شو رايكن بالمسخرة اللي اسمها ( سقف العالم ) ؟ [الأرشيـــــف]

Almond

17/09/2007, 13:09

مررررحبا جميعا

شفتولي ( فانتازيا ) نجدت انزور ( المعاصرة ) ... اللي اسمها (سقف العالم ) ؟؟؟

لك مو معقولة ...
لا الاشخاص طبيعيين .. ولا اللبس طبيعي .. ولا الحكي مفهوم ...

ما بتعرفو شو بدن ولا شو مشكلتون !!

شو رايكن انتو ؟؟؟

lolit

17/09/2007, 13:13

مررررحبا جميعا

شفتولي ( فانتازيا ) نجدت انزور ( المعاصرة ) ... اللي اسمها (سقف العالم ) ؟؟؟

لك مو معقولة ...
لا الاشخاص طبيعيين .. ولا اللبس طبيعي .. ولا الحكي مفهوم ...

ما بتعرفو شو بدن ولا شو مشكلتون !!

شو رايكن انتو ؟؟؟
بصراحة القصة كل ما بدها تنام بيرجعوا بينكشوها وبيطلعوا ريحتها متل قصة .... الإرهاب مثلا

وكل الموضوع تبع العربي على مدري أي لغة عم يحكوا مو ظابط معنا

بس هيك رمضان يعني بلا مسلسل مافيك تقعد

ABO SUHAIL

17/09/2007, 13:18

شو هادا سقف العالم؟
شي مسلس او شي برنامج تلفزيوني يعني؟

Almond

17/09/2007, 13:33

شو هادا سقف العالم؟
شي مسلس او شي برنامج تلفزيوني يعني؟

هادا يا سيدي دراما تاريخية معاصرة لنجدت انزور ;)

بس يعني لا اوي تشد ايدك .... :pos:

ASH

17/09/2007, 23:15

شو هاد سقف الغرفه انا ، كفرة الموضوع عن شي مطعم

شو هل مسلسل كمان

bboynader

17/09/2007, 23:26

انا بصراحة (ومن دون زعل ) حبيت المسلسل كتير

زوربا

17/09/2007, 23:55

إذا منفهم أنو مسلسل

ABO SUHAIL

18/09/2007, 00:00

دراما تاريخية معاصرة
شو يعني دراما تاريخية معاصرة
يعني انا بعرف انو في شغلات تاريخية
وفي شغلات معاصرة
شلون هادا ظبط الشغلتين سوا

وعن شو بيحكي بشكل عام

نجدت انزور ,, هالاسم مارق عليي
شو في الو اسا مسلسلات؟

Almond

18/09/2007, 01:13

شو يعني دراما تاريخية معاصرة
يعني انا بعرف انو في شغلات تاريخية
وفي شغلات معاصرة
شلون هادا ظبط الشغلتين سوا

وعن شو بيحكي بشكل عام

نجدت انزور ,, هالاسم مارق عليي
شو في الو اسا مسلسلات؟

ياسيدي الو الجوارح والكواسر والحور العين .. يعني ماشي حالن :pos:

بس هاد سقف العالم مدري شلون طالع معو :oops:

blanco

18/09/2007, 02:06

رجلي بنجدت انزور اذا بيفهم شي بالدراما
هالزلمة يوم بعد يو م عبياثبت فشلو وخصوصا الحور العين:frown:

Almond

18/09/2007, 02:34

رجلي بنجدت انزور اذا بيفهم شي بالدراما
هالزلمة يوم بعد يو م عبياثبت فشلو وخصوصا الحور العين:frown:

قول الحور العين مابه شي ... يعني عالاقل بتفهم شو عم يصير وشو القضية

بس بسقف العالم كله فايت ببعضو ...:shock:

بشكل عام دراما رمضان هالسنة متراجعة .... الا باب الحارة للرائع بسام الملا ... ...:pos:

زوربا

18/09/2007, 03:12

طالما عم تسألنا شو رأينا بها المسخرة سقف العالم...أنا معناتا أنو رأيي أنها مسخرة.....
بس شو هيي سقف السقيفة

Placebo

18/09/2007, 03:59

بصراحة .. الدراما السورية من أبيخ الدرامات بشهادة تقدير .. مافي أحلا من المسلسلات الأمريكية .. يعني بحيات ربكم بتقارنولي مسلسل باب الجارة مدري الحارة بمسلسل Prison Break أو Lost مثلاً ؟ مشان ربكم فرق بين السما والأرض بين هيك مسلسل تافه ومسلسل تعدى حاجز الـ70 حلقة ولسعتوا شغال وبإثارة كمان!

الحاج متولي

18/09/2007, 04:33

بصراحة .. الدراما السورية من أبيخ الدرامات بشهادة تقدير .. مافي أحلا من المسلسلات الأمريكية .. يعني بحيات ربكم بتقارنولي مسلسل باب الجارة مدري الحارة بمسلسل Prison Break أو Lost مثلاً ؟ مشان ربكم فرق بين السما والأرض بين هيك مسلسل تافه ومسلسل تعدى حاجز الـ70 حلقة ولسعتوا شغال وبإثارة كمان!
هو صحيح إنته متل ما عم تحكي
بس الفرق كبير بين إنوا مسلسل باب الحارة عم يحاكي قصة مجتمع كانوا أسلافنا عايشينها ....وشي حلوا الواحد يشوف أو يسمع عن تاريخ بلدوا .......ولو كانت على رأيك بس إنها تافهة .......:pos:
أما المسلسلات الأمريكية يلي زكرتها بتحاكي بس الخيال ....و الأمور الخارقة عن الطبيعة يلي المشاهد بيحب ينفد من خلالها إلى العالم الغير واقعي ليهرب من واقعوا الممل أو الروتين يلي عايش فيوا
و أنا برايي إني أي مسلسل بيحاكي الواقع هو أفضل بكتير من المسلسلات الخيالية
يعني أنا برايي إني لو كنت عم تقارن المسلسلات الأمريكية ....فكان لازم تحط مسلسل FRIENDS
هادا مسلسل أكتر من رائع
وعلى كل الأحوال آسف للخروج عن الموضوع ....وشكراً كتير لصاحب الموضوع

على الهامش .......الحقيقة مسلسل ........ماشفتوا:lol:
تحياتي
الحاج متولي

Syrian Gay

18/09/2007, 05:29

لبس هالمسلسل فظيع

ما فهمت انو عصر لبسو هالمسلسل

بس تصويرو أكتر من رائع

Placebo

18/09/2007, 05:31

هو صحيح إنته متل ما عم تحكي
بس الفرق كبير بين إنوا مسلسل باب الحارة عم يحاكي قصة مجتمع كانوا أسلافنا عايشينها ....وشي حلوا الواحد يشوف أو يسمع عن تاريخ بلدوا .......ولو كانت على رأيك بس إنها تافهة .......:pos:
أما المسلسلات الأمريكية يلي زكرتها بتحاكي بس الخيال ....و الأمور الخارقة عن الطبيعة يلي المشاهد بيحب ينفد من خلالها إلى العالم الغير واقعي ليهرب من واقعوا الممل أو الروتين يلي عايش فيوا
و أنا برايي إني أي مسلسل بيحاكي الواقع هو أفضل بكتير من المسلسلات الخيالية
يعني أنا برايي إني لو كنت عم تقارن المسلسلات الأمريكية ....فكان لازم تحط مسلسل FRIENDS
هادا مسلسل أكتر من رائع
وعلى كل الأحوال آسف للخروج عن الموضوع ....وشكراً كتير لصاحب الموضوع

على الهامش .......الحقيقة مسلسل ........ماشفتوا:lol:
تحياتي
الحاج متولي

أوكيه لنحط مسلسل باب الحارة على جنب مع إني ما طقتو لأنو عم يحكو عن تاريخ بيسود الوش يعني على شو مفتخرين بهالماضي الأسود ...

بس هالمسلسلات التانية الدرامية السورية .. برأيك الشخصي فيها شي غير المبالغة الدائمة والتكرار يللي داق خلقنا منو؟ يعني مثلاً في كزا مسلسل حكو فيه عن مرض الإيدز وكأنو لحنا أغبياء ما بنفهم بهالأمور .. وبعدين بيحكولنا عن المتلجية وكأنو الله خلق شياطينو بالأرض وكأنو كل المتلجية مزبلة المجتمع .. يعني بالمختصر المفيد مواضيعهم صارت معتة وبتديق الخلق ..

تحية!

maged-syrian

18/09/2007, 09:34

الحمد لله انا مابشوف مسلسلات عربية :yahoo:

كاتمة الاحزان

18/09/2007, 10:41

انا وقت شفت دعاية المسلسل قبل رمضان فكرتو لح يكون فوق الخيال ومسلسل رائع بس لحد الان ما شفت شي رائع كتير بايخ بس يمكن بالحلقات القادمة لح يصير شي رائع وجميل خلونا ننتظر ونشوف للاخر بلكي صار شي حلو

sule5

18/09/2007, 10:52

هو الفنتازية تبع نجدت أنزور ، بتكون بدعاية المسلسل ، مو المسلسل نفسو !

Almond

18/09/2007, 15:55

هو الفنتازية تبع نجدت أنزور ، بتكون بدعاية المسلسل ، مو المسلسل نفسو !

I totally agree with you

:pos::pos:

ABO SUHAIL

18/09/2007, 15:59

شو مشان انكون عم تشوقوني مشان احضرو
طب ما خرج حدي يحكيلنا بفرنك شو قصة المسلسل غير انو دراما تاريخية معاصرة؟

Almond

18/09/2007, 16:10

حسب ما فهمت ( وبعد عناء طويل :p ) انو المسلسل بيحكي عن تاريخ البلاد الاسكندافية ( الدنمارك وجيرانها ) ايام الجهل والتخلف والظلام اللي كانوا عايشين فيها قبل 1400 سنة
وانو كيف كانو هنن متخلفين وكيف العرب والمسلمين كانو بقمة حضارتن ومجدن .

بنفس الوقت .. في مشاهد من الدنمارك المعاصرة بتطلع فيها سلاف فواخرجي بدور طالبة عم تدرس هونيك بنفس الوقت اللي انتشرت الرسوم المسيئة بالجرايد الدنماركية ..

هاد كل شي فهمته لهلأ من المسلسل ...
بس يعني عنجد الدعاية اللي صارتلو اكبر من حجمه بكتير .... :pos:

ABO SUHAIL

18/09/2007, 18:16

طب انو اذا هيك الواحد ما لازم يستعجل باتخاز قرارو
اول الشي انو بشكل عام فكرة حلوي
يعني تزكير بالماضي كيف كان , والمقارنة بالوضع الحالي , واستنتاج انو صاير العكس بالعكس

يعني انو متل ما كنا متطورين وهني متخلفين , هلق الحالة بالعكس.
وهي فكرة كتير حلوي , واسا ما بعرف شي مسلسل او شي فلم عربي حاكي عنا ..
نحن كل عمرنا نفتخر بتاريخنا وعظمتنا ايامات زمان , ومننسا الوقت العايشين في , مع انو الكل بيعرف انو نحنا هلق كتير بموقع منحط ( للاسف طبعا )

وكمان خيو فكرة انو اسا ما نك كتير فهمان شو عما يصير بالمسلسل , وولا عرفان شو القصة منو
فهوي شغلة كتير عادية
او بالاصح حركة كتير حلوي
اذا انتي من متعين الافلام الامريكية
فقمة الافلام الكلاسيكية قائمة على هاي الفكرة .
وقت الواحد بيتفرج ساعة ونص عفلم وما بيعرف عشو عما يتفرج . وما بيفهم شي من الفلم . وبيحسو كتير بيملل ..
وباخر خمس دقايق بتنكشف شي شغلة وبيبين الفلم عحقيقتو
وانو كل مشهد كان كتير ممل باولت الفلم .. في الو كتير معاني كبيري
عسبيل المثال في عندك fight club ( نادي القتال ) او مثلا the sixth sense ( الحاسة السادسة )
ما بعرف اذا هادا المسلسل هيك رح يكون
بس انو من حكيك انو فلم عما يصير بكتير محلات وفي كزا قصة عما تمر بنفس الوقت . فمعقول كتير يكون هيك
مع انو اختلاف الوقت كتير كبير بين هلق و 1400 سنة

بس انو خيو للحقيقة وبلا كزب
شوقتني كتير اني اتفرج عليه

lord tartous

25/09/2007, 16:34

أنا من جهتي بقول ..............ز نجدت انزور عبقري اذا كانت القصة حلوه او لاء ...........
لا تنسوا يا جماعة انو تعبو كتير عالمسلسل ................... واستأجروا المدينة الاعلامية الحرة بسوريا وبنوا عليها مدينة بغداد .......... وكمان عملوا بغابات اللاذقية بلاد الاسكندنافيا يعني تشجيع للدراما والسياحة .........؟

عاشقةعمرودياب

25/09/2007, 16:58

يخرب بيتو انا وقت شفت هالدعاية قلت شو هالمسلسلالعظيم ياللي ناوي يوصل رسالة عظيمة للغرب بس طلع المسلسل متل مو مكتوب مسخرة يعني ما بحضر 10 دقايق بجي لطق بيملل كتير

الأندلسي

26/09/2007, 10:24

لأ كتير رائع

capt_mst

26/09/2007, 14:05

اللي شايف 13th warior تاع انطونيو بانديراس بيعرف "قمة الاحراج" اللي حط حالو فيا نجدت انزور :sick:

sule5

27/09/2007, 00:36

اللي شايف 13th warior تاع انطونيو بانديراس بيعرف "قمة الاحراج" اللي حط حالو فيا نجدت انزور :sick:
أي فعلا ، لاحظت هالشي

sezar

27/09/2007, 00:43

أنا من جهتي بقول ..............ز نجدت انزور عبقري اذا كانت القصة حلوه او لاء ...........
لا تنسوا يا جماعة انو تعبو كتير عالمسلسل ................... واستأجروا المدينة الاعلامية الحرة بسوريا وبنوا عليها مدينة بغداد .......... وكمان عملوا بغابات اللاذقية بلاد الاسكندنافيا يعني تشجيع للدراما والسياحة .........؟
نجدت آنزور حرق أوراقه بتقديم هذا المسلسل و يبدو في مسلسله أنه يعاني من ضعف رأس المال بالنسبة لضخامة العمل .. حيث كان يجب أن يُدعم بشكل أفضل

MadMax

27/09/2007, 01:21

بصراحة .. الدراما السورية من أبيخ الدرامات بشهادة تقدير .. مافي أحلا من المسلسلات الأمريكية .. يعني بحيات ربكم بتقارنولي مسلسل باب الجارة مدري الحارة بمسلسل Prison Break أو Lost مثلاً ؟ مشان ربكم فرق بين السما والأرض بين هيك مسلسل تافه ومسلسل تعدى حاجز الـ70 حلقة ولسعتوا شغال وبإثارة كمان!
شو هالمقارنة المفشكلة
اذا بدك تقارن الدراما السورية بشكل موضوعي .... لازم تقارنها بدراما من نفس الجو و نفس الامكانيات
متل الدراما المصرية أو الخليجية

sezar

27/09/2007, 01:24

صحي شو مشان لوست نهايتو شي أكل هوى :? أو مالو نهاية .. بطلعوك من المولد بلا حمص

فسحة أمل

30/09/2007, 06:33

:? ترقبو مسلسل رمضان القادم لنجدت أنزور السلاحف الطائرة والشمقمق السيرئوني:shock::frown:
يعني فهمنا عمل كم مسلسل حلوين ....... خلصنا مل سمانا من الفانتازيا .....كلو نفس العلاك المصدي .......:sick:

Wiz_Man

30/09/2007, 07:20

المسلسل بالفعل هو نسخة رديئة للفلم الأمريكي "13th warrior" , الفكرة الجميلة و ا لتنفيذ كان سيء!

قرأت بالعربية نقد لحكم البابا لبعض المسلسلات الرمضانية :lol:
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ارسلان

30/09/2007, 08:19

الحمد لله انا مابشوف مسلسلات عربية ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

مكبر راسك ومريح دماغك
طنش تعش تنتعش

ASH

30/09/2007, 10:52

و لسعتنى عم نتناقش بسقيفة مدري سقف العالم

brave heart2

30/09/2007, 11:03

يا جماعة حاج هجوم على الدراما السورية مشان مسلسل واحد

في مسلسل .. اسمو رسائل الحب والحرب للمبدعة ريم حنا واخراج باسل الخطيب

بيحكي عن حقبة من تاريخ سوريا اول مرة بتم التطرق الها ... وبيدمج بين التوثيق وقصة حب

ومسلسل تاني اسمو ... ظل امرءة كمان رائع قصة وتمثيل واخراج

وغيرو كتيييييررر

لا الدراما السوريا مازالت بالقمة بالنسبة للدرامات العربية

وشكرا

ASH

30/09/2007, 11:19

يا جماعة حاج هجوم على الدراما السورية مشان مسلسل واحد

في مسلسل .. اسمو رسائل الحب والحرب للمبدعة ريم حنا واخراج باسل الخطيب

بيحكي عن حقبة من تاريخ سوريا اول مرة بتم التطرق الها ... وبيدمج بين التوثيق وقصة حب

ومسلسل تاني اسمو ... ظل امرءة كمان رائع قصة وتمثيل واخراج

وغيرو كتيييييررر

لا الدراما السوريا مازالت بالقمة بالنسبة للدرامات العربية

وشكرا

أخير اجا مين يحكيلهم للشبيبه انو في بالتلفزيون غير هاد المسلسل ، يعني ما بعرف لشي دئام نحنى بنشفو من الاعور بس عينو الاعور و بننسى انو عندو عين تانيه و شايف فيها نفس الصوره يلي شايفيناه ؟؟

يسلمهم علرد

was616im

30/09/2007, 12:07

أنا من جهتي بقول ..............ز نجدت انزور عبقري اذا كانت القصة حلوه او لاء ...........
لا تنسوا يا جماعة انو تعبو كتير عالمسلسل ................... واستأجروا المدينة الاعلامية الحرة بسوريا وبنوا عليها مدينة بغداد .......... وكمان عملوا بغابات اللاذقية بلاد الاسكندنافيا يعني تشجيع للدراما والسياحة .........؟
بالله العظيم:?:?يعني منين جابو كل هالمصاري:pos::pos:
اللي شايف 13th warior تاع انطونيو بانديراس بيعرف "قمة الاحراج" اللي حط حالو فيا نجدت انزور :sick:
اي والله انا شفت الفلم شي 3 مرات و عم حاول قارن بينو و بين المسلسل اي ما عم يطلع معي انو اداء قيش الشيخ نجيب(مع الاحترام طبعا) انو يمكن مقارنته باداء انطونيو بانديراس
نجدت آنزور حرق أوراقه بتقديم هذا المسلسل و يبدو في مسلسله أنه يعاني من ضعف رأس المال بالنسبة لضخامة العمل .. حيث كان يجب أن يُدعم بشكل أفضل
مو المشكلة بضعف راس المال فقط بس يمكن انو ضعف راس المال عم يأثر على ردائة اليات التصوير و الانتاج و الخبرات اللي بتعطي للمسلسل طبيعتو الحقيقية كشيء تاريخي مشرف
يعني لو انهن جايبين انطونيو بانديراس و معلمينو العربي و اشتغل بهالمسلسل و عدة الاخراج و المونتاج كانت متل اللي بيستعملوها بالافلام الامريكية كان بيطلع شي حلو اكيد
أخير اجا مين يحكيلهم للشبيبه انو في بالتلفزيون غير هاد المسلسل ، يعني ما بعرف لشي دئام نحنى بنشفو من الاعور بس عينو الاعور و بننسى انو عندو عين تانيه و شايف فيها نفس الصوره يلي شايفيناه ؟؟

يسلمهم علرد
:deal::deal:

MadMax

30/09/2007, 13:56

:? ترقبو مسلسل رمضان القادم لنجدت أنزور السلاحف الطائرة والشمقمق السيرئوني:shock::frown:
يعني فهمنا عمل كم مسلسل حلوين ....... خلصنا مل سمانا من الفانتازيا .....كلو نفس العلاك المصدي .......:sick:
على فكرة ...... سقف العالم عمل تاريخي ....مو فانتازيا ...... لأنو في فرق بين التنين

MadMax

30/09/2007, 13:59

المسلسل بالفعل هو نسخة رديئة للفلم الأمريكي "13th warrior" , الفكرة الجميلة و ا لتنفيذ كان سيء!

قرأت بالعربية نقد لحكم البابا لبعض المسلسلات الرمضانية :lol:
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
اذا اخدنا بالاعتبار ..... الفرق بين الانتاج السوري ....و الأمريكي ....رح نلاقي أنو المسلسل بجنن

وعلى فكرة .... في كتير أمور محققنين فيها تقدم عن الأعمال السورية السابقة ....متل المعارك و الملابس

فجر3

06/10/2007, 05:20

انا مع الاكترية لانو بصراحة اول مرة بسمع بهل المسلسل

شكرا على متابعتكن

احلاهم واتحداهم

06/10/2007, 15:04

الي موووب فاهم قصة المسلسل بيقول عنة موب حلوو

لاكن بالعكس المسلسل جدااااااا هااااادف او وايد حلوو

اهو يحكي عن التخلف الي كانو عايشينة اهل الشمال تصورو كانو ياكلون لحوم البششر والتحضرر الي كان علية العرررب في بغداد والأندلس وغيرهااا والمسلسل بيدافع عن الرسول الكرييم (ص) للرسوم المسيئة الوو ويوضحون من خلال المسلسل من هو الرسووول ومامدى اخلاقةة ومامدى تخلفففهممم كااننن

ويوضحون بعد ان شخصية احمد بن فضلان لن تذكر في التاريخ كثيراا فهو يطلع من بغداد كسفير ومثقف وينتهي بمحاارببب

يعني المسلسل وااااااايد حلوو يعني صج صج هااادددف

وواذا تبغون ترفوع اكثر عن المسلسل لأنو توضح لي انكم مو فاهمين شي عن قصة المسلسل

وهاي الراااابطط فية قصة المسلسل وكل شي تتسائلون عنة

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// %E1_%D3%DE%DD_%C7%E1%DA%C7%E1%E3_%E3%DA_%D5%E6%D1_ %CE%C7%D5%C9_%E1%E1%E3%CF%E6%E4%C9/

وسوووووووري وايد تكلمت هههههههههههه

The Dark Dragon

06/10/2007, 19:52

والله انا برأيي سقف العالم مانو مستاهل كل هالكلام

يعني خلص شوفي فلم
the 13th warrior
لانتونيو بانديراس وعمر الشريف

بيكفي وزيادة

انا بصراحة شفت شوي من سقف العالم...وهل الشوي كانو نسخة طبق الاصل من السيناريو والحوار والمشاهد التصويرية تبع الفلم

يعني شوفو الفلم بساعتين واستمتعوا بالفن المظبوط احسن ما تتابعوا 30 ساعة ولمدة 30 يوم((هو صحيح خلص رمضان بس مشان اللي ما شافوه وحبوا يشوفوا الاعادة تبعوا لسقف العالم)))

MAJD....The Drak Dragon:larg: