدخلت بشكل مباشر كنت بس عبكتب شوية شغلات بس وقت اجا اخ نسيم حكى أنا قريت الرد بس ما حبيت رد عليه لأني كنت متوقع ان الأخوة يسكتوه باعتباره حوار ديني من الغلط انوا يأخذ مجرى جنسي" العورات وهيك شي "
ووقت دلخت امرأة من ورق عاتبته على هاد الحكي اللي كله غلط تدخلب اللأخ ليوبارد بهدلها لانها دافعت عني يعني ما بعرف كيف بدي أحكي مع اشخاص سخيفين " ما عبعمم" بس بصراحة نحن هلق بالقرن 21 حاج نفكر باشياء كانت من 600 سن يا جماعة التقدم ما بده روتين وأشياء تافهة التقدم ما بيحصل وقت المرأة بترتدي حجاب أو ما بترتدي حجاب |
طيب انا بدي اسالكن سؤال ؟؟؟؟
و اخرةهادا النقاش شو ؟ |
كان لازم انكتب على الموضوع للمسلمين فقط ..........
|
الحجاب شئ ضروري واساسي في حياة المرأة المسلمة
"انت مسلمة اذا فأنت محجبة" موضوع الحجاب ده مش من اي حق انه يقول انه مفروض او مش مفروض هذا امر من الله ورسوله ومن اتبع هدي الله ورسوله لابد له من اتباع اوامر الله كلها مش نختار الاوامر اللي تعجبنا ونعملها واللي ماتعجبناش مانعملهاش |
اقتباس:
ماشي يا بطيخة .. انا هلأ طالع طازة بعدني خلينا حلوين .. |
انا محجبة بس مش عن ديانة احترام للعادات والتقاليد مش اكتر
البنت المحجبة هون بالبلد اللي انا فيها يعني بنت مش طالعلها شكل ما بتغلط !! محترمة مع العلم كتير مرات بيكون العكس |
مشكووووورة فلسطينية
هلأ الأهم من هيك يلي عن بحكيه غابرييل بإنو المرأة (لازم) تظهر مفاتنها أنا بعتبر يلي بحث زوجتو وامو وخواتو على هالشي .. عندو شيء من الدياثة لك هاد عرضك .. وبدك يلي يسوى وما يسوى يشوفو ويبحلق فيه كمان لك روووووووووووووووح .. كلو تخبيص بتخبيص حكيك لو ضليتك ساكت أحسنلك |
اقتباس:
يمكن انتحر انشتاين من وراك يا مون سيفتي .. ناموا .. |
اقتباس:
يا اخي صرت اشك انك بتعرف تقرأ وتكتب متخلف لابعد الحدود أنا وقت عبحكي على شي من ديانتك انت قلبته شي جنسي وحكي مشين بعتقد انها هاي مانها اهانة الي قد مانها اهانة لدينك الفضيل . انت ليش كتير متخلف . بتعرف شو اللي بخللي الانسان يختلف عن الحيوان ؟؟؟ لا الحجاب ولا العمامة الانسان بيختلف عن الحيوان بشي واحد بس هو العقل . وحضرتك عاطي اجازة لعقلك ليش كتير بتركز على المعنى الحرفي للكلمة يا اخي عيب عيليك انت من أغبى المسلمين اللي مروا علي ما بعرف اهلك كيف طايقينك غبي وسخيف لاتعس الحدود وقت بتقعد بتناقش بني آدم بطريقة حضارية بيجي برد عليك متل ما تعلم ط بطريقة غير حضارية " فهاد بالتاكيد ما بيملك عقل ومتله متل الحيوان بس بدي اقول لك شكرا كتير الك لأنك عبتاخرب موضوع بيبحث احد مواضيع دينك الكريم . يعني ما بعرف انت ما فيك عقل ؟؟ |
قال دق المي و هي مي
|
| الساعة بإيدك هلق يا سيدي 14:43 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون