قوى 14 شباط [الأرشيـــــف]

عرض كامل الموضوع : قوى 14 شباط

ooopss

14/02/2008, 02:53

اليوم عيد الحب كل عام وانتو بخير:oops:
طبعا بتختلف الفتاوي بين (مؤيد ومعارض) عن هالعيد
يعني كل سنة مستحيل يجي هاليوم ومايتناقشوا الناس...
أنو ليش ماعم يهضموا هاليوم متل ماهضموا عيد الأم وعيد الأب وباقي الأعياد الدينية والقومية مابعرف...
يعني وبالأخير كلنا بنطالب بالحب بكل اللغات الانسانية...:pos:
هلأ الرافضين لهاليوم بينقسموا لقسمين:
1- السنفور المعارض
بيقلك.. والله أنابحتفل بس مو مع هالناس انا وحبيبتي النا يومنا الخاص...يا أخي أنا غير.. أصلا أنا مابحب الرقم 14 ..شهرشباط كلو مابحبو...يا أخي شهر ناقص...ناقص
وبعدين ليش ورد أحمر يعني:adal:...ليش مو أبيض...ليش مو أصفر...مشان يستحكمونا يعني..
يعني الاعتراض موعالفكرة...عاليوم وعالكيفية..
ومابعرف ليش يعني هو الاحتفال حلو لانو جماعي...

2- في السنفور غضبان:
يعني كاره لليوم وكاره للفكرة وكرهان اللون الأحمر وكرهان حالو من الأصل بيقلك:
يا أخي والله هي مو قيمنا مو أخلاقنا أعوذ بالله..
أصلا نحنا هيك التقليد الأعمى بدمنا ..كل شي بلا طعمة بنقلدو
بعدين تعا لقلك يعني هالمخلوقة بتكون حبيبتك بس بهاليوم شو هالمنطق شوهالخيلة..
((مع العلم انو بيحب أمو كل يوم وبيحتفل بعيد الأم))
وهو مو بس مابدو يحتفل وما بدو يخلي حدا يعرف يحتفل لأن بيتنكرز اذا دري حدا مبسوط وبيكش بدنو:sick:

ooopss

14/02/2008, 02:56

هلأ بيجي عندك المنافقين وهدول كمان بينقسموا قسمين:
1- السنفور الكوول (هاد جديد):p
يعني بيكون عندو كل شي الا هاليوم أو أنو أختو مثلا (شرفو) تحتفل بهاليوم اي والله بيشيل عيونها ..بس هاد بالبيت
يعني هو برات البيت شب كوول ..وعيد الحب كتير ضروري للستايل والكولنة..
أي وليش حتى مايحتفل ويزبط جو أنو بس عندو اعتراض صغير لو بلا شغلة هالهدية والخورفة كل سنة
يلا بكرا بيتجوز والله بيتوب عليه من هالشغلة وبيضب ايدو
موقصة ازدواجية بس يا أخي كل شي لحال:shock:
2-السنفور المعقد :
يعني هو بينو وبين حالو كتير كتير بيتمنى يحتفل بهالعيد أي بس ماعم تزبط معو..
يعني كل مابيقرب موعد هالعيد هالأقدار بتتكاتف عليه وبيصير -single
فمالقى تفسير غير انو هاليوم هو السبب ...وكل مابيجي هالعيد ...بيعبر بفوقيتو وبيدحشلك شي قضية قومية بالنص
بيقلك " هاد يلي هامك.. لك شوف شو عم يصير بفلسطين ...شوف المجاعات..شوف أوضاع البلد...لك حاجتكن سخافة..كبرو عقلكن.."
كانو بفلسطين حيزعلو اذا حبينا بعضنا..:pos:

ooopss

14/02/2008, 02:57

طبعا في السنفورة المكتئبة :
من لما تبلش ليلة 13 شباط دموعها بيهرو لحالن:cry: .
.وبتتفتأ الجروح.. وكل الخيبات والأوجاع..
بتكتر التنهيدات..وبتصير حساسة أي مشهد عاطفي شوي بيأثر فيها..
بتقول بس بينها وبين حالها طبعا
"لك أخخخ ياريت شي وردة حمرا...لك شي قطعة شوكولا...":lol:
وبيصير تاريخ 14 شباط تاريخ تساؤل وقلق من العنوسة الدائمة
وفي شرشبيل ومساعدو هرهور
أنو ليش الحب من اصلو..:frown:
وفي باقي السنافر( المرضيين)
يلي بيحتفلو بهالعيد لك وما بيعقدوها كتير ... هو يوم لتكريم شخص بتحبو..مارح تخرب مالطة.:ss:.
.:D:D

اممي

14/02/2008, 03:01

عم دور علي سنفور اكول مالقيت ... ولا تعتبر خروج عن الموضوع بس انا بحب معدتي
كل سنة وانت سالمة

ooopss

14/02/2008, 03:08

عم دور علي سنفور اكول مالقيت ... ولا تعتبر خروج عن الموضوع بس انا بحب معدتي
كل سنة وانت سالمة

هاد مع السنافر المرضيين بيحتفل وبياكل شوكولا:D
وانت سالم .شكرا:D

Purple Rose

14/02/2008, 05:50

اي انا سنفورة مرضية
شو ليش ما منحتفل يعني
منحتفل و بننبسط مع الحبيب :oops:
الله يخليلي ياه :sosweet:

ِAbu Alzooz

14/02/2008, 06:26

أنا شرشبيل

زوربا

14/02/2008, 10:13

حلو الحب.. ما اختلفنا
لكن إذا كان فيه حب فلازم نحتفل فيه كل يوم

ماغنوم56

14/02/2008, 15:29

شو انا فايت على قرية السنافر وماني عرفان حياتو؟؟؟؟

على كل حال كل واحد بسنفر على كيفو
المهم لا يدخل بسنفرة غيرو

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////