بخصوص الأطباء النفسيين بدمشق [الأرشيـــــف]

Placebo

03/07/2007, 20:47

على حسب معرفتكم .. الأطباء النفسيين بسوريا كيف مستواهم العام وكيف طريقة معالجتهم .. لأنو ما عندي فكرة على دكاترة سوريا النفسيين ..

ويا ترى عندكم معلومات عن طبيب نفسي ممتاز وبينتصح يروح الواحد لعندوا مشان يحل مشكلتوا؟

راديا

03/07/2007, 22:54

على حسب معرفتكم .. الأطباء النفسيين بسوريا كيف مستواهم العام وكيف طريقة معالجتهم .. لأنو ما عندي فكرة على دكاترة سوريا النفسيين ..

ويا ترى عندكم معلومات عن طبيب نفسي ممتاز وبينتصح يروح الواحد لعندوا مشان يحل مشكلتوا؟
للاسف:cry: ما فيي فيدك بس كل اللي بعرفو انو طريقة العلاج رح تكون سرية بين المريض و معالجو ....تحياتي الك و بتمنى تلاقي مرادك :D

maged-syrian

03/07/2007, 23:05

ويا ترى عندكم معلومات عن طبيب نفسي ممتاز وبينتصح يروح الواحد لعندوا مشان يحل مشكلتوا؟

انا انصحك تروح لعند الدكتور حنا خوري استاذ علم النفس بجامعة دمشق وخريج جامعات فرنسا وصارلو بهالمجال تقريبا فوق 30 سنة
عيادته مقرها بجنب فندق الشام .. شارع البرازيل بمدينة دمشق
ورقم عيادته : 3316208

وبالمناسبة الدكتور حنا خوري من افضل اطباء النفسية على مجال سوريا والدول المجاورة يعني بيجو لعندو مرضى من لبنان والاردن والسعودية

تحياتي ...:D

Placebo

03/07/2007, 23:10

شكراً على الردود .. ومشان الأخ ماجد :

أنا شب ومشكلتي ما بظن أنو واحد عمروا يمكن بالستين يلاقي حل لمشكلتي .. لأنو أكيد رح تكون عقليتوا مو شبابية ..

بقا إنته شو رأيك ؟

راديا

03/07/2007, 23:13

شكراً على الردود .. ومشان الأخ ماجد :

أنا شب ومشكلتي ما بظن أنو واحد عمروا يمكن بالستين يلاقي حل لمشكلتي .. لأنو أكيد رح تكون عقليتوا مو شبابية ..

بقا إنته شو رأيك ؟

طيب خبرنا ازا في مجال ممكن نقدر نعطيك راي ...

maged-syrian

03/07/2007, 23:55

شكراً على الردود .. ومشان الأخ ماجد :

أنا شب ومشكلتي ما بظن أنو واحد عمروا يمكن بالستين يلاقي حل لمشكلتي .. لأنو أكيد رح تكون عقليتوا مو شبابية ..

بقا إنته شو رأيك ؟

هاد الرجل من أكفأ الاطباء واحسن من مية طبيب شب لأنو عندو خبرة كبيرة جدا وانت حتشوف هالشيء بنفسك
تحياتي

Echo

04/07/2007, 00:14

مرحبا....

انا حابب ساعد بس للاسف مساعدتي مو كتير كاملة....لانو ما عندي البديل...للدكتور حنا خوري...

الدكتور حنا خوري من الاطباءالمعروفين بالاسم بس مشكلته انو كتير اعتماده بطريقيه العلاجية ع استخدام الادوية وما كتير بيعتمد ع اسلوب التحليل النفسي....طبعا لجؤه للادوية مبرر لانو يللي بيروح ع عيادته بيعرف شو قصدي...بصراحة ومو انتقاص من قيمته...بس ما عندو وقت للمريض الواحد اكتر من عشرين دقيقة ماكسيموم وهاد يللي يؤخذ عليه....
رأي شخصي وما تواخذونا....

sadooka

04/07/2007, 02:38

ولله يا أبو شريك عنا بسوريا بما أنو الفهم طاغي فبنصحك ما تروح عند ولا دكتور نفسي لأنو بس دست باجرك على عيادتو رح يعتبروك الشعب الفهيم مجنون ورح يعملوك خريج عصفورية
أنا بعرف حالات مرضى نفسيين .... أي العالم كلا بتصير بتنفر منهون وبتقول عنهون معون انفصام بالشمسية ومدري شو .... يعني بصير في نفور
مع أنو أثبتو أنو معظم الأمراض حتى السرطان نسبة كبيرة منها مرض نفسي والنفسية كتير بتساهم بالعلاج
فيعني هيك نصيحة من أخ لأخو اذا كتير عمبتعاني واذا عندك امكانية طلاع تعلالج برا لأنو ما بيفهمو متل هون :pos:

Placebo

04/07/2007, 02:52

ولله يا أبو شريك عنا بسوريا بما أنو الفهم طاغي فبنصحك ما تروح عند ولا دكتور نفسي لأنو بس دست باجرك على عيادتو رح يعتبروك الشعب الفهيم مجنون ورح يعملوك خريج عصفورية
أنا بعرف حالات مرضى نفسيين .... أي العالم كلا بتصير بتنفر منهون وبتقول عنهون معون انفصام بالشمسية ومدري شو .... يعني بصير في نفور
مع أنو أثبتو أنو معظم الأمراض حتى السرطان نسبة كبيرة منها مرض نفسي والنفسية كتير بتساهم بالعلاج
فيعني هيك نصيحة من أخ لأخو اذا كتير عمبتعاني واذا عندك امكانية طلاع تعلالج برا لأنو ما بيفهمو متل هون :pos:

شكراً إلك على النصيحة .. ولو أني بعرفها من قبل وأنا أصلن عم إسئل هون بهالمنتدى لأنو ما حدى بيعرفني ومارح صير مسخرة بالمنتدى إنشالله .. وياريت فيني إطلع لبرا مشان عالج نفسي .. بس شوبدو يحكي الواحد :pos:

maged-syrian

04/07/2007, 03:19

شكراً إلك على النصيحة .. ولو أني بعرفها من قبل وأنا أصلن عم إسئل هون بهالمنتدى لأنو ما حدى بيعرفني ومارح صير مسخرة بالمنتدى إنشالله .. وياريت فيني إطلع لبرا مشان عالج نفسي .. بس شوبدو يحكي الواحد :pos:

كما اسلفت الدكتور حنا خوري من اعظم الاطباء النفسيين بسوريا وهذا الكلام عن تجربة شخصية وراح يغنيك هاد الدكتور عن السفر لبرا
تحياتي

Placebo

04/07/2007, 03:26

شكراً كتير إلك .. وبكرا رح حاول إتصل بالرقم يلي عطيتني ياه مشان أعرف أسعار الجلسات عندوا وكمان مشان ناخد موعد ..

تحية !

Syrian Gay

04/07/2007, 04:18

ومنكم نستفيد :lol:

maged-syrian

04/07/2007, 04:55

ولله يا أبو شريك عنا بسوريا بما أنو الفهم طاغي فبنصحك ما تروح عند ولا دكتور نفسي لأنو بس دست باجرك على عيادتو رح يعتبروك الشعب الفهيم مجنون ورح يعملوك خريج عصفورية
أنا بعرف حالات مرضى نفسيين .... أي العالم كلا بتصير بتنفر منهون وبتقول عنهون معون انفصام بالشمسية ومدري شو .... يعني بصير في نفور
مع أنو أثبتو أنو معظم الأمراض حتى السرطان نسبة كبيرة منها مرض نفسي والنفسية كتير بتساهم بالعلاج
فيعني هيك نصيحة من أخ لأخو اذا كتير عمبتعاني واذا عندك امكانية طلاع تعلالج برا لأنو ما بيفهمو متل هون :pos:

هو وشطارتو يعني اذا بدو يروح لعند الدكتور ويتعالج مو لازم يجيب سيرة لحدا انو عم يتعالج .... بينو وبين نفسو حتى اذا اخد علاج مو لازم يشرح لحدا لشو هاد العلاج واذا احرجوه يخترعلهم كذبة ويقلهم هاد دوا حموضة او قرحة او اي شيء .... واستعينوا على قضاء حوائجكم بالكتمان ... فقط الموضوع بينو وبين الدكتور

anwar_d22

09/07/2007, 01:24

أنا مرة سمعت انو في دكتور كويس اسمو( وضاح حجار ) بس المشكلة اني لابعرفو ولا بعرف رقم تلفونو
بس ع كل حال فيكون تسألو عنو بمشفى الشامي بدمشق

Placebo

09/07/2007, 16:17

أنا مرة سمعت انو في دكتور كويس اسمو( وضاح حجار ) بس المشكلة اني لابعرفو ولا بعرف رقم تلفونو
بس ع كل حال فيكون تسألو عنو بمشفى الشامي بدمشق

وأنا كمان سمعت عنوا ومعي رقم تلفونو وبعرف وين عيادتو .. بس المشكلة جلستوا غالية بالساعة ولكن على حسب ما سمعت أنو ممتاز كتير وكمان شب يعني قريب من جيلي مشان يعرف أكتر نمط الحياة يللي عايشوا

شكراً كتير إلك!

cuty

09/07/2007, 17:03

شكراً إلك على النصيحة .. ولو أني بعرفها من قبل وأنا أصلن عم إسئل هون بهالمنتدى لأنو ما حدى بيعرفني ومارح صير مسخرة بالمنتدى إنشالله .. وياريت فيني إطلع لبرا مشان عالج نفسي .. بس شوبدو يحكي الواحد :pos:[/quote]

شو تصير مسخرة؟ هادا حقك انك تتعالج و تتعافى انشاالله ,,,,,,و يارب كل مشاكلك تنحلROMANISTA
و ماحدا الو عندك .....و ما تهتم لرأي اي حدا ........المهم انت.....وبسس:D

Placebo

09/07/2007, 17:15

شكراً على الكلمات العطرة .. cuty والله يشفيني يارب من وجعي!

راديا

10/07/2007, 00:06

ان شالله يكون نحل جزء و لو بسيط رومانيستااا موفق كل التوفيييييييييييق الك بتمنىىىى:D

Placebo

10/07/2007, 02:20

تسلمي يارب راديا .. وبحب طمنك أنو من وقت ما سجلت بهالمنتدى وحالتي تحسنت شوي لأنو عم إقدر قول كل يللي براسي ولهالسبب هالمنتدى صار رقم واحد بالنسبة إلي .. بالرغم من أنو علاقتي مع المنتديات بلشت من عام 2001 ولحد الآن أخوية هو المنتدى السوري الوحيد يللي عم إرتاح وقت إكتب فيه ..

شكراً كتير إلك والله يوفقك بحياتك إنتي كمان!

راديا

10/07/2007, 23:19

تسلمي يارب راديا .. وبحب طمنك أنو من وقت ما سجلت بهالمنتدى وحالتي تحسنت شوي لأنو عم إقدر قول كل يللي براسي ولهالسبب هالمنتدى صار رقم واحد بالنسبة إلي .. بالرغم من أنو علاقتي مع المنتديات بلشت من عام 2001 ولحد الآن أخوية هو المنتدى السوري الوحيد يللي عم إرتاح وقت إكتب فيه ..

شكراً كتير إلك والله يوفقك بحياتك إنتي كمان!
الله يخليك و يوفقك كلك زوووء يا رب و ان شالله هيك على الله منشوفك باحسن حالاتك انت ما تفقد امل و خلص.................... و ربنا كريييييييييييم بشكرك ع كل شي :D

Placebo

25/07/2007, 08:15

يا شباب إنتو متأكدين من رقم الدكتور حنا خوري ؟ لك عم إتصل على نفس الرقم وماحدا عم يرد عليي .. ولك حتى رقم الدكتور وضاح حجار عم نتصل عليه وكمان نفس الشي ماحدا عم يرد عليي .. يا شباب بس مشان رقم الدكتور حنا خوري تأكدولي منو الله يخليكم ..

ammarsmadi

11/10/2007, 03:48

مرحبا....

انا حابب ساعد بس للاسف مساعدتي مو كتير كاملة....لانو ما عندي البديل...للدكتور حنا خوري...

الدكتور حنا خوري من الاطباءالمعروفين بالاسم بس مشكلته انو كتير اعتماده بطريقيه العلاجية ع استخدام الادوية وما كتير بيعتمد ع اسلوب التحليل النفسي....طبعا لجؤه للادوية مبرر لانو يللي بيروح ع عيادته بيعرف شو قصدي...بصراحة ومو انتقاص من قيمته...بس ما عندو وقت للمريض الواحد اكتر من عشرين دقيقة ماكسيموم وهاد يللي يؤخذ عليه....
رأي شخصي وما تواخذونا....

عزيزي الكريم انا لا اعرف هذا الدكتور لكن حتى لا يكون في الموضوع ظلم
الدكتور حنا ممكن يكون خريج كلية الطب اختصاص طب نفسي وبهالحالة هو ما بيقدر غير يعطي وصفات طبية لكن انت ممكن الدكتور يللي بتقصد عنو لازم يقعد مع المريض ساعة وتنتين هذا بيكون دارس تربية وعلم نفس لانو مهمته رح تكون محلل نفسي وهون المشكلة بتصير الخلط بين الطبيب النفسي و المحلل النفسي مع ان كل شي مختلف عن التاني 180 درجة

للتوضيح فقط

Red_eye

13/10/2007, 18:34

حبيب ممكن عطيك رئي بس لح يكون بعيد عن الدكاترا يعني ليش ما فكرت انك تطرح مشكلتك أذا ما كانت شخصية كتيييييير بهل المنتدى او منتدايات تانية ولا تحاول تذكر شخصيتك عل انها صاحبة المشكلة يعني اخترعلك
شخصية وهمية وهيك يمكن تستفاد من خبرة الأعضاء الموجودين بكافة المنتدايات وما بتعرف بيجوز يكون منهم دكتور ويوصفلك علاج كامل لمشكلتك........ وما فيني الا ادعيللك الله يحميك ومعافى انشالله .

tamouz76

13/10/2007, 19:53

في دكتور اسمو غريغوريوس مرشو خريج فرنسا بس بحلب ما بعرف ازا بيهمك انا بعرفوا شخصيا بس ما تعالجت عندو يعني رفقة

Nay

14/10/2007, 11:52

انا انصحك تروح لعند الدكتور حنا خوري استاذ علم النفس بجامعة دمشق وخريج جامعات فرنسا وصارلو بهالمجال تقريبا فوق 30 سنة
عيادته مقرها بجنب فندق الشام .. شارع البرازيل بمدينة دمشق
ورقم عيادته : 3316208

وبالمناسبة الدكتور حنا خوري من افضل اطباء النفسية على مجال سوريا والدول المجاورة يعني بيجو لعندو مرضى من لبنان والاردن والسعودية

تحياتي ...:D
مرحبا
رغم انو الدكتور حنا خوري مشهور كتير الا انو في قصص كتير صارت عليه بيعطي ادوية بالهبل في الي صديق شخصي كان مريض عندو كان ياخد حبوب ملان كاسة شاي صغيرة مرتين باليوم وصار معو خمول شديد حتى بوظائف جسمو يعني ماعاد لا اكل ولا شرب وصارو اهل الشب يتصلو بالدكتور مشان يشتكولو انو هيك وضع الشب وهو ما يرد عليهون وقلو لا تورجوني وشكون لبعد 40 يوم بعد فترة مات الشب... ولما اخدو على المشفى طلع معو تسمم دوائي شديد.. ولما راجعو ما استقبلون بعد الوفاة.. ورفعو عليه دعوى ورغم انو الشب اللي مات محامي واصدقاؤو واستاذو بالمحاماة اشتغلو بالدعوى على الدكتور وطبعا طلعت قصص كتير لما انطرحت هي القصة لكن القانون السوري معروف بوقوفة الى جانب الطبيب في حال حدوث اي حادث بحجة قانونية هي انو الطبيب ملتزم بالعناية مو بالنتيجة ..