-
عرض كامل الموضوع : Surrealism
التقرير الجوال
25/03/2008, 06:43
Surrealism is a 20th-century literary and artistic movement,that attempt to express the working of the SUBCONSCIOUS by fantastic imagery and incongruous juxtaposition of sunject matter
حاولت كتير اتخيّل و اتأمل بهالعمل و الحقيقه ما قدرت اتصور اي شي .. يعني مجرّد تصوّر ما طلع معي شي .
بس كتير منبهر فيها و باسلوب الرسام " اللوحه عم تحكي بس عن شو " و كيف بدنا نطلّع فيها و من أي زاويه؟
اللوحه مرسومه بـ Ink and Charcoal و سعرها 8,000$
طبعاً اللوحه من المذهب السريالي .. منشان هيك بدها تأمل و تركيز و تفكير و كمان تخيّل لتستكشف سرها .
اتركن مع العمل و تعليقاتكن و استنتاجاتكن .
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
خلينا نشوف مين فينا أكتر تأمل و صفاء فكري .
The morning
26/03/2008, 02:13
انا كمان ما كتير فهمت مضمون اللوحه و يمكن هاد الشي اللي بشد و كل واحد بالنتيجه رح بشوفها من منظورو انا شفتها متل منحوته على جبل صخري عم تبتلع الاشيا ..
انت كيف شفتها ؟
حسيت انها عم تمثل مجموعة ايادي عم تمزق جنين ببطن ام
وبدل علي قديش الماضي والعوامل الخارجية فيها تاثر علي الانسان
هاد راي وبالتاكيد يمكن يكون مالو علا قة بالصورة بس هاد جمالية المذهب السريالي
يعني كل واحد بيشوف فيه شي من منظورو
يسلمن علي هاللوجة الاكثر من رائعة:D
انا شفتها و ما فهمتها بس ما علقت قلت بركي انا غبي
بس بعد اللي حكيتو بحب قللو لأخونا التقرير انو في صور اسهل كان لازم تبلش فيها و منتدرج بالصعوبة بعدين
او يمكن الصورة ما كتير واضحة
بالنسبة الي حاسسو جذر نبتة او شجرة بس هوي لساتو بالارض و انت عم تتطلع عليه من تحت م جوا التراب
The morning
26/03/2008, 03:03
قلت بركي انا غبي
:o:lol::o
التقرير الجوال
26/03/2008, 07:25
لأ عزيزي ليوبراد القصه مش هيك.. سهّلها بتسهل السرياليه صعبه و بدها تأمل و تخيّل و اغلب الأحيان ما حانعرف المقصود من العمل إلا اذا قرأنا تعليق الرسام او الكاتب .. متل الشعر الحديث يللي مليان ألغاز . " المعنى بقلب الشاعر ":lol: .
منحوته على جبل صخري عم تبتلع الاشيا
طيب انا كمان شفت صخر؟ بس المشكله بتصوّر شيئ .. لك أي شي:lol:
يسلمن علي هاللوجة الاكثر من رائعة
أهلا و سهلا و شكراً على المشاركه:D
بالمناسبه اللوحه اسمها Crucifixion و حطيتها بمناسبه الـ Good Friday
يللا لنشوف الابداع.. و أنا معكن .
أنا ولله لأول وهلة ما عرفت وصل من مجرد النظر والتأمل فيها
بس بيخطرلي انها جذور شجرة تحت الأرض متل ما قال ليوبراد :confo:
وازا بدنا نعرف مظبوط لازم نقرأ أكتر عن الفنان وأسلوبه الي بتبعه وعن العصر
الي عاشه والظروف وهيك
لنفهم اللوحة أكتر ونستمتع فيها أكتر وبفنه :flover:لإنه عالم اللوحات كتير حلو لما بنقرأ أكتر
حلوة هيك فوتات بالحيط ممتعة برأيي :lol: النا رجعة لنشوف شو طلعت
بتعرفوو شو خطرلي هلأ :?
انها دبانة كبيرة من شي عصر ومحنطة بالحيط :? ..!
فيه شي اسمه تحنيط بالحيط يبعتلي :shock:
بظن فهمتوو قصدي خخخخخخ
التقرير الجوال
26/03/2008, 13:16
انها دبانة كبيرة من شي عصر ومحنطة بالحيط ..!
بأعلى اللوحه من جهه اليسار في مجسمين على شكل جناحين .. هاد قصدك؟
بكل الأحوال
هي الفنانة عندي إلها كم عمل و كلهن بهالأسلوب .. و بدي قول بأنو السرياليه تدخل بطور الحاله النفسيه للفنان او الكاتب منشان هيك ممكن بيكون في أكتر خلفيه باللوحه .
أنا شايف صليب كخلفيّه للوحه و الباقي عالطريق .. هي اذا طلع معي شي .
بأعلى اللوحه من جهه اليسار في مجسمين على شكل جناحين .. هاد قصدك؟
بكل الأحوال
هي الفنانة عندي إلها كم عمل و كلهن بهالأسلوب .. و بدي قول بأنو السرياليه تدخل بطور الحاله النفسيه للفنان او الكاتب منشان هيك ممكن بيكون في أكتر خلفيه باللوحه .
أنا شايف صليب كخلفيّه للوحه و الباقي عالطريق .. هي اذا طلع معي شي .
اي هيك قصدت ولله ولقيت معنى اسم اللوحة Crucifixion = الصلب :confo:
وأنا قلت تحنيط >> كلمة متطورة شوي عن صلب يعني مو :o
:p
حلو...رح رد...
اللوحه جامعه بتوقع كل عناصر الحياه الرئيسيه....كيف....
/فيها جذع شجره ...وجذور الشجره..../
/فيها يد بشريه عم تحاول توصل للجذور....و يد تانيه ...عم تحاول تحني راس الي عم يحاول يوصل للجذر/....
/فيها ئلب مئسوم نصين...موصول بــ مخ مليان تلافيف...وجنين بوسط الصوره/
/اسفل الصوره في مناره ..طالع منها نار خفيفه/
/وفي جناحين لطير بوسط الصوره/
بالمختصر ....
الانسان*النبات *الحيوان*النار.....كلون فيك تشوفون ظاهريا عباره عن حجر...صخر....الي بدك ياه بس هاد الي طلع معي
*ع الهامش موضوع مميز*
التقرير الجوال
27/03/2008, 04:15
الحقيقه حلوة .. أغبطك على ذلك .
/فيها يد بشريه عم تحاول توصل للجذور....و يد تانيه ...عم تحاول تحني راس الي عم يحاول يوصل للجذر/....
انا قدرت ميّز الإيد " المنسدلة من اعلى اللوحه بجهه اليمين " بس ممكن تدليني على الإيد التانيه ؟
كمان انا شايف شوك باللوحه بس ما عم اقدر شكّلو بمخيلتي لاستخلص منو صوره .
شكراً على ردّك .. كان في ابداع .
بدي حاول سهّل الموضوع بلكي يطلع معنا شي .
اللوحه تحكي عن صلب المسيح عليه السلام .. و متل ما حكيت باني شايف صليب بخلفيّه اللوحه .. في حدى شايفو معي؟
blueriver
27/03/2008, 08:40
ما بعرف بس شايفة ايدين على صخر زي بتسلقوا جبل صخري اشي طالع اشي نازل ;)
ع اليمين باعلى اللوحه رح يبين معكـ يد عند *بداية الـ يد الي عم تحاول توصل للجذر*
بس الايد الي بالاعلى مو باينه كل اصابعها ..اكتر اصبع ظاهر هوه الابهام
وحتى الايد عم تحاول توصل للجذر...في ايد مكرره بنفس الزاويه..سابئتها ...بس مالها ساعد ظاهروشكلها اصغر
هلئ منجي ع السؤال ..انو ئصدك كتاب اللوحه زكر انو هيه عن صلب المسيح عليه السلام
ولو كانت عن صلب المسيح عليه السلام ..كان لازم الجناحين ما يكونو بوسط اللوحه..كان لازم يكونو للاعلى شوي..
تحيه:D
اخوية نت
بدعم من : في بولتـين الحقوق محفوظة ©2000 - 2024, جيلسوفت إنتربـرايس المحدودة