|
اقتباس:
وقي وقي وقي وقي انا ما زبطت معي هاي :shock: شلون اذا عطيتو للدولاب دفعة بدو يصير موازي للحبل :? |
اقتباس:
|
1 ملف مرفق .
هلق بعد اليوم الطويل بالبحشة منقلكون شو طلع معنا . شوية من هدول الشغلات معروفي وشوية شغلات غير معروفة .
- اول الشي انو طلع محور دوران الارض ( اذا اعتبرنا انو كلمة محور الدوران صح!) بزاوية وقدرها 23,44 درجة وليس 22,5 درجات كما ورد في احد الردود - فترة دوران الارض حول نفسا هي :23 ساعة و56 دقيقة و 4,09 ثانية وليس 24 ساعة - الارض بتغير مثار دورانة بحدود ال 3,2 متر كل سنة - لوحظ اختلاف في طول الايام مع اختلاف يترواح بين 1 وال 3 ميلي ثاني في اليوم من اصل 86400 ثانية ( 24 ساعة ) ( هادا غير الاختلاف الفوقاني كمان ) واحد مسبابات هادا الاختلاف هوي اختلاف دوران نواة الارض عن المعطف الخرجي للأرض وممكن يكون زوبان الثلوج في الاقطاب مؤثر على هالشي . وهاي الصورة بتوضح الاختلاف بطول الايام بالفترة الواقعة بين 1974 و 2005 -(يا سلام ) الارض لا تدور بشكل منتظم , فبالاعتماد على وسائل قياس الوقت الجدية تبين انو اذا بلشنا بالوقت قبل 700 سنة ولحد اليوم فمنلاحظ انو بس نصير مرة تاني بنفس الموقع بيكون في عنا اختلاف قدرو خمس ساعات عن الوقت الي كان لازم تكون في الارض اذا كانت عما تدور بشكل منتظم وتبين انو بال 2700 سنة الماضي كان عما يطول اليوم بمقدار 17 ميكرو ثانية بالسنة .. - ( ايواااا هلق فهمتا ) الميلان تبع الارض . الي هلق هوي 33,44 درجة رح يغير اتجاهو ( يعني اذا هلق اعتبرنا الارض مايلي باتجاه اليمين , رح تصير مايلي لاتجاه اليسار ) وهادا الشي رح يصير بعد 26000 سنة , وهادا الشي بيصير بسب جاذبية القمر والكواكب التاني عالارض. -بسبب دوران الكواكب التاني ودوران القمر حول الارض . فحركة الارض على المسار الي عشكل قطع ناقص ما رح يضل نفسو .. ورح يغير حالو مع الوقت .. مشان هيك علماء الفلك مافينون من هلق يقولو بدقة كبيرة وين رح يصير الخسوف مثلا بعد 1000000000 سنة , لانو هادا المسار الي نحنا اخدينو بعين الاعتبار ما بيكون صح مية بالمية الا اذا اخدنا بحسابتنا الشمس والارض .. يعني بس القوة الجازبة بين الارض والشمس وهادا الشي الواحد فينو يحسبو ببساطة بقانون نيتوت تبع الجسمين الي بيأثرو عبعضون بسبب الكتلة تبعيتون .. بس الشغلة بتصير معقدة بشكل ما طبيعي وقت بيصير في اكتر من جسمين .. وهاي حالة الارض والشمس مع بقية الكواكب والقمر. يلعن ديبا والله تعبت من البحبشة والتدوير عالترجمة :frown: عخير اخواتي , اي استفسار سهل فبكون عند عيونكون انا .. سلامات:D |
[/quote]
اقتباس:
[quote=handsome;675280] رح اعطيك مثال ظغنطوط .. روح جيب دولاب بسكليتي... وعلقو بشي حبلة من مركز الدولاد .. اول الشي وقت بتندل الدولاب .. رح يكون عبارة عن دولاب معلق بالهوا :shock: .. انو يعني رح يكون موازي للارض .. هلق هون بتجي العجيبي .. اذا دورت الدولا بسرعة شوي .... انو ما ضروري بسرعة كتير .. بايدك بميشي الحالي يعني . بالاقي الدولاب شب لفوق وصار تقريبا عمودي عالارض ... عرفت شلون ؟؟؟ ووقتا بيكون الدولاب عما يفتل حوالين المركز تبعو ( طبيعي لانك انتي الي فتلتو ) وبيكون بنفس الوقت صار تقريبا موازي للحبل الي معلق فيه .. وعما يدور كمان حواليه .. اذا ما وصلت الفكرة كتير بقا ردلي خبر .. وبركي المسويات اسا بجيب شي مثالين تلاتي .. :shock: اقتباس:
فبس تفتلو للدولاب بيصير اول الشي يفتل ... اذا كنت ماسكو بايدك ( من المحور طبعا ما تروح تفتل معو ) بتحسو انو صار تقيل كتير كتير ..واذا علقتو بالحبلي بتحسو بلش يشب شوي شوي .. وبيصير تقريبا موازي للحبل ما مية بالمية !!! مشان هيك سواقت البسكليتة سهلة نسبيا .. دورت على شي فيديو بس ما لقيت .. اذا اسا ما وصلت الفكرة عالاخر بحاول اشرحة اسا مرة تاني بغير طريقة! سلامات |
استمتعو اخواتي
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
حدا من المشرفين يتبرع بثانية ويزبطلنا الصفحة لكبيرة بدي اقراها بالطول لافهم
نصها خارج الصفحة شكرا مسبقا:D |
اقتباس:
هي خرطت مشطي انا :deal: |
كلو واحد يجيب معو فنجان مشان يشرب في
ما عنا فناجين كفايه (اللي ما عندو فنجان يجيب كبايه او ماج) بشرب القهوه وبرتب افكاري ورح اكمل |
اقتباس:
|
اقتباس:
كم ملحوظه : ابو جوزيف عنجد الله يرضى عنك ماتحط رد تاني قبل تراجع قوانين نيوتن التلاته وقانون الجذب العام . صدقني اذا ما راجعتون يبقى ما الك حق تسأل اي سؤال (اذا بدك تعرف بجد(وغرضك هو المعرفه)يبقى لازم تقرا ) مفتاح الحل عند نيوتن وبعدين ارجع نتفاهم عالباقي :D *مشاركاتك وسيم متميزه وبدنا تاني :D |
اقتباس:
بس شو تاني ما تاني .. طلعو عيوني من محلون وانا عما بحبش ودور وترجم .. يلعن ديبا الله وكيلك صرت حاسس حالي حمار بالعربي.. بس بس بالعربي . لا يروح فكرك لبعيد:sly: |
اقتباس:
اتناقشنا في اكتر من 10 شغلات وحط الشباب اسئله اكتر من هالعدد الموضوع بدو اعادة قراءه :lol: |
اقتباس:
بس انو بشكل عام بتزكر انو اول الشي كان في كام نظرية عن شروق الشمس من الغرب ... بس انو للحقيقة ما كتير حابب وجع راصي بالموضوع ... يعني من هلق بعرف الجواب ليش لحتى دور .. وخاصة انو الموضوع ما لازم ندخل فيه الدين .. يعني متل واحد بيسألك شو رأيك بالله بس بدون ما تجيب سيرة الدين :shock: بس عجبني الموضوع انو ليش الارض بتدور حوالين حالة وشاركت فيه .. واي شغلة من هدول الشغلات الي قلتلي عنون في شي خرج النقاش العلمي ( حطلي زكاتك خطين تحت علمي ولونلي اياه بالاحمر ) فانا ر كون كفو بكلشي بقدر عليه .. سلامات:D |
اللعنه
اذا انا يللي مشارك بالموضوع من اولو وحاطط ردود كتير جدا فيه قريتو بساعتين( كنت بعدي عيني عالكلام بس ) مو قراءه عاديه حتى ولاحظو انو متل هالموضوع بدو قراءه متأنيه مو قراءه عاديه , مابالك بالقارئ المتصفح الي رح يقراه لاول مره !!!!!! عنجد ظلم يكون الموضوع 175 رد والله اعلم (لسا ما خلصنا رد على كل الاسئله علميا) شو رئي الشباب والصبايا (بنقل كل الردود اللي غير علميه او الحوارات الجانبيه بموضوع تاني عالسقيفه؟؟؟) افترا انو الواحد يتوه بين كل هالردود وكمان الوقت حرام عنجد |
اقتباس:
فشو رأيك تحطلنا الاسئلة الي اساتا لهلق مفتوحة مشان نجرب نجاوب علية لبين ما يتظبط الموضوع :oops:؟ |
اقتباس:
عشان الواحد يقدر يستفيد من قراءه الموضوع |
اقتباس:
اقتباس:
اقتباس:
اقتباس:
اقتباس:
هادول الاسئله الباقيه لسا ما نزل اجوبه الها |
أحذر ان لم يجيب احد على هذه الاستفسارات سأضطر اسفا الى وضع تصورات وبالطبع لن تكون هناك روابط انقل عنها . (ستكون تصورات) اذا اردت ان اضع تصور فهل يعد هذا التصور تهور وإن كان فأيهما السبب وأيهما النتيجه ؟!! معكم مهله بسيطه للتفكير ,بعدها ابدأ |
| الساعة بإيدك هلق يا سيدي 10:36 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون