-
PDA

عرض كامل الموضوع : يوميات .. مخلـــّـــــص ..


الموسيقار
19/04/2008, 02:54
يمكن يكون اسم مخلـــّــص شوي uncommon يعني مو كتير شايع بحياتنا اليومية ..

بس مخلّص يتجي من الشخص الي أنو خلص .. بيخلّص .. يعني ما في بالدفة ولا مسمار .

وهي مرحلة كتير متقدمة من (محشش) ..


:lol:

جاييكون .

الموسيقار
19/04/2008, 03:29
في بلد على امتداد الوطن العربي عاش (مخلّص)

يحكى أن مخلّص .. كان قاعد بـ بيتو وصافن بملكوت الرب ..
فجأة بيحس بمغص .. تلت دقايق ولا بيرن التلفون ...

- الو مرحبا .. وزير الصحة حابب يسلم عليكـ ..

تووووووت ..

- ألو مرحبا سيدي المواطن .. شلونكـ ؟ شو أخباركـ ؟ طمنني عن بطنكـ ألله يخليكـ
والله ازا بيطول وجع بطنكـ عشر دقايق كمان لاستقيل من وظيفتي .. ألله يخليكـ صحصح ..
لأنو قضيتي بهالحياة أنو تطيب .. ببوس ايدكـ سيدي المواطن .. أنا عن نفسي بعتتلكـ طاقم طبي مجهز بأحدس الوسائل الاستشفائية تحت أمركـ وبالمجان .. رح ضل خبركـ خمس دقايق .. باي :cry:

مخلّص : :?

فجأة بيدق الباب ..

وبيهجموا عليه شي 25 شخص لابسين أبيض في أبيض ..

هاد اللي عم يقيس ضغطه وهاد اللي عم يخططلو قلبه .. وهاد اللي عم يدلكله معدته .. وواحد عم يعمللو زهورات .. وواحد عم يمسحلو الأرض .. و واحد عم يجليلو الصحون .. وواحد عم يهوي الغرف .. كلهن دكاترة ها !!


مخلص: :?

راح المغص ..


بيفتح التلفزيون .. بيلاقي عالعربي والجزيرة . والعالم .. والمنار ..

مؤتمر صحفي لوزير الصحة .. عم يصرح بأنو بعد نقد ذاتي أعلن استقالته .. بسبب انمغاص أحد المواطنين ..


وبيبكي .. فجأة ً ..


مخلّص: :?


مخلّــص خلص مفعول حشيشتو ..

وفجأة بيلاقي حالو .. ملحوش ع باب الاسعاف .. والممرضين والدكاترة عم يدوسوا عليه (بالغلط طبعن)

وما حدا فطنان .. أنو بني أدم .. لأنو بدل الأرض صار في بني أدمين .



مخلّص : :?:?:?

abosleman
20/04/2008, 17:17
هاد ... هو ... المواطن المخلص

abosleman
25/04/2008, 22:18
اي ووين باقي اليوميات معلم ؟؟

شوط ياقمر
28/04/2008, 04:04
وبكل ود . مشكور .
وإذا في تتمة . فا بتلاقينا ب ويتنغ رووم .
:D

The morning
28/04/2008, 04:10
مـــتابعـه :cool: ..

الموسيقار
28/04/2008, 04:49
مخلـــّــــص كان في يوم من الأيام كتييييييير .. مخلـــّــص .

وسايق .. :o

كان سايق بهالموديل:?

المهم مخلــّص .. قطع اشارة حمراا .. ودخل باتجااه ممنوع .. وماكان حاطط حزام .. وريحة الحشيشة والمشروب طاقعة لسابع سماا . بتوقفو دورية ..

بيوقف الزلمة .. بينزلو من السيارة شرطيين .. واحد بيضيفو شوكولا .. وواحد بيهديه وردة ..

- الشرطي الأول (أبو الشوكولا) .: كيفكـ معلمنا ؟؟ بس أنو بعد ازنكـ PLEASE عطينا الوراق ازا ما منغلبكـ معنا .. ازا بدكـ أنا بمد ايدي وطالعهن ازا رح روحلكـ من وقتكـ ..

بيقوم بيعطيه الوراق ..

- الشرطي التاني .. وهو مادد ايدو بالوردة : ميرسي . استاز لأنكـ تعاونت معنا .. نحن منعبد المواطن .. تركنا الله وعبدنا المواطن ..

وبيوقفوا الشرطيين جنب بعض وبيبتسمولو .. وبيقولو بصوت واحد متل طلاب الابتدائي وهنن فرحانين .. (نحن بالخدمة ... وخدمتنا بميت نجمة)

- الشرطي التاني للأول: ورجيني هالوراق ! يي ! خالصين وراق السيارة ..

- الشرطي الأول : استاز الله يخليكـ أهم شي نفسيتكـ ما تتدهور عادي مو مشكلة ازرعها بدقني .. الحق علينا أنو الوراق خالصة .. لأنو بعتنالكـ بس عشر مسجات ع موبايلكـ .. لنقللكـ أنو الوراق خالصة .. ع كل حال .. ازا بتسمح تنزل تقعد بسيارتنا فيها كونديشن .. لبين ما تجي الرافعة تاخد سيارتكـ عالحجز .. وهونيكـ بكبسة زر بتطالعا استاز ..

- الشرطي الأول للشرطي التاني : يلا ركد جبلو للاستاز شي يبورد ع قلبو .. شو بتؤمر استاز .. ؟

مخلص ::? مندرين

- ركود جيب مندين للاستاز .... يا معاااااااااااااااااذ (عم يحكي مع الشوفير ) حطللو للاستاز ميوزكـ هادية ل سيلين ديون يروق دمو وهو عم يشرب الكولا ..

بيمسكـ مخلــص بيمد ايدو ع جيبتو .. بيقوم بيقللو الشرطي له يا استااز ألله يسامحكـ راتبي ميت ألف بالشهر .. ليش مد ايدي وأخد رشوة .؟ اله يسامحكـ ..


مخلــّـص (بقلبو) أنا كنت عم طالع الباكيت :?


المهم بتنحجز السيارة .. وبيروح ليدفع المخالفات .. ويفكـ الحجز .. بتقوم بتستقبلو الموظفة (لابسة قصير وريحتها بارفان) بابتسامة عريضة ..


- اهلين استاز .. شرفت فرع المرور والله كيف قهوتكـ؟ ولا قللكـ ؟ أنا رح ضيفكـ أيسد كافيه موكا .. كتير نازلة طيبة لأنو ..


مخلــّـص : :?


فجأة .. بيفيق من تحشيشتو .. بيلاقي حالو صرلو اسبوعين ونص واقف عالدور بفرع المرور .. ليدفع المخالفات ..

والعالم هاد اللي عم يرفسو .. وهاد اللي عم يطالع روايح . وحكاية ..ز.




اي (نحن بالخدمة .. وخدمتنا بميت نجمة )

Reemi
28/04/2008, 09:09
:Dيا عين ابن عمي بيطلع منو غير شكل كل شي :D

شوط ياقمر
14/05/2008, 02:21
انه المخلص وماأدراك ما المخلص .
:D

sandra
14/05/2008, 02:48
رائعة يومياتو لمخلّص :lol:
حقو طول الوقت عامل هيك :?
كتير حلوة يا موسيقارنا
:D