المراه التي بكى ملك الموت عندما قبض روحها ؟ [الأرشيـــــف]

anis

23/07/2005, 22:07

السلام عليكم
اليكم هذه القصه الواقعيه

المرأة التى بكى ملك الموت عندما قبض روحها ..

السلام عليكم ورحمة الله وبركاته

ورد في بعض الآثار أنَّ الله عز وجل أرسل ملك الموت ليقبض روح امرأة من الناس

فلما أتاها ملك الموت ليقبض روحها وجدها وحيدة مع رضيعاً لها ترضعه وهما في صحراء قاحلة ليس حولهما أحد ،

عندما رأى ملك الموت مشهدها ومعها رضيعها وليس حولهما أحد وهو قد أتى لقبض روحها ، هنا لم يتمالك نفسه

فدمعت عيناه من ذلك المشهد رحمة بذلك الرضيع ، غير أنه مأمور للمضي لما أرسل له ، فقبض روح الأم ومضى ، كما

أمره ربه: (لا يعصون الله ما أمرهم ويفعلون ما يؤمرون)

بعد هذا الموقف - لملك الموت - بسنوات طويلة أرسله الله ليقبض روح رجل من الناس

فلما أتى ملك الموت إلى الرجل المأمور بقبض روحه وجده شيخاً طاعناً في السن

متوكئاً على عصاه عند حداد ويطلب من الحداد أن يصنع له قاعدة من الحديد يضعها

في أسفل العصى حتى لاتحته الأرض ويوصي الحداد بأن تكون قوية لتبقى عصاه سنين طويله .

عند ذلك لم يتمالك ملك الموت نفسه ضاحكاً ومتعجباً من شدة تمسك وحرص هذا الشيخ وطول أمله بالعيش بعد هذا العمر المديد ،ولم يعلم بأنه لم يتبقى من عمره إلاَّ لحظات .

فأوحى الله إلى ملك الموت قائلاً: فبعزتي وجلالي إنَّ الذي أبكاك هو الذي أضحكك

سبحانك ربي ما أحكمك

سبحانك ربي ما أعدلك

سبحانك ربي ما أرحمك

نعم ذلك الرضيع الذي بكى ملك الموت عندما قبض روح أمه

هو ذلك الشيخ الذي ضحك ملك الموت من شدة حرصه وطول أمله

وقفه :

فالنعلم يااخواني أن كل انسان مكتوب رزقه على الله متى يعيش وكيف يعيش

ولا ننسى بان ملك الموت قادم لكل واحد منا وذلك بإذن من الله

اتمنى ان تعجبكم

krimbow

25/07/2005, 18:17

انا نقلتو

:D

أحمد العجي

25/07/2005, 18:37

شكرا كثير anis معلومة جديده بالنسبة الي وفي انتظار مشاركاتك القيمة والى الاماااااك حبوب :D :D :D :D :D

sweetbaby

25/07/2005, 21:12

انا نقلتو

:D
لك شو اصتك مع نقل المواضيع :lol: :lol: :lol: :lol: :lol: :lol:

dot

07/07/2006, 03:26

والله هي اول مرا بقرا هيك موضوع مميز من الناحية الموضوعية و الانتقائية الف الف الف شكر:D :D :D

ابومزيد

07/07/2006, 14:12

والله هي اول مرا بقرا هيك موضوع مميز من الناحية الموضوعية و الانتقائية الف الف الف شكر:D :D :D
يا زلمة منين نكشت هالموضوع

أبو النور الحمصي

07/07/2006, 14:54

موضوع رائع

شكراً

:D :D :D

dot

07/07/2006, 14:55

يا زلمة منين نكشت هالموضوع

انا بحب النكوشة كتير...بس بحب قول اني ماتعودت شوف شي حلو قدامي وما قلو انك حلو وهاد يلي صاار معي هون اوكي

ابومزيد

07/07/2006, 14:58

انا بحب النكوشة كتير...بس بحب قول اني ماتعودت شوف شي حلو قدامي وما قلو انك حلو وهاد يلي صاار معي هون اوكي

عم دور على برنامج من زمان وما عما لاقيه كفو ادورلي عليه ؟.

~YAFA~

08/07/2006, 10:54

سبحان الله كل نفس ذائقة الموت ومش لازم نتمسك بالحياة هلقد !!

بس في ملاحطة :- ازا ملك الموت حزنت على هداك الرضيع ولو كان الامر بإيدو كان ما قبض روح امو للصبي
فاكيف احنا البشر لما يموت عنا حدا قديش بنحزن عليه وبنتمنى لو انو ما مات وبقولو انو كلمة لو هي من الشيطان "ماذا لو" !! بس احنا غصبنا عنا بنحزن وبتقول لو و لو !!!

قلب العاشق

08/07/2006, 11:11

سبحانك ربي
يسلمو كتير على القصة المفيدة
تحياتي

here i am

08/07/2006, 15:48

ولا ننسى بان ملك الموت قادم لكل واحد منا وذلك بإذن من الله
أهلا و سهلة أهلا و سهلة أشرقت و أنورت
:p شو هالتسالي

love_angel

09/07/2006, 04:18

عم دور على برنامج من زمان وما عما لاقيه كفو ادورلي عليه ؟.

لكان قاعد عم تدور وما عم تشتغل شي اي يا عمي ايامك لكااااااااان :D :D

المجاهد في سبيل الله

09/07/2006, 23:41

ولو أنا اذا متنا تركنا .....لكان الموت راحة لكل حي
ولكنا اذا متنا بعثنا ......ونسأل بعده عن كل شئ

يعطيك العافية أخي على هالقصة المؤثرة..بأسلوبها ومحتواها :D

TheLight

09/07/2006, 23:56

بس السؤال المحير
ليش الله قرر يقبض روح الام وابنها رضيع؟؟؟؟؟
مو ع اساس ان الله رحيم؟؟؟
بعدين مادام الام وابنها كانوا بالصحراء القاحلة و لا احد حولهما فكيف نفد الرضيع وعاش وصار شيخ؟؟؟
ولا هي قصة تخويت وتأليف؟؟؟؟
حبكوها منيح تاني مرة

HITLER ALARAB

10/07/2006, 00:11

مشكور على هل الموضوع الحلو............................:D

COSTA

10/07/2006, 00:59

يعني شو هالموضوع السخيف وهالاسطورة الخيالية ما عندكن شغلة غير تألفو

لا وشو موضوع مؤثر وقصة مؤثرة

ياريت بتتأثرو بشي موضوع علمي وبتفيدو البشرية

حاجتكون سخافات

TheLight

10/07/2006, 01:04

بس ما قلتولنا مين انقذوا للطفل؟؟؟؟؟
بيجوز ملاك السفريات مار قدموس
هههههههههه

love_angel

10/07/2006, 01:52

:( :(

عيب يا شبااااااااااب

TheLight

10/07/2006, 02:51

شو يعني عيب
ما دارتلي هي

~YAFA~

10/07/2006, 17:24

عنجد عنجد عيب عليكو الواحد حاطط الكو موضوع حبيبي ازا اخ\ت الموضوع بسخرية متل هيك فا بصراحة خسارة فيك موضوع علمي يا........كوستا

بعدين هاي مش سخافات !!! وازا شايفينها سخافات قولو خيرا او اصمتوا!!! هادا مش موضوع تسلية ومرح !!!

بعدين وين الغلط انو يعيش الطفل !!! ومين الي عاش على الارض لحالو ولحالها بالاول مش آدم وحواا!! ومين الي عاش بتم الحوت !! والي خلقك وخلق غيرك قادر على انو يحمي ومتل ما بتنمو النبتة من الضخرا قادر انو يعيش طفل بنص الصحرا بس الباقي على العقل !!!

ابومزيد

10/07/2006, 17:34

عنجد عنجد عيب عليكو الواحد حاطط الكو موضوع حبيبي ازا اخ\ت الموضوع بسخرية متل هيك فا بصراحة خسارة فيك موضوع علمي يا........كوستا

بعدين هاي مش سخافات !!! وازا شايفينها سخافات قولو خيرا او اصمتوا!!! هادا مش موضوع تسلية ومرح !!!

بعدين وين الغلط انو يعيش الطفل !!! ومين الي عاش على الارض لحالو ولحالها بالاول مش آدم وحواا!! ومين الي عاش بتم الحوت !! والي خلقك وخلق غيرك قادر على انو يحمي ومتل ما بتنمو النبتة من الضخرا قادر انو يعيش طفل بنص الصحرا بس الباقي على العقل !!!
كلامك سليم ومنطقي بس لو انو القصة صحيحة

~YAFA~

10/07/2006, 17:43

كلامك سليم ومنطقي بس لو انو القصة صحيحة

وانت متلا ليش عندك شك فيها !!! ما بتأمن بالموت ولا ما بتأمن بالله وقدرته !!!!! وضحلي وفهمني

ابومزيد

10/07/2006, 17:51

وانت متلا ليش عندك شك فيها !!! ما بتأمن بالموت ولا ما بتأمن بالله وقدرته !!!!! وضحلي وفهمني
انا بآمن بالله العزيز العادل
يعني شو هالقصة وشو مغزاها
يعني استغفر الله الله شغلتو انو يضحك مللم الموت ويبكيه؟
وللا ملك الموت رح يبكي ويعتقد انو الله ظالم؟ استغفر الله
القصة اللي اخترعها بتشبه حكايا موسى من بني اسرائيل اللي ما بتخضع لأي منطق
بتسيء اكتر ما بتوعظ

~YAFA~

10/07/2006, 17:53

هاي الها حكمة ركز فيها شوي !! انو الله ما بيترك حدا وبيرعاه هادا واحد

اتنين تمسك الانسان بالدنيا وانو الموت يأتي غفلة

لا يعلم احد بالغيب الا الله وحتى ملك الموت ما كان يعرف انو ها الطفل راح لامتا يعيش !!

ابومزيد

10/07/2006, 18:07

هاي الها حكمة ركز فيها شوي !! انو الله ما بيترك حدا وبيرعاه هادا واحد

اتنين تمسك الانسان بالدنيا وانو الموت يأتي غفلة

لا يعلم احد بالغيب الا الله وحتى ملك الموت ما كان يعرف انو ها الطفل راح لامتا يعيش !!
انا عم احكي شي وانت عم تحكي شي
الحكم مبينة بس في شوية ثغرات فيها بتخليها تطلع عن الصحة
بس انتي ركزي شوي وارجعي اقري شو كتبت منيح
وفي كتير قصص من الواقع فينا ناخد منها عبر اكتر

COSTA

10/07/2006, 18:20

عنجد عنجد عيب عليكو الواحد حاطط الكو موضوع حبيبي ازا اخ\ت الموضوع بسخرية متل هيك فا بصراحة خسارة فيك موضوع علمي يا........كوستا

بعدين هاي مش سخافات !!! وازا شايفينها سخافات قولو خيرا او اصمتوا!!! هادا مش موضوع تسلية ومرح !!!

بعدين وين الغلط انو يعيش الطفل !!! ومين الي عاش على الارض لحالو ولحالها بالاول مش آدم وحواا!! ومين الي عاش بتم الحوت !! والي خلقك وخلق غيرك قادر على انو يحمي ومتل ما بتنمو النبتة من الضخرا قادر انو يعيش طفل بنص الصحرا بس الباقي على العقل !!!

اذا كان خسارة فيني موضوع علمي

فخسارة فيكي وامثالك المنتدى

TheLight

10/07/2006, 19:34

عنجد عنجد عيب عليكو الواحد حاطط الكو موضوع حبيبي ازا اخ\ت الموضوع بسخرية متل هيك فا بصراحة خسارة فيك موضوع علمي يا........كوستا

بعدين هاي مش سخافات !!! وازا شايفينها سخافات قولو خيرا او اصمتوا!!! هادا مش موضوع تسلية ومرح !!!

بعدين وين الغلط انو يعيش الطفل !!! ومين الي عاش على الارض لحالو ولحالها بالاول مش آدم وحواا!! ومين الي عاش بتم الحوت !! والي خلقك وخلق غيرك قادر على انو يحمي ومتل ما بتنمو النبتة من الضخرا قادر انو يعيش طفل بنص الصحرا بس الباقي على العقل !!!

حاجتك بلا مواعظ وبلا فلسفة
الموضوع كمضمون ما عليه اختلاف
بس طريقة رواية القصة سخيفة ومبتذلة
نحن كل واحد منا دق يالتلاتينات
هي القصص بتحكيها لولد عمرو 9 سنين منشان تقربيلو ياها لعقلو
مو لشناتير متلنا مارق ع راسنا سبعة الاف قصة متل هي
هاد اسمو استخفاف بعقولنا
بعدين يجي ربك ما بيقدر يقنعني انو ولد بيعيش لحالو بالصحرا

oliver68

11/07/2006, 00:29

هي مو المشكلة إنو الله يساعد الطفل بالصحرا، في مية طريقة و طريقة، بس المشكلة بالموضوع نفسو، يا أخي صرنا بالقرن ال21 و لسا منحكي هيك خرافات!!!!!!!! و الله عيب، بعدين كيف إجت القصة؟؟؟ شو الكاتب يعني ولي من أولياء الله ولا نبي جديد مالنا خبرو؟؟؟؟؟؟؟ لك طلعوا حواليكن، شوفوا العالم كيف عميتطور و يتقدم، و نحنا كل يوم لورا و منصدق هالخرافات و الخزعبلات، لأ و مننشرا كمان!!!!!!!!!!!!!!!!!!!!!!!!!!!!!!!!عيب و الله عيب.

oaddah

11/07/2006, 02:11

يسلمووووووو كثير على القصة الرائعة........... لانو فيها نوع من العبرة والحكمة

:D ثانكس :D

lilitty

01/08/2006, 15:19

هلاء ليش المسيحية استنفروا؟؟
يعني الله اللي حماه للولد...هو رب الإسلام ورب المسيحية...ولا في شي أنا ما بعرفه:pos:

بعدين اللي بيقدر يضحّك عباده وبيبكين بيقدر يضحّك ملايكته وبيكيّن
واللي بيقدر يخلّي من بين مية جثة ماتت ولد رضيع ضل عايش..بيقدر يعيف ولد بالصحراء عايش...

واللي قال انو هي خرافات...واني العالم عم تتطوّر.....فأنا يقلك يا أخي انتا لا تدرس تاريخ العرب القدماء لأني عيب نحنا صرنا عصر حديث شلون عم تدرس تاريخ العرب القداما؟؟
واللي عم تتسمّع على قصص الإنجيل أو القرآن وبتآمن فيون...عيب عليك...هدول صاروا من مليون سنة شلون عقلك المفكّر الفيلسوف عميسدقن ...(والله مسخرة شي بيضحك)

لك والله عيييييييييييييب على اللي عميستنوا شغلة يقعدوا يتمسخروا فيا......فكروا شوي...إسلام أو مسيحية......

يسلمو كتير عالقصة وحسبي ربي سبحانك قادر على كل شيء...

TheLight

02/08/2006, 13:34

هلاء ليش المسيحية استنفروا؟؟
يعني الله اللي حماه للولد...هو رب الإسلام ورب المسيحية...ولا في شي أنا ما بعرفه:pos:

بعدين اللي بيقدر يضحّك عباده وبيبكين بيقدر يضحّك ملايكته وبيكيّن
واللي بيقدر يخلّي من بين مية جثة ماتت ولد رضيع ضل عايش..بيقدر يعيف ولد بالصحراء عايش...

واللي قال انو هي خرافات...واني العالم عم تتطوّر.....فأنا يقلك يا أخي انتا لا تدرس تاريخ العرب القدماء لأني عيب نحنا صرنا عصر حديث شلون عم تدرس تاريخ العرب القداما؟؟
واللي عم تتسمّع على قصص الإنجيل أو القرآن وبتآمن فيون...عيب عليك...هدول صاروا من مليون سنة شلون عقلك المفكّر الفيلسوف عميسدقن ...(والله مسخرة شي بيضحك)

لك والله عيييييييييييييب على اللي عميستنوا شغلة يقعدوا يتمسخروا فيا......فكروا شوي...إسلام أو مسيحية......

يسلمو كتير عالقصة وحسبي ربي سبحانك قادر على كل شيء...

القصة بالنهاية رمزية ومن المعيب ان يقال انها قصة واقعية
هون الاعتراض بس
ولا يمكن تأكيد حدوثها ابدا

lilitty

02/08/2006, 13:50

القصة بالنهاية رمزية ومن المعيب ان يقال انها قصة واقعية
هون الاعتراض بس
ولا يمكن تأكيد حدوثها ابدا
من المعيب..!!!..رمزية...!!!!...
إذا هيك أنا بطّلت آمن بأي قصة بتسير إن كان بالإنجيل أو بالقرآن أو بالتوراة أو من الصحابة أو من رسلكم...
"أستغفر اللله العظيم"
كل قصة بتناسب هوى الإنسان بيقول عليها واقعية
وكل قصة بتغيظه وما بتعجبه بيقول رمزية.....
لك فعلاً...زمن ....الـ...!!!!....:mrgreen: :blusted: :evil: :yaa3:

ابومزيد

02/08/2006, 13:54

طولي بالك ليطقللك شي عرق
يعني اذا الله خلقنا بشر وخلق فينا عقل ودعانا انو نشغل عقلنا ونسأل ونستفسر عن اللي حولينا وعن الحقائق بنجي احنا بنلغي عقلنااو بنسكروا
جيبيلي مصدر القصة وانا ببصملك بالعشرة

cuty

02/08/2006, 13:55

عنجد موضوع بجنن,,و معك حق ,,الدنيا رايحة و ما بضل الا العمل الطيب

lilitty

02/08/2006, 14:13

طولي بالك ليطقللك شي عرق
يعني اذا الله خلقنا بشر وخلق فينا عقل ودعانا انو نشغل عقلنا ونسأل ونستفسر عن اللي حولينا وعن الحقائق بنجي احنا بنلغي عقلنااو بنسكروا
جيبيلي مصدر القصة وانا ببصملك بالعشرة
لحظة عمأسمع كفريات هلاء....الله خلقكن عقل..ما اختلفنا..بس انو تفكروا فيه...اختلفنا وكتيييييير كمان:pos: ..ياما شغلات أنا شخصياً قرأتا بالإنجيل وضلّيت ساعة عمفكّر شلون بتسدقوا.."هلاء بدو يقلّي متل إيش"."وطبعاً أنا مالح أقلّك متل إيش لحتى ما يعتبروا الإخوة المسيحية إهانة لإنجيلهم..خلص أنا بحكي اللي حسّيته و ما بحدّد أي سورة لحتى ما أقلبا حوار أديان....!!!!".
أنا ما قلتلك انو القصة حقيقية أكييييييييييييييد...أنا علّقت عالناس اللي عميطالعوا أخطاء بالقصة كتير بايخة..."يعني قصّة انو الله يضحّك الملاك و...الخ..."
فهمت علي يا أخ..أنا ما بحب أكتب أي رد استفزازي ..وما بريد أضطر أنزع الأخوة بيني وبين أي شخص..
بس أنا بكفّيني هلاء حالياً كلمة صديقتي المسيحية اللي مرة سألتا سؤال بإنجيلهم ..جاوبتني"نحنا المسيحية ما بسير نسأل ليش وما ليش ...وإذا سألنا وبحثنا منكتشف انو رح نصير إسلام:shock: ..فأحسن إلنا نكذّب كل شي بيجيبوه الإسلام ونصدق كل شي بينقال بالمسيحية لحتى ما نسير إسلام...:shock: ..أما انتوا الإسلام في عندكم مية تفسير وما في نكشة إلا وفي إلها ألف مجلد...وحرام عليكم عندكم هالكنوز وما بتبحثوا فيا"....انا بعترف اني نحنا المسلمين مقصرين كتير..واني المسيحية بيشتغلوا في دينن أكتر...
وانا ما شغلتي أجيب المصدر أولاً لأاني مو أنا اللي نزلت الموضوع..تانياً لأني أنا مصدقة..وانت حبّلك تصدق أهلا وسهلا..ما حبّلك إذا بتريد لا تعلّق تعليقات ممكن تجرح غيرك وكل مين على دينه الله يعينه...

وهي وردة مني إلك..ولا تزعل مني....كل إنسان بيشدّ لطرف دينه.....وهيدا شي طبيعي:D

ابومزيد

02/08/2006, 14:46

:nono: :nono: :nono: :shock: :shock: :shock: :shock: :shock: :shock: :shock:

lilitty

02/08/2006, 15:18

عمو أبو مزيد..عمو ذا لايت..
والله أنا ما قصدت حدا ولا ديانة بحكيي..بالعلامة قلت
لك والله عيييييييييييييب على اللي عميستنوا شغلة يقعدوا يتمسخروا فيا......فكروا شوي...إسلام أو مسيحية......
ما بحب حدا يتدايق مني...ضميري بأنبني:cry:
آسفة إذا غلطت بحق حدا وجرحت أي شخص:cry:
ولا إله إلا الله..محمد رسول الله...هي كلمتي الأخيرة ...:D

ابومزيد

02/08/2006, 16:00

عمو:o :p

lilitty

02/08/2006, 17:54

ايه عمو لأني أنا زغيرة:oops: :oops: :oops: 8)

ابومزيد

02/08/2006, 18:03

:yaa3: :yaa3: :yaa3: :yaa3: :yaa3: :yaa3: الله يرضى عليكي يا بنتي

TheLight

02/08/2006, 18:05

من المعيب..!!!..رمزية...!!!!...
إذا هيك أنا بطّلت آمن بأي قصة بتسير إن كان بالإنجيل أو بالقرآن أو بالتوراة أو من الصحابة أو من رسلكم...
"أستغفر اللله العظيم"
كل قصة بتناسب هوى الإنسان بيقول عليها واقعية
وكل قصة بتغيظه وما بتعجبه بيقول رمزية.....
لك فعلاً...زمن ....الـ...!!!!....:mrgreen: :blusted: :evil: :yaa3:

هلق في كتير قصص رمزية بكل الكتب السماوية

بس انا راح اقتنع بالقصة انها واقعية اذا بتجاوبي ع الاسئلة التالية وبصدق

1 هل وردت القصة المذكورة في القرأن الكريم؟؟
2 هل وردت القصة المذكورة على لسان الرسول؟؟

lilitty

02/08/2006, 19:14

لحظة انا ما طلبت انك تصدّق انها واقعية ولا لاء..وأنا ما عندي الدليل أولاً لحتى أأكّد هالشي لنفسي وبعدين أأكدلك..
لكن أنا كل تعليقي...إنو عالإستخفاف بقدرات الله تعالى..إذا تابعت ردودي وفهمت قصدي منيح...
أنا ما قلت إنو بالقرآن في هيك قصّة ولا قلت إنو حقيقية...قلت إنو حدوثها جائز...وأنا بآمن فيا بس لأنو بآمن بقدرات الله تعالى ورحمته بعباده...
ممكن تكون قصة مجسوسة من مواقع إسرائيلية ..وحاطّينا باسم الدين وتكون كلا غلط...بس ما في مانع اني نحنا ناخد العظة منا حتى ولو كانت ما حصلت......
ونحنا كلنا منعرف انو مو قليل على الله يعملا...
فليش الاستخفاف...
1 هل وردت القصة المذكورة في القرأن الكريم؟؟..أخي الكريم..لم ترد القصة ولكن الحكمة ضالة المؤمن أينما وجدها أخذها...."أي إذا في طفل وحكي كلمة عقلانية وبتناسب دينك فإنتا خدا وما تستخف بهالطفل.."فهمت أخي الكريم
2 هل وردت القصة المذكورة على لسان الرسول؟؟الرسول عليه أفضل الصلوات والسلام..قال الحديث في ردّي عن سؤالك الأول ولكني لم أضعه بين قوسين لأني لست متأكّدة من كتابته حرفيّاً ولكن المعنى متأكدة منه تماماً والحمد لله..
ولا مانع أن نأخذ العظة والعبرة ولا نستخفّ بقدرة الله تعالى...
وما هو الأمر الذي يستوجب علينا أن نجعل حدوث مثل هذه القصة مستحيل؟؟؟

لكلٍ منا رأيه....وعقل وهبه الله للتفكير به...وكل إنسان يحكّم عقله بما يقتنع به...

أرجو أن يكون ردي مناسب لسؤالك...وإذا وجدت إضافات ودلائل أخرى لن أبخل بها عليك...

الله يرضى عليكي يا بنتي
الله يخلينا ياك حجي:yahoo: :D

ابومزيد

02/08/2006, 19:18

تمك كللو شوكليطة

lilitty

02/08/2006, 19:34

تمك كللو شوكليطة
:lol: :lol:
عراسي حارتك يا أبو شريك

TheLight

02/08/2006, 19:54

لحظة انا ما طلبت انك تصدّق انها واقعية ولا لاء..وأنا ما عندي الدليل أولاً لحتى أأكّد هالشي لنفسي وبعدين أأكدلك..
لكن أنا كل تعليقي...إنو عالإستخفاف بقدرات الله تعالى..إذا تابعت ردودي وفهمت قصدي منيح...
أنا ما قلت إنو بالقرآن في هيك قصّة ولا قلت إنو حقيقية...قلت إنو حدوثها جائز...وأنا بآمن فيا بس لأنو بآمن بقدرات الله تعالى ورحمته بعباده...
ممكن تكون قصة مجسوسة من مواقع إسرائيلية ..وحاطّينا باسم الدين وتكون كلا غلط...بس ما في مانع اني نحنا ناخد العظة منا حتى ولو كانت ما حصلت......
ونحنا كلنا منعرف انو مو قليل على الله يعملا...
فليش الاستخفاف...
1 هل وردت القصة المذكورة في القرأن الكريم؟؟..أخي الكريم..لم ترد القصة ولكن الحكمة ضالة المؤمن أينما وجدها أخذها...."أي إذا في طفل وحكي كلمة عقلانية وبتناسب دينك فإنتا خدا وما تستخف بهالطفل.."فهمت أخي الكريم
2 هل وردت القصة المذكورة على لسان الرسول؟؟الرسول عليه أفضل الصلوات والسلام..قال الحديث في ردّي عن سؤالك الأول ولكني لم أضعه بين قوسين لأني لست متأكّدة من كتابته حرفيّاً ولكن المعنى متأكدة منه تماماً والحمد لله..
ولا مانع أن نأخذ العظة والعبرة ولا نستخفّ بقدرة الله تعالى...
وما هو الأمر الذي يستوجب علينا أن نجعل حدوث مثل هذه القصة مستحيل؟؟؟

لكلٍ منا رأيه....وعقل وهبه الله للتفكير به...وكل إنسان يحكّم عقله بما يقتنع به...

أرجو أن يكون ردي مناسب لسؤالك...وإذا وجدت إضافات ودلائل أخرى لن أبخل بها عليك...

الله يخلينا ياك حجي:yahoo: :D

هلق انا اعتراضي مو ع قدرة الله ابدا ولا نشك في قدراته
بس انا اعتراضي ع شكل القصة عامل ازاي
يعني اذا لم ترد القصة في اي نص مقدس فلا يحق لنا اختراع القصص والاحداث عن الله
صح ولا غلط؟؟؟

TheLight

02/08/2006, 19:56

لحظة انا ما طلبت انك تصدّق انها واقعية ولا لاء..وأنا ما عندي الدليل أولاً لحتى أأكّد هالشي لنفسي وبعدين أأكدلك..
لكن أنا كل تعليقي...إنو عالإستخفاف بقدرات الله تعالى..إذا تابعت ردودي وفهمت قصدي منيح...
أنا ما قلت إنو بالقرآن في هيك قصّة ولا قلت إنو حقيقية...قلت إنو حدوثها جائز...وأنا بآمن فيا بس لأنو بآمن بقدرات الله تعالى ورحمته بعباده...
ممكن تكون قصة مجسوسة من مواقع إسرائيلية ..وحاطّينا باسم الدين وتكون كلا غلط...بس ما في مانع اني نحنا ناخد العظة منا حتى ولو كانت ما حصلت......
ونحنا كلنا منعرف انو مو قليل على الله يعملا...
فليش الاستخفاف...
1 هل وردت القصة المذكورة في القرأن الكريم؟؟..أخي الكريم..لم ترد القصة ولكن الحكمة ضالة المؤمن أينما وجدها أخذها...."أي إذا في طفل وحكي كلمة عقلانية وبتناسب دينك فإنتا خدا وما تستخف بهالطفل.."فهمت أخي الكريم
2 هل وردت القصة المذكورة على لسان الرسول؟؟الرسول عليه أفضل الصلوات والسلام..قال الحديث في ردّي عن سؤالك الأول ولكني لم أضعه بين قوسين لأني لست متأكّدة من كتابته حرفيّاً ولكن المعنى متأكدة منه تماماً والحمد لله..
ولا مانع أن نأخذ العظة والعبرة ولا نستخفّ بقدرة الله تعالى...
وما هو الأمر الذي يستوجب علينا أن نجعل حدوث مثل هذه القصة مستحيل؟؟؟

لكلٍ منا رأيه....وعقل وهبه الله للتفكير به...وكل إنسان يحكّم عقله بما يقتنع به...

أرجو أن يكون ردي مناسب لسؤالك...وإذا وجدت إضافات ودلائل أخرى لن أبخل بها عليك...

الله يخلينا ياك حجي:yahoo: :D

هلق انا اعتراضي مو ع قدرة الله ابدا ولا نشك في قدراته
بس انا اعتراضي ع شكل القصة عامل ازاي
يعني اذا لم ترد القصة في اي نص مقدس فلا يحق لنا اختراع القصص والاحداث عن الله
صح ولا غلط؟؟؟

lilitty

02/08/2006, 22:59

هلق انا اعتراضي مو ع قدرة الله ابدا ولا نشك في قدراته

هيدا اهم الشي..

بس انا اعتراضي ع شكل القصة عامل ازاي
يمكن لو كانت شي عن المسيحية لسدقتا فوراً:D

يعني اذا لم ترد القصة في اي نص مقدس فلا يحق لنا اختراع القصص والاحداث عن الله
صح ولا غلط؟؟؟
أخي "كلمة لا إله إلاالله محمد رسول الله" اللي هي منعتبرها أساس الدين الإسلامي ما وردت بالقرآن الكريم ..بل في أحاديث الرسول عليه الصلاة والسلام..
وأنا ذكرتلك الحديث الحكمة ضالة المؤمن...وممكن ناخد العظة من القصة...
وأكيد حرام نألّف شغلات من عندنا ونسبها على الرسول عليه الصلاة والسلام ...
بس نحنا مالنا متأكدين من مصداقية القصة ...عشان هيك نحنا مناخد العظة...ومنترك الشكوك.....
والعظة بياخدا مسلم أو مسيحي...لأني الرب واحد...والموت حقّ عالمسلم وعالمسيحي...
وما في داعي إذا انسان ما اقتنع بالقصة ...يقعد يفرجي الأخطاء اللي فيا...ويستهزء...
على القليلة نراعي شعور ناقل القصة اللي فكّر حاله لح يفيدكم
تحية :D

TheLight

03/08/2006, 19:17

يمكن لو كانت شي عن المسيحية لسدقتا فوراً

ليش القصة واضح او الها دين محدد؟؟؟؟
في اي دلالة انها قصة اسلامية؟؟؟

تعليقك للاسف في غير مكانو

lilitty

03/08/2006, 21:54

ليش القصة واضح او الها دين محدد؟؟؟؟
في اي دلالة انها قصة اسلامية؟؟؟

تعليقك للاسف في غير مكانو
لكا انتا ليش سألتني إذا موجود هالشي بالقرآن...أنا استنتجت من سؤالك إنك فهمان انها قصة إسلامية...وعلى فكرة أنا ما لي خبر إنها قصة لها علاقة بالدين الإسلامي.غير من ردك.ولو تقرا ردودي إني علّقت سابقاً على اللي أساء وما بعرف إن كان من الإإسلام ومسيحي ...هي مشان حطّك بالصورة...
خلّينا من هالموضوع..
مو شغلتي أنا أقنعك أو ما أقنعك...
شغلتي إني بس ما آذيك أو أسئلك...وبعتذر إذا بدر مني شي من الإساءة ...

كل الود:D