لنتعلم سوية السريانية [الأرشيـــــف]

suryoyo

24/07/2007, 15:09

احبائي ..

انا بداية احب ان نحيي هذا القسم المنسي من اخوية

و نبدي نستعمل الحروف السريانية للكتابة هنا و باعتبار الخط الاسطرنجيلي موجود بالوندوز xp لذا نستعمله كبداية

ܠܶܫܳܢܰܢ ܐܺܝܬܰܘܗ̄ܝ̄ ܣܽܘܪܝܳܝܳܐ

منتظرين اراءكم و ردودكم حتى نبدي

capt_mst

24/07/2007, 16:07

و اللهي بودي اتعلم سرياني, بس ما بعرف سي, اذا ما عندك مانع تبلش من الصف الاول, بكون شاكر

BL@CK

24/07/2007, 17:46

معلم suryoyo ( يا زلمة اسمك ما بنكتب بالعربي :lol: ) هلأ مشكور على إعادة لفت النظر للقسم

بس بدك تبدا من الصفر .. إذا ما فيا كترة غلبة ..:D

suryoyo

24/07/2007, 22:16

و لا يهمكم حبايبي نبدأ من الصفر

و شكرا capt و بلاك على المرور الكريم

بدايةً
اللغة السريانية تنقسم الى شرقية و غربية باختلافات بسيطة في اللفظ و اختلاف في رسم الحروف

المهم ... طريقة الدراسة ستكون دقيقة و تتطلب التواصل و اهم شيئ اللفظ الصحيح

يتبع

BL@CK

25/07/2007, 02:54

متابع بشغف ..

بانتظار يتبع ..:D

capt_mst

25/07/2007, 12:27

معك, مع رجاء التركيز على اللفظ و المعاني و ليس الكتابة

suryoyo

27/07/2007, 18:08

اهم فرق بين لفظ السراينية الشرقية و الغربية

هي في حركة الزقاف ܙܩܳܦܳܐ

فالشرقيون يلفظون الزقاف بالمد

اما الغربيون فيلفظون الزقاف بالمد الممال الى الضم او كحرف o في الانجليزية

و يستخدم الغربيون نظام خاص للحركات يختلف عن التنقيط المستعمل في الاصل

ܐܰܒܳܐ آبو أب كما قلنا ان حركة الزقاف ܳ تلفظ كحرف o
ܒܪܳܐ برو ابن
ܐܶܡܳܐ ايمو أم تلفظ الحركة ܶ بالامالة كما نلفظ حرف e
ܐܚܳܐ آحو أخ
ܕܳܕܳܐ دودو عم

العمود الاول .. الكلمة بالسريانية
العمود الثاني .. لفظ الكلمة بالحروف العربية
العمود الثالث .. المعنى المقابل بالعربية

الحروف التي تعلمناها اليوم

ܐ الف
ܒ بيث
ܡ ميم
ܚ حيث
ܕ دولَث

يتبع

suryoyo

27/07/2007, 23:38

بانتظار ردودكم اللي تبين مدى فهمكم و مدى تقبلكم للمعلومات في الموضوع

و على اساسها تتقرر مواد الدروس القادمة

:D :D

Suryoyo

nabilyamin

27/07/2007, 23:59

معلم أنا برتل بالكنيسة و أنا ماروني يعني طقوسنا سريانية نص تراتيلنا سرياني و صرلي شي خمس سنين عم حاول أتعلم سرياني و ما كنت أفهم شي
بالمناسبة شو الفرق بين السرياني و الآرامي
ولهجة أهل معلولا و اهل الحسكة

suryoyo

28/07/2007, 00:37

كان الافضل فتح موضوع جديد

بس رح اجاوبك بشكل مختصر

انقسمت الآرامية عبر العصور الى شرقية و غربية

و الآرامية الشرقية تطورت و سميت السريانية التي انقسمت بدورها الى سريانية شرقية و غربية

السريانية الشرقية هي اللغة الليتورجية لكنائس المشرق و الشرقية القديمة و الكلدانية

اما السريانية الغربية هي اللغة الطقسية للكنيسة السريانية الارثوذكسية و المارونية و السريانية الكاثوليكية حاليا

بالنسبة للغة معلولا و جبعدين هي احدى لهجات الارامية الغربية اي اقرب لهجة الى اللهجة التي تكلم بها السيد المسيح له المجد

اذا تحب تتعلم السريانية ... تواصل معنا بعون الله تستفيد

Suryoyo

tiger

28/07/2007, 00:39

اخي نبيل الموارنة اصلا هم سريان و مار مارون كان راهب سرياني و لكن مع الاسف تم الانقسام و مع ذلك ظلت الطائفة المارونية تسمى حتى الان بـ الكنيسة السريانية المارونية ......

بالنسبة للغة السريانية هي نفسها اللغة الارامية , و لكن هناك لهجات متعددة تختلف بالاختلاف الجغرافي ......

و الموجود منها الان :
لهجة اهل العراق تسمى السريانية الشرقية و هي مقسومة على ثلاث طوائف ( طبعا الشعب واحد ) الاشوريين , الكلدان , السريان و تختلف اختلاف بسيط من احداها للاخرى ......
اللهجة الغربية و هي لغة اهل سوريا و طور عابدين و هي قسمين ايضا لغة محكية عامية يتكلمها اغلب سكان طور عابدين و اللهجة الرهاوية ( التي هي اللهجة الرسمية في الكنائس ) ......
لهجة اهل معلولا و القرى المحيطة بها و هي ايضا احدى لهجات الارامية لكن ظلت محصورة بهذه القرى لطبيعة المكان الجغرافية القاسية .....

هاي هي المعلومات ياللي عندي , ما بعرف اذا في شي تاني عند الاخ سريويو ......
تحياتي للكل .... :D

ليون عباجيان

28/07/2007, 00:44

أصلاً أنا عمدور بحلب محلات تعليم سرياني ما عملاقي. ميرسي كتير:D

nabilyamin

28/07/2007, 02:13

سؤال بسيط
شو عم يصير بالكنائس
طايفة عم تشجع على السرياني و طايفة تانية عم تحاول الغائه
يعني نحنا الموارنة كان كتاب القداس تبعنا مكتوب باللغتين العربية و السريانية بالإضافة للتراتيل و سنة 2006 أرسلولنا من بكركي كتاب القداس الجديد و مكتوب عليه من الجلد متل الكتاب القديم ( بحسب الطقس الماروني السرياني ) بس الكتاب الجديد لغى التراتيل و الكتابات السريانية و حتى لغى الأفخارستيا بالسرياني
وعم لاحظ انو الخوارنة حتى صارو يقولوا الأفخارستيا بالعربي من سنة تقريباً
بقى ليش الكنائس عم تلغي السرياني أول بأول

suryoyo

28/07/2007, 02:35

حتى ما يتغير مسار الموضوع اللي يتمحور حول تعليم اللغة السريانية

يفضل نفتح موضوع جديد عن اهمية اللغة السريانية لابناء الكنيسة و اهمية الموازنة في الترجمة بين اللغتين السريانية و العربية في القداس الالهي و في الصلوات الفرضية

و نتنمنى من الكل ابداء الرأي و التواصل مع بعض

شلومو :D :D

suryoyo

28/07/2007, 16:29

تم فتح موضوع جديد باسم اهمية اللغة السريانية في حياتنا
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ارجو ان تتواصل هناك معنا nabil yamin

BL@CK

29/07/2007, 18:46

ܐܰܒܳܐ آبو: اب كما قلنا ان حركة الزقاف ܳ تلفظ كحرف o
ܒܪܳܐ برو: ابن
ܐܶܡܳܐ ايمو : أم تلفظ الحركة ܶ بالامالة كما نلفظ حرف e
ܐܚܳܐ احو: أخ
ܕܳܕܳܐ دودو: عم

الحروف التي تعلمناها اليوم

ܐ الف
ܒ بيث
ܡ ميم
ܚ حيث
ܕ دولَث

يتبع

معلمي وضح وضح ..

مثلاً الـ بيث و الـ حيث .. هود اسماء حروف مثلاً ؟

و إذا كانو اسماء حروف .. لاحظت انا إنك استخدمت بالكلمات حروف غير هالخمس حروف ما هيك ..؟؟

و الف شكراً .. :D

suryoyo

29/07/2007, 19:12

معلمي وضح وضح ..

مثلاً الـ بيث و الـ حيث .. هود اسماء حروف مثلاً ؟

و إذا كانو اسماء حروف .. لاحظت انا إنك استخدمت بالكلمات حروف غير هالخمس حروف ما هيك ..؟؟

و الف شكراً .. :D

نعم. هذول اسماء الحروف اللي تعملناها في الدر س الاول

و بالفعل نسيت حرف ال(ريش) ܪ في ܒܪܐ اللي معاناها ابن

نراجع الحروف في الدرس الاول

ܐ اولف يقابل حرف الالف
ܒ بيث يقابل حرف الباء (و له لفظان)
ܕ دولث يقابل حرف الدال (و له لفظان)
ܚ حيث يقابل حرف الحاء
ܡميم يقابل حرف الميم
ܪ ريش يقابل حرف الراء

ملاحظة: يوجد في السريانية ست حروف تلفظ بلفظين حسب موقعها في الكلمة
و سنشرح ذلك في الدروس القادمة

suryoyo

02/08/2007, 20:39

في هذا الدرس سنأخذ بعض الكلمات الجديدة و معانيها للتعامل مع الحركات اكثر حتى تسهل القراءة

ܗܳܐ + هو (ho) * و معناها هذا

ܗܺܝ هي و معناها هي

ܗܽܘ هو (hoo)* و معناها هو

ܗܳܕܶܐ هوذي و معناها هذه

حرف ܗ يقابل حرف الهاء في العربية

ܽ تلفظ كالضمة في العربية
ܺ تلفظ كالكسرة في العربية

فهناك خمس حركات في السريانية

ܳ المد الممال الى الضم و يلفظ كحرف O

ܰ تقابل الفتحة

ܶ الكسرة الممالة و تلفظ مثل حرف e

ܺ تقابل الكسرة

ܽ تقابل الضم

+ العمود الثاني هو لفظ الكلمة بالحروف العربية
*بين القوسين هو اللفظ بالحروف اللاتينية

لذا اقتضى التنويه

يتبع

zhf9

14/08/2007, 10:29

zhf9

14/08/2007, 10:33

والحركات مش واضحه:shock:
(عم منغلبك je sais) .

suryoyo

14/08/2007, 15:37

شكرا عالتعليم اشي حلو...
بس بفهم انو فش احرف حلقيه متل و,ي, لانو بالكلمات بعد الالف اللي مرات بتنلفظ زي o او e بس في حركات ..مافش بعدها احرف .. صح ;)؟ ..
غير هيك بكلمة
ܗܳܕܶܐ هوذي .. وين ال ذ .. ما في غير ,ه , و عليها كسره .. والالف الملفوظه ي ..

الاحرف الحلقية موضوع منفصل

انت قصدك حروف العلة " ܐ اولف ، ܘ واو ، ܝ يوذ "

الف الاطلاق "الالف اللي تجي بنهاية الكلمة" عند السريانية الغربية تلفظ مثل حرف o

و لكن في الحلات الاخرى اذا سبقها حركة الكسرة الممالة او الرباص .... لا تلفظ الالف

اما كلمة ܗܳܕܶܐ فوضحت

فحركة الزقاف تجعل اول مقطع يلفظ هو
هذا الحرف ܕ يعطي لفظين الدال و الذال و محرك بحركة الرباص اي الكسر الممال فليفظ ذي

ارجو ان يكون شرحي مفيد

والحركات مش واضحه:shock:
.

حددي وين عدم الوضوح !

(عم منغلبك je sais) .

لا بالعكس

المهم تستفيدي من الموضوع اكثر :D:D

سفينة البر

14/10/2007, 22:21

شي حلوووووووووو

suryoyo

22/10/2007, 23:53

شي حلوووووووووو

اهلا و سهلا

ان شاء الله تستفيد :D

suryoyo

08/04/2008, 23:58

Up

:mimo:

Gazita

10/04/2008, 02:12

موضوع شيق متابعة :D

حمصي بكل فخر

10/04/2008, 05:55

يالله سوريويو... وراك ومتابعك وشكرا على المعلومات شي مهم

suryoyo

10/04/2008, 16:10

موضوع شيق متابعة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

يالله سوريويو... وراك ومتابعك وشكرا على المعلومات شي مهم

هلا و غلا يا حبايب ...

انا رح أكمل الدروس ..

اذا عندكم استفسار عن الموجود حاليا .... اسألوا اي شي يجي ببالكم

حتى نكمل سوا :mimo:

suryoyo

03/05/2008, 17:07

UP
......

sandra

05/05/2008, 03:50

فعلاً صار بدها
بانتظارك معلم السرياني
:D

sweetbaby

05/05/2008, 06:11

ماني عم افهم شي.. معقول انا عقلي سميك هالاد؟؟
ماعم اقدر افهم وميز بين الاحرف:cry:

شكرا سوريويو.. بانتظار المزيد..

suryoyo

10/05/2008, 15:08

فعلاً صار بدها
بانتظارك معلم السرياني
:D

بالنتظاركم حتى نبلش :lol:

و اهم شي تدرسوا بشكل جيد .... للامتحان :larg:

ماني عم افهم شي.. معقول انا عقلي سميك هالاد؟؟
ماعم اقدر افهم وميز بين الاحرف:cry:

شكرا سوريويو.. بانتظار المزيد..

صحيح الحروف الاسطرنجيلي نوعا ما اصعب .... بس يمشي الحال

شوفي هذا الموضوع اللي يشرح الحروف بشكل واضح

نبذة عن الخطوط السريانية (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

:larg:

قرصان الأدرياتيك

14/06/2008, 17:24

سلامٌ عليكم ورحمة... أمّا بعد

عزيزي سوريويو
كتبتَ في مُشاركتك الأولى عبارةً ظريفة جاءَ فيها: "ܠܫܢܢ ܐܝܬܝܗ ܣܘܪܝܝܐ"!
ܠܶܫܳܢܳܐ اسمٌ مُذكَّر وأنتَ استخدمتَ فعلَه مؤنّثاً والأفضل أن يُقال:
ܠܶܫܳܢܰܢ ܐܺܝܬܰܘܗ̄ܝ̄ ܣܽܘܪܝܳܝܳܐ.

ومن الأفضل ألا نشغل المبتدئين بالفروقات بين لهجتي الشرقيّة والغربيّة ولا حتّى باللهجات العامّة، واعتمادُ لهجة واحدة معياراً للدروس سيسهّل أمرَ تعلّم هذا اللسان الحبيب على قلوب الكثيرين...

وإذا سُئلتُ عن رأيي فأنا أفضّل استعمال الرّهاويّة الغربيّة لأنّها الأقرب إليّ، وبانتظار إجابة العزيز سوريويو...

suryoyo

14/06/2008, 18:36

فعلا نبهتني على خطأ رهيب لا اعرف كيف صدر مني !!!

و أصلحته حتى ما يخطأ الاخرين بسببي !

انا افكر انه استخدم اللهجة الغربية للتعليم
و الخط الغربي او السرطا ايضا لان كثير أسهل بالتعليم .....

بس ما زلت افكر بطريقة العرض !

شكرا على مرورك معنا قرصان !

M i i i D O

21/06/2008, 01:38

تسجيل متابعة ....

سوريويو ... كتير حلو الواحد يرجع للغتو الاصل

وناطرك لتكمل ... فعلا موضوع شيق ورهيب :D

suryoyo

21/06/2008, 02:22

اي طالب جديد .... :clap:

اهلا و سهلا بيك أخي ميدو ....

بس تحضر للدورة الجاية .... اريد طلاب نشطين و نجباء :lol:

على الهامش ...
كل شهر يسجل طالب جديد :pos:

sandra

21/06/2008, 02:28

اي سوريويو كملو الموضوع مشان الناس تتحفز
بس اعتمدو الفصحى مشان ما نضيع باللهجات
:D

Sarita

03/07/2008, 13:39

ܕܳܕܳܐ

هي دودو يعني عم بس مو المفروض تنطق ادودو لانو اللي قبلا الف ܐ
وفي الي سؤال تاني
اللغة السريانية بتنقرا من الشمال لليمين يما من اليمين للشمال
يعني مثل العربي او الانجليزي

ويسلمو حفظت كل الحروف اللي حطيتلنا ياها وصرت فرق بيناتون كتيير منييح يسلمو آحو سيريويو:D

suryoyo

03/07/2008, 14:43

يا ستي ... مية اهلا و سهلا فيكي

الارامية او السريانية ... تنقري من اليمين الى اليسار حالها حال اللغات السامية ...

و لهذا كلمة ... ܕܳܕܳܐ ... تنقري دو دو ...

ܕܳ... حرف دولث مع حركة الزقاف ... دو
ܕܳ... دو.. نفس الشي ..
الف الاطلاق ܐ .. موجودة بنهاية اغلب الكلمات .. و هذا ما يميز السريانية عن باقي اللغات ...

مثل
ܐܰܒܳܐ
ܒܪܳܐ
ܐܶܡܳܐ

يُتبع ...

Sarita

06/07/2008, 01:14

اه ايواااه
يعني حرف الالف بيكون بكل الكلمات اللي فيون مد ما؟

ويسلمو ع الشرح استاز:D

suryoyo

06/07/2008, 01:28

اي صحيح ...

لان اغلب الكلمات اذا مو كلها .... تنتهي بالالف .... و اكيد تلاحظين اسماء كثير مناطق بالشرق تنتهي بالالف .. هذا غالبا يدل على كون الاسم آرامي

رح نكمل ... قريبا ... :D