تخيلو انو نحنا ببيت واحد ! [الأرشيـــــف]

Zero_Cool

28/07/2007, 16:27

عاشقةعمرودياب

28/07/2007, 17:11

هلق اللعبة مهضومة بس يا اخوي انا من مبارح وحياة الله لهلق ما ني نايمة مو شفتني وهلق انا الساعة 8 رايحة عند الدكتور مشان يشلي القطب بما انك بتعرف انو انا عاملة عملية مو هلق اخوي الوسطاني رح ياخدني

betty_palestine

28/07/2007, 17:15

هههه اللعبة كتييييير حلوة طيب بس انا بدي بالبيت يكون الي منصب عالي ولا شو؟؟؟؟

عاشقةعمرودياب

28/07/2007, 17:30

الاخت الصغيرة الدلوعة دايما بيكون الها منصب عالي بس حاولي فورا بلشي بس ما تحكي مين انت ولا شي احكي كانك عنجد ببيتك

betty_palestine

28/07/2007, 17:44

يعني انا حكون الاخت الصغيرة الدلووووووووعة ............... طيب اختي عاشقة عمرو دياب جاي عبالي اتغدى شي طيب :cry:

Zero_Cool

28/07/2007, 17:45

اختي عاشقة عمرو دياب مو مشكلة انتي معذورة انتي وأخوكي .. وأنا آسف لأني نسيت
وانتي دلوعة امك Betty صحي الك مركز الدلوعة بس مو على حسابي
يالله روحي نامي لشوف
أنا كتير مزعوج منك لأنك أخدتي 4 من عشرة بالمذاكرة
حدا بيعملها ؟؟

عاشقةعمرودياب

28/07/2007, 18:35

اخوي الشاطر الامور حبيبي كيف حتعطيني مصاري كاش ولا جريديت كارد بعدين وينو اخوي الوسطاني بعدين ليش مانك ماسح البيت

cuty

28/07/2007, 18:37

هاي جايزززززززز

شو ناوين تعملو بالليل؟

betty_palestine

28/07/2007, 18:41

betty_palestine

28/07/2007, 18:42

طيب شو نام هلأ حرام لسه الدنيا العصر شوف هلأ بناديلك ماما ايه انا الدلوعة ما حدا بيقلي روحي نامي شو لكانوبدي اطلع بدي اطلع طشة:x

عاشقةعمرودياب

28/07/2007, 18:56

يا اختي يا حبيبتي اخونا الكبير و اخونا الوسطاني على هالحالة كمان لازم واخونا الصغير وماما ما منعرف وينهن لانو اخوك الكبير سمع بالمصاري من هون شمع الخيط وهرب من هون وهلا بوشك عالتخت

NOhoneyNOmoney

28/07/2007, 19:06

(الام) زيرو كول كيف تتأمر على اختك بيتي مو قلتلك ما الك دخل بحدا انا وابوك بس اللي بندخل بس ........

حبيبتي بيتي انا باخدك مشوار من عيوني يا عمري بس مو اليوم لانه الجو حامي

عاشقة عمرودياب استني لحتى يروح ابوك وهو بيعطيك مصاري لانه اخوك زيرو كول حارمتو من المصروف :lol: ما معو ولا قرش

هلأ شو حابين تتعشو اليوم ؟ ما تقولولي على المطعم خلص لانه نحنا بأخر الشهر يا دوب الراتب يمشي معنا

عاشقةعمرودياب

28/07/2007, 19:20

لا مو هيك عمليها بياخة شوي بتتطلع احلى ماما بعدين ماما مين سمحلك تطلعي من البيت وين كنت لهلق و بعدين شو هادا اللي لابستي بعدين وينو ابنك المغضوب معلى اسس راح معك

NOhoneyNOmoney

28/07/2007, 19:25

ايوا وادخلو فيني كمان فوق كل اللي عملتو مو انا قلتلك ما تروحي مع (سسس) بالسيارة فوق ما هو شب صايع :x

TheLover-_-

28/07/2007, 19:54

هيهي عجبتني هاللعبة انا رح كون جدو الختيار اللي بيلحق البنات.........
يا جدو يا بلا حبيب بلا مصاري والله انك صايرة حلوة بعد ما انضميتي للعصابة و لك و طولانة شو طوووول يامو على الله
و انتي يا عاشقة عمرو دياب متل ما انتي حلوة و بتجنني لك بتطيري العقل هاتي اعطيني بوسة يا جدو...:kiss:

Zero_Cool

29/07/2007, 01:49

NOhoneyNOmoney ماما هلأ هيك ؟؟ اول شي حرمتيني من المصروف وسكتنا :x
وجبتيلي انتي والبابا أخ صغير وخليتوني روح عالجيش وسكتنا :cry:
بس تحرميني من التسلط على اخواتي الصغار اي هي الله ما قالها ..
بعدين ما قالتلك اختي وحبيبتي عاشقة عمرو دياب .. وينك لهلأ ؟؟ :sly: ولا شاطرة بس تغيبي وتعذبيني بهالولاد؟؟
عاشقة عمرو دياب لا تنسي بكرا الصبح تزكريني اشتريلك قطعة الدهب يلي وعدتك فيها من شي مليون سنة .. خخخخخ

Zero_Cool

29/07/2007, 01:51

sadooka

29/07/2007, 02:11

أنا السيريلانكي :o

hajoora

29/07/2007, 02:30

انا اجيييت وبدي العب

اخوي انا موافقه تمشي اومر علي بس بدي مصروف وكل يوم طلعه شكل وكمبيوتر خاص فيني لحالي

Zero_Cool

29/07/2007, 02:30

وشو عم تساوي لهلأ لكن ؟ الساعة 2.30 ولهلأ ما نمت ؟؟
يالله روح نام احسن ما اشتكي عليك للبابا
يالله لشوف ّ

Zero_Cool

29/07/2007, 02:32

hajooralolo

ليش اللاب توب يلي جبتلك ياه من شي شهر شو صار فيه ؟؟؟

hajoora

29/07/2007, 02:34

هو بلعبه بصير اشيا ما صارت؟؟

طيب ماشي كله هبل بهبل انا ام الهبل

نسيت انك عطيته عيره لصاحبك ومن وقتها ما شفته

Zero_Cool

29/07/2007, 02:37

طيب بكرا بس يقبضوني على المقايلة وراتني والتعويضات وشغلي عالتكسي بعد الظهر وشغلي بالمحل بالليل ببقا بجبلك ..
بس انتي لهلأ ما عرفتيني على رفيقتك ديانا ... ما قلتلك حاببها من زماااااااان !

hajoora

29/07/2007, 02:39

شو ديانا ما ديانا هاي مو حلوه اصلا انا مصاحبتها عشان اخوها شو بدك بهاد الحكي رح اعرفك على صاحبتي التانيه رزان بتنفعوا لبعض من نفس الفصيله

TheLover-_-

29/07/2007, 04:18

جدو مو انا حامل اسمك واسم العيلة !!! شو مشان السيارة يلي وعدتني فيها بعد البكالوريا ؟؟ صرلي 3 سنين مخلص البكالوريا .. وفايتن بالرابعة وانت عغلى اي اليوم واي بكرا
اي فهمنا بقا
ما بيكفي عم عرفك على رفقاتي البنات بالجامعة ؟؟
يا جدو يا جدو كان اتفاقنا انو تعرفني على 123456789 بنت و انتا لهلق صرت معرفني على 123456788 بنت بس يعني مو معقولة يا جدو انو انا جبلك سيارة و ما بعرف 123456789 بنت يعني بدك ياني التزم بالاتفاق تبعنا و انتا مانك ملتزم شو الشغلة بطاطا يا جدو:x:x:sly::sly:

علي خالد

29/07/2007, 06:25

جبتلكون لعبة مو موجودة بالمنتدى

سهلة وبسيطة وبتسلي وحلوة ..... الخ

هلأ لنفرض انو نحنا هاد المنتدى بيتنا ونحنا عايشين ببيت واحد !

يالله انا اخوكن الكبير ..

يالله انت وياها عالنوم لشوف بكرا عندكون فيقة بكير شي على الدورة وشي عالمسبح وشي ما بعرف لوين ..
يالله تأخر الوقت روحو ناو (( مع الساعة 4:28)) بس هيك طلع براسي

كملو لشوف ! :clap:
والله لو كنا في بيت واحد كان زمان موتنا بعض من الضرب خخخخخخخخخخخخخ لشده الجدال وكذلك القوه بالردود هههههههه على كل حال الاختلاف بالرأي لا يفسد من الود شيئ

عاشقةعمرودياب

29/07/2007, 16:02

يا عيب الشوم بدي اعرف ليش جايبين السيرلانكي وشالحينو ما بيشتغل غير بالليل وما بعرف مع مين و وين بعدين بدك تشتريلها لاختك استاذ اخوي لاب توب قبل ما تشتريلي فيلا وتبدلي السيارة يلي لسه ما جبتها وبعدين الدهب واللي هو طقم جيبو ابيض يا شطور بعدين ما سمعت اختك شو عم بتقول مرافقة رفيقتها مشان اخوها شو هالعيب العمى عقلة الذوق صحيح اللي استحوا ماتوا من دقيقة التلها انو عجبتني سيارتو

betty_palestine

29/07/2007, 16:24

شو اخي الكبير حكيت بدك تتحكم بأخواتك الصغار بعرفك من يوم يومك بتحب تتحكم بالصغار بس مو علّي :larg:
ويللا شو لهلأ مو عامللنا غدا شو هاد ولا بتحب اشكيك لبابا:devil:

betty_palestine

29/07/2007, 16:25

صحيح بتشوف يا اخي الكبير بدك تتعرف على بنت انا فسااااااااااااادة رح احكي لبابا علّي بصير من وراه نانانانانانانا:clap:

NOhoneyNOmoney

29/07/2007, 20:17

زيرو كول مو قلتلك ما تكزوب على خواتك مين هالحمار يللي يللي بشغلك اصلا وتاكسي جيب شهادة سواقة اول شي ويللا روح رد على ابوك شوف بدو حدا يغسلو السيارة ما انت فاضي يا قاضي يللا تشوف
عمي ذا لفر يعني ما بيصير تعلم الولاد على هيك اشيا بنات وما بنات لك صار عمرك فوق السبعين ويا دوبك تشيل حالك ولسه لاحقلي هالبنات الله يعيني عليك لك حلّ هنّا شوي كل يوم طاب علينا بيكفي هييييييييهيه علينا

Zero_Cool

29/07/2007, 23:56

لك امي انتي ليش دائماً بتفوتي وبتنزعي الطبخة ؟؟ ما بتعرفي اليوم كنت عم قدم فحص بمادة (( فن التحريري الصحفي )) ليش هيك عم تحكي معي وكأنو ما عندي شي غير جوززك وولاااادك ؟؟

اختي hajooralolo ديانا ولا رزان ولا مين ما كان المهم عرفيني عليها !
وبالنسبة لأخوها مو مشكلة انا فادي الديمقراطي !

جدي ممكن تخليك على جنب شوي لأني عم حل ازمة عائلية بحته
يعني انت راكد ورا هالنسوان
وما عطيتني لا السيارة ولا شي
شبك جدي ؟؟
والله مو انت جدي يلي كنت من 20 سنة خخخخخخخخخخخ

عاشقة عمرو دياب شو مفكرتيني ما بعرف انو انتي كمان مصاحبة 3 .. واحد للسيارة وواحد ليدفعلك فاتورة الموبايل وواحد للسهرات .. ويلي بتحبيه مطنشك ! يا شماااتي !

Betty أعلى ما بخيلك ركبيه
على فكرة ابيوكي مو شاطر بشي غير الحكي
قمساً بالله لولا انو مسنا بهل ببيت كان كل يوم جاب عليه فلانة وعلتانة !

حلو التفاعل !!!!!
كملووووووو

betty_palestine

30/07/2007, 00:03

:cry::cry::cry: يا مامتي وينك تاركيتني مع اخي اللي ما بيعرف الرحمة :cry: نازل فيي وما بعرف ليه
شو اعمل اللي حدا بهالعيلة راكضلي ورا البنات يعني انا مو عارفة روح اشكي لمين ازا جدي اللي ما ضل بعمرو قد ما مضى يعني الله يعطيه طولة العمر بس لاحقلي ورا البنات بس انا بعرف دواك يا اخي الكبير رح خرب عليك قصة تتعرف على ديانا او رزان وحكي زلام:larg::devil::devil:

عاشقةعمرودياب

30/07/2007, 00:09

هاها اخوي الشاطر مفكر بس 3 وبعدين ياذكي من اسبوع ما كنت بجنازة شب وسبب الوفاة غير معروف و التلك روح جبلي الهدية اللي كان مخباها بالخزانة قال بيطنشني الي وبعدين شو قصدك وليش عم تتجاهل طلباتي البسيطة وتظلم اختك الكويسة يلي ما بتشكيك لحدن و جد اذا ما بتجيبلي هالكم شغلة رح ابعتك تجبلي غرض من عندو للشب شخصيا وهلق مسنا شو قصتو

betty_palestine

30/07/2007, 00:16

يييييييييي اختي حبيبتي جيتي لك ما حدا بيفهمني قدك احكي لاخوكي الكبير يتركني بحالي:cry::cry:

Zero_Cool

30/07/2007, 00:19

:cry: دلوعتي الغالية Betty يبعتلي حمى شو كنت قاسي عليكي .. يالله جهزيلي حالك لنروح انا وياكي مشوار بالسيارة الجديدة
وين حابة تروحي ؟؟

:sick: عاشقة عمرو دياب شبكي ؟؟ سخنانة يعني ؟؟ صايرة ما عم تعرفي شو عم تحكي ؟
على كل حال انا رح كون كويس وقلك بكل احترام .. شو بدك ؟؟ يعني انتي طلبي وانا بوعدك انو ما نفذلك !!
لأنو هددتيني !!!!!!!!!!!!!!! :jakoush: يعني لهون وبس !!! انا استعملت معك الديموغرافيزيطلاكية بس انتي ما بيلبقلك !!
بعدين على شو بدك تفسدي ؟؟
على انك لساتك بالسنة االأولى وقايلة لأهلك انك بالتالتة ؟؟؟؟؟

THE_unforgiven

30/07/2007, 00:21

والله انو نكون ببيت واحد ...فكرة كيسة ...وحلوة ...وتمام ...يعني حلوة كتير ..عالقليلة مندردش ببلاش مع بعض ...بدون نت ...وبيكون في حدا يعملنا برغر

Zero_Cool

30/07/2007, 00:41

والله انو نكون ببيت واحد ...فكرة كيسة ...وحلوة ...وتمام ...يعني حلوة كتير ..عالقليلة مندردش ببلاش مع بعض ...بدون نت ...وبيكون في حدا يعملنا برغر

أهلا وميت سهلا
وانت شو ناوي تكون ؟؟ اخ ولا عم ولا خال ولا شو ؟؟

betty_palestine

30/07/2007, 00:44

جد جد حنروح يييي شو انك مزوء يا اخي الكبير بدي روح مكان حلووووووووووووو بس مو عارفة وين انت شو رأيك

THE_unforgiven

30/07/2007, 00:50

ناوي كون أخ

betty_palestine

30/07/2007, 00:52

انت اكيد الاخ الوسطاني الضايع يللا قربت تكمل العيلة

hajoora

30/07/2007, 00:53

وين طالعين اليوم سمعت في طلعه

عاشقةعمرودياب

30/07/2007, 00:54

قال عشو بدي فسد شو ما تعرفني انو مدلعة يا مغضوب بعدين يا اخي يا حبيبي انا قدوتكم الكبيرة مو هيك بعدين انا يا روحي ما كنت عم هدد بس عم قول شي لساتني عم قولوا انو انا رح احتاج غرض من عند الشب اذا ما جبتلي اللي قايلي نك ما رح تجيبن بعدين اختي الفصعونة حبيبتي انت بدك واسطة هي الافندي عم بيراضيكي عشو ما بعرف ورح ياخدك بسيارتو مشوار وانا لسه لهلق ما انعزمت ولا سمحتلوا يتحرك

Zero_Cool

30/07/2007, 00:56

Betty تروحي عالكوستا ؟؟ ولا على روتانا كافيه ؟؟ ولا على المركز الثقافي الروسي
انتي اختاري وانا جاهز !!
تكرم عيونك
أخي انت خود اختي عالدكتور
بس تعا لهون
وين كنت داشر لهلأ ؟؟؟

عاشقةعمرودياب

30/07/2007, 00:57

البانشر بسرعة انقض عغرفتك صرلنا 3 يام عمندور عليك وبتفوت يا شاطر فوتة بلا طلعة وابقى اذ ا بدك شي حاكينا من وررا الباب هادا اذا حدا رد عليك واي طلعة كلمة ورح طالع روحك

betty_palestine

30/07/2007, 00:57

شو حبيبتي حاسديتني اطلع انا واخي الكبير بس جكارا فيكون ما رح خلي حدا يروح معنا:yahoo:

Zero_Cool

30/07/2007, 00:58

عاشقة مو انتي رايحة معنا من الأساس ولوو
يالله روحي لبسي لبين ما زبط حالي انا

Zero_Cool

30/07/2007, 00:58

طيب betty متل ما بدك
بلاها عاشقة
تكرمنممممي
عاشقة لا تلبسي خليكي بالبيت !

عاشقةعمرودياب

30/07/2007, 01:00

وانت اخوي زيرو يا بتعمل القلتلك عليه يا منيالك بعدين لوين رايح انا لسه ما سمحت بعدين اينو دكتور مبارح رحت ومشي الحال وكانوا رح يخطفوني عشرة تقول ماعندي اخوات شباب اخس

betty_palestine

30/07/2007, 01:01

ييييييييي هاد اختي الكبيرة صايرة عصبية وبدها تسجنا بالبيت لا حبيبتي ما حزرتي رح اخلي اخي الكبير ياخدنا كلنا معيداكي تضلي بالبيت :larg::larg: طبعا هاد موضوع ما رح ناقش فيه لاني الصغيرة وبقدر اصدر اوامر:larg::clap::clap: