-
PDA

عرض كامل الموضوع : المحامي السوري المعتقل انور البني يفوز بجائزة لحقوق الانسان

majestical
03/05/2008, 21:16
بدنا عالم تشتغل وتعطي وتوصل
منرفع صوتنا ومنباركلك!!!

منحت الرئيسة الايرلندية ماري ماكاليز الخميس في دبلن جائزة لحقوق الانسان الى المحامي السوري المعتقل انور البني تسلمتها زوجته بالنيابة عنه.وحصل البني على جائزة "فرونت لاين"(الخط الامامي) التي تكافئ سنويا منذ 2004 مدافعين عن حقوق الانسان حياتهم في خطر.وحيت الرئيسة الايرلندية "التضحيات الجمة" التي بذلها المحامي السوري الذي يرأس منظمة للدفاع عن حقوق الانسان اغلقتها السلطات السورية في آذار/مارس بعد اسبوع واحد فقط على تأسيسها.وانتقد البني الذي دافع امام القضاء عن ناشطي حقوق الانسان والسجناء السياسيين التعذيب في السجون السورية.وحكمت محكمة الجنايات في دمشق على البني (48 عاما) في 24 حزيران/يونيو الفائت بالسجن لمدة خمس سنوات وبدفع غرامة مالية قدرها مئة الف ليرة سورية بتهمة "نشر انباء كاذبة من شأنها ان توهن نفسية الامة".واعتقل البني في ايار/مايو 2006 مع تسعة معارضين اخرين بعد توقيع اعلان "بيروت-دمشق دمشق-بيروت" الذي دعا الى اصلاح العلاقات بين لبنان وسوريا.وقالت الرئيسة الايرلندية "ان تكون بطلا لحقوق الانسان يعني غالبا ان تكون في اغلب الاحيان وحيدا. لهذا السبب من المهم للغاية وجود دعم دولي وتشجيع واعتراف باولئك الذين يخدمون قضية حقوق الانسان". ونوهت ماكاليز ايضا براغدة رفقي عيسى "الزوجة الشجاعة لهذا المحامي الشجاع".
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
nahla12
18/10/2009, 04:27
تحياتي للمحامي الشجاع انور البني
ولزوجته راغدة كل المودة

ربي يفك اسره عن قريب
Nay
18/10/2009, 15:35
بحب انو نوه انو كمان راغدة عيسى زوجه أنور البني سرحت تسريح تعسفي من عملها كموظفة بالدولة بعد توقيعها على اعلان دمشق بيروت..

انا شخصيا كنت بتمنى انو يتم رفض الجائزة من قبل عائلة أنور البني.. لأنو الاتحاد الاوروبي عم يتجاهل كل المبادئ الاخلاقية والقانونية ويتحضر لتوقيع اتفاق شراكة مع سوريا رغم معرفتو بالنتهاكات اللي عم تصير .. وألمانيا عم ترجع اللاجئين السياسيين والانسانييين اللي تم رفض طلبات لجوؤهون رغم معرفة الاوروبيين المسبقة بالمخاطر اللي ممكن يتعرضولها بعد عودتهون..
والرد على هي التصرفات برفض قبول أي جائزة وقحة ومترافقة مع تجاهل قضايانا..
عطر سوريا
18/10/2009, 17:57
اولا ناي انا معك باللي قلتيه جملة وتفصيلا واكيد لا غبار على رئيك
majestical (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) ممكن المصدر ؟؟
وشكرا لكم
:D
Nay
18/10/2009, 18:27
اولا ناي انا معك باللي قلتيه جملة وتفصيلا واكيد لا غبار على رئيك
majestical (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) ممكن المصدر ؟؟
وشكرا لكم
:D
حزير شو؟؟
الموضوع منكوش من ال 2008..
يحرق حريشها نهلة.. وانا اللي مستغربة انو شو هالحكي.. :o .. نحنا بالعادة ما مننكش مواضيع بقسم عناوين الاخبار
على كل حال بسحب كلامي بخصوص رفض الجائزة لانو بوقتها كانت الظروف مختلفة
عطر سوريا
18/10/2009, 22:08
يئطع عمر عدوها فوتتنا بالحيطاااان :p
nahla12
19/10/2009, 05:38
يئطع عمر عدوها فوتتنا بالحيطاااان :p

انااااااااااااااااا :cry::cry::cry::cry:
Nay
19/10/2009, 13:03
انااااااااااااااااا :cry::cry::cry::cry:
عدوك .. عدوك نهلة يقطع عمرو.. :lol:..
بس اللي فوتنا بالحيطان.. انتي.. ويمكن قلة انتباهنا..
بس متل ما قلتلك نحنا بالعادة ما مننكش مواضيع بقسم الاخبار... لأنو القسم أسمو اخر الاخبار..
nahla12
19/10/2009, 13:10
عدوك .. عدوك نهلة يقطع عمرو.. :lol:..
بس اللي فوتنا بالحيطان.. انتي.. ويمكن قلة انتباهنا..
بس متل ما قلتلك نحنا بالعادة ما مننكش مواضيع بقسم الاخبار... لأنو القسم أسمو اخر الاخبار..

لاهيك جد بعتزر كتير وبالفعل يقطع عمر عدوي شوووو............:p ولابلاها
بس والله مابعرف هيك العادة منوب بقسم الاخبار وبصراحة لفت نظري الخبر بما انه انا برا البلد لهيك ركضت عليه متل الجدبة...:oops: وقال شووو بدي شارك ...
بعتزرررررررررررر جدا وكثيرا
وهاي وردة :D:D:D
Nay
19/10/2009, 13:19
:lol:...
ولو عادي.. بس هيك حلو خليتنا نتذكر انور البني.. ونبعتلو قبلاتنا .. وسلاماتتنا..
:D
nahla12
19/10/2009, 13:23
والله انور البني مامنقدر ننساه ابدا لاهوو ولا راغدة عيسى وانا متلك ببعتلهم سلام مني وورد كمان:D
Nasserm
19/10/2009, 17:21
والله انور البني مامنقدر ننساه ابدا لاهوو ولا راغدة عيسى وانا متلك ببعتلهم سلام مني وورد كمان:D
طالما صارت القصة سلامات.. فـ يالله..

أرسل سلامي لـ:

راغدة :D كانت صديقتي (من زمااان ما التقينا)

إياس :D إبنها (كان طالبي)


أنور :D التقيت فيه مرة وحدة.. بتذكّر إنو كان كتـّير حكي :)

وقتها كانوا متهمينو بالسرقة!! وبس التقيت فيه بـ بيتو.. تأكدت إنو ما أسخف من هالتهمة إلا اللي طالعها
Nay
19/10/2009, 18:09
طالما صارت القصة سلامات.. فـ يالله..

أرسل سلامي لـ:

راغدة :D كانت صديقتي (من زمااان ما التقينا)

إياس :D إبنها (كان طالبي)


أنور :D التقيت فيه مرة وحدة.. بتذكّر إنو كان كتـّير حكي :)

وقتها كانوا متهمينو بالسرقة!! وبس التقيت فيه بـ بيتو.. تأكدت إنو ما أسخف من هالتهمة إلا اللي طالعها



لا تقلي بتعرف أكرم كمان!!
nahla12
19/10/2009, 18:21
لا تقلي بتعرف أكرم كمان!!
اكرم البني انسان جدا محترم
ولاتخليني احلف انه بعرفه كمان
Nasserm
19/10/2009, 18:27
لا تقلي بتعرف أكرم كمان!!
بعرفو.. بس مو معرفة شخصية

كانت صداقتي مع راغدة أكتر..

من هون انبسطت بالخبر.. إنها تسلّمت الجايزة من رئيسة إيرلندا.. لإني بعرف قديش كانت ظروفها صعبة بعد اعتقال زوجها وفصلها من الشغل!!
Nay
19/10/2009, 20:43
لكان بيجوز منعرف بعض:o كلياتنا..
Nasserm
20/10/2009, 10:46
شايفة قديش الدنية صغيرة :)