كلمات جميع اغاني عمرو دياب

[wave]

البوم يا عمرنا 1992
--------------------
1- ضحكة عيون حبيبي
كلمات : مجدي النجار
الحان : عمرو دياب
توزيع : طارق مدكور & محمد عرام
ضحكة عيون حبيبى ضحكة ليها الليالى
سافر قلبى لحبيبى سافر بعد انشغالى
سافر عند القمر
من بعد ما خادنا الهوا وعرفنا الدنيا سوى
وعشقنا عيونك يا قمر
ضحكها سحرها مستحيل يتوصف
والكلام عنها لو هقول هاعترف
ان أنا دلوقتى بحب وأدوب أكتر بكتير من أى قلوب
من بعد ما قلبى شاف القمر
حبها عشقها فى الخلود ينكتب
واللى ضاع قبلها مستحيل يتحسب
دا العمر ابتدا من لمسة ايد من بعد ما عشنا أنا وانتى بعيد
من بعد ما قلبى شاف القمر
--------------------
2- كان عندك حق
كلمات : مدحت العدل
الحان : رياض الهمشري
توزيع : طارق مدكور & محمد عرام
كان عندك حق تدوب وترق
وترجع تانى يا قلبى تدق
ندوب فى هواه وتقول الأه
ياما قلنا هنبعد مبعدناش
وتاخدنا الدنيا مبننساش
وعيون تنادينا تحايل فينا
ونقول يا عيونه يا اما بلاش
كان عندك حق ونعمل ايه
ما خلاص سلمنا الهوا لايديه
لو مرة دارينا يبان فى عينينا
وان داب في الحب مبانش عليه
--------------------
3- كنا حبايب
كلمات : مدحت العدل
الحان : رياض الهمشري
توزيع : طارق مدكور & محمد عرام
كنا حبايب أعز حبايب راح الحب كأنه ما كان
مين كان عاشق مرة ودايب يقدر يرجع زى زمان
أدى الدنيا وادى نصيبنا
اللى نحبه فى لحظة يسيبنا
واللى نسيبه يبقى حبيبنا ونلقى معاه الدنيا أمان
أه يازمان الحق علينا
ولا فراقنا دا كان بايدينا
احنا هنبكى على الأيام ولا الدنيا حتبكى علينا
ليه الحزن القاسى يدوم
وليه الفرح فى ثانية يطير
ليه القلب يعيش محروم وهو اللى ادا حنانه كتير
--------------------
4 - ماشي
كلمات : مجدي النجار
الحان : عمرو دياب
توزيع : طارق مدكور & محمد عرام
ماشي وفي حالي أنا ماشي وفي حالي
واللي جرالي ما كان على بالي
خدني الشوق راح لبعيد خدني هناك عندها
دوبهالي في حب جديد دوبني في حبها
ده خدني وقاللي هو ده حب العمر كله
عيش معاه قلت لا.. لا.. لا..
قبل ما أشوف أجمل روح تهت كتير قبلها
عشت سنين وانا مجروح بس ده كله انتهى
--------------------
5 - خلاص سامحتك
كلمات : مدحت العدل
الحان : رياض الهمشري
توزيع : طارق مدكور & محمد عرام
بعيد قريب ماليش حبيب
وحياة عيونك بلاش تغيب
خلاص سامحتك يا عمرى وبايدى ايه
أنا قلبى حبك وحبك أنا دبت فيه
هو حب الدنيا كله جنب حبك يجى ايه
حبيبى وانت الوحيد حبيبى
انت ياروحى قدرى ونصيبى
خطفت قلبى لاعرفت أخبى ولا حد غيرك فى الكون دارى بى
تعالى ننسى اللى فات كفاية
أيامنا تحلى وانت معايا
يا حتة منى خليتنى أغنى خليتنى أرجع من البداية
--------------------
6 - بحلم
كلمات : مجدي النجار
الحان : عمرو دياب & حسين محمود
توزيع : طارق مدكور & محمد عرام
وياك باحلم أعيش أجمل ليالينا
وياك ما بينتهيش الحلم فى عينينا
باحلم بعينيك تاخدنى انت والشوق فى حضنى
بحلم وهواك يا حبيبى اخر أمل لينا
بعد اللى راح بعد الجراح بحلم معاك
مفيش لنا غيرك هنا ماانت اللى كنت انا بتمناه
كل الأمان كل الحنان عشته فى هواك
حتى أنا مابقتش أنا من بعد ما قلبى ما داب وياك
--------------------
7 - مرتحناش
كلمات : مدحت العدل
الحان : عمرو دياب
توزيع : طارق مدكور & محمد عرام
مارتحناش من يوم ما سافرت
واستنينا يجينا الرد
قلت هترجع بس نسيتنا قلى ازاى تقدر على البعد
كل يومين نبعت فى جواب كلمة محبة وكلمة عتاب
فين باحبيبى الحب اللى انت كنت بتحلف أنه ما غاب
كنا زمان فى الهوا دايبين بعد فراقك مش عايشين
خدت معاك الهنا والفرحة قوللي سايبنا يا روحى لمين
--------------------
8 - يا عمرنا
كلمات : مجدي النجار
الحان : عمرو دياب
توزيع : طارق مدكور & محمد عرام
ياعمرنا يا قلبنا أنا لية مين غيرك
تعبنا ودوبنا فى البعد من غيرك وأنا لية مين غيرك
أيام حياتى فى بعدها
كان مستحيل أحبها
أيام خادتنا وفرقتنا وتوهتنا عنها
كان حلم غالى بحبها
هعيش لوحدى بقلبها
كان حلم غالى مر بخيالى دلوقتى بحلم عندها

__________________

[wave]

--------------------------------------------------------------------------------


البوم ذكريات 1994
*****************


1- مهما كبرت
كلمات : مدحت العدل
الحان : حميد الشاعري
توزيع : طارق مدكور ومودي الامام


أنا مهما كبرت صغير
أنا مهما عليت مش فوق
مش ممكن يوم نتغير دى الدنيا غروب وشروق
اليوم والأمس وبكرة
فى عيونكم كانت فكرة
شايلين فى القلب الذكرى باين فى عينينا الشوق
ياعيون بالحب توافى فاتت أيام وسنين
فاكرين العمر الدافى شايلين فى القلب حنين
ومهما نقول مش كافى
فى قلوبنا انتم عايشين
--------------------------------------------
2- ذكريات
كلمات : مجدي النجار
الحان : عمرو دياب
توزيع : طارق مدكور


دوامة الحياه فيها قلبى تاه
ليه كل واحد فينا ماشى فى اتجاه


ذكريات عشنا فيها دوبنا فيها من العذاب ذكريات
باقية فينا من ماضينا ليه سراب


فى الطريق كتير مشينا واتنسينا فى الطريق
وانتهينا ماعادش فينا شيئ بريء


فى الطريق قلوب بريئة قلوب غريقة فى الطريق
والحقيقة مش حقيقة فى كل شيء
--------------------------------------------
3- الحب ابتدى
كلمات : مدحت العدل
الحان : عمرو دياب
توزيع : طارق مدكور


حكايتنا يا روح قلبى حكاية
ومفيش للشوق بيننا نهاية


ده من أول نده الحب ابتدى ولا عمرى عشقت أنا بالشكل ده
الا مالقيتك ويايا


وقابلت كتير قبلك وقليل ولا مرة الشوق سهرنى الليل
شفتك ونسيت روحى وحبيت
علمنى هواك غنا المواويل
--------------------------------------------
4- قلوب
كلمات : مدحت العدل
الحان : عمرو دياب
توزيع : طارق مدكور


قلوب في قلوب
وادين في ادين


ادي ايامنا وادي سكتنا
وياما ايام كتير جايه
--------------------------------------------


5- يا عمرنا
كلمات : مجدي النجار
الحان : عمرو دياب
توزيع : طارق مدكور


تعبنا ودوبنا في البعد من غيرك وانا ليا مين غيرك
يا عمرنا يا قلبنا انا ليا مين غيرك


ازاي هننسها في بعدنا
شيء كان بيجري في دمنا
مهما افترقنا وطال فراقنا راجعين بشوقنا لبعضنا


عمر اللي بيننا مانتهى
عمري اللي عشته في حبها
سنين حياتنا ذكرياتنا امنياتنا كلها
--------------------------------------------
6- افريقيا


كلمات : مجدي النجار
الحان : عمرو دياب
توزيع : مودي الامام


يالالالي ويا لالالي
ياليل


بالحب اتجمعنا
والدنيا هتسمعنا
والليلة أول اعيادنا


آدي طريق امجادنا
وادي السمر ولادنا
وادي القاهرة وادي بلدنا

[wave]

--------------------------------------------------------------------------------


البوم ويلوموني 1994
--------------------
1- ويلوموني
كلمات : عادل عمر
الحان : عمرو طنطاوي
توزيع : حميد الشاعري
ويلومونى ما يلومونى قلبى راح للى هواه
اعشق يا قلبى احلم ياقلبى خلى بكرة كله حب ودوب معاه
اعشق يا قلبى احلم يا قلبى وامشى مشوار المحبة لمنتهاه
قالوا ياما قالوا كتير علينا خدنا ايه غير بس دموع عينينا
ده الهوا والشوق بكرة يداوينا واللقى هيغنى وينادينا
دارى يا قمرنا ليشفونا اللى غارو منا وحيرونا
واللى بعيونهم بيجرحونا واللى عمرهم ماهيبعدونا
------------------------------------------------
2- عنواني
كلمات : مجدي النجار
الحان : عمرو دياب
توزيع : حميد الشاعري
أنا غيرت خلاص عنوانى
وقدرت أرجع واعشق تانى
ماهو مش ممكن أبقى لوحدى متعودش أعيش وحدانى
من غير قلب من غير حب صعب الدنيا فى يوم تتحب
وأصعب منها ان انت تلاقى حد يكون له نفس حنانى
أنا ضيعت سنين فى حياتى بين أحلامى وبين حكاياتى
لكن بعد الشوق مارتاح مش هيكون فى القلب جراح
أنا مش ممكن أعيش فى امبارح بعد ما حبك بقى شيء واضح
وزاى هارجع تانى وحيد وأنا دلوقتى بحب جديد
------------------------------------------------
3- حواليك
كلمات : مدحت العدل
الحان : رياض الهمشري
توزيع : حميد الشاعري
عن حبك مش حتوب عن قلبك مش حتوب
حواليك قلوب وقلوب بتميل عليك وتدوب
لكن ياروحى أنا حبى عليك مكتوب
حبيبى يا كل عمرى يا برىء زى الملاك
لهواك سلمت أمرى ولعمري الجاى معاك
أدوب ازاى وليه ليه وماليش الا هواك
ليلك وسهرت فيه وعرفت الشوق معاك
------------------------------------------------
4- ملهاش حل
كلمات : مجدي النجار
الحان : عمرو دياب
توزيع : حميد الشاعري
ملهاش حل تانى
يانعيش الحياة أنا وانت يا وقفت فى مكانى
ياحبيبى طول ماانت بعيد أنا عايش فى الدنيا وحيد
مليت الاحساس بالألم والقلب اللى كتير اتظلم
وفى كل الأيام مش عارف ياحبيبى غير التنهيد
فى بعادك أنا عشت سنين من عمرى وأنا قلبى حزين
مليت الأحزان كلها وحياتى اللى زمان عشتها
وفى كل الأيام ياحبيبى مش عارف الا التنهيد
من غيرك ياما شفت كتير وأنا باجرى ورا وهم كبير
وأنا راضى بمشيئة القدر والعمر اللى راح وانهدر
وفى كل الأيام يا حبيبى مش عارف الا التنهيد
------------------------------------------------
5- احلف بالليالي
كلمات : مدحت العدل
الحان : خليل مصطفى
توزيع : حميد الشاعري
أحلف بالليالى وعيونك يا غالى
ماعرف ايه جرالى وايه حكايتى معاك
هى كلمة وأحلى كلمة لاقتنى بهواك يا حبيبى هوا
هى ضحكة وأحلى ضحكة مشيت فى سكة من الأمانى معاك
كان مالى ومال الشوق مالى
مانسيته وقرب ينسانى
من كلمة حب لاقيتنى بحب وعرفت الشوق فى عينيك تانى
احساسى بيك وانت معايا
عايزله ولا ألف حكاية
داشيء يتحس مابينا و بس من كلمة أو من ضحكاية
------------------------------------------------
6- ما تفكرنيش
كلمات : مصطفى كامل
الحان : حسن دنيا
توزيع : حميد الشاعري
متفكرنيش بالعمر اللى أنا ضيعته معاك
متفكرنيش بعذابى وحيرتى زمان وياك
انسانى خلاص
ده أنا قلبى خلاص مبقاش مشتاق لليالى هواك
متفكرنيش بحاجات فاتت وقلوب دابت
وآهات و آلام وجراح وفراق
متفكرنيش بسنين عدت وسنين مرت
وسنين حرمان مافيهاش أشواق
متفكرنيش باللى أنا شفته واللى أنا عشته
كان فاكر قلبى ان انت ملاك
متفكرنيش بكلام قلته وأنا صدقته
بكلام فى الهوا مش من جواك
------------------------------------------------
7- العيون
كلمات : عادل عمر
الحان : عمرو طنطاوي
توزيع : حميد الشاعري
العيون لو تخون يبقى كل شيىء يهون
ياما ياما صدقنا كلام وتأكدنا مع الأيام
بعيونى رسمتك طريقى وحياتى
أتارى ابتسامتى بداية أهاتى
ده مهما انجرحنا بتدبل جروحنا
ولو مرة خنا بنجرح فى روحنا
------------------------------------------------
8- ولا الليالي تهون
كلمات : مدحت العدل
الحان : رياض الهمشري
توزيع : حميد الشاعري
ولا الليالى تهون ولا اللى بنا يهون
ولا عمر قلبى العاشق يقدر فى مرة يخون
دخلتى قلبى ومن يومها معادش يحلم غير بيكى
دنيا بترميلي همومها تدوب فى لحظة ملاقيكى
وادى الحياة بتفرقنا لكن بنرجع تانى نقول
وحياة عينيك وضحكتها ماغنى أبدا غير ليكى
دانتى الأغانى وفرحتها وبكرة باين فى عينيكى
__________________

[wave]

البوم راجعين 1995
--------------------


1- راجعين
كلمات : مدحت العدل
الحان : رياض الهمشري
توزيع : طارق مدكور


راجعين نعشق وندوب ونعيش مع بعض حياتنا
راجعين مايفيدش هروب من شوقنا ومن حكاياتنا
وتعالى تعالى تعالى ياحبيب العمر تعالى
كل اللى أنا عشته فى بعدك من عمرى ده مش محسوب


وحلفت انى هفارق وعيش من غير عينيك
مش بس لقيتنى عاشق أنا روحى لاقتها فيك


ياحبيبى بلاش نعاتب ونجيب سيرة اللى فات
ده مفيش بين الحبايب غير أحلى الذكريات


------------------------------------------------
2- ميتحكيش عليها
كلمات : مجدي النجار
الحان : ياسر عبد الرحمن
توزيع : ياسر عبد الرحمن


ما يتحكيش عليها
زى الملايكة أما تشوفها ورداية تحلم تقطفها
ما يتحكيش عليها
ده أنا لسه فاكر من يومها ساعة ما كنت بكلمها
ضحكتها وعنيها


أجمل مافيها اللى واخدنى ضحكة بريئة تواعدنى
دى حاجات كتير باحلم بيها أنا من زمان مستنيها
لكنى مش حكيها


كان حلم عمرى اللى لاقيته كان كل شيء اتمنيته
حبتها كده زى ماهيا ضحكتها مش ضحكة عادية
توصفها تلاقيها


------------------------------------------------


3 - انسى قلبي
كلمات : مدحت العدل
الحان : رياض الهمشري
توزيع : اشرف محروس


انسى قلبى مهما تنسى زيد فى قلبك نار وقسوة
قلبى بيحب الحياة بكره يلقى هواه وينسى


اياك تفكر قلبى يعنى هيكون طريقه لو بايعنى
بكرة تجرى سنين وراه وأرفضك والكون سامعنى


أخر كلام بينك وبينى مش هاسمعك مهما تنادينى
هى مرة وقلبى تاه من هواك ومن حنينى
------------------------------------------------
4- ورجعت من السفر
كلمات : مدحت العدل
الحان : ياسر عبد الرحمن
توزيع : ياسر عبد الرحمن


ورجعت من السفر دايب من الفراق
مشتاق لعيون حبيبى ولحظة اشتياق
فتحت الباب لقيت ورقة وكلمة وداع
سابتنى اللى عشانها دقت سنين الضياع
كنت فاكرها ملاك
لكن طلعت بشر


عشان مين قلبى سافر وتحمل وانتظر
ولمين كانت أهاتى وليالى كتير سهر
وكلام حب فى جواب وسنين بعد وعذاب
ماصعبش عليها قلبى ولا عمرى اللى انهدر


قلبى اللى طار ورفرف فجأه لقيته اتسجن
ازاى يبقى غريب واحنا فى حضن الوطن
الحلم فى ثانية راح مش باقى غير جراح
وذكريات حزينة تعيش طول الزمن
------------------------------------------------
5- ح انساك انا
كلمات : مدحت العدل
الحان : رياض الهمشري
توزيع : طارق مدكور


بتقولى نرجع للمكتوب
طب كنت فين وأنا دايب دوب
انده عليه اسأل عينيه ماهى هى أه أه هانساك أنا


هواك وكان نارى نارى
وانت ولادارى ولادارى
وتقول حبيب وازاى حبيب وانت ناسينى فى عز الآه


هنعيده ليه تانى تانى
هنحب ليه تانى ليه تانى
كفاية مرة خليها ذكرى ده أنا عندى بكره هاعيش وياه


------------------------------------------------
6- صدقتني
كلمات : مجدي النجار
الحان : عمرو دياب
توزيع : طارق مدكور


صدقتنى ان انت كنت عليا غالى صدقتنى
وعرفت ايه معنى انشغالى
صدقت ولا محتاج تفكر ولا عايزنى أقولك أكتر
والله مكان على بالى كل اللى بيجرالى


قلبى اللى عاش فى هواك مبقاش خلاص ملكى
بقى ليل نهار وياك من فرحته بيبكى


لو كان بايدى أعيش عمرين على عمرى
ده كنت أخلى عينيك تملك زمام أمرى
------------------------------------------------
7- بلاش نكلمها
كلمات : مجدي النجار
الحان : عمرو دياب
توزيع : طارق مدكور


بلاش تكلمها
خليك بعيد عنها
لتنشغل بيها وتهوى لياليها
والنظرة فى عيونها ياقلبى


خايف عليك منها لتوه فى أحلامها
وتعيش أسير الشوق على ذكرى أيامها


ما تكونش حبيتها وعشقت أوصافها
طب قولى فين وازاى من غير ما تعرفها
------------------------------------------------
8- حاولت
كلمات : عادل عمر
الحان : عمرو دياب
توزيع : اشرف محروس


حاولت
حاولت أبعد بعيد عنك ومعرفتش
حاولت أنسى اللى كان بيننا ومقدرتش
حاولت كتير لكن قلبى بكى منى وجننى وتوهنى فى ليل اللوم وزاد اللوم


يمكن أكون غلطان ومش دارى
يمكن يكون الحب بيدارى
حاولت أسمع كلام قلبى ومفهمتش
حاولت كتير لكن قلبى لاكلمنى ولا لامنى كلام وظنون
أتارى قلبك حبك موت أه ياعمرى


يمكن أكون مشتاق أنا وقلبى
يمكن يكون البعد ده ذنبى
حاولت أهرب بعيد تانى وأعيش تانى أنا وقلبى
------------------------------------------------
__________________

[wave]

--------------------------------------------------------------------------------


البوم نور العين 1996
***********************

1- نور العين
كلمات : احمد شتا
الحان : ناصر المزداوي
توزيع : حميد الشاعري

حبيبى يا نور العين يا ساكن خيالى
عاشق بقالى سنين ولا غيرك فى بالى
حبيبى حبيبى حبيبى يا نور العين

أجمل عيون فى الكون أنا شفتها
الله عليك الله على سحرها
عيونك معايا عيونك كفاية تنور ليالى

قلبك نادانى وقال بتحبنى
الله عليك الله طمنتنى
معاك البداية وكل الحكاية معاك للنهاية
-------------------------------
2- مش هضعف
كلمات : مجدي النجار
الحان : عمرو دياب
توزيع : حميد الشاعري

أنا مش هضعف تانى قصادك أنا مش هرجع أبص ورايا
قربك عندى زى بعادك يعنى خلاص مش فارقة معايا
تفتكرينى أو تنسينى مبقاش فيكى شىء يغرينى

الأيام اللى عشتها وياك نسيتها
أيام عدت لكرهتها ولا حبيتها
اصحى ومن أحلامك فوقى ضعفك مش هيرجع شوقى

الأحلام اللى اتهيألى معاك لاقيتها
كانت أجمل حاجة فى عمرى اتمنيتها
انسى ان انا هتمنى رجوعك بعد ما قلبى طفا شموعك
-------------------------------

3- نفس المكان
كلمات : مدحت العدل
الحان : رياض الهمشري
توزيع : حميد الشاعري

نفس المكان اللى كان بيجمعنا سوا
هو مكان الوداع اللى ضاع فى الهوا
ازاى يا حبيبى ياعمرى يا أغلى الناس فى عينيا
معقولة أنا هنت عليك وازاى هنت انت عليا
وازاى يا حبيبى ضيعنا هوانا

عمرى اللى فات والذكريات كانوا هنا
وانت بعيد قلبى غريب وأنا مش أنا
أحلى الليالى راحت ياغالى
جاوب سؤالى فين حبنا

ارجع عشان ملناش مكان غير حبنا
بعدك حرام شوف عدا كام من عمرنا
ياشاغلى بالى شوف ايه جرالى
جاوب سؤالى فين حبنا
-------------------------------
4- ليلة من عمري
كلمات : احمد شتا
الحان : عمرو دياب
توزيع : حميد الشاعري

ليلة ليلة ليلة ليلة
ليلة من عمري
ليلة من عمرى ليلة بكل الزمان
ليلة من عمرى بالجاى واللى كان
أنا كنت باحلم بيها أول ماشفت عنيها حسيت بحاجة غريبة
حسيت ويا الحبيبة بالراحة والأمان

شفتك ملاك وسط الزحام دخلتى قلبى والسلام
هما يادوبك نظرتين حبيت وتاه منى الكلام

لفيت كتير ومشيت كتير ياعمرى يا حبى الكبير
واخترتك انتى للزمان وبقيت أنا حر وأسير
-------------------------------

5- عايزين يغيروك
كلمات : مدحت العدل
الحان : رياض الهمشري
توزيع : حميد الشاعري

عايزين ييغروك عايزين يحيروك
لكن وحياة اللى مابينا
مافى حد هيقدر يبعدنا
وان مرة غلطنا أهى أشواقنا أكيد أكيد حيرجعوك

بيقولو عنك كلام بيقولوا عنى كلام
وانت اللى صورتك فى قلبى فوق الكلام والملام
ما هو انت عندى قدرى ووعدى

ده حتى لو غيروك رقيق وزى الملاك
ياخدوا عنى يشوفوك حيدوبوا زى فى هواك
-------------------------------
6- من اول مرة
كلمات : مجدي النجار
الحان : ناصر المزداوي
توزيع : حميد الشاعري

من أول مرة قابلتها صدقتها وعشقتها
هى الوحيدة فى دنيتى اللى هاقول بحبها
يامين يروح ويقول لها هى اللى انا محتاج لها

العشق كان وعد انكتب على القلوب من غير معاد
معرفش مين كان السبب معرفش ايه اخر البعاد

أجمل سنين من عمرنا عدت مابين لهفة وحنين
مليت خلاص من بعدنا مليت أعيش دايما حزين
-------------------------------
7- اوعدني
كلمات : مصطفى كامل
الحان : رياض الهمشري
توزيع : حميد الشاعري

اوعدنى انك فى بعدى عنك
هتفتكرنى لو عشت تانى مع حب تانى
خليك فاكرنى
خليك حبيبى من غير مانجرح بعضنا
خليك حبيبى حتى وانت مش هنا
بلاش نضيع ذكرى حلوة فى قلبنا

أيام ياعمرى فى العمر فاتو
وكل واحد اختار حياته
كنت فى ايديه قدام عينيا
كان اللوداع مكتوب لنا

احنا اتفقنا على البعد واحنا
خلاص فارقنا وطاوعنا روحنا
أحلام بنيتها ومعاك لاقيتها
خذها غيرى مش أنا
-------------------------------
8- يومينهم
كلمات : مجدي النجار
الحان : عمرو دياب
توزيع : حميد الشاعري

يومنهم وهيجى غيرهم ياقلبى ماتسيبك منهم
انساهم تلاقيهم ورا ظلك مشيين هتنشغل ليه بيهم خليهم عايشين

ماتفكرش ان انت يا قلبى ترجع تانى تعيش أيامهم
بعد مكانوا أغلى حبايبى احنا فى حالنا وهم فى حالهم

ياما ياقلبى قدمنالهم أكتر من الحب اللى فى بالهم
قاموا جرحونا وسكتنالهم وافتكرونا سلمنالهم
_____

[wave]

--------------------------------------------------------------------------------


البوم عودوني 1998
*********************

1- عودوني
كلمات : عبد المنعم طه
الحان : عمرو طنطاوي
توزيع : حميد الشاعري

عشت عمرى قبل منك يوم وما جيتلى تانى عشته كله فى يوم
عودونى عودونى عليك أحبك عودونى
عودونى وعلمونى هواك

قلب واحد اللى حاسس بيك
هو قلب العاشق اللى دايب فيك

مش بخاطرى مش لاقيلى حلول
غصب عنى عيونى عودتنى أقول
___________________________
2- كل الكلام
كلمات : عبد المنعم طه
الحان : عمرو طنطاوي
توزيع : حميد الشاعري

خلصت فيك كل الكلام يامعلم القلب الغرام
قلبك نادانى رجعنى تانى دوب حنانى فى هواك

حبيت ملامحك كلها
من نظرة واحدة شفتها
عمرى بهواك ابتدى يانسمة زى الندى
يا أحلى غنوة قلتها

حسيت بحبك قلتها
وسمعت منك ردها
شوقى اللى قلبى مصدقه هو اللى قلبك صدقه
يا أحلى غنوة قلتها
___________________________
3- الملاك البرئ
كلمات : مصطفى كامل
الحان : صالح ابو الدهب
توزيع : حميد الشاعري

أدى الملاك البرىء أبو قلب طيب قوى
أدى اللى كان كل شىء كسرلى قلبى القوى
كان ليلى كان قمرى كان روحى كان عمرى
سلمتله أمرى واحنا فى نص الطريق
قلبه عليا قوى

أدى اللى على الحب وعدنى وكان حالف مايفارق حضنى
أدى أعز وأغلى ماليه اللى أحن من الدنيا عليه
اللى معندوش قلب وضمير
أدى اللى كان طول الزمن من نبعنا بيرتوى

أدى يا قلبى وأدى ياعبنى حبيب عمرى اللى اديته سنينى
أدى الى أنا ندمان على حبه على الشوق اللى اديته لقلبه
على كل حياتنا سوى
أدى اللى كان طول الزمن من نبعنا بيرتوى
___________________________

4 - انت يا اللي
كلمات : عادل عمر
الحان : ابراهيم فهمي
توزيع : حميد الشاعري

الفراق ده نار والبعاد ده نار
انت ياللى بحبك .. بحبك..انت ياللى حبيبى
انت ياللى واحشنى .. واحشنى .. انت ياللى نصيبى

باللى قلبى اشتاقلك وانت كل زمانى
انت فين باندهلك مش هنبعد تانى

مش هصدق بعدك أى قلب ندالى
ياللى قلبى فى بعدك تاه بقاله ليالى
___________________________
5- يا حبيبة
كلمات : أحمد شتا
الحان : حسن دنيا
توزيع : حميد الشاعري

نار نار والحنين فى القلب نار
نار نار والبعاد والشوق مرار
ياحبيبة والله زينة دى العيون
ياحبيبة عمرى علشانك يهون
حتى قلبى بيناديكى ليل نهار

قلبى خادنى وراح بعيد واتولدلك من جديد
كل كلمة قلتها أنا عشتها رددتها وفضلت أعيد

مهما أقولك قلبى داب وان فى بعادك عذاب
يا حبيبيتى اشتقتلك وندهتلك وبعتلك قلبى فى جواب

___________________________
6- ليابي العمر
كلمات : مجدي النجار
الحان : عمرو دياب
توزيع : حميد الشاعري

يا ليالى العمر ماكنتش دارى باللى جرالى ماكنتش دارى
باللى جرالى ليالى ليالى

من بين كل الدنيا خادتنى عينيك ودتنى لحلم بعيد
بعد ما جيت وكتبت لقلبى بحبك تانى عمر جديد
خليتنى أحب الدنيا وأعيش من تانى حلم جديد

أنا دلوقتى بعيش فى حياتى أجمل قصة حب جديد
فرحة قلبى بحبك فرحة طفل بيحلم ليلى العيد
خليتنى أحب الدنيا وأعيش من تانى حلم جديد
___________________________
7- وغلاوتك
كلمات : محمد رفاعي
الحان : محمد رحيم
توزيع : حميد الشاعري

وغلاوتك وحلاوتك
والشوق اللى مالوهش حدود
بصراحة بكل صراحة أنا مغرم بعينيكى السود

قلبى المفتون مجنون بيكى
أه ياأول غنوة بغنيكى
من قلبى لقلبك طوالى
وادى شوقى الهايم حوليكى

بحلم وبقول على طول روحى
ياهناى ويا فرحة روحى
بوهب لك عمرى واحساسى
وبسر هوانا اوعى تبوحى
___________________________

8 - ملك ايديك
كلمات : مدحت العدل
الحان : رياض الهمشري
توزيع : حميد الشاعري

ملك ايديك أسهر ليك
عمرى وروحى فدا لعينيك
حتى سنين الشوق يا حبيبى
هو فى حاجة بتغلى عليك
قالو اختار بين جنة ونار اخترت أنا نارك
دا اللى بيهوا وقلبه يرق لازم يختارك

صوتك صورتك ضحكك سرتك هما هواى
هى حياتى تبقى حياتى غير وأنت معاى
انت اديت لحياتى معانى
خدت قلبى لعالم تانى

ياما قلوب وعيون شغلتنى وأما قابلتك
هى يادوب نظرة وسحرتنى لقتنى بحبك
قبل ما أشوفك كان فى خيالى
كل ملامحك والله يا غالى
__________________

[wave]

--------------------------------------------------------------------------------


البوم قمرين 1999
******************

1- قمرين
كلمات : محمد رفاعي
الحان : شريف تاج
توزيع : طارق مدكور

والله ماكان على بالى يا هوا
قمرين دول ولا عينيك قلبى بيسألنى عليك أتارينى بفكر فيك

ياقلبى يانا من حبه يانا ياشوق أمانه تملى الليالى غرام
أه يا عمرى يا كل عمرى سلمته أمرى وعينيك قالت لى كلام

طال انشغالى وياك ياغالى وأنا ايه جرالى خلانى أدوب فى هواك
اشمعنى انتى حبيتك انتى ازاى وامتى شغلت روحى معاك
-------------------------------
2 - انا
كلمات : عبد المنعم طه
الحان : عمرو محمود
توزيع : طارق مدكور

أنا بموت فى حبك أنا أنا بشوف عينيك المنا يا كل أحلامى

بين اديك أنا ياحبيبى يا حبيبى أنا بين اديك
انت أكتر قلب عارف أد ايه أنا دوبت فيك

كل دقة شايلها قلبى يا حبيبى شايلها ليك
ذكرياتى سنين حياتى تسوى ايه من غير عنيك
-------------------------------
3- قلبي ( مع خالد )
كلمات : مجدي النجار
الحان : شريف تاج / خالد
توزيع : فريد عوامر

قلبى قلبى متعلق بيكى وأنا سهران بناديكى سيبانى لوحدى ليه
يا أملى
أملى اللى بحلم بيه شايف عيونك فيه العمر ايه معانيه
العمر ليلة
قلبى الوحيد بلاقيه انت الوحيدة فيه انت اللى دوبتيه
بين يوم وليلة

قلبى العاشق قدامك لو بصيتى لقدامك هتلاقى روحى فيه
يا أملى
أملى الوحيد بناديه انت الوحيده فيه انت اللى دوبتيه
بين يوم وليلة
-------------------------------
4 - بحبك اكتر ( مع انجيلا )
كلمات : محمد رفاعي
الحان : شريف تاج
توزيع : طارق مدكور

أنا بحبك أكتر شوقى فى قلبى بيكبر
والنبى قلبى مايقدر فى غيرك يفكر

على راحتك قول ياحبيبى واحلفلى بحبك ليه
صدقت ان انت نصيبى وسعادتى وهنا لياليه
مهما تفكر فية أنا أكتر بشوية حبك غالى علية لا يمكن يتقدر

هنعيش أنا وانت ياعمرى يوم حب ويوم حنيه
من أول لحظة فى عمرى وأنا عارف انك ليه

-------------------------------------
5 - بتوحشني
كلمات : عادل عمر
الحان : ابراهيم فهمي
توزيع : حميد الشاعري

لو كنت قادر ع البعاد أنا مش قادر عليه

بتوحشنى ..بتوحشنى أه أه
حبيبى .. بحبك .. بروحى .. بقلبى .. بعقلى
ياللى ياللى ياللى معندكش قلب

أيام وأنا بيك مشغول مشتاق لعينيك على طول
تسبقنى عينى ليك يا عينى قلبى معاك يقول

يا حبيبى ازاى أنساك ده أنا روحى تروح وياك
الشوق تعبنى وقلبى سابنى سابنى وراح معاك

-------------------------------------

6- ولسه بتحبوا
كلمات : ايمن بهجت قمر
الحان : وليد سعد
توزيع : حميد الشاعري

ولسة بتحبه يا قلبى ياقلبى حرام عليك
ازاى تآمن له تانى بعد اللى عمله فيك

هو أنت فاكرله ايه حتبكى فى يوم عليه
ماتقولى فاكرله ايه حتبكى فى يوم عليه

مش ده اللى كان معاك وكان هواه هواك وتانى يوم نسيك

ياريت ياقلبى ماكنت قلبى مادام ظالمنى وياك ليالى
ياريتنا ننسى ليه فاكره لسه دا حبيبنا خاين ومالهوش غالى

بعدنا عنه وآسينا منه يا قلبى سيبه يختار جراحه
مالك وماله أهو راح لحاله وراح ياقلبى زى اللى راحوا

-------------------------------
7- خليك فاكرني
كلمات : عادل عمر
الحان : عمرو مصطفى
توزيع : طارق مدكور

خليك فاكرنى ياللى بجمالك وبعيونك دول أسرنى
خليك فاكرنى وان حس قلبك يوم بقلبى ابقى زرنى
ده انت فى عينيه كل اللى ليه
فرحة شبابى والدنيا ديه

أول ماشفتك لمست قلبى بنظرة واحدة نسيت جراحه
لقيتك انت أجمل حكاية حب نسيتنى اللى راحوا
ماتغبش عنى وخلى قلبك لو ناديته يجيلى تانى
ده احنا اللى بينا الحب كله وعمر مر معاك ثوانى
-------------------------------
8- حكاياتي
كلمات : ايمن بهجت قمر
الحان : عمرو دياب
توزيع : طارق مدكور

حكاياتى اللى أنا عشتها كلها تشبه بعضها
أولها غرام وتانيها أيام أنا بافرح بيها
وأخرها زيها زى غيرها

بدايتها سؤال وكلام فى عيونا جانى حيرة
وحقيقة وحب وشوق وحاجات تانيه كتيره

كل الحكايات اللى احنا ياقلبى قابلناها
طلعت أوهام وياريتنا ما كنا حلمناها
__________________

[wave]

--------------------------------------------------------------------------------


البوم تملي معاك 2000
***********************

1- العالم الله
كلمات : امير طعيمة
الحان : عمرو مصطفى / عمرو دياب
توزيع : طارق مدكور

العالم الله قد إيه قلبي و روحه دابوا فيه
ده اللي عيونو دوبوني والله الله الله الله
من اللي بيا يعلم الله

و الله و دبت فيك و خادتني بحور عينيك
سلمت القلب ليك من غير أزاي وليه

هوا الحب إيه غير نظرة من عينيه
غير لمسه من أيديه غير قلب تخاف عليه
----------------------------------------
2 - تملي معاك
كلمات : احمد موسى
الحان : شريف تاج
توزيع : طارق مدكور

تملي معاك ولو حتى بعيد عني في قلبي هواك
تملي معاك تملي في باللي و قلبي ولا بنساك
تملي واحشني لو حتى بكون وياك

تملي حبيبي بشتاقلك تملي عينيا تندهلك
ولو حوليا كل الكون بقول يا حبيبي محتاجلك

تملي معاك معاك قلبي معاك روحي يا أغلى حبيب
و مهما تكون بعيد عني بقلبي قريب
يا عمري الجاي والحاضر يا أحلى نصيب

-----------------------------------------
3- كدا عيني عينك
كلمات : ايمن بهجت قمر
الحان : عمرو دياب
توزيع : طارق مدكور

كدا عيني عينك تنكر هوا كان بيني و بينك
كدا عيني عينك تنسى عيون على طول فاكرينك

ياللي زمان أنا كنت حياتك
شلت زمان ليه من حسباتك

بتعمل مش شايفني بتعمل مش عارفني
مع أني في ذكرياتك أول حب في حياتك
و هواك طول عمري شايله أجمل أحساس صادمني

و ريني لو ناسيني و هات عينك في عيني
يا حبيبي أنت خايف لتخونك الشفايف
لتقول أنك فاكرني وتسلم و تناديني
--------------------------------------------

4- و هيه عامله إيه
كلمات : بهاء الدين محمد
الحان : عصام كاريكا
توزيع : طارق مدكور

و هي عامله إيه دلوقت
ومين هون عليها الوقت
قولو لي لو تصالحها أروحلها و أصالحها
ظالمها وقلبي جارحها أجيلها ولا مش دلوقت

أكيد ساكته ولا بتحكي ولا بتشكي ولا بنبكي
عارفها تبقى مجروحه و مظلومه ولا تبين
و لو نزلت دموع منها بيبقى الجرح مش هين

أكيد مشاعرها مكسوره و لو نسيتني معزوره
أنا اللي جرحت أحساسها قوللها اطمن أرتاحي
و ليه تقوللها لو هيا أكيد بتحس بجراحي
--------------------------------------------

5 - سنين
كلمات : محمد رفاعي
الحان : شريف تاج
توزيع : طارق مدكور

كل يوم بيعدي تزيد غلاوتك عندي
و أشتاقلك و أحبك تسوى إيه الدنيا
مهما كانت حلوه في ثانيه أعيشها جنبك

سنين سنين عايش في حبك سنين
ملقتش زي قلبك حنين و عنيك الفرحانين

لما تبقى معايا بنسى فيك دنيايا و بتفضل في باللي
حتى لو مش جنبي برده ساكن قلبي و منور سمايا
--------------------------------------------

6 - أعمل إيه
كلمات : امير طعيمة
الحان : عمرو مصطفى
توزيع : طارق مدكور

أعمل إيه في اللي أنا حبيته و اللي القلب أختاره
و اللي معاه من يوم ما لقيته جنة قلبي و ناره

و الله و أدي حال الدنيا و الله بنحب في ثانية
و اللي بنحبه يا قلبي روحنا ملك أيديه

ولا بأديه ولا كان بأيديا الحب و أشواقه
لما عينيه ندهت لعنيا قلبي و قلبه أتلاقو

أدي الشوق و أدي اللي جراللي من الحب و أيامه
أنا حبيت و سهرت لياللي أنا صدقت كلامه
--------------------------------------------
7 - لو كان يرضيك
كلمات : ايمن بهجت قمر
الحان : وليد سعد
توزيع : طارق مدكور

لو كان يرضيك تفضل كده قدامي خلاص خليك
لو كان يرضيك تهون عليك أحلامي متهون عليك

عايز تسيب صورتك كده سيبها
وتعالى على نفسك وعذبها
بس أبأى قولي اللي أنت فيه
ده نهايته إيه حرام عليك

أنا مش هقولك حاجه مش هلومك مش هعاتبك
خليك كده يا حبيبي عيش لوحدك داوي جرحك من عذابه

أنت خلاص يا حبيبي مش حبيبي ولا ملاكي
و الله ألف خساره علي كان زي الملاك ايام زمان
--------------------------------------------

8 - بعترف
كلمات : ايمن بهجت قمر
الحان : عمرو مصطفى
توزيع : طارق مدكور

بعترف قدام عينيك من النهارده أنا عمري ليك
سبني أحبك يا حبيبي و أنسى روحي بين أيديك

هوا ده اللي حلمت بيه ضحكته نظرة عينيه
يا حبيبي و أنت جنبي تفتكر أنا هعمل إيه
هوا ده اللي حلمت بيه هوده اللي حلمت بيه

يا حبيب قلبي الوحيد هات أيديك نبعد بعيد
كل ما عيونك تاخدني يتولد أحساس جديد
--------------------------------------------
9 - قلبي أختارك
كلمات : ربيع السيوفي
الحان : شريف تاج
توزيع : طارق مدكور

عارف ليه أنا قلبي اختارك
عارف ليه أنا رافض نارك
عارف ليه أنا هفضل أحبك
و أكمل وياك مشوارك

عارف ليه مأدرش ببعدك
أنسى عيونك و أعشق بعدك
علشان قلبي مسلم أنك
في الدنيا دي مفيش بعدك

أنت اللي لقيت معاك
احلام عمري في هواه
يلي معاك أبتديت
أعشق تاني الحيااه

عمري ميغلاش عليك
و حياتي بين أيديك
يا برئ زي الملاك
أنا قلبي و روحي ليك
--------------------------------------------
10- صعبان عليا
كلمات : محمد رفاعي
الحان : شريف تاج
توزيع : طارق مدكور

صعبان عليا يا غالي من اللي عملته فيا
لا تلوم عليا يا غالي أنت اللي جنيت عليا

آه بعترف أني هويتك و أنت اللي مليت عينيا
ظلمت روحي وحبيتك و كنت الدنيا دي ليا
سبني لحاللي سبني لحاللي و متصعبهاش عليا

كل اللي بينا يا غالي مش راح تنساه عينيا
لا تلوم على قلبك يا غالي دمعك عزيز عليا
صدقت حبك يا حياتي حبيت خوفك عليا
نظرة عينيك ويا أهاتي لمسة أيدك أيديا
روح و أنساني روح و أنساني ومتصعبهاش عليا
سبني لحاللي سبني لحاللي و متصعبهاش عليا
__________________

[wave]

--------------------------------------------------------------------------------


البوم اكتر واحد بيحبك 2001
***************************

1- ولا على باله
كلمات : محمد رفاعي
الحان : محمد رحيم
توزيع : طارق مدكور

حبيبي و لا على باله شوقي اللي ه
ولا شاغل باللي أنادي عليه
ولياللي كتير أفكر فيه و أحن اللي ه ولا داري

عيونه فيها كلام في ليل خلاب
وانا قلبي غرام في أحلى عذاب
و لياللي كتير أفكر فيه و أحن اللي ه و لا داري
--------------------------

2- أكتر واحد
كلمات : احمد موسى / ايمن بهجت قمر
الحان : عمرو مصطفى
توزيع : طارق مدكور

أنا أكتر واحد بيحبك
في الدنيا و طول عمري بحبك
و في جرحك فرحك انا جمبك
وبعمري يا عمري أنا والله شاريك

أنا أكتر واحد قلبوا عليك
أنا دنيتك أنا ملك أيديك
أنت اللي من بين كل الناس
متعلق بيك و بفكر فيك

يا حبيبي قرب شوف بعنيك
أنا جنب منك أنا حوليك
علشان عيونك عمري يهون
يا حبيبي يهون ولا يغلى عليك
--------------------------

3- كان طيب
كلمات : ايمن بهجت قمر
الحان : عمرو دياب
توزيع : طارق مدكور

خلاص بقى بيتكلم يرحم زمن السكوت
كبر أوام و أتعلم و خلاص طلعلوا صوت

كان طيب كان حنين مش زي مكان مبين
أتاري كداب كبير مش زي مكان ةمبين
ده خدعنا سنين كتييير

خدعنا وحده وحده و جرحنا مره واحده
واتعلم فووق يطير

لو يفتكر زمان اه زمان كان هوا أيه
كان عايش بين أيدينا و حنيني علينا

غلطه و عدت خلاص أأه خلاص أأاه هنعمل أيه
مش كل الناس بريئه في الدنيا فيه و فيه
--------------------------

4- بعد اللياللي
كلمات : محمد رفاعي
الحان : خالد عز
توزيع : طارق مدكور

بعد الليالي والأيام من شوقي اليه
والله و أزاي يهون عليه كل شي في البعد

بشتاقلك يا غاللي أنت فين بنده عليك
و الله وحشوني كتير عنيك معقول نسيت الوعد

هاان حبي ليه في سنين بعاد وغياب
وهاان قلبي عليه ترميه بين نار وعتاب

أرجع ليا خلاص مش قادر حبيبي
رد بأي كلام لو قادر حبيبي
و الله بحبه و هفضل أحبه حبيبي
قرب خلي لبعدك أخر حبيبي

فااات أد أيه ولا يوم قدرت أنساك
وليه الدنيا ليه يا حبيبي بعيد وخداك

أنا مش قادر على نسيانك حبيبي
مين في الدنيا هيملا مكانك حبيبي
والله بحبه وهفضل أحبه حبيبي
نفسي أرتاح أنا بين أحضانك حبيبي

--------------------------

5- قلت أيه
كلمات : خالد تاج الدين
الحان : عمرو مصطفى
توزيع : طارق مدكور

قبل الوداع قرب هنا قرب تعال ضمني
خليك شويه في حضني حاول تفتكر
من كام سنه أنت و أنا مع بعضنا و بتحبني
خليك شويه في حضني حاول تفتكر

مين اللي قالك اني بعتك و أنت ليه صدقته ليه
و الله حبك كل عمري قلت ايه

أستنى متسبنيش كده الوقت ليه مستعجلو
يمكن تحن لأي ذكرى في حبنا
أزاي هتنسى الحب ده و أنت اللي ياما أشتقتلوا
قرب كمان عمرك و أحلامك هنا

--------------------------

6 - ولا ليله
كلمات : ايمن بهجت قمر
الحان : البدري كلباش
توزيع : طارق مدكور

ولا ليله ولا اجمل من دي ليله
بين أيديا حبيبي بعد سنين طويله
ده حبيبي ولا أغلى من حبيبي
من النهارده مع القمر ده ما لي حيله

كلمه وحده سمعتها نور سنيني
أعمل ايه في كلامه سحر بيناديني
الجمال ده أحلاه أحلاه أحلى صوره
عمري والله ما شفت زيه في يوم بعيني

هيا دي نفس العيون اللي في خيالي
الشفايف أحلى من اللي كان في بالي
ابتسامته و ضحكته و صوته و سكوته
كل حاجه في حبيبتي و مكتوبه لي
--------------------------


7 - اديني رجعت لك
كلمات : بهاء الدين محمد
الحان : عمرو ديـــــاب
توزيع : طارق مدكور

ناديتي بشوق ناديت قولتي لي تعالى جيت
لا هعاتبك على اللي فات ولا حتى هلوم عليك
أديني رجعتلك أديني بين أيديكي
كفاية دموع بقى مش عارف أشوف عينيكي

وقولي لهم مش نادهاني هوا اللي وحشته وجاني
ده أنا مهما هيحصل بنا مش هبعد عنك تاني

قولي لقلبك يسمعني مش دمعه اللي مرجعني
من غير متنادي و تبكي الشوق كان هيرجعني

مشتاق لضحكتك يا اجمل ذكرياتي
خديني لجنتك يا أغلى من حياتي
--------------------------

8 - صدقني خلاص
كلمات : ايمن بهجت قمر
الحان : عمرو مصطفى
توزيع : طارق مدكور

صدقني خلاص من بين الناس حبيتك واختارتك ليا
طول ما أنا وياك قدامي ملاك خلتني مغمضش عينيا

الله يا سلام عليك في عنيك أحلى كلام
قرب مني شويه شويه قلبي و قلبك سوا يتلاقوا
الدنيا أنتى مليتها عليا ده الحب اللي محدش داقو
قرب مني شويه شويه الدنيا أنتى مليتها عليا
و كأنك مخلوق علشاني

يا أرق الناس في عنيك أحساس بياخدني معاه بنسى الدنيا
ضمني بأديك لو غاللي عليك مضيعش يا ريت ولا ثانيه
--------------------------

9 - أحبك أكرهك
كلمات : ايمن بهجت قمر
الحان : عمرو مصطفى
توزيع : طارق مدكور

أحبك أكرهك أسيبك أندهك
أعلق نفسي بيكي ولا أعمل فيكي أيه
أضمك أبعدك أخونك أوعدك
غريب أحساسي بيكي مش مطمنه ليه

أحساسي ده ممكن يهد جبال يضيع
من حبي ليكي وكرهي ليكي خيط رفيع
لا القرب مرتاح له ولا البعاد أقدر عليه

حجات غريبه بحسها و أنا بين أيديكي
كتير بخاف منك وكتير بخاف عليكي
لا القرب مرتاح له ولا البعاد أقدر عليه
--------------------------

10- يا حبيبي لا
كلمات : بهاء الدين محمد
الحان : عمرو مصطفى
توزيع : طارق مدكور

معقول هقول مجروح من غير ما أكون مجروح
ولا باقي على حاجه لأ ده أنت مش عارف
معقول تصدق أبيع من غير ما أتوه ولا أضيع
ولا أخفش من حاااجه لأ ده أنت مش عارف

بعدك هحس بمين معقوله حب سنين
يخلص في غمضة عين يا حبيبي لا
لا لا لا لا وألف لا ده أنا قلبي بعد غيابك تااه
لو بالكلام ننسى الألام ده مكنش قال و أنا عاشق أه

معقول حبيبي مشيت معقول فاكرني نسيت
لو قلبي قال حاجة من جرحه ألها لك

ده أنا لما كنت قول بقصد كلامي يطول
يمكن تقول حاجة أسمعها أصفالك

[wave]

--------------------------------------------------------------------------------


ألبوم علم قلبي 2003
******************

1 - علم قلبي
كلمات : وليد جلال / شكر خاص لبهاء الدين محمد
الحان : خالد عز / عمرو دياب
توزيع : فهد

يا حبيبي و أنت جنبي أحلم و أتمنى أيه
ما خلاص الحلم جنبي و عيوني دايبه فيه
قرب مني كمان قربك هو الأمان
بناديلك من زمان تعاى ضمني

علم قلبي الغرام كلمني أحلى الكلام
عاش معايا في الأحلام يا حبيبي حبني

صدقني و أنت دايب باللهفه والأشتياق
بتعلم الحبايب ينسوتا كلمة فراق
يا حبيبي يا ملاك بنسى الدنيا معاك
و أجي لدنية هواك أول ما تضمني

يا حبيبي أنا كلي ليك عشقك وبين أديدك
ولا شئ يغلى عليك أول ما تضمني
---------------------------

2- أنا عايش
كلمات : ربيع السيوفي
الحان : عمرو دياب / عمرو مصطفى
توزيع : هاني يعقوب

لا برتاح في ليله ولا بنساك ولا لقيت نهايه
ولو حتى ببعد ببقى معاك ومنتاش معايا

أنا عايش ومش عايش ومش قادر على بعدك
ولا عارف في بوم أنسى ولا عايز حبيب بعدك

وبسأل وقلبي بيحلم يوم يرتلح من جراحوا
لياللي نااللي كانوا مابينا زمان راجعين ولا راحو

محبتش غيرك هعمل أيه في شوقي وهوايا
وليلي ونهاري بفكر فيك ما ترجع كفايا
---------------------------

3- قاللي الوداع
كلمات : بهاء الدين محمد
الحان : خالد عز
توزيع : فهد

قاللي الوداع وأنا أقولوا أيه
هوا الوداع يتقال فيه أيه
أختارته ليه و أختارني ليه
كان قلبي ليه و قلبوا مش ليا

حسيت أني لقيت حلم السنين
و صحيت فجأه بقيت من مجروحين

ياريته قال هيروح يغيب
ولا كنش قال بقى له حبيب
ياريته راح من غير جراح
هيفيده أيه يسيسب جراح فيا
---------------------------

4- يا كنزي
كلمات : محمد رفاعي
الحان : رشيدة الحارس
توزيع : فهد

يا كنزي وكل ما ليا حياة قلبي و نور عيني
جمال الدنيا في عينيا جمال الدنيا في عينيا
عشقته لما كلمني بحنيه نده ليا بقولة أه تجنني

حبيبي معاه حياتي وكل أحلامي
وعايش ليه بعمري وكل أيامي

عيونوا هيا بتسلم بتتكلم بتسحرني
و ألاقي كلمها يشغلني
حياتي ودنيتي و عمري نده قلبي ملك أمري
يا نور الدنيا يا قمري
---------------------------

5- تقدر تتكلم
كلمات : محمد رفاعي
الحان : محمد رفاعي
توزيع : فهد

تقدر تتكلم عن روحك يا حبيبي خلاص مبقينا أتنين
طول عمرنا عايشين روح واحده دلوقتي خلاص بأينا روحين
و أهوا بكره نقول كانت ذكرى وعشنالنا يومين

غيرت مشاعري وأحساسي خلتني أعيش جنبك و بعيد
بتحمل قربك و بقاسي ومشيت وياك ورجعت وحيد
و أهوا بكره نقول كانت ذكرى وعشنالنا يومين
---------------------------

6- لو عشقاني
كلمات : بهاء الدين محمد
الحان : محمد رحيم
توزيع : هاني يعقوب

لو عشقاني كلام تاني كلام مقدرش يا قلبي عليه
حلم يا قلبي و عشناه لو حتى قالت لك أه
دايبه في حبه وعشقاه نسأل تاني

جواها شوق ولا كل اللي أنا فيه ده خيال
قلي أفوق ولا كل اللي أنا سامعه أتقال

لو عشقاني كلام تاني كلام في الحلم بقاله سنين
لو عشقاني كلام تاني ولو صدقته أقولوا لمين
عشت يا قلبي الأيام و أنت في أجمل أحلام
أياك تسيب أوهام أسأل تاني
---------------------------

7 - (خليني جمبك ( موسيقى
---------------------------

8- علمني هواك
كلمات : رضا امين
الحان : شريف تاج
توزيع : هاني يعقوب


علمني هواك أيه معنى الحيره
علمني أشتاق علمني الغيره
قلبك صحاني على صوت دقاته
ضمني خلاني روحو و حياتوا

أجمل أحلام أنا بحلمها لك
لو حتى بنام قلبي بيصحالك
يفضل سهران يتمنى حاجات
لكن حيران بين قول و سكات

يا عيون قادرين على الهوا و خدوني
نسونس أنا مين من بعد ما حضننوني
أسهر و أحتار لما تكلمني
لو كنت في نار للجنه تاخدني
---------------------------
9- حبيبي يا عمري
كلمات : بهاء الدين محمد
الحان : خالد عز / عمرو دياب
توزيع : فهد

حبيبي يا عمري أنا كلي جراح
لوكنت حبيبك سبني أرتاح

أنا رايح فين أنا راجع تاني
أنا مش هنساك ولا قلت أنساني

لو يوم حسيت بغيري لو يوم حنيت لغيري
صدقني مش هلومك لو قابلك حب تاني
---------------------------

10- أنتا مقولتش ليه
كلمات : بهاء الدين محمد
الحان : خالد عز / عمرو دياب
توزيع : فهد

أنتا مقولتش ليه من الأول أن هواك يا حبيبي كده
وأنا قال فاكره حلم و طول بقى معقول بتحب كده
لو كل حبيب له حبيبي كان جاله كده وغناله
يا ليل يا ليل يا ليل يا ليل يا ليل يا ليلة

كلك حيره وشاغل بالك قول ورتاح
شاغلني هواك
ده اللي يقابله حبيب في جمالك
أي جراح يلقيلها دوا

هفضل أحبك أحبك أحبك أحبك
ولا عمري هقول على فين يا هوا
أنا أحلامي في دنيا حبك
كان قلبي يطول نحلمها سوا
---------------------------
11- حنيت
كلمات : هاني الصغير
الحان : خالد عز
توزيع : عمرو شاكر

حنيت لعنيك حنيت
حنيت واشتقتاللي ك
ما نسيت وياريتني نسيت

أيام و حبيبي بعيد
أيام و عايشها وحيد
أيام ولا فيها جديد

مشتاق وبنادي عليك
مشتاق و وحشتني عنيك
مشتاق و بفكر فيك
---------------------------

12- كلهم
كلمات : ايمن بهجت قمر
الحان : عمرو مصطفى
توزيع : هاني يعقوب

كلهم بيقولو كده في الأول و الكلام الحلو بيتحول
البرائه و الحنان واللي ياما أتقال زمان
كل ده بالوقت بان كل ما الأيام تطول

الكلام سهل و كتير بس أيه بيجرا بعده
في الهوا أوام يطير يبقه كله زي بعضه
ناس صحيح ملهاش أمان

كله في الأول وعود و أما يوصل للي عايزه
قسوته ملهاش حدود صعب أي عتاب يهزه
ناس صحيح ملهاش أمان
---------------------------

13 - خليني جنبك
كلمات : محمد رفاعي / شكر خاص لأيمن بهجت قمر
الحان : نادر نور / عمرو دياب
توزيع : فهد

خليني جنبك ضم قلبي في عز شوقي
محتاج لحبك بعد طول صبر اللياللي
نظره عنيك بتنور الدنيا في عينيا
أنا نفسي أقول ألف حاجه ليك في باللي

غيرت حاللي بكلمه وحده قلتها بعنيك
مقدرتش أنسى لون عيونك يا قمر لياللي ك
أنا بين أيديك قدام عينيك

أناديك حبيبي ولا عمري ولاأقولك أيه
ولا ألف كلمة حب حلوه توصف اللي أنا فيه
أنا بين أيديك قدام عينيك
______

[50cent]

4- ورجعت من السفر
كلمات : مدحت العدل
الحان : ياسر عبد الرحمن
توزيع : ياسر عبد الرحمن


ورجعت من السفر دايب من الفراق
مشتاق لعيون حبيبى ولحظة اشتياق
فتحت الباب لقيت ورقة وكلمة وداع
سابتنى اللى عشانها دقت سنين الضياع
كنت فاكرها ملاك
لكن طلعت بشر


عشان مين قلبى سافر وتحمل وانتظر
ولمين كانت أهاتى وليالى كتير سهر
وكلام حب فى جواب وسنين بعد وعذاب
ماصعبش عليها قلبى ولا عمرى اللى انهدر


قلبى اللى طار ورفرف فجأه لقيته اتسجن
ازاى يبقى غريب واحنا فى حضن الوطن
الحلم فى ثانية راح مش باقى غير جراح
وذكريات حزينة تعيش طول الزمن
------------------------------------------------


أفضل أغنية لعمرو دياب علي مدار تاريخه الغنائي . انتهي

[عاشقةعمرودياب]

شكرا كتير يا wave انا كتير بحبو وما بتعرفي اديش بفرح لما بشوف اي شي عنوا بالاخوية الف ملين شكر الك والله يعطيك العافية :hart::hart::hart::D:D:D

[مجنون_أصالة]

ليش ما منعمل مكتبة اغاني للملك ؟؟

[iraq_dragon]

شكرا جزيلا على الاختيار الروعه

لكمات الكنك عمرووو الي اموت باغانيه

الف شكر

[BL@CK]

كتبو عليّون أغاني .. ما واضحات في ضبابية بالصورة نوعاً ما .. :lol:

[دنو86]

ميرسي كثير

[lord tartous]

أغانيه روووووووووووووووعه
اعمل ايه نفس المكان انت يلي بحبك تقدر تتكلم بعد الليالي وكتييييييييييييير
ومالك ويهمك فيه ايه وياه
مبروك عالبومو الجديد

[سمو الاحساااس]

مشكوووور بس يال يت فيه اغاني مع فرقة انجليزية ممكن تدلوني عليها....

[مجنون يحكي وعاقل يسمع]

فعلا روعة يا شباب وشي بيجنن وبيخلي الواحد يفوت بالحيط على قولة صفصف
من يومين كان لقاء على قناة المشرق مع الشاعر طلال حيدر ’ والسؤال اللي بسألو لحالي .
إذا سمينا شعر طلال حيدر شعر شو بيكون حجم الإهانة إذا اعتبرنا هالكلام اللي فوق شعر ؟؟؟؟؟؟؟؟
أو شو بيسوى كل كلام هالأغاني عند ثلات جمل لجوزيف حرب بنسمعا من السيدة فيروز
إذا رجعت ..... بجن
وإن تركت بشقى
لا قدراني جن ولا قدراني أبقى
أيه ..... زمن

[marochka]

فعلا روعة يا شباب وشي بيجنن وبيخلي الواحد يفوت بالحيط على قولة صفصف
من يومين كان لقاء على قناة المشرق مع الشاعر طلال حيدر ’ والسؤال اللي بسألو لحالي .
إذا سمينا شعر طلال حيدر شعر شو بيكون حجم الإهانة إذا اعتبرنا هالكلام اللي فوق شعر ؟؟؟؟؟؟؟؟
أو شو بيسوى كل كلام هالأغاني عند ثلات جمل لجوزيف حرب بنسمعا من السيدة فيروز
إذا رجعت ..... بجن
وإن تركت بشقى
لا قدراني جن ولا قدراني أبقى
أيه ..... زمن

ما بتصور في حدا مجنون أو عاقل بيسمي اللعي الفاضي اللي بيغنيه عمرو دياب وأشباهه شعر، حرام حتى تكتب اسم طلال حيدر وجوزيف حرب بموضوع بيحمل اسم عمرو دياب.