هلأ انا معك انو في اخطاء
يعني كان المسيحي يمشي على الوراثة بالشرع الاسلامي .....
بس هلأ تم تعديلو وصارت مسالة الوراثة بحسب الكنيسة ( بس بعتقد انو الطوائف الكاثوليكية فقط يللي تعدل بشانها )
وبشان الزواج و الوراثة بين المتزوجين من غير طوائف
هل في شغلة انو المراة المسيحية يللي بتضل على دينها لاترث زوجها المسلم ( على اساس انو يللي بيرث هو من يتبع اشرف الدينين ) وهي قمة التفرقة
الرجل المسيحي لا يقدر ان يتزوج المسلمة الا اذا اشهر اسلامه ....
هدول يللي متذكرون هلأ بس في كتير شغلات تانية

أنا بظن أنو القانون الطائفي ( نوعاً ما ) بسوريا ..هو انعكاس لطائفية المجتمع ...و ليس العكس
و لو المجتمع السوري ( بأغلبو ) بيتقبل فكرة قانون أحول شخصية مدني ..... بظن الدولة ما عندها مشكلة بسن هيك قوانين

وطائفية الناس جاي من طائفية القوانين.
هع
وقعنا بدوامة

لا ..طائفية الناس الها اسباب كتيرة
يمكن اهمها ... الدين ....و العادات المتجذرة بمجتمعنا

يعني نعمل قانونين الاول مدني والتاني ديني ؟
طيب ما هوي تلت رباع الشعب اخدها من باب الدين اذاً شو الفايدة ؟
طيب وما ممكن انو يلعبوا رجال الدين دور مضاد للقانون المدني ؟

ما فات بمخي هل حكي تبع مسيحي و مسلم ما بعرف ليش بحسو علاك

كلو يا معلم مو بس قانون الرئيس و قانون الاحوال الشخصية اللي بيمنع غير المسلم من انه يتجوز مسلمة بس المسلم يحق له ان يتجوز اللي بدو ياها هاد مو طائفية؟؟

ناس بتقلك ان الطائفية سببها القوانين و ناس بتقول الناس هم سبب الطائفية...طيب سؤال مين وضع قوانين الدولة مو ناس هنن اللي حطو القوانين؟؟؟ طيب فاذان الناس هنن طائفيين

هي تبع انو غير المسلم يتجوز مسلم ممنوع او ما بيصير هاد حكي على ورق و كلو علاك يا صاحبي الله وكيلك

ايه علاك ماختلفنا يا اخي و صارت كتير و بعرف كتار مسيحية تجوزو مسلمات بس بتعرف لما سجلولهم الزواج بالدولة كتبو الرجال مسلم. حتى لو حبر على ورق بس هالحبر و الورق عاملين القانون طائفي. يعني متل قصة الرئيس شو يعني اذا الدرزي او المسيحي او اللي بيعبد القرود كان دارس و فهمان و عندو مشروع بيفيد فيه كل المواطنين ليش ممنوع انه يصير رئيس بس كرمال دينو هاد مانو اجحاف بحق المواطنين كلهم قبل مايكون اجحاف بحق اللي بدو يكون رئيس. انا مو مختلف معك انو كلو حبر على و رق يا عزيزي بس متل ما قلتلك هالحبر و الورق مخليين الدستور و القانون طائفي كتير و غير منصف.

لاهيدي مش طائفية هيدي تعاليم ديانة كمان موجودة عند اليهود ومعتمدة في كصير من بلدان العالم اليهودية لايحق لها الزواج من غير اليهودي ولازم يعتنق من يتزوجها الديانة اليهودية
يا جماعة المجتمع عنا بغالبيتو العظمى مسيحين ومسلمين هو شعب مؤمن وكتير مرتبط بالتعاليم الدينية والدستور لايمكنه تخطي هذه النقطة لانها موجودة في تعاليم دياناتهم

هاد يللي كنت خايف نوصل الو بالموضوع ....
لانو شائك كتير صار ......:larg::larg:
طيب الي رجعة

كوستا ليش حاسس انو الموضوع تشعب كتير انا ، ممكن بعد اذنك بس تجملنا بنقاط شو اخر شي وصلنالو لانو حاسس حالي نفصمت انا ولله

انا حسب رأي ..

ومع اني مو من سوريا ..

في طائفيه بكل دول العالم .. وبدون استثناء ..

بس بتختلف قوتها من بلد لبلد ..

بس الي اغرب من هيك ..

انو الطائفيه بتبدا من المنتديات .. وخصوصا هذا المنتدى ..

لانو انا ما كنت اعرف اشي عن الطائفيه ..

بس لما دخلت المنتديات واتعرفت على الطوائف ..

وشوفت مواضيع كامله .. بتحكي عن الطوائف .. وكلو تحت غطاء " حرية التعبير " ..

وفي هذه المواضيع بسيئوا للديانات .. وما بدهم تعصب طائفي .. !!

لتلغي الطائفيه بين الناس .. مستحيل ..

بس ممكن تخففها لدرجه انو ما تعشر فيها .. عن طريق احترام الطوائف ..

you are write
:deal:

يا سيدي الله من يوم خلق هالدنيا خلقت هالطائفية و نحنا لبعد الف سنة بدنا نربى و نعيش انو فلان كذا و فلان كذا اي يلعن رب هالشغلة لك بس لو ننسى قصة هالدين شوي لك اكفر خلق الله بس يشوف حدا من غير طائفتو
بصير نبي و مرسل من الله ع فكرة اللي بيقول انو ما في طائفية بيكون مانو من الاقليات او مو عرفان الله وين حاطو
لك الدين افيووون الشعووووووووووب