-
عرض كامل الموضوع : هل تؤمن بالله
fr.samir
12/06/2004, 20:41
بماذا تؤمن ؟... لماذا الايمان؟؟ ... من هو الله بالنسبة لك ؟؟؟... هل تؤمن بالله وكيف تغذي ايمانك؟؟؟؟
هل تعتقد ان هناك فرق بين ايمانك ومعتقدات الكنيسة؟؟؟؟؟
ارجو ممن يرغب أن بالمشاركة وبكل صراحة اطلب من الجميع أن نفسح المجال للتعبير عما بداخلنا ونحترم كل فكرة عن الايمان ؟ وكل شخص يضع هنا ما هو ايمانه ومعتقداته أولاً وثانياً نضع تعليق على ما كتب .
الموضوع ليس للمحاكمة بل للمشاركة بجزء الحقيقة التي نملك ؟
لا تنسى التصويت
نعم أؤمن و لكن أخشى أن إيماني يغذيه الوعي القومي بهوية سورية مسيحية أكثر منه ايمانا روحيا.. الاسباب غير واضحة و لربما هي ردة فعل على تسييس الاسلام.. أو المناهج الدراسية العربية التي تعمل على تثبيت الشعور العربي الاسلامي عند جميع الطلاب مسيحيين كانوا ام مسلمين على حساب اعطاء كل فرد في المجتمع السوري الشديد التنوع حقه التاريخي.. مع الحفاظ على القالب السوري الذي يجمعنا جميعا... و لكن هذا غير موجود
و لربما هو أيضا نتيجة ضعف الكنائس العربية و تشتتها و عدم قدرتها على التنسيق و الحفاظ على رعاياها.. فأصبح كل واحد يعمل لوحده... ؟؟
لذلك أرى ان مسيحي + سوري أقوى عندي من مسيحي + روحانية
لقد استطاعت الكنيسة الشرقية الصمود طيلة 1400 عام من الحكم الاسلامي الذي اتصف بالتقلب و كذلك المغول و الصليبيين و الممالييك و العثمانيين... لكن عندي شعور ان الفترة الحالية هي أحرج فترة في تاريخ المسيحية العربية/السورية... بحيث أصبحت العلمانية و الالحاد عند متناول الجميع و لا داعي للتكلم عن الهجرة الي الخارج!... فأرى ان هناك مسؤولية كبيرة تقع على عاتق رجال الكنيسة العربية لتنمية الشعور المسيحي الروحاني و كذلك الشعوري المسيحي القومي و جعلهما متساويين و عدم طغيان أحدهما على الاخر بشكل كبير و إلا قد نودع الوجود المسيحي في المشرق بظرف نصف قرن..؟؟
سلامي
عفوا أعتقد اني خرجت كثيرا عن الموضوع!!
HashtNasht
12/06/2004, 23:07
عفواً بس سؤال التصويت ملغوم يعني لو كان هل تؤمن بالله والكنيسة . بكون في احتمالات واقعية بس أنك تربط بين الإيمان بالله والكنيسة و ذاتك بنفس السؤال بتصير الإجابة واضحة.
على كل حال أنا ما رح صوت أنا بجاوب هون
أنا لا اؤمن بالله و الكنيسة اؤمن بذاتي و باشياء أخرى
أنا بؤمن بالله بس بطريقة علمانية يعني الأصح أول أني بؤمن بلأنجيل لأني بعتبرو أنو أكبر كتاب فلسفة بالعالم وبعتبر أنو الأنجيل أدر يوافق كل الأزمنة خلال 2000 سنة وبؤمن بكل كلمة وتعليمة بقولها السيد المسيح بس بشرط كون فهمانا ما متل بعض الناس الهوايش ألي بيقرو من دون مايفهمو شيء وبعدين بقولو أنا مستحيلة التحقيق وهاده لأننون عم يقرو و يفهمو الجزء السطحي و ما عم يحاولو يدخلو عل العمق لأنو نحنا بهمنا المعنا والي بضل ثابت ما بيهمنا طريقة التعبير عنها والي أنكتبت قبل 2000 سنة
أنا لا أؤمن بالعهد القديم لأنني أعتبره تطور لأساطير قديمة نتج عن حاجة الإنسان إلى سنة وقانون.
لكنني أؤمن بفلسفة العهد الجديد مبادئه وما يدعو إليه من قيم أخلاقية حياتية، فالتقييد والإيمان به ليس حرفي.
انا بأمن بالله وباالنجيل بس ما بعرف كتير شغلات عنون
بس بحس انو المسيح كان كتير منيح وبحبو كتير منغير ما يكون ابن الله حتى لو كان واحد عادي وما كان الو دور بالمسيحية وهيك بحس انو كان رح يكون كتير شخصية مميزة
باي
fr.samir
14/06/2004, 21:57
لماذا الايمان سؤال يطرحه كل انسان في حياته الروحية مع الله ؟ بمن يجب ان اومن ؟ بالله فقط ؟ بالكنيسة ؟ بذاتي فقط؟
من اين ابدأ ؟؟ من يرشدني لاكمل ؟ من المسؤول عن نجاح علاقتي مع الله او فشلها؟
لماذا الايمان سؤال صعب يطرح نفسه في هذه الايام على الساحة " شو بيجيني من اني كون مؤمن او شو بينقصني اذا مو مؤمن" سؤال يطرحه الغير المؤمنين على المؤمنين.ومن يعيش حقيقة واقعية قريبة وممكن نستوعبها يتفضل؟
إن تاهَ وجهي عنكَ ربـي فاهدِني ،واجعل خُطايَ تَهيمُ فـي دُنيا خُطاك ، لاشيء فـي دنيـايَ عَنْكَ يصدُّنـي أحيا هنا شـوقَ الوصولِ إلى حِمَاكْ / في حرِّ شمسٍ، فـي ليالٍ، في خطرْ في هولِ دربٍ فـي جبالٍ في وهاد
أمشي ووجُهك في مـدى ليلي قمر كُرمال عينكَ طابَ في عيني الجهاد
في الأرضِ لا أبغي سواكَ وليس لي إلا رضاكَ / إليـكَ إيمـــاني التجـــــأ في كلّ وجهٍ سـرُّ وجهكَ ينـجلي
أفديكَ ربـي أنـتَ كـلُّ المُرتـجى
إن تاهَ وجهي عنكَ ربـي فاهدِني ،واجعل خُطايَ تَهيمُ فـي دُنيا خُطاك ، لاشيء فـي دنيـايَ عَنْكَ يصدُّنـي
مرحبا
نعم ولكن:
من يرشدني لاكمل ؟
:D :D :D
الله محبة هي إيماني وهالإيمان بحسسنس أني انخلقت ثمرة محبة الله و هدا بيطلقني للحياة, بقدر الإنسان يقول أنا ع بعيش الإنسانية و يلغي فكرة الإيمان بس أظن أو رح يفقد انطلاقتو و رجاءه
بس الس}ال أنو إيماني اكتسبتو من الكشاف ما هو دور الكنيسة بالموضوع؟؟
صعب أكتسب إيماني من الكنيسة لأنو بحسا ما بتهتم بالشبيبة و يمكن حتى الكاهن اللي بحرك الشبيبة بهاجر؟؟؟
شو رأيك أبونا شو بنقص الكنيسة لتكون جذابة للشبيبة؟
عفواً بس سؤال التصويت ملغوم يعني لو كان هل تؤمن بالله والكنيسة . بكون في احتمالات واقعية بس أنك تربط بين الإيمان بالله والكنيسة و ذاتك بنفس السؤال بتصير الإجابة واضحة.
على كل حال أنا ما رح صوت أنا بجاوب هون
أنا لا اؤمن بالله و الكنيسة اؤمن بذاتي و باشياء أخرى
أنا معك مية المية اخ هشت نشت
لا اؤمن بالله ولا بالكنيسة ولكن اؤمن بذاتي
غالبية الاستفتاءات عم تكون فيها الاحتمالات المتوفرة غير كافية يا جماعة
بزمانك ابونا سمير قلت (( حتى لو كان الله مجرد فكرة , و كانت ها الفكرة عم تساعدني لكون احسن , لكون انسان صالح اكتر , فليش ما الحقها ))
بقلك ابونا انو انا ما محتاج فكرة لكون منيح , ما محتاج الله لكون منيح
انا منيح مني لحالي , لانو انا بفكر بتجرد و موضوعية
و احيانا كتير بكون اكثر كمالا من الله نفسو
او من النسخة المسيحية من ذاتي
و اسلموا :D
fr.samir
25/07/2004, 13:50
[quote]
و احيانا كتير بكون اكثر كمالا من الله نفسو
او من النسخة المسيحية من ذاتي
و اسلموا :D
يا جماعة ... أنا اليوم كتبت فكرة في مضوع نظرية القرود الخمسة ... اذا بتحبوا اطلعوا عليها لأنو لها علاقة شديدة بالموضوع هاد ..
اوكي لا تروحو على نظرية القرود الخمسة ... جبتلكون تعليقي لهون ....
أخ diamozi ...
بجوز معك حق انو بعض الشغلات يللي هلأ بيخافو منا البشر بدون سبب منطقي صحيحة ... بس بعتقد انو البشر وصلوا لمرحلة ترقوا فيها و ماعاد آمنوا بالشغلة لحتى يشوفوا ... لهذا السبب بتلاقي نسبة كتير كتير كبيرة من الناس بالمجتمعات الأوروبية و الأميركية ما بتآمن بالله ... و أنا حابب احكي عن هالشغلة بالذات لأنو سؤال كتير بيخطر ببالي ...
معقول يكون كل هالأيمان الموجود عند الناس يلي بتآمن بالله كلو بشكل أو بآخر متل نظرية القرود الخمسة ...
أنا متل باقي الناس و أيام بيدخل الشك لقلبي و بلش بدي دور على اثبات .. يعني على شي ملموس .... بس بالعكس لما بيدخل الشك على قلبي بحس بشي من الفراغ في داخلي .... و الواحد بيصير حاسس حالو ضايع نوعاً ما ...
بعتقد انو بتركيبة عقل الأنسان في فراغ من المستحيل أن يمتلئ اللا بالايمان بشئ ... و الايمان به بشكل أعمى ... دون الحاجة للبحث عن اثباتات ... يعني شيء الواحد يقدر يعتمد عليه ... يسند ضهرو عليه متل الأهل لكن شيء داخلي بين الشخص و ذاته ...
هاي هي الشغلة يلي قنعت حالي فيها و حسيت بالراحة معها ... و اذا حدا عندو أفكار أخرى يا ريت ينورنا ...
تحياتي للجميع ...
قصدي ابونا انو انا مقتنع هيك بتصرفاتي اكتر ..... مندون ما حطها باطار ديني .... او بدون ما اوجدلها مبررات دينية ....... يعني ما بيهمني هل ها التصرفات موافقة للدين او لا بغض النظر عن طبيعة ها التصرفات ....... يعني برات مبدا الثواب و العقاب ........ الثواب تحديدا......على العموم الفكرة سخيفة بحد ذاتها انو يكون في ورا كل عمل نتيجة سلبية او ايجابية بالنسبة للانسان اللي عم يعمل ها العمل ...........
قصدي ابونا انو انا مقتنع هيك بتصرفاتي اكتر ..... مندون ما حطها باطار ديني .... او بدون ما اوجدلها مبررات دينية ....... يعني ما بيهمني هل ها التصرفات موافقة للدين او لا بغض النظر عن طبيعة ها التصرفات ....... يعني برات مبدا الثواب و العقاب ........ الثواب تحديدا......على العموم الفكرة سخيفة بحد ذاتها انو يكون في ورا كل عمل نتيجة سلبية او ايجابية بالنسبة للانسان اللي عم يعمل ها العمل ...........
ME 2
يا جماعة، أنا السنة انخرطت بالكنيسة والشبيبة المسيحية بشكل كبير، وبعد كل هالشي وصلت للقناعة التالية:
1- ما فينا نجزم بصحة الإيمان أو بخطأه، بمصداقيته أو كذبه لأنو فعلاً إذا فكرنا بشكل جيد وتعمقنا رح نوصل لقناعة أنو ما في شي مؤكد.
2- إذا نفينا قطعاً اقتناعنا بجزء من معطيات الإيمان (تعليمة- نص - كتاب- سفر) هالشي ما لازم يدفعنا للإلحاد بكل شي.
3- إذا فعلاً يهمك تحديد هويتك مؤمن أو غير مؤمن تعمق قليلاً في الإيمان لعلك تجد الجواب.
4- إذا كنا علمانيين (العلمانية برأيي هي منطقية العصر) خلينا نكون صالحين مع أنفسنا ومع الآخرين لأنو الإيمان هو ضوابط أخلاقية بالدرجة الأولى وإذا حققنا هالشي بالعلمانية منكون قادرين عالحياة الأرضية من غير الحاجة للإيمان (أما الحياة الثانية -إذا كانت موجودة- فلكل حادث حديث)
هاد الحكي الصح مجد... أنا معك 100% و هاي 100 :D
أول شي مرحبا
يا شباب القصة ما قصة كنيسة و لا قصة انجيل، الكنيسة و الإنجيل هني وسيلة ما هني الغاية أنا بروح على الكنيسة وقت بدي صلي لأنو بحس إنو هادا أقرب مكان ممكن وصل منو للرب و هادا غلط كتير أنا بكل محل قريبة للرب وين ما صليت و وين ما حكيت معو بيسمعني،
الكنيسة هيي مكان بيجمع الناس اللي بدون يصلوا مع بعضون لا أكتر و لا أقل و كل الطقوس اللي بتصير بالكنيسة من الترتيل للبخورللشمع و حتى المناولة كلها إلها تأثير نفسي علينا بتخلينا نحس بالروحانية أكتر و إنو نحنا بمكان كتير مقدس و كتير طاهر لحتى نحكي مع اللي خلقنا، و الطقوس هي أكترها ما مسيحي.
أنا اللي بآمن فيه إنو في قوة معينة خلقت هالكون إن كان اسمها الله و لا يهوه و لا شو ماكان ما هادا المهم و القصة ما إنو أنا عليي قواعد و شروط لازم نفذها لاء كل الموضوع إنو في أساسات لتعاملنا كبشر مع بعضنا و لحتى ننفذها لازم نحس إنها جايي من حدا أعلى و أقوى و إنو إذا اشتغلنا على هالأساس رح نتعاقب هلق أو بعدين.
يعني بغض النظر إنو هالكلام من عند الخالق و لا من عند المخلوق (و اللي هو موضوع الجدل) نحنا بحاجة لأنو نتمسك فيه و نتمسك بفكرة إنو في حدا كتير قوي و كتير حنون عم يحمينا و يدير بالو علينا و بيحبنا كتير.
و على فكرة أنا بآمن بوجود الله.
Abo rafik
20/09/2004, 02:20
يقول الرسول:الايمان هوقيام المرجوات فيناوبرهان غير المنظورات..عبر1/11فهو اذا" ثقة وقبولبما يرجى وبامور لا يمكن ان نراها . والله هو محور الايمان.غير منظورأي لا يدرك لا بحواسنا ولا بعقلنا.اذ ان المحدود لا يمكن ان يستوعب اللا محدود؛والله مصدرلعقلنا فكيف لعقلنا ان يستوعبه؛تماما" كعجز العين عن النظر الى الشمس لان نورها يبهر العين هكذا فالله :(ساكن في النور الذي لا يدنى منه)1تيمو6\16 فاذا ادرك العقل الله يكون قد انزله الى رتبة المساواة.اي لم يعد الاله الها"لان الاله فائق كل ادراك.....لكن الله احب محلوقاته حبا" دون اي استحقاق من قبل الخليقة؛والمحب يكشف ذاته لمن يحب؛والله كشف لنا ذاته عبر امرين:
من خلال الخليقة...لا شييء في هذا الكون موجود بحد ذاته..حتى العلماء اقرو بعدم مجيء مادة من الفراغ وعدم فنائها بل تحولها من شكل الى آخروبالتالي فالكون موجود بسبب موجب ..هذا السبب ندعوه الله...وكل خليقةتحمل اثر خالقها ..كما يحمل التمثال اثر النحات وهكذا فالانسان يحمل في ذاته صورة لكائن غير محدود وسعيه الى المطلق (وهذا ما يميزه عن بقية الاحياء..دائما" غير راضي عما يعرفه بل يسعى دائما" الى المزيد)حنين لتلك الصورة الى أصلهاأو خالقهافيزداد قلقه اذا فتش عن المطلق بين المخلوقات ويزول كل قلقاذا ما عرف كيف يتجه الى الله بقلبه...(انا هو الطريق...)
Abo rafik
20/09/2004, 02:59
:wink: يكشف الله ذاته بشكل اوضح من الخليقة.فحدثنا عن ذاته,بواسطة حوادث الخلاصالتي ترويها لنا الكتب المقدسة الموحاة منه,فخلص الشعب اليهودي واعده,ثم تمم الخلاص للبشريةبالمسيح يسوع. كما حدثنا بأنبيائه وهم أشخاص كشف لهم ذاته واعلن عبرهم لنا محبته وارادته ثم أخيرا" كلمنا بابنه الوحيد/عبر1:1/فعاش بيننا كواحد منا وقبل جسدا"مثلنا فنلنا منه أصدق وأكمل اعلان عن الله لأن أحدا" لا يعرف الآب الا الابن فكشف لنا أن الخالق الواحد هو ثالوث وأدخلنا وأشركنا في حياة الثالوث... وكل هذا الوحي حفظ في الكنيسة التي أسسها الرب ولايفسر الا بوحي الروح القدس فالانسان لا تعرفه الا روحه الساكنة فيه والله لا يعرفه الا روح الله.-حين يجد الانسان نفسه على شفير الموت أو يشعر بدنو أجله,يشعر أكثر من أي وقت مضى بمحدودية كيانه, وأنه مستمدمن آخر ويحس أن كل وجود ليس قائما"بذاته بل بآخر..ربماهذه هي أكثر اللحظات التي توجهه الى الله بعمق أكثر.ان كشفالله ذاته لنا لا يتم الا في لقاء حبي بين الله والانسان وهو ما يتمبسعي كل من الطرفين الى الآخر الله يسعى الينا لانه يحبنا (هاآنذا واقف على الباب أقرع)لكنه لا يكرهنا الى السعي اليهلانه يحترم حريتنا بل يطلب انتستعد قلوبنا لاستقباله بالنقاء(طوبىلانقياء القلوبلأنهم يعاينون الله)/متى8:5/ أي باخلاص القلب ونقائه من الغش وباستقامته واستعداده لتقبل الحقيقة كما هيزفمعرفة الله تعني محبته وبحبته فقط نعرفه/يو21:14/ ولايكتمل الايمان الا بأن نحياه,لا ان نتكلم عن ايماننا بالله ونتصرف كأنه غير موجود....!!!!!
lish-hike
20/09/2004, 03:06
لو ما ب}من بالله ما كنت اشتركت اساسا بهال الموقع يا صد :hart: :hart: :hart: يقتي
Abo rafik
21/09/2004, 19:37
:evil: :evil: :evil: :aah: :aah: :P بعتقد اذا شلت تاء التأنيث بيكون أحسن :wink:
تحياتي,
هذه اول مشاركة لي في المنتدى,وانا شخص لاديني ولا اؤمن بوجود الهة,ولا اريد ان اوؤمن فلماذا هذا الخيار غير مطروح,وهل الحوار اللاديني -الديني مسموح؟
ملاحظة:انا مقتنع بعدم وجود الهة ,يعني ملحد بتمنى انكم تكون سمعتو بهذا الاتجاه :hart:
أهلين و سهلين رفيق :hart:
إن أيماننا بديننا ليس هو إلا متابعة لإيماننا بوطننا السوري العظيم
و لعل إماننا بقوميتنا و بإنتمائنا الى هذا الوطن السوري الغالي في هذه الأوقات يفيدنا أكثر من النقاشات الحادة و الجارحة بين
المتعصبين من اتياع المسيحية او المحمدية ..................
:D
إن أيماننا بديننا ليس هو إلا متابعة لإيماننا بوطننا السوري العظيم
و لعل إماننا بقوميتنا و بإنتمائنا الى هذا الوطن السوري الغالي في هذه الأوقات يفيدنا أكثر من النقاشات الحادة و الجارحة بين
المتعصبين من اتياع المسيحية او المحمدية ..................
المحمدية :shock: كيف يعني
وعلى فكرة أنا بؤمن بالله وبكل الرسل اللي بعتا للبشرية من أجل خلاصها بس بستغرب من شغلة أنو الله يمهل ولا يهمل وبصراحة أنا كتيرمعاني من الإمهال هاد وبصراحة أكتر اللي الله ماهلو هو أحد أكتر الناس اللي لاتؤمن به واللي لا بيعملوا بتعاليمو وهو أحد المعذبين لأسرة كاملة وعلى كلام باطل فبيقدر حدي يقلي قيمتا لازم إخلص من هالقصة يعني ياللمى موت أنا او لمى يموت هو عن عمر يناهز 93 سنة ؟؟؟؟؟؟ :cry: :cry: :cry: :cry: :cry: :cry: :cry: خبروني مشان الله نوروني :cry: :cry:
إن أيماننا بديننا ليس هو إلا متابعة لإيماننا بوطننا السوري العظيم
و تحيا الأمة السورية :?
أنو ليش بالله و الكنيسة و ذاتك سوا مع بعض
يعني بركي أنا مؤمن بالله و ذاتي مثلاً
أو مؤمن بذاتي و بس
يعني قصد ما فينا نجمع تلت شغلات مع بعض و نطلب إما تأييدون مع بعض أو رفضون كلن
اخوية نت
بدعم من : في بولتـين الحقوق محفوظة ©2000 - 2025, جيلسوفت إنتربـرايس المحدودة