خطر عبالي موضوع (مهم )

[بنوتة حلب]

مابدي طول عليكون بس بالمختصر المفيد

ليش لما منعرف على شي حدا ان كان شب او صبيه منفتخر قدام رفقاتنا انو هيك قلي او قالتلي
و هيك عطاني وهيك هداني

وان كان الشب بيقلك انا تعرفت على كذا وحدة ويالطييف
وبيبلش يتفاخر قدام اصحابو انو بيعرف بنات كتيرة
وان كان البنت كمان بتتفاخر انو بتعرف شب حليوة وووو الخ
وبيكون مو جدي بس للتسلاية وبينسما عليها قدام صحابا انو عم تحكي مع شباب


انو شو وجهت نظركون بهيك شب او هيك بنت

[بنوتة حلب]

انا رايي الشخصي انو البنت لازم تكون مسؤولة عن اختيارا لا الشب الي بدها تحكي معو
وتكون متأكدة من اختيارا
ومافي داعي تتفاخر فيو قدام رفقاتا انو مثلا مقتدر ماديا او جميل جدا
الا لا المقربة منها جدا جدا تحكيلا لانو اكتر وحدة بتكون بتعرف نفسيت رفيقتا وتفكيرا
ومارح تاخود عنها فكرة غلط


وبرايي انو البنت لما بتتعرف عاشب هاد شي شخصي فيها ومو شرط تذيع انها تعرفت على شب فلجة

هاد رايي
:D

[أسير التشرد]

يا سيدتي التباهي والفخر..سمة من سمات العصر..و هالسمات تتركز بالاخص عند شبابنا والصبايا..

[بنوتة حلب]

يا سيدتي التباهي والفخر..سمة من سمات العصر..و هالسمات تتركز بالاخص عند شبابنا والصبايا..


انو ولوش هالتباهي هاد يعني

كتيير شفت صبايا هيك
انو معقولة لهل درجة كل يوم بتاخدلي صديقة معا كرمال تفرجيا الي تعرفت عليه
او شو هاد والله قلة عقل
يعني رح ينسما عليها شب ورح ينسما
ليش لما يكون اخيارها سليم
وقتا تتباها فيو قد ما بدا
التباهي بيصير لما بتتعرف وبتحسن الخاتمة يعني خطبة وجازة وو الخ
وقت فيا تتباها انو تعرفت وطلعت بنتيجة

[ظل جيفارا]

صديقتي
طبيعي جدا بمجتمع مريض متل مجتمعنا
انا بختلف معك انو الحل بالنسبة إلي بيكون نتيجة مو سبب... نتيجة لزيادة مشاركة الناس بالحياة الإجتماعية لإنه المشاركة بتخلي نسبة الوعي الجمعي تزداد ونوصل للحل ...
تحياتي الحارة
ظل جيفارا

[المحارب العتيق]

وبرايي انو البنت لما بتتعرف عاشب هاد شي شخصي فيها ومو شرط تذيع انها تعرفت على شب فلجة

هاد رايي
:D
لما بدو يكون الشب متلي أكيد بدها تتفاخر :larg:

[maestrooo]

في مشكلة تانية وهي أنو أحيانا الواحد يعني أحيانا حتى لو

ماحكى قدام رفقاتو هنن بيتحركشو ف بيضطر انو يحكي ويقسم

خصوصا إذا كان واحد متلي :sosweet:

[فيونا]

انا كنت افكر بس الشباب بيتفاخرو والبنت بتخبي هيك شغلات ,,,
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

[حلبي]

أنا برأيي أن هذا الشيئ بديهي ومن الطبيعي أن يفخر الشاب بالفتاة التي أحب لأنه يشعر أنها مكملة له

و أعتقد الطرف الاَخر عندهم نفس الشعور

أن الله خلق الذكر و الأنثى

ولو لم يكونا مكملين لبعض لخلق الله فرد

يعني أتكلم عن وجهت نظري

أذا كنت لا أرى حبيبتي مبعث للفخر لماذا أرتبط بها ...؟؟؟؟؟؟

وهكذا .

مشكورة على الموضوع :D

[W.E.G.A]

واضحة لان شعبنا عندو عقدة نقص


بهاد الموضوع


جد حرام


:D:D