-
PDA

عرض كامل الموضوع : مين من الشباب بحب الصراحة؟؟؟؟ ((لعبة))

صفحات : 1 2 [3]
marchella
22/07/2004, 23:35
وهلأ دور مين؟؟؟ بس بدي اسال اللي بعدي
شو بتحب بحالك وشو بتكره بحالك؟؟؟وشو بحبو الناس فيك وشو بكيرهو؟؟؟ :P
SABE
23/07/2004, 04:50
بس ما حددتي مين اللي بعدك !!!! :shock: :shock: :confo: :confo: :P
aboziad
23/07/2004, 05:23
على قولة زياد:

صحيح الصراحة بتجرح لكنا بتفيد


انا ما بقدر كون صريح على طول بس بحاول

ويمكن اكتر شي بيكرهوا العالم فيي هوي صراحتي :P
rowaf
24/07/2004, 20:27
يا ريت مارتشيلا تحددلنا اسم العضو يلي بدنا نسألوا
:confo: :confo:
Geeny
25/07/2004, 06:46
دور مين هلأ يا شباب :?: :?
mhmary
25/07/2004, 06:49
دور مين هلأ يا شباب :?: :?
SABE
25/07/2004, 14:47
شو مشان وين مارتشيللا ....
مارشيللا الكل ناطرينك ..... :shock:
mhmary
26/07/2004, 06:57
معك مهلي 24 ساعة من هلأ بعدا مؤلف العبة هو بيحدد دور مين
موافقين شباب
rowaf
27/07/2004, 15:42
و هلء بعد مضي المهلة المطلوبة و بعد قرار من الزعيم mhmary

رح اختار اسم العضو يلي بدو يمثل أمام محكمة الأعضاء

و هوي.......:
saeed
:jakoush: :jakoush: :jakoush:


من بعد هذا الرد يبدأ الأعضاء توجيه الأسئلة إلى saeed

و سؤالي : شو هي الرياضة يلي بتحبها أنت ؟؟؟؟؟
لا تألي سؤالي سهل مو هيك :confo: :confo:
mhmary
27/07/2004, 18:15
وأنا سؤالي شو هي صفات البنت الخارجية ألي بتحبا :?:
architecturer
29/07/2004, 01:21
اذا شي مرة كنت ماشي انتي وصبية :shock:

ممكن تكون قرايبتك يعني :?

وطلعلكون بالطريق 3 كلاب جعارية :o

شو بتعمل ؟؟؟؟؟؟؟

طبعا أكيد هي رح تزعوط :wink:
Hus
29/07/2004, 02:27
لو ما كنت سوري ... شو كنت بتتمنى اتكون ؟؟
SABE
29/07/2004, 05:38
مرحبا يا قوم :D
نطرت حتى صارو الأسئلة خمس أسئلة و هلأ صار فيني جاوب ...


شو بتحب بحالك وشو بتكره بحالك؟؟؟وشو بحبو الناس فيك وشو بكيرهو؟؟؟

اي ست مارشيلا ... بالنسبة لشو بحب بحالي يعني شو بدي قلك ما بعرف .. انو بحب كتير شغلات مثلاً أنا بحب المساعدة كتير و هاي الشغلة بحبا فيي :P أما الشعلات البكرهها , يعني ما بكرهها بكرهها بس بحب انو كون أفضل من هيك ... يعني أيام بعصب بسرعة قبل ما افهم الموضوع شو هوي عالآخر :aah: :x يعني من هالقبيل ...
شو بيحبوا الناس فيي ؟؟ هلأ الناس يلي بكون مرتحلون بكون كتير كتير لطيف و كويس معون ... بعتقد هاي الشغلة بيلاؤها العالم منيحة فيي .. و الناس يلي ما برتحلون .. بكون عادي معون , ما بزعجون بشي و ما بيفرق معي شو بيحبوا أو شو بيكرهوا فيي ...
بعتقد انو الناس بتكره فيي عصبيتي بعض الأحيان :oops:

شو هي الرياضة يلي بتحبها أنت ؟؟؟؟؟

متل ما كاتب بالملف الشخصي تبعي .. بحب السباحة و كرة السلة ... و خصوصي هالأيام عمقضي كتير أوقات يا أما بالمسبح أو بملعب السلة .. و قت بكون عمبمارس وحدي من هاللعبتين عنجد ماعاد بحس على حالي و لا على الوقت شلون بيمضى .. صحي يا شباب الأخوية بحمص ... جهزو حالكون ع خسارة بالسلة بس انزل على سورية ... :P

وأنا سؤالي شو هي صفات البنت الخارجية ألي بتحبا

هلأ عمنحكي عالصفات الخارجية ... أول شغلي بتلفت نظري بالبنت لون عيونها و ضحكتها ... بحب العيون الخضر بصراحة مو بس بحبون .. بموت فيون :D و ضحكة تكون ناعمة مع مسحة من الخجولة و الأنوثة بتدبحني دبح ...
و في شغلات آخر فترة عمتلفتلي نظري بالبنات ... الحواجب و البروفيل :sosweet:

اذا شي مرة كنت ماشي انتي وصبية

ممكن تكون قرايبتك يعني

وطلعلكون بالطريق 3 كلاب جعارية

شو بتعمل ؟؟؟؟؟؟؟

طبعا أكيد هي رح تزعوط

:confo: :confo: منين ناكش هالسؤال حبيب ؟؟
بصراحة ممكن تنيناتنا رح نزعوط و هيك بيهربوا الكلاب ... و ممكن يكون معي موزة .. بقشرها و باكلها (( بس وقتها بكون مستعجل ما بلحق ضيف الصبية يلي معي )) و برشق القشرة ادام أكبر كلب بيناتون بيقوم بيوقع .. عندها بيقولوا الكلاب الباقبة .. لعما شو هالبكل .. خلينا نهرب بجلدنا أحسن :gem: :gem: بس ما تسألني منين جبت الموزة ... لأني وقتها كنت مستعجل و ماني متذكر منين اجت :shock:

لو ما كنت سوري ... شو كنت بتتمنى اتكون ؟؟

حكيم أنا فخور بكوني سوري ... :gem: و هون ما عندي كتاب أو دفتر ماني كاتب علي i'm proud of being from syria بس لو كنت ماني سوري أول شغلة ما بتمنا كون ألماني ..لأني أجد حياتون لحد الأن بالنسبة الي مملة ... شعب ما بيهمو غير مصلحتوا و ما فارق معو حدا و عند قسم كبير من الألمان النزعة النازية الى حد اليوم ..
و كمان ما بتمنا كون أسباني أو من دول أميركا الجنوبية .. بس بحب من بين الشعب الشعب الإيطالي ... عنجد شعب راقي بكل معنى الكلمة ... و عمفكر بشكل جدي بعد انتهائي من تعلم اللغة الألماني (( يعني وقت ببلش بالجامعة )) اتعلم اللغة الإيطالية ... يا زلمي بشرفي بحس اللغة الإيطالة غير شكل ... الطليان بيغردو تغريييييييد بكلشي :P
SABE
29/07/2004, 05:52
يا جماعة لا تأخذوني كنت مبسوط اني خلصت الاجابة كن كل الأسئلة مشان هيك نسيت حط اسم يلي بدو يمثل أمام محكمة الأعضاء هلأ :jakoush: :jakoush:
بختار الأخ فيليب بعتقد انو اسا ما مرق دورو اذا ماني غلطان ..
ايه سيدنا .. بدي اسألك شو بيكون هدفك لما تكتب الخربشات (( الخواطر )) ...تفضي عن شي بقلبك ... أو توصل رسالة ما .. أو شي شغلة تاني ؟؟؟؟ :?: :?:
mhmary
29/07/2004, 07:54
بشكل عام كيف بتحب تكون حياتك بالمستقبل
dimozi
29/07/2004, 10:46
بتعرفوا يا شباب , كل مرة كنت امرء على ها الموضوع وما فوت عليه ولا كان عندي اي فكرة عنو , بس اليوم مدري شو صار و دخلت عليه و عجبني ( شكلي متأخر كتير ) يعني موضوع 12 صفحة لازم الواحد يفوت يشوف شو فيه , صح ؟

سؤالي للاخ فيليب , شو هيي اكتر عادي سيئة عندك ما بتقدر تبطلها ؟؟
Geeny
29/07/2004, 15:03
شو هو أسوأ موقف صار معك و انت هلأ فايق من النوم
hashtnasht
29/07/2004, 22:52
ياااااااااا سيد فيليب
اذا خيرناك بين زغلول الدامور و موسى زغيب و ابو علي( زين شعيب ) ليكون الشاععر الوحيد اللي ممكن تسمع شعرو بقية حياتك
مين بتختار وليش؟؟
marchella
29/07/2004, 23:10
اذا بتحب وحده حب جنوني ومتفقين على الزواج ...وفبل الزواج لا سامح الله تعرضت هي لحادث وصار فيها عاهه ...واهلك بلشو يقولولك :شو اللي خلقها ما خلق غيرها ؟ وانت بتساهل احسن منها ومن هالحكي ..شو بيكون تصرفك وبكل صراحه
rowaf
30/07/2004, 22:43
شو هوي أكتر شي بتحبو بالبنت ؟؟؟
:jakoush:
SABE
04/08/2004, 10:32
أخ فيليـــــــــــــــــــــ ـــــــــــــــــــــــــ ــــــــــــــــــــب :? :?
SABE
09/08/2004, 04:56
شو عميصير يا عالم ... سكرت هاللعبة أو لسا ؟؟؟ :shock: :?
rowaf
09/08/2004, 18:59
شو مشان أنو كلنا ناطرين الأخ فليـب
أنو يرد لأنو دورو هلء
Hus
10/08/2004, 02:49
خلصت اللعبة الشباب الظاهر داقت اخلاقون
مع لعبة جديدة ومنشوفكون بخير :)