|
الموضوع: طلب تصريح بالقلي العدد: 1 التاريخ: يوم الثلاثاء 10 شباط 2009 على الساعة 17:17 سعادة صاحب الموضوع المبجل بارليب المحترم:deal: أتقدم إلى سعادتكم بطلب التكرم بالسماح لي بقلي الآنسة الموقرة ميمو و ذلك للأسباب التالية. 1. ميمو حبيبة قلبي:hart: (يعني التصريح رح يكون استثتائي) 2. جابت سيرتي في الموضوع :yahoo: 3. انو ما فيك تحكيلي لأ لأنو أنا قبضاية و أنت مستشار (و هيك بتصير طبقي و عنصري) :p و لكم واسع االنظر شو قلت؟؟ :sly: |
اقتباس:
:cry::cry: بارليبو وافق بليز .. أنا بحب السمنة اللي بتقلي فيها هالبنت :lol: |
اقتباس:
هازا يؤدي انو مشي الحال اقتباس:
هاموش .. ميمو ماني نسيانك راجعلك |
اقتباس:
:lol: :lol: :lol: :lol: :lol: :lol: حبيتك حبيتك |
اقتباس:
اقتباس:
و أنا بانتظار التصريح الرسمي!! :cry: هيك بارليب، بتحط ناس تنقلى عالنار و تروح؟؟:jakoush: اقتباس:
:D |
اقتباس:
____________ وهي الأسئلة من أحدهم : مارسيل علائتك مع المسيح كتير مميزة إذا بدك توصفيها (أخوي -صداقة...) كيف بتوصغها؟ ادي بتشعري انك مفهومي من الناس يلي حواليك(أصدقاء أو غرباء ..)؟؟ ايمان ونور بالنسبي الك لشو بترمز؟؟ بدي رأيك بما يلي: Big girls Don't Cry باربي الايمان الالحاد اخوية بدي ياكي توصفلي أو توصفي شعوك بالاماكن التاليي: الشام المطار حمص الوادي معلولا الجولان اخر سؤال : Did you tell him? :D |
سؤال الأعضاء
و ... بـ صراحة Gazita Reemi marioma alghzayala hanny dagher Willi layla sezar الحاج متولي maged-syrian butterfly وشم الجمال " ربيع انثى" Syrian__Angel Hashtnasht ٍٍٍSyrian Gay Fares yass راديا SABE HUS Barleb باشق مجروح the light سرسورة محمد ابراهيم GOVERMENT صياد الطيور رجل من ورق the morrning COSTA handsome abosleman LiOnHeArT .3la2 yamen_h BL@CK MadMax وائل76 مسطول ع طول أمرأة من ورق Roaa مايا* ليندا fofo besset syria Abu Guzef sweetbaby abu william zen abu toni nour333 الموسيقار, ظل جيفارا Nirvana Viva syria sandra |
اقتباس:
اقتباس:
و أنا بفخر أكثر أني تعرفت على "حدا مثل ميمو مثلا"، ميمو كانت أول واحدة حكت معي في أخوية و رحبت فيني مشان هيك، كتير بعزا و بحبا،:sosweet: كمان "لمحات منه" كان أول الكتابات الي لفتت انتباهي في قسم الخواطر. و على بركة الله، يبدأ القلي على نار هادية: "لمحات منه" امتى رح تصير "حقائق معه"؟ :sosweet: شو بتعنيلك الكتابة؟ إذا منعو ميمو من القراءة ب"قرار جمهوري"، شو بيصير فيا؟:p لو حكولك من مكتبة، تختاري كتاب واحد بس، أي كتاب بتختاري؟ كيف بتتقبل ميمو النقد السلبي؟:adal: لو حدا حكالك ما بتعرفي تكتبي شو بتحكيلو؟ :cry: شو حسيتي فترة بعَّدتِ عن الأخوية؟ كيف كانت العودة؟ شو بتحسِّي وقت بتصفقي حدا مخالفة؟ :lol: شو في عندك فكرة عن أهل المغرب؟ :sly: إذا مغربي بدو يحكي لمغربية "بحبك" شو بيحكيلا؟ :o شو الشيء اللي يستحيل تتنازلي عنو من أجل علاقة؟ شو الشيء اللي يستحيل تغفريه كمان في علاقة؟ شو بيكون موقفك لما حدا بيسيء إليك؟ (بصفة عامة) تقدري تتزوجي حدا من ديانة تانية؟ لو تحطيتي في موقف هو (قصدي حبيبك) أو أهلك، مين بتختاري؟ شو أكثر اشي يبجذب انتباهك في الرجل؟ (قلبا و قالبا) شو أكثر اشي ممكن تحسدي بنت عليه؟ شو أكثر اشي بتعتبري انك ممكن تنحسدي عليه؟ شو هي نقاط ضعفك؟ شو أكثر اشي ممكن يستفزك و يطلعك عن شعورك؟ خصلة ما بتحبيها فيك و حابة تتغلبي عليها لو فيك تغيري شغلة في جسمك (من غير عمليات) شو بتغيري؟ طلعلك مارد، شو بتطلبي منو؟ شو الاشي اللي تربيتي عليه و بتشكري كتير أهلك انهم ربوك عليه (أكيد كتير شغلات، بس قصدي الأهم) شو الاشي اللي تربيتي عليه أنتِ و بتفكري أنك ما تلقنيه لأولادك؟ كيف تصورك الشخصي ل "المدينة الفاضلة" أو المجتمع النموذجي؟ شو أقصى طموحك بالحياة؟ و بما أنو قائمة الأعضاء ما بتشملني:pos:شو رأيك ببرسو:oops:؟ و قليا سعيدا:clap: |
اقتباس:
انو انا بصير جبلك الكتب وقت زورك ميمو ما تخافي حبيبتي :cry: |
مارسيلو .. شئد بتحبيني ؟
|
مرحبا بترفلي ..
بدي اسألك كم سؤال بشكل عام .. شنو مابعرفك شخصياً ... . . - إذا سؤلتي سؤال مصيري ... وفيه شي من الكرامة .. ومن الخطر ع حياتك ..... شو بتجاوبي : أي أم لأ ؟ يعني بقصد بتفضلي تعيش من ورا الإي .. او بتموتي من ورا ال لأ ؟ - شو رأيك بالمجتمع بهالأيام ... العربي .. والسوري بشكل خاص .. - رأيك بالشغلات التالية : الدخان , الجنس , الموت , السياسة , غزة , اوباما , بوش , ... - كيف بتشوفي الشباب العربي اليوم !؟ والسوري بشكل خاص ؟! - كيف بتشوفي التعليم بسوريا ؟ - الإنترنت .... بسورية ... عم يفيد أم عم يضر ؟! واكيد أسئلتي المعتادة : شو أهم تطلعاتك لعام 2009 ... - شو أهم انجازات عام 2008 بنظرك ... وشو أكتر شي زعجك فيها ... - رأيك باللي صار بغزة بكلمتين ... - كيف بتشوفي مستقبل ولاية أوباما ... وهل رح يغير شي من سياسة بلدو .. - شو تقديرك للأوضاع بعد 50 سنة - شو هيي أصعب لحظة بحياتك ... - شغلة غريبة صارت معك .. ومافهمتيها .. بقصد غريبة بمعنى (خارج عن الطبيعة .. ) - بتتمني تعيشي بالقرن التاسع عشر ؟ - كلمة للبشر ... ! - تغييرات بتحبي تعمليها بأخوية .. - شو أكتر شي بتخافي منو .. وبصدق .. - لو كان بإيدك تطلعي عالفضا .. مين بتاخدي معك من أخوية .. - انتي شو ب3 كلمات ... !؟ - هل انتي راضية عن الكرة الأرضية بوضعها الحالي ... شو نظرتك للأمور التالية : بيئة - فقر - نكبات - ثروات طبيعية موارد غير متجددة - مستقبل السيارات - .. - لو رجع الزمن لورا .. شو كنتي بتحبي يصير .. - بتآمني بالقضاء والقدر , بالسحر , وجود كائنات غريبة ع الأرض أو ع غير كواكب .. - شعور بتكرهي .. - شغلات بتفتقديها بهالإيام .. - شعور صرلك زمان ماحسيتي فيه ... - هل في أعضاء تغيرو بنظرك بعد ما حكيتي معهن مباشر (نت او لقاء مباشر .. ) ؟ - كلمة بتوجهيها لأعضاء .. هني بيعرفو حالهن .. بس بدون ماتسميهن ... - هل انتي من جماعة التحشيش (دخان أو أركيلة .. ) وإذا لأ .. شو موقفك منهن .. - كيف بتشوفي أخوية بهالأيام .. وبالأيام الجايي ... - شو حلمك بهالحياة .. وهل حققتي وللا لسا ... - رجل الأحلام تبعك ... شو مواصفاتو... هل هوي حقيقة ام حلم .. - هل انتي حر بقراراتك .. وشو هيي القرارات اللي ندمتي عليها بحياتك ... - ليش بحسك بتكرهيني :lol: . . وتحياتي ... THE,unforgiven ... " |
ميمو بالمقلاية .... معناها رح حضر الزيت و الغاز :lol:
بس قلي ع الخفيف ... - لماذا اخترتي هذا الاسم butterfly - اذا تعرفتي على أخوية اليوم ... تستمري و تسجلي فيها او لا ؟؟ مع ذكر السبب - ليش خليتي شخصيتك الاخوية تحتلف عن شخصيتك اليومية ؟ - تؤمني بالمساواة بين الرجل و المرأة ... ؟ و لو صرتي وزيرة حقوق المرأة ... ما هو اول و ثاني قرار رح تاخذيه ... - بعد 50 سنة .... شلون ممكن نشوف ميمو و التتمة جاية |
اقتباس:
|
اقتباس:
 ... |
ميمو ..
اول شئ بحب اعلنو انى كتير بحبك مو بس لانك شخصية قيادية بامتياز لكن كمان لانك دايمن بتدهشينى بكمية الحب اللى بيسكنك ع طول الله يزيد ايامك حب وعشق وغرام ميمو ...فيكى تقوليلنا كيف لما بيدخل الحب قلبك صعب يخرج منو ..؟ قديش بتأثر الظروف فى علاقاتك مع اللى بتحبيه..؟ الك نظرية مختلفة فيكى تعلميهالنا فى الحب ؟ :D |
ويني ميمو :?
|
مارسيل علائتك مع المسيح كتير مميزة إذا بدك توصفيها (أخوي -صداقة...) كيف بتوصغها؟
اول شي اسمي .. اسمي يا جماعة اسمي اسمي بدون ألف .. يعني هيك " مرسيل " واللي بدو يخربط فينو .. يقول ميمو منيح وسهل ومختصر بالعودة إلى المسيح المسيح " به نحيا ونتحرك ونوجد " صديقي وسندي و إلهي .. أيماني فيه كبير كتير وعلاقتنا بعتبرا رائعة ، نقطة ارتكاز بحياتي .. ومساحة أمان .. وعلاقة حب صادقة كتير ادي بتشعري انك مفهومي من الناس يلي حواليك(أصدقاء أو غرباء ..)؟؟ الغرباء .. أبدا .. بنوب بحس انو كل شخص بيشوف مني الجانب اللي بيناسبو ، عفويتي غالبا غير مفهومة ، بس عموما بحس انو تأقلمت مع هالشي بشكل جميل أصدقائي .. القراب منن ؟ كتير .. بس عموما ً بحس احيانا البعض منن انو بيحبني فول باكيج دون انو محاولة فهم تعقيداتي ايمان ونور بالنسبي الك لشو بترمز؟؟ دعوة حياتي .. إذا قلتلك انو الفرح موهبتي بحس بإيمان ونور اني عرفانة تماما انا هالفرح ليش كلو معي وشو المفروض اعمل فيه ، بإيمان ونور بعرف كيف كل شخص مهم ومحبوب من الله وكيف كل شخص حتى الأضعف بإيمان ونور بحس انن عيلتي وانو معن متصالحة مع ضعفي وحالي بحس انو المسيح حاضر بيناتنا كتير .. بدي رأيك بما يلي: Big girls Don't Cry أي ما بعرف المفروض .. بحس الدموع تبعوتي هني تصرف طفولي تجاه الأزمات .. وهو تصرف ما عم اعرف كيف سيطر عليه .. لأني ببكي كتير كتير كتير باربي ما كتير بحبا .. بحس انو باربي تعبير بستعملو أنا لأدل عالبنت اللي مبالغة بالاصطناعية تبعها محسبة انها لازم تكون لعبة ملونة حلوة وتقضي تلت ساعات شعر وساعتين مكياج وشي عشر ساعات نوم مشان بشرتها ..وبتعتقد انو ما في شي خارج جمالها عم يصير بالعالم .. الايمان أساسي لتقدر تعيش .. بدك تأمن بنفسك بالأخر .. بشيء ما .. :) وإلا ما بتكون الحياة بتستحق تعاش الالحاد موقف شخصي من العلاقة مع الله .. ما كتير بحس اني بحكم عليه او بتدخل فيه .. بس بحس وقت صديق لألي مثلا ملحد أني مقصرة بعلاقتي مع المسيح .. المفروض لو أنني أحيا الإيمان فعلا انو يقدر يلمسو حضور الله في حياتي اخوية حبسي انت انت حبسي وحريتي انت وانت اللي بكرهو واللي بحبو انت :)هاجس بدي ياكي توصفلي أو توصفي شعوك بالاماكن التاليي: الشام بتذكر كريم .. وبتذكر شوش بشكل خاص بالشام .. وقت بنزل ع الشام وشوش ما بتكون هون بحس اني كرهانتها جدا ً .. وقت بتكون هون بحس اني يا زلمي شو رائعة الشام المطار ما كنت بعرف اني بكرهو كل هالقد لطلعت ودعت شوش .. آخر مرة .. حسيت قدي في ناس بحياتي بحبن وبعاد كتير كتير وحسيت اني مشتاقة لكل أصدقائي اللي برا .. ما بعرف ما بحس عندي زكريات حلوة عنو حمص في خربوشة كاتبتا أسما أطلال ..بتعبر شو بحس وقت بكون بحمص الوادي رواق .. ذكريات الطفولة والمخيمات معلولا عندي صديق غالي عليي كتير هو من معلولا غير هيك ما اعتقد عندي شعور تجاها الجولان حسيت لأي درجة انا حازفة الجولان من تفكيري وقت عملو حملة مدونات ليحكو عن الجولان اضطريت فوت ع جوجل وحسيت اني مقصرة جدا جدا جدا بإحساسي تجاه هالمساحة من وطني .. اخر سؤال : Did you tell him أي خبرتو وفخورة أني .. خبرتو :) بس ما فيس لفيس ولا فويس لفويس شنو بفوت بستين حيط إذا بدي قلو مشتقتلك فكيف ما خبرو ولي ع حظي .. |
اقتباس:
يا جماعة انا بالقاهرة وما اعتقد رح اقدر ارد بسرعة ع القصص لهيك اعذروني يمكن طول شوي |
| الساعة بإيدك هلق يا سيدي 03:04 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
