الحملى الأولى لمكافحة الموسيقى ............ [الأرشيـــــف]

عرض كامل الموضوع : الحملى الأولى لمكافحة الموسيقى ............

Hus

10/07/2004, 07:30

مع بداية كل صيف تتنافس المواقع عامة في تقديم العروض والحركات والحملات بشتى انواعها
فمواقع الاغاني بتزيد قوتها وتركيزها على الاغاني الجديدة والمواقع الدينية بتركز حملاتها على حفظ الكتب المقدسة في فصل الصيف و خلافه .. ومواقع البرمجة والتصميم بتفتح دورات مجانية بلغات البرمجة هون وهون ومسابقات برمجة وخلافه .. لكن اشد ما لفت انتباهي على مضض .. اخر تقليعا هذه المواقع
وهي

الحملى الاولى لمكافحة الموسيقى ..

في الصورة في الاسفل شعار الحملة وعلى هذا الرابط تجد شرح لدواعي ومتتطلبات الحملة
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

HAVE FUN Shabab's

mhmary

10/07/2004, 07:40

طلبة
يا رب ساعد كل العالم وما تخلي حدا يخسر عقلو ويجن وما عد يعرف الطيخة من البطيخة
والله يثبت علينا العقل و الدين

majd88

10/07/2004, 14:01

الموسيقى أرقى فن. وتطور الموسيقى في مجتمع تدل على تطوره الحضاري.
بس الحقيقة يا جماعة. هالفيديو كليبات اللي عم تطلع عالفضائيات (rotana-melody-mazzika..etc) يعني مالها علاقة بالموسيقى وإلا علاقة بالانحطاط اللي عم يعيشو الشعب العربي والوضع اللي جعل الشباب العرب يدوروا حول هيك شغلات.
ما بعرف بس أنا مع الموسيقى بس ضد هالقنوات اللي بتعتبر حالا موسيقية

Hus

10/07/2004, 19:30

مان هاي القنوات مين الي عملها ..
هدول الناس الي عم يتفرجو عليها هني الناس الي عملوها لهال القنوات .. ولو ما في ناس بيتفرجو عليها ما كان في قنوات اغاني ولا من يحزنون
لسا متزكر من شي خمس سنين ما بعرف شو كان اول قناة موسيقة فتحت .. كان الفكرة بالنسبة النا فظيعة انو ووووووواو قناة كل الوقت موسيقا ..شقد حلو الموضوع ...

والله انا مع هال البشر شو بدها تعمل .. ما بحب الحملات الي هيي ضد ما يشتهي ويبسط المواطن
يعني المواطن بيحب الموسيقى مثلا .. اي سيبو يسمع موسيقا
المواطن بيحب الشخلعة .. جيبولو بنات يتشخلعولو ..

بس منررجع لموضوع الموسيقا
انا بستغرب كتير من هدول الناس الي عم يحكو هيك والي بيزعمو انو خلص الله هداهم للتخلص من الموسيقى الشر الاعظم
شب انو مثلا شلون بيطلع الصبح عند هيك ناس .. معقول ما بيسمعو فيروز مثلا..
طب لو في شي عرس معوقل ما يصفو على الدبكي معقول ما بيحبو الهوارة يعني..
ناس غريبة فعلا ..
ما كنت بتخيل انو في بني قادم بيقدر يكره ام كلثوم مثلا ... ولا مايقول الله يا ست الله .. لما يسمعلو شي تحليقة من تحليقاتها ..
شي غريب ..

NEDAL-S

10/07/2004, 21:36

الحملى الاولى لمكافحة الموسيقى ..

والله معك حق وأنا بأيدك بهل الحكي ولقيت طريقة تساعدك كتيربهل المشكلة و معلش ياشباب بدكون تعزرني بس الزلمي
معو حق :pos:
الطريقة................... :confo:
اولا: جمع كل الي بأيدوك بهل الحكي
ثانين:حملو حالكون وروحو على شي جزيرة نائية ما فيا حدى ولا حتى طيور لانو صوتها بشع جربولي هل الوضع
أذا ضليتو عايشين دون موسيقى فهاي يعني أنو مافي قلب يحس بهل الموسيقى :x
يا جماعا انا اول مرة بسمع انو في حدى ما بيحب المسيقى :pos:
تخيلو معي(ما في موسيقى )يعني مافي حكي يعني مافي حيات يعني خلص فرطوى
تغريد عصافير ما في لانو موسيقا
صوت هدير الماء وغناء الأومواج مافي لأنو موسيقى
حكي مافي لانو الحكي بيصدر من تناغم الحبال الصوتية يعني موسيقى
أكل هوى في لانو ها دكلو أكل هوى :wink:

Hus

10/07/2004, 22:06

بالمناسبة الحملة تشمل رنات الموبايل ..
فرنات الموبيال الموسيقية من الشيطان ايضا

philip

11/07/2004, 04:11

بالمناسبة الحملة تشمل رنات الموبايل ..
فرنات الموبيال الموسيقية من الشيطان ايضا

:lol: :lol: :lol:

Anmar

16/07/2004, 01:16

والله يا جماعة عن جد الواحد ما عم بعرف شو بدو يحكي ... :dr: :dr:

لاحول ولا قوة إلا بالله :wink: :wink:

RAMO

26/07/2004, 16:45

مستر HUS المعلومة تبعيتك حلوة وبتضحك عن جد
بدن يكافحو الموسيقى يكافح على قص رقبتن ان شاء الله
يروحوا يكافحوا التدخين هالعادة المنتشرة ببلادنا كتير كتير
باي

marchella

26/07/2004, 17:54

بما انو حكو عالموسيقى ...ولا لصوت الشيطان ...فاكيد اللي بيعزفو بيانو كمان هن من اتباع الشيطان :x :evil: :evil: يعني في المنتدى في شيطانه فخلو بالكون منها وهلأ بدي اعزفلكون لحن اسمو اذا حضرت الشياطيين ...ذهبو الملائكه :evil: :evil: :angel: :P :P

marchella

26/07/2004, 18:46

:evil: :jakoush: :angel:

was616im

02/12/2007, 21:41

حكيم في عندك خطأ املائي بالعربي تبعك :pos:
الحملى الاولى لمكافحة الموسيقى ..

الحملة مو الحملى :pos:
بس شي ظريف والله قال ضد الموسيقى قال :lol::lol:

مايسترو

02/12/2007, 22:54

على قولت هاني داغر

ومن الهبل ما قتل

مايسترو

saman

04/12/2007, 17:12

الموسيقى اليوم عكس اغاني اليوم.....!!!

الموسيقى موجوة من زمان ..اما اغني هالايام !!! اعوذ بالله ما بتمت للموسيقى ولا باي شكل ....

رزق الله ايام ام كلثوم وعبد الوهاب وفيروز .....هدول اسمهن غاني مو متل هلأ ....

واذا قص الشباب تبع الحملة يحربوا هي الغاني اكي انا معهن اما انو يحاربوا الموسيقى !!!!! فهادا شي مستحيل لانو ما في شعب ما عندو موسيقى وما في دين ما عندو موسيقى حتى الأسلام كان يلحن القرآن وبيحب القرائة الملحونة ....وأغلبية علماء المسلمين من زمان اهتموا بالموسيقى ....

قال الهدى قال !!!!

بنفسجة

04/12/2007, 17:21

كل يغني على ليلاه
بس حلوة هالحملة
وشو صار بعدين كافحو ولا لسا في درب النضال سائرون:o

was616im

06/12/2007, 15:51

كل يغني على ليلاه
بس حلوة هالحملة
وشو صار بعدين كافحو ولا لسا في درب النضال سائرون:o
لا شو نضال ما نضال.....هلق بيقولولك انو صوت الرصاص كمان موسيقا من رجس الشيطان :lol::lol:

بنفسجة

07/12/2007, 01:25

لا شو نضال ما نضال.....هلق بيقولولك انو صوت الرصاص كمان موسيقا من رجس الشيطان :lol::lol:
ههههههههههههههههه
قولتك