سألني عابر سبيل كيف أختار صديقا..

[Mr.yosef]

سألني عابر سبيل كيف أختار صديقا..
كنت عاجزاً حينها على إهدائه كلماتي , لأن الآلام التي رسمت ملامحه آلمتني , ونزيف صوته أدماني, فعرفت حينها أنَ هدفاً جميلا قد مزق مرمى هذا الشاب وأنَ الهداف هو صديقه فانتظرت قليلاً ريثما تأتي كلماتي المتأخرة , ريثما أجهز لها السطور , فلم أكن أريد أن أثقل عليه بوابل لومٍ أو أن أجعل من لساني سوط غاضب يأتي على مسمعيه ليزيد من ألمه ألم ومن وجعه وجع , فهو ليس أول شخص دفع بثقته لخائن ولا هو بغبي تناءى عن معاملة الناس , فكل ما في الأمر أنه لم يتناول جرعة لقاح , لقاح يحميه من الناس , فخاطبته بتواضع علّي أخفف عنه مصابه فربما كلماتي تملك مناعةً ضد هذا النوع من الناس ............ قلت له :
إذا فكرت يوماً في أن تأخذ صديقاً فأبحث عن شخصٍ تشعر به أنه أفضل منك , أفضل منك بعدة درجات لأنه كلما انقضى شهراً على صحبتكما سوف تجد نفسك مضطراً لشطب درجة أما بعد سنة أو أكثر فإنك سوف تستبدل القلم الذي تشطب به هذه الدرجات , فعندها إما أن تستعد لهدف ثانٍ ( أرجو أن لا يدخل مرماك) أو أنك ستحصل على شخص طيب مثلك فرحتك تفرحه وألمك يؤلمه , وأخيراً أتمنى لك رفقةً جيدة وحراسة موفقة . وشكراً للانتباه

[majd88]

أنا برأيي أنو الصفة الأهم اللي لازم تتوفربالصديق من بين الصفات اللي ذكرتن هي الذكاء:
طبعاً الوفاء المهم كتير كمان
روح الدعابة ممكن تنوجد عند شخص مانو صديقك
المجبة والمودة هما نتيجة للصداقة أو بالأحرى شرط الصداقة هوي وجود محبة ومودة بين الصديقين

[Mr.yosef]

بصراحة أنا رأيي الوفاء هو الأهم لأننو أساس الصداقة

[julia]

برأيي انو الوفاء أهم شئ في الصداقة أو بالأحرى أساس الصداقة واذا ما في وفاء ما بكون في صداقة أصلاً :sosweet: :D

[HashtNasht]

والله أنا برأيي أهم صفة لازم تتوفر بصديقي إنو ما يكون صديق شخص تاني أنا ما بطيقو
وانو يصير بدو يقربنا من بعض مثلاً :confo:
شي بغتت القلب :cry: :cry:

[Hus]

والله أنا برأيي أهم صفة لازم تتوفر بصديقي إنو ما يكون صديق شخص تاني أنا ما بطيقو
وانو يصير بدو يقربنا من بعض مثلاً
شي بغتت القلب


ههههههههههههههههه ..
منيحية هاي :P

انا بعتقد الزكاء كمان من اهم الاشياء .. لانو الصديق الزكي بشكل اوتوماتيكي بيكون فاهم انو الصداقة بدها وفاء .. ومتعلقات اخرى غير الوفاء ..
وبحب خفة الدم طبعا وبفضلها كتير بالاصدقاء وعلى وجه التحديد البنات الي دمون خفيف .. يقبرو قلبيييييييي :sosweet:

[Joe]

ما بظن دخل الذكاء بالوفاء... يمكن يكون ذكي كتير و بسبب ذكاؤه يقدر يستغلك مثلا... ؟

بظن المحبة و المودة من أهم العوامل.. وهي بتولد الوفاء و الاخلاص و الصدق و الصراحة و هل أشياء

[ABOO_3BDOOO]

لك روح ربي يحرسك


موضوع رائع لابعد الحدود

[boy freind]

المحبة أهم من كل شي لأنو الحب بيخلق الوفاء يعني معقولة رفيقك بيحبك و مو وفي الك

ما بتزبط ( انا صوتت على المحبة و المودة ) و مشان خفة الدم في شغلة انو اذا بتحب شخص بتحس

انو دمو خفيف و بتضحك حتى لو بس اتطلع فيك اذا قلك مرحبا بتلاقي حالك ابتسمت لحالك ليش ؟ لأنك بتحبو

بالنتيجة المحبة بتخلق باقي الشغلات و هي الأساس
.
.
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

[مالك الحلبي]

بالنسبة لي
الصدق
وبتوقع كان لازم ولزوما ولزاما أني ينحط بالأستفتاء
تقبل تحياتي مستر يوسف

[سوا ربينا]

باعتقادي اهم صفة لازم تكون هي الوفاء لانو ذكاءو ما رح يفيدني وروح الدعابة كمان ما بتهمني والمحبة والمودة بتيجي من وفائو الي لانو اكيد الصديق الوفي بدو يكون ودود ومحب,,,,,
شكرا على هالموضوع الحلووو.....:D

[saba n]

اعتقدانو اهم ما بالصديق هو اخلاصه..وبما انو الاخلاص ما موجود كخيار بالاستفتاء ..فأخترت المودة..

[طفوله]

الزكي بيعرف يكون كل الصفات التانيه بوئتون



مابدها زكا

[بلاك 1]

يكون صديق بيفهمني وبس

[بلاك 1]

ما بدي صوت ما عجبوني الاختيارات:frown:

[المصروايه]

:D اهم حاجه في الصداقه هيا الصدق والوفاء والمحبه والموده ويكون كمان في حب للضحك وروش ومفرفش بس بحد معين اكيد والاختيارات حلوة احترت ما بينهم والله بس رشحت الصدق

[TheLover-_-]

انا برايي كل الصفات لازم تكون متواجدة بالصديق .....
تحياتي:D

[ابو ريتا]

ليس الإعجاز ان تصنع الف صديق في سنة وانما الإعجاز ان تصنع صديق لألف سنة :D

[بلاك 1]

شو صااااااااااااااااار معكن

[W.E.G.A]

انه اهم الشي الوفاء

بعدين روح الدعابة


والذكاء

:D

[المسافر بعيدا]

الحب لانو بس الحب بيخليك تغفر كل شي
ما راح تلاقي صديق مثل ما انت بدك هاد اكيد راح تشوف كثير شغلات ما تعجبك او بتحسها انو ضدك لكن هي مو هيك
فبس الحب هو اللي بخليك تقدر تتجاوز عن هفوا ت صديقك وهو يتجاوز عن هفواتك:hart::hart::hart::hart::hart::hart::h art::hart::hart::hart::hart:

[مالك الحلبي]

الصديق من صدقك القول