|
اقتباس:
بالدين فــ بالتالي الناس ما رح تعملو و رح يكون مرفوض من المجتمع و ما رح يكون من تقاليدنا.. بس انا اللي بدي اسالك سؤال معاكس.. انتي على شو عتمدتي انو مجتمعنا ممكن يتقبل هيك شي او يعتبرو صح..؟؟ |
اقتباس:
من تراثنا ما يسمى بالعذراى او الزانيات المقدسات والتاريخ موجود اذا بتحبي تقرأيه شيلك من التراث هيدا حكي فاضي وما بيأمن فيه غير شلة هالمثقفين بعرف هالحكي .... تركيا دولة ثقافتها العامة متل ثقافتنا ك شعب سوري حتى في كتير قصص من تراثنا مشتركة ... وتاريخ ما قبل أتاتورك موحد تماما حتى إنه سوريا بكتير أحيان كانت بالوعي العام علمانية أكتر من تركيا .. مع ذلك بتركيا تقبل الشعب العلمانية وتشربها...وحاليا تركيا مجتمع علماني ويتضمن ذلك حرية الجنس... وصلت فكرتي تحياتي الحارة:D ظل جيفارا ( هامش ): ملاحظين كل مرة بينفتح الموضوع فيها كيف عم يتطور الموضوع يعني في ناس بأخر مرة إنفتح فيها الموضوع كانت ضد وصارت مع هيدا تطور كتير مهم تحياتي الحارة ظل جيفارا |
الجنس قبل الزواج هوي نفسه بعد الزاوج بس بتفرق النتائج من الممارسة في الحالتين
|
اقتباس:
..هلق هون اخوية مجتمع مصغر..ازا متل ما بتقولي انو الدين بيحكمنا وبالتالي ماراح نعملو وبالتالي مرفوض وبالنتيجة هو تقليد..كان كل هالنقاش من الاول سكرناه وما حكينا فيه الا ضد ضد ضد ضد وانتهت القصة وانتهى النقاش! هون عم تلعب التقاليد دورا...كل واحد هون من مكان وكل واحد عنده تقاليد ماشي عليهن بقا بالتالي اختلفت الاراء وصار في مع و ضد انشالله تكون وصلت الفكرة ;) |
اقتباس:
لكن المشكلة اللي انت طرحتا تعتبر بحد ذاتها احد النتائج السلبية من ادراك الشاب للجنس واهماله او عدم قدرته استيعاب الامور المرتبطة فيه يعني الشب قدر يوصل لقراءة انسانية ومنطقية للجنس سواء عن طريق الاسلوب الاكاديمي بالمدارس او عن طريق التوعية الاجتماعية عن طريق الاهل بحد ذاتون بس بتبقى فكرة الانجاب بعمر مبكر احد اهم النتائج السلبية اللي بتظهر نتيجة فهم الشاب للجنس بعمر مبكر بالاخير كل شي وفي اله ضريبة بس طالما انه الشب هاد مدرك ومستوعب الجنس وابعاده بتصير عملية الانجاب مشكلة ممكن وضع خطط متناسبة معها لحلها ما بقلك مانها مشكلة لكنها مشكلة في الها علاج وعبتم معالجتا ابتداءا من الحملات الاعلانية بهدف التوعية (( واللي صار وصلني منها شخصيا اكتر من 10 من وقت ما حطيت الايميل تبعي اني ساكن باميرك )) مرورا بتفعل دور الاهل كمرشدين بيثق فيهم الابن انتهاءا بالاساليب الطبية التقليدية خلينا نصل لمرحلة فهم الجنس واستيعاب فكرته ووجوده وبعدين منشوف شوفي عنا مشاكل ومنشفلها الحلول اللي لازمتها :D |
اقتباس:
أنا برأيي (وحيث أن الجنس موجود منذ البدء ) أن الناس وصلت لمرحلة فهم الجنس و استوعبت فكرته ووجودة (وأيضا منذ القدم ) . وبعدين الناس شافت شوفي مشاكل وشافتلها حلول لازمة . وهنا لب المشكلة !!! نحن يا سيدي ، في الشرق والغرب وحتى في الشمال والجنوب نتاج هذه الحلول نحن يا سيدي بكل اختلافاتنا نتاج هذه الحلول فمن كان مع أو كان ضد أو من كان بين بين فهو حتما نتاج هذه الحلول . إذن المشكلة من يقنع من وإن أردنا الدقة أكثر من هو الصحيح ومن هو المخطيء الجواب:؟؟؟ وبسبب أن المشكلة قديمة ، وأن التجارب كثيرة وأن لكل منحى واتجاه ولكل تجربة وقناعات ولكل ثقافة وتاريخ مختلف عن الآخر ، نعم الجواب هو ان الجميع على صواب وأيضا ان الجميع على خطأ . لهذا ومن خلال مداخلة سابقة لي قلت أنني مع ... وأنني ضد ... (:lol:لذا سألملم كل أوراقي وأرتحل :lol:) إيه والله دوشه |
ازا بتريدو رجاء التزمو بالموضوع...الي عندو اعتراض عأي مشاركة فيه شي اسمو تقرير مشاركة عاطلة!!
:D |
اقتباس:
انا الي عايشة برا 18 سنة وكنت قول انو بمجتمعاتنا العربية ممكن يصير بس ماكنت متوقعه بهالكم الهائل اما ازا كان اخي الفاعل او لاء فا اكيييييد مابيفعل هالشي لانو لما صاحب صاحب بنت وحدة ولما فكر ( يمارس معا ) كتب كتابه عليها والو معاها 4 سنين وهي شوووووو مو عربيه بل اجنبيه لانو بيخاف الله وبيعرف انو عندو اخت بنت وبلمستقبل رح يكون عندو بنت ومابيحب حدى يسرقلا شرفا يعني لا تفكر انو عيشتنا مافيها مشكل ملون فيها كللللللشي ولا تفكر انو نحن من المشايخ الي مابيطلعو من الجامع او ما بيقطعوا فرض صلاه لا على العكس يمكن نحن اكتر عيلة بين العرب متحررين بس بحدووووووود :larg: |
اقتباس:
و اذا كنت بتقصد انو المفروض بما انو سوريا بلد علمانية المفروض تحتذي بتركيا و تكون نفس التطبيق فبحب فكرك انو ممكن تكون سوريا في اغلب التطبيقات دولة علمانية صحيح و هدا فيك تقول عنو بايطار الحكومة بس .. بس ما فيك تقول و تعمم انو الشعب السوري مقتنع بموضوع العلمانية و عم بطبق اي شي بعيد عن الدين اللي بآمن فيه و كما هو معروف انو اغلب الشعب السوري شعب يعترف بدين معين و يعتمد عليه في اغلب اموره بعيد عن العلمانية.. منشان هيك مافينا نحنا نعتمد على هادة الموضوع ونعمم.. و بكل الاحوال انا برايي انو هادة الموضوع بيرجع لقناعات شخصية يعني ممكن اي انسان ازا اقتنع بهل الشي يمارسو لكن ابدا ما رح يكون هل الشي اللي هو اقتنع فيه و مارسو صحيح عند اي انسان تاني عم يطبق امور دينو على اكمل وجه.. اقتباس:
و يا ريت مرة تانية لا تبسطيلي و اعطيني افضل الاساليب المعقدة عندك تأكدي بالنسبة الي رح تكون مبسطة.. اقتباس:
وما دام مقتنعة انتي انو في ناس مع الفكرة و في ناس ضد الفكرة انا ما قلت شي و من البداية لما حكيت قلت هادة رايي.. ووضحت انو هل الشي غير اني انا شخصيا ما برضى فيه كمان مجتمعنا ما بيرضى فيه لعدة امور انا زكرتها سابقا.. صفا المعارض لرايي يوضحلنا ليش من الصح هل الشي اللي هو عم يطالب فيه.. و اذا متل ماعم تقولي كل انسان عنا هون من مكان و كل انسان عندو تقليد و ماشي عليه و مقتنع فيه معنى هل الحكي انو انا قلت رايي حسب اللي شايفتو صح ومعتقدة فيه مع احترامي لكل واحد ومعتقداتو و اللي متعود عليه و اللي شايف برايي خطأ يا ريت يوضحلي شو الخطأ.. وبكرر شكري الجزيل لتبسيطك الفكرة و بتمنى انو تكون فكرتي مبسطة بالنسبة الك..:lol: |
اقتباس:
لما أخوكي كتب كتابو عليها .... كتب كتابو عليها ...... كان هدفو يضللو مع بعض للأبد و يكوّنوا أسرة و ينجبوا أطفال ...و إلى ما هنلك من طقوس الزواج المعروفة و لا كتب كتابو عليها ... مشان يمارس معها الجنس بطريقة شرعية ..؟؟ |
اقتباس:
معناتا مو الي مرفوض بالدين مرفوض بالتقاليد... مافينا نقول لانه هالشي مو مقبول بالدين معناتا المجتمع كلو بدو يمشي عليه ويرفضو.. اقتباس:
الصح انو الحب الصادق مبرر لأي شي ممكن يخطر ببالك..واسمى واهم من اي قانون او تقليد اقتباس:
اقتباس:
|
اقتباس:
انو ما بعرف هي الشغلة بتعود لا اله بيريد يخليها ام اولادو او لاء بس يعني ما كتب كتابه عليها ليمارس معها مرة ويرميها اله معاها 4 سنين وفايت بل 5 |
ليس حباً
سلامي للموقع ومنتسبيه وكل من يطلع عليه
رأيي أن الجنس قبل الزواج هو إنحدار من مستوى الإنسانية إلى العجماوات التي لا تدرك إلا المشاعر الحسية الجسدية دونما إدراك لخصائص الإنسان ولمشاعر الحب والأمانة والمسؤولية |
اقتباس:
يعني متل زواج المتعة عند بعض الطوائف أو زواج المسيار عند طوائف أخرى و هي أضرب من ممارسة الجنس لمجرد الحب .. لأنها غالباً بتكون لتفريغ الرغبات مو أكتر و لأنها كمان تعتبر زعبرة ع الله |
اقتباس:
شريك بأوربا كتار مابيحبو هاد الي اسمو ولاد وبيتجوزو وبيموتوا ومالون جايبين ولاد عندك فرنسا مثلاً كان عدد سكانها بـ1990 61 مليون وعام 2000 58 مليون رغم انو الفرنسيين جنسو بهل الفترة مئات الالف من الافارقة والاسيوين وغيرهم ، وفرنسا هلء غيرت كتير من سياساتها الي بتشجيع على الزواج والانجاب وعندك كتير دول بالاتحاد الاوربي اذا ستمر وضعهم هيك لعشرين سنة تانية الشباب ممكن ينقرضو ويكون معظم شعبهم فوق مابين 40 وال 60 يعني الانجاب مالو شرط ولو كان اخوها هدفوا الجنس ماكان قعد معها 4 سنين لانو معرف انو الشب يلي بدو شغلة من البنت لما بياخدها ويشبع لح يتركها ويدور على غيرها |
اقتباس:
ابو سمرا هدول اجانب يعني ما بيهمون ان جابو اولاد او لاء بس انا عم احكي من مبدا انو لما فكر يفرغ رغباتو ما دخل عليها بلحرام ومعروف بس انكتب الكتاب صارت مرتو :p |
اقتباس:
بس من ناحية تانية .... في ناس بتفكر أنو بس انكتب كتاب ... أو بمعنى تاني زواج عرفي .... صار الجنس حلال و صار الجنس صح الجنس ما خصو لا بورقة و لا بكتاب عرفي .. الجنس بكون صح و بكون حلال لما بيقترن بالحب ..و بس .. حاج نضحك على حالنا بهالقصص ... و نعمل متل ثقافة الخليج يللي بكون الواحد عمرو 25 سنة و متزوج 13 مرة ..... و كلو بالحلال اخت هيك حلال |
اقتباس:
حسب شو بتقصدي بمرتو |
| الساعة بإيدك هلق يا سيدي 01:03 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
