مشي .. شباب .. انطرونا لبكرة .. وللساعة 7 ..

ومنشوف .. سلامو



للكل:D

هلق خبرية خيي ما ضل يجرب فيها لانو عندو فحص..:pos:
لذلك انا وبكامل قواي العقلية عم حلها :p

ويا انا يا هي على وجه الارض

من هون للساعة 7 اذا ما بحط الحل حطوه انتو

بس قربت انشالله

:D

اوك .. وناطرينك حجة:D

يلعن ديك هالقصة

هلق الزوايا ما بتأثر بالتطابق صحي؟!!

جاوبوا بسرعة ما تعطلوني يلا ها..بنص رياضيات هلق

كيف يعني الزوايا ما بتاثر بالتطابق ؟

قصدت انو لما تأثبت تساوي زوايا مثلثين شو الو تأثير؟؟

ما بعتقد بيأثبت انو تطابق صحي؟!

ولا في الها شي ميزة هالشغلة؟! على فكرة لسة ما تعلمنا تشابه :p

يلا جاوب بسرعة...رح بيج من مسالتك :cry:

اي لا .. الزوايا تساويها بيعطيكي تشابه اونلي .. :yahoo:

بسيطة يا يمان عم تصعبها ما :jakoush:

بس معي لسة 4 ساعات ونص..

الناس كلها صارت عارفة اني قاعدة عم فكر بالرياضيات...
لاني كتبت هالشي بالمطرح بالمنتدى وبنك نيم الايميل وشو بدي قلك..:lol::lol:

لا وعاجبك رفقاتي عم يقولولي هاتي لنفكر معك...ايه كريمة عطيتهم يفكروا

دعيلي لاقيها لـ هالمعتة:pos:

صحي سؤال

هلق اسير التشرد حط حل...وين الغلط فيو؟!!;)

هات لنشوف

بتعرف يماااان من كتر ما طيقت وانا بحل
اجا على بالي استهبل شوي
يعني لو ركزت عليها شوي بتلاقيها مقسومة نص بالنص:p:jakoush::p

هههه ... اي ستي .. عفكرة هية مانا صعبة وهلا بتشوفي .. بس انتو مبعدين كتير عن طريقة الحل السهلة ..

هلا انا انحلت معي بطريقتين ... بعد ما حكو شوي الشباب ..

بس هديك الطريقة اسهل طريقة ..

وان شا الله تنحل معك . .. مع اني ما بتوقع :p

حل اسير حل صح .. ومانو غلط ..

وكان في شغلة وحدة بس غلط واتفقنا عليا اللي هية اخر شي المستقيمين المتاوزيين مخربط بكتابتون

وغير هيك .. هادي اثبت انو المستقيمين متوازيين وبما انو بيمر من منتصف احدن معناها بمر بمنتصف التاني ..

وتمام .. :D


بس نطرنا .. شفناكي متحمسة بدك تحليا .. ولسا ناطرينك ان شا الله تكتشفي التانية ...

:D


:lol:زكرتيني برفيقي ... ورجيتو ياها قلي بسيطة ... حط ايدو عالشاشة .. وقلي هه هي نص شبر وهي نص شبر طلعنا خلاص ..

:D

له له له عم تشكك بـ قودراتي (مدري مين بيقول هالكلمة)!!

لك انا عم حل على مبدأ القطعة اللي بتنصف ضلع وبتوازي الضلع الثاني بتنصف الضلع الثالث....وهالشلة من النظريات المعتة :lol:

ويطلع بالاخير انو هادي حالل حسبها؟!!!!!!!!! :jakoush:

يعني بدك طريقة تانية؟!! اي نطرلك شي سنة زمان ههههههههههههههه


هلق بعد ما اجت مروتي وعم حل وفكر وصارت كل البلد عارفة انو انا عم حلها وكل العالم مو بس كل البلد وكل رفقاتي فردا فردا الشاطر يسألني مين يمان وشو مسألتو من السمعة اللي عملنالك ياها بالنك نيم ع الايميل وبيطلع بالاخر انو بطريقة تانية لانو هاي محلولة؟!! :pos:


اي انطر الا ما يفرجها ربك عليك ههههههه... خلص يعني عم فكر وعم بوصل لحل ويطلع بالاخر انو بدكن طريقة تانية..
لكان خلص حط الحل لانو ما رح ارجع هلق فكر بـ شو هيي الطريقة التانية بيكفيني دراستي :pos:


ههههههههههههههههههههههههه هههههههههه
يا محمد شو هالرفيقك ذكي هههههههههههههههههههههههه

[

:lol:زكرتيني برفيقي ... ورجيتو ياها قلي بسيطة ... حط ايدو عالشاشة .. وقلي هه هي نص شبر وهي نص شبر طلعنا خلاص ..

:D[/quote]



اي شفت لكان خلص طلعنا انا ورفيقك اللي عرفنا نحلها:p.....بصراحة طيقت وانا عم حاول حلها...:frown::frown::jakoush:خلص بدنا الحل:jakoush:

اوكيز ... يلا منحط الحل .. وال** لا مو مسالة روقو ..

لح نزل شغلة بدا تشغيل مخ بدون قوانين روقو .. وسهلة .. يلا انطرو شوي :D

اي اوك بس سؤال بما انك صاحب الموضوع

هلق اديش انت مقرر مدة كل مسألة؟!!

نص ساعة تانية :D..

اول شي كنا قلنا انو يوم كامل من ال 12 لل 12


بعدين اتفقنا انو يا لحدن يحلا .. او لحتى الكل يقولو عجزنا ..

انا مضطر غيب بحدود النص ساعة او اكتر شوي .. وبرجع ..

للكل :D

الحل للمسالة شبيحة .. :






اي خيو ... هلا :

اول شي .. منرسم من C مستقيم بيمر من D ومنخليه يتقاطع مع المماس {BA} في G

هلا ..

عنا الزاوية {BDC} قائمة .. لانا محيطية .. وتحصر قطر الدائرة اللي هوة {BC}

هلا بهي الحالة صارت الزاوية BDG = 90 درجة كمان .. لانها مكملة للزاوية الاولى ..

بهي الحالة بصير عنا ..

3+4=90 ....... (1)

>> من المثلث .. BDG بكون عنا ..

2+1 = 90 درجة .... (2)

هلا عنا من المثلث .. BAD المثلث .. متساوي الساقين .. وعنا

2=4 ..... (3)

بهي الحالة .. وبالمقارنة ما بين (1) و (2) و (3)

منلاقي انو

1=3

>> انو{AG}={AB}={AD} .... (معادلة رقم 4)

-------



بدكم تركزو على الصورة اللي بدو بجوز يميز فيا اكتر يعني .. كرمال يبين المثلثات والحكي تمام

هلا خيو .. شوفو الخط البردقاني ...بالصورة تحت .. هاد الفاصل بين المثلثين اللي بدنا نحكي علين هلا ..

واللي مخططين بالرمادي ..



اوك .. هلا مناخد المثلث .. ACG

فيو {AG} // {ED}

>> بيطلع عنا النسبة التالية من النظرية اللي بتحكي عن المستقيمين المتوازيين اللي بيطقعون مستقيم

( اللي على ما اظن اسما تالس بس الشباب قالت غير هيك ماني متزكر والله )

بكون كالتالي :

{ED}/{AG} = {CE}/{CA} ...... (*)


هلا منرجع مناخد المثلث التاني .. اللي هوة .. CAB


نفس الشي عنا :

{BA} // {FE}

>>>

{FE}/{BA} = {CE}/{CA} ...... (**)


هلا بمقارنة (*) و (**) و 4

بيطلع معنا انو ... {ED} = {EF}

:oوهو المطلوب ..

وعراسي الشبيحة كلا ... وان شا الله تكونو عرفتو انو الطريقة سهلة ..:p

يعني اثبات انو الضلع {AG} بتساوي .. التنتين الباقيات .. والباقي بس نسب .. جوا المثلثين ..

وعراسي ... يلا .. لح نقيلكم وحدة .. شنو مجهز اكتر من وحدة بس ما فيا هي لا هندسة ولا شي ..



لكل اللي اشتغلو وعزبناهم بالمسالة .. :D