-
عرض كامل الموضوع : اين تذهب حين تبكي؟؟؟
عاشقة الكلمات
29/08/2007, 19:03
عادي ممكن ابكي باي مكان بشرط ما يكون فيه اي شخص
ما بحب افرجي دموعي لحدا
ميرسي على المشاركة و انا كمان مبحبش حد يشوف دموعي
سنان العلى
29/08/2007, 19:09
يا سلام هو ده الكلام:clap:
ليش انتي يا عاشقة الكلمات من اللاذقية
عاشقة الكلمات
29/08/2007, 19:09
التدخين هو بكاء العصور الحديثة
ميري على المعلومة;););)
فايق ورايق
29/08/2007, 19:14
أنا ابن اللادئية.....بس لما بدي ابكي ما بروح عالبحر......
بروح على أدفى مكان بالعالم...
وأحن مكان بالعالم
حضن أمي
عاشقة الكلمات
29/08/2007, 19:54
أنا ابن اللادئية.....بس لما بدي ابكي ما بروح عالبحر......
بروح على أدفى مكان بالعالم...
وأحن مكان بالعالم
حضن أمي
عن جد كلامك عسل:cry:
فايق ورايق
29/08/2007, 19:59
ولله انتي اللي عسل.....تسلمي:sosweet:
عاشقة الكلمات
04/09/2007, 19:56
ولله انتي اللي عسل.....تسلمي:sosweet:
THANK YOU
بروح اتمشى و برجع لما روق
هاد اذا رقت:frown:
انا يا قبضايات بسمع عمي زياد وهيك بطل ابكي بضحك على الوضع اللي ببكي
أبو شريك
04/09/2007, 20:52
أحييك أبو شريك :D
وبحسدك على عفويتك
وبتمنى تكون المواقف اللي توترني نفس المواقف بس للأسف أنا الأفلام مهما كانت حزينة ما بتأثر فيني
واللي ياثر فيني دائما بيكون بحياتي العادية
بتعرف انت الواحد تجيه لحظات بيحس فيها بالصحوة فيتزكر أخطاؤه و أخطاء اللي حواليه تجاهه
وبكل الاحوال ............
تحياتي :larg:
الوار الغالي .. تحياتي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ..
بالأفلام بتكون الصورة والصوت والمشهد والقصه حزينين ..وكلهم مركزين على مقطع واحد فـ بتأثر .. بس انتا بمواقف حياتك العادية بتتأثر .. بقا انتا مرهف الحس أكتر مني :lol:
مع الود :D
أنا بصراحة وقت أبكي بروح وبلاقي أقرب مخدة وبحط راسي بقلبا ..........
لأنو بكون بدي أسمع صوتي وأنا عم أبكي وعبر عن يلي جواتي ...........
ويسلمن عالموضوع الغريب .............:p
البكاء شي مرتبط بحزن او جرح كبير او موت
انا بتزكر اخر مره بكية على الموت كان لما دفنت ستي من شي 4 او 5 سنين
و على الحزن بكية لما فارقة الشام ، لشدة تعلقي فيها ززز
الجرح الكبير : لهلا قلبي عم يبكي على هل جرح ، بس عيوني ما دمعة ولا دمعه عليه
على فكره انا نادرا ما ابكي بصوت بس عيوني لما تبكي بتبكي يلي معي ...
شو بعمل لما ببكي ، بسمع اغاني او موسيقى حزينه ، و الشي التاني اني بعزف غيتار و صدقوني بهل فتره يلي بعزفها بعزف شغلات مستحيل بحالتي الطبيعه اعزفها لانو عن جد بحسو عم يبكي معي و للاسف بس اخلص ما بعود بحسن طلع نفس المقطوعه
اسف علأطاله ، بس ردود كتير فيكم حركة فيني شغلات كتير عن جد مشكورين كلكم من كاتب الموضوع لكل شخص ساهم بالرد ...
وبختتم ردي :
كم تمنية ان أولد دمعة في عينك كي انام على خدكِ و اموت عندي شفتيك ....:cry:
jouliana
09/09/2007, 13:26
يعني اكيد اكتر الاجابات هي انه الواحد يروح لحضن
ادفى مخلوقة و الي بتتحمل الي ما حد بتحمله
و بتشيل همومك و بتريحك الي هي الام
بس الي ما عنده ام وين بروح؟؟؟؟؟؟
على اي حال اانا قليل ما تنزل دمعتي و لو صار و نزلت
ما بروح صوب حد بخليها بيني و بين حالي
يعني اكيد اكتر الاجابات هي انه الواحد يروح لحضن
ادفى مخلوقة و الي بتتحمل الي ما حد بتحمله
و بتشيل همومك و بتريحك الي هي الام
بس الي ما عنده ام وين بروح؟؟؟؟؟؟
على اي حال اانا قليل ما تنزل دمعتي و لو صار و نزلت
ما بروح صوب حد بخليها بيني و بين حالي
صفنة باجابتك كتير ولله ، وللاسف ما طلع معي اي تعليق ، بس يلي حبية احكيلك ياه يلي ماعندو ام اكيد الله بيعوضو باخوات يبكي على حضنهم ....
و بالنهايه الله يرحمها يا رب و يمد بعمرك
عبد
jouliana
10/09/2007, 01:00
:oops:صفنة باجابتك كتير ولله ، وللاسف ما طلع معي اي تعليق ، بس يلي حبية احكيلك ياه يلي ماعندو ام اكيد الله بيعوضو باخوات يبكي على حضنهم ....
و بالنهايه الله يرحمها يا رب و يمد بعمرك
عبد
انطر انطر يا اش فهمت غلط انت :cry::cry:
انا قصدت انه اكيد معظم الردود كانت انهم بلتجئو لامهم
مو معناه انا فاقده امي:cry:
بس مو مشكله خيو لانه الرحمه بتجوز على الحي و على الميت و الله يخلي امي و امك و ام الجميع
و يصبر كل انسان فاقد امه
و يسلملي البك الطيب
لانك فيك تحس بأنسان و تتعاطف معها مع انك ما بتعرفه و بعيد عنك
بس بتعرف يوم انت كتبت صفنة باجابتك كتير ولله
قلت بعقلي با بنت وضحيله بلا ما تقلب تراجيدي :oops:
:hart::oops:
انطر انطر يا اش فهمت غلط انت :cry::cry:
انا قصدت انه اكيد معظم الردود كانت انهم بلتجئو لامهم
مو معناه انا فاقده امي:cry:
بس مو مشكله خيو لانه الرحمه بتجوز على الحي و على الميت و الله يخلي امي و امك و ام الجميع
و يصبر كل انسان فاقد امه
و يسلملي البك الطيب
لانك فيك تحس بأنسان و تتعاطف معها مع انك ما بتعرفه و بعيد عنك
بس بتعرف يوم انت كتبت
قلت بعقلي با بنت وضحيله بلا ما تقلب تراجيدي :oops:
اي حكيلي هيك من الأول الله يصلحك
خلص بس بدك ام حكيلي بعيرك امك شوطه لوووووول
والله يحميك لامك يا رب
jouliana
10/09/2007, 01:17
:hart:
اي حكيلي هيك من الأول الله يصلحك
خلص بس بدك ام حكيلي بعيرك امك شوطه لوووووول
والله يحميك لامك يا رب
هههههههههههههههههه تسلملي *_^
اسبيرانزا
10/09/2007, 02:16
اذهب الى حضن وسادتى ادفن وجهى فيها وابكى بعدها اقوم امسح دموعى وادخل الى خلوتى لافكر فى سبب ما حدث جيدا واعالج الخطأ
بداية مشكورة ع السؤال اللي طرحتي وهو شيء ملموس بحياتنا
وحتى الشباب استعادو حقن بالبكاء بس للأسف بالنسبة إلي احساس اصعب من البكاء
احساس عصي ع الإدراك : عصيّ الدمع بس بكل الاحوال بهيك حالات بطلع برات البيت بمشي بدون تفكير
انظر الى نفسي في المراة
واحيانا بدور على منطقة ما فيها حدا من الناس عشان ما حدا يشوفني وانا ببكي
كل شى اوهام
15/09/2007, 00:27
بصراحه سؤال كتير حلو؟؟
من ناحيتى انالما ابكى يا اما بوئف على الشباك وبطلع على السما وببكى او ئبل ما انام وهيدى كل يوم ههههه
او بحضن رفيئتى الئريبه على ئلبى لما تكون جنبى الانو هى الوحيده بتحس فينى..:cry:
بس ما بحب ابين لاهلى انى عم ابكى مشان ما يسئلونى ليش؟؟..
اين تذهب حين تبكي؟؟؟
من منا لم يتشاجر مع اخوته؟
من منا لم يبكي لموقف ما؟
ومن منا لم يهرب جريا عندما يحدث امر كهذا؟؟
ولكن الى اين تذهب؟؟؟
طبعا معظمنا فعل ذلك.ولكن؟؟
هل فكرت لماذا تذهب الى هناك وليس الى
حضن امك او اخوك الكبير او اختك الكبيره مثلا؟؟
ماذا تفعل هناك؟
تخرج خارج المنزل؟؟
ام تختبئ في زاويه في خلف المنزل او في المطبخ او المخزن؟؟
الى اين تذهب ؟؟
ومتى تعود؟؟
اهو شعورك حينها؟؟
وهل ضحكت يوماعلى نفسك عما تفعله؟؟؟
وهل الآن انت تفعل هذا الامر؟؟
ام تركته؟؟
و الله مابروح لعند حدا لانه هل الحدا مارح يعملي شي..منشان هيك بفوت على غرفتي و بسكر على حالي احسن الشي و بس لروئ هيي اذا روئت دغري بطلع و ولا كانو شي صاير
:D
كلامح حلوو وبعقد.... انا بتمنى لما ابكي لاقي.. حضن يضمني..... بتمنى لما ابكي... ماتشوف دمعتي امي..
بتمنى يكون حضن حنون عم يستناك.......
غالبا بحاول ما يطلعو
و غالبا بيجو بالوئت غير المتوقع
ودائما بيسألوني
ليه عم تبكي
بجاوب وخدودي عم تبخر كل شي نازل عليها
انا ما عم ابكي
nanoosh rose
15/09/2007, 14:55
بروح بنام لان البكاء ضعف وما بحب ابكي
اسبيرانزا
15/09/2007, 18:59
انا معتقدش ان البكاء ضعف , دا من الخطورة على انسانيتا واحساسنا الا نبكى , فابكوا لا تخجلوا
اخوية نت
بدعم من : في بولتـين الحقوق محفوظة ©2000 - 2008, جيلسوفت إنتربـرايس المحدودة