موقف حرج -بيكشف نفسيتك-

[أبو عبسي]

طالع بالسيارة...و راجع من سفرة طويييييييلة..و عمتمطر و كابسسسسسسسسسسسسسسيي ...
بتوقف على موقف صغير...
بتلاقي تلات أشخاص...
الأول هو أعز رفيق (ة) لألك...
التاني امرأة رح تموت...
التالت هو امرأة أو رجل ا لأحلام...

هلأ تلاتتون بدون يروحوا من الموقف...
و ما في معك غير محل واحد بالسيارة-بيك آب يعني-
مين رح تنقي...
هل ستترك أنسانيتك تسيطر على حبك الشديد لصديقك-الذي أنت مدين له بخدمة قتل حالو منشان يقدملك ياها و ضحى-
و تدع حلم الحياة بالشريك المؤكد للحياة...........
شو رح تعمل يا ملعون؟؟؟؟؟؟؟؟؟

أبو عبسي...
و سلام..! :D :D

[ألف]

اكيد بطالع المرأة المحتضرة لانه الصديق اذا كان فعلا صديق رح يتفهم الموقف
ورجل الاحلام :oops: يللا بيتعوض
بس اذا ماتت المرأة وحسيت اني كنت السبب حتى لو غير المباشر فهالاحساس رح يعذبني طول العمر

[sweetbaby]

و الله مابعرف شو بدي قول
بس بختار الختيارة اكيد

[sezar]

:shock: :shock:
مين قلك اني رح وئفف :o

ماني مسدء اني وصل

هاد الإحتمال ما خطرلك ماا :lol: :lol: :lol:

لالا عنجد:
بطلع المرا يلي عم تموت رفيقي بمون علي و شو الشب بيمشي مارح يموت هل مرّة يعني
و رجل ..... أصدي فتاة أحلامي مليان نسوان ما بئسر ازا روحتا من إيدي :P

[King RORO]

اكيد بطالع المرأة المحتضرة لانه الصديق اذا كان فعلا صديق رح يتفهم الموقف
ورجل الاحلام :oops: يللا بيتعوض
بس اذا ماتت المرأة وحسيت اني كنت السبب حتى لو غير المباشر فهالاحساس رح يعذبني طول العمر
انا معك الف بكل كلمة قلتيها :D :gem:
كانك بقلبي :)
بس لو جينا عالعقل كان قال غير هيك بكتير
انو لو اخترت الختيارة يللي عم تحتضر.... يمكن عالطريق تموت والله ياخد امانتو
وبهالحالة بعرض نفسي لمسائلة قانونية ما بحاجة الها ع سين وجيم
وبالتالي رح تروح ع حالك ال مشوار او زيارة او موعد عمل لو تسلييم عمل......يللي انتي رايح مشانو بالسيارة
اما بنت الاحلام ....... في كلمة شهيرة بحسها صح
انو لو مافي خير ما رماه الطير ..... يعني الله بيغنينا
بقي عقلي كان نقى الرفيق
لانو بقولو الرفيق وقت الديق .....واذا ما ساعدت رفيقي ... ما بتوقع انو استنى منو مساعدة بموقف مماثل


والسلام :D

[Anmar]

يا سيدي أنا بختار الختيارة حتى لو صار متل ما قال الكينغ :
انو لو اخترت الختيارة يللي عم تحتضر.... يمكن عالطريق تموت والله ياخد امانتو

المهم أنو أرضي ضميري ..
لاء واذا بدك أكتر يعني اذا كانت فتاة الأحلام أو الصديق راكب معي كنت نزلتن وطالعت الختيارة ...

[أحمد العجي]

الختيارة والباقي الله يعينن

[Fido Dedo]

بركب رفيقي و عمري ما كون رفيق أذا ما بدي ركبو و طلعو على ضهر القصير و سهرو أحلى سهرى :wink:

[tarekb]

بعطي السيارة لصاحبي و بخلي يوصل الختيارة و انا بضل مع صاحبتي :o

[King RORO]

بعطي السيارة لصاحبي و بخلي يوصل الختيارة و انا بضل مع صاحبتي :o


انو هاي شغلة كبيرة يعني ....عن جد عن جد.....





روح القلب داعيلك ......


بشرفي انك اذكى واحد مني وجر :lol: :lol: :lol: :P

[layla]

بعطي السيارة لصاحبي و بخلي يوصل الختيارة و انا بضل مع صاحبتي :o
متل ما قال الكينغ :gem: :gem: :gem:

[ألف]

بعطي السيارة لصاحبي و بخلي يوصل الختيارة و انا بضل مع صاحبتي :o

عن جد انك ذكي كتير يعني احلى حل..... وبعدين المطر كتير رومانسي يعني جو خيلة
وعلى فكرة اهلا وسهلا فيك بالمنتدى ياطارق باعتبارك لسه جديد

[أبو عبسي]

الجواب تاع أنو بتطلع الرفيق و الختيارة و بتضل مع صاحبتك كنت بعرفو-وحياتكون-و كنت ناطر أنو فاجئكون فيه..قال يعني أنا حربوق قام أخونا نزع المفاجئة :x :x
ما علينا ..بس عفكرة ..و للأمانة ما أنا مخترع هاد السؤال
هاد السؤال كان محطوط بمجلة مدري وين ..و كل واحد من ضمن مجموعة كبيرو من الناس جاوب شكل ..و ما حدا عرف الجواب الذكي اللي بتربح فيه كل شي..
بقا يا صاحبنا عبقري يا سمعان بالسؤال قبل بمرة..أنا بحط عزمتي....
أبو عبسي..
و سلام..!

[Atramez_Zeton]

مين بتركب معك بالسيارة

اي مو لحتى يكون عندي سيارة بالاول :lol: :lol:

[أبو عبسي]

هلأ منشان ما تجاوبوا كلكن نفس الجواب أنو الختيارة...
يفكر الواحد أنو بركي ماتت هالمخلوقة معك بالسيارة..شو بتكون استفدت ؟؟
خسرت رفيق و خسرت حلم حياتك...
يا أخي حتى لو ما ماتت ..عم قلك ختيارة ..يعني إذا ما ماتت اليوم بتموت بكرا...
بعدين إذا فرضنا ما بدك تطلع رفيقك..اتذكر أنو الشخص التالت و هو شريك الحياة ما رح يتفوت..و بغض النظر عن السبب أنت متأكد من أنو هو الشخص المطلوب..و بجوز بعدما تنقي مثلا المرأة المحتضرة و توصلها يا أخي و تعيش...تكفي حياتك و لكن ما تقدر تنجح لأنك بدون شريك الحياة المناسب اللي ضاع ..
يعني تقريبا حياتك و مستقبلك كلو واقف على هالشغلة.. يعني ضميرك إذا ما وجعك للمدة القصير يمكن الندم يقتلك بعدين...
هلأاختاروا بس فكروا منيح باختياركن بالأول...
أبو عبسي..
و سلام..!

[salma]

والله يعطي رفيقي سيارتي لحتى ينقل المرة اللي رح تموت وانا بتعرف على رجل احلامي.
شلوني معك :lol:

[أبو عبسي]

حلوة..بس يا ترى أنت قريتي الردود من قبل ولا لأ..
بعدين شلون بدك تضلي مع رجال لحالكن بالليل و مقطوعين بالطريق :P :P
و سلام..!

[Majood]

طيب السيارة مو بيك اب.. اي بسيطة رفيقي و فتاة الأحلام بخليهون يركبو ورا والختيارة قدام .. و بعتذر من يللي قعدتهم وررا.. بس ازا هنن بشر رح يتفهمو و الصبية ازا تذمرت معناها ما بتستاهل تكون فتاة الاحلام..

صحي نسيت قول انو انا لقيت فارس الأحلام .. و كعبلتو.. فا نص المشكلة محلولة بالنسبة الي :hart: :hart: :hart: :wink: :wink: :wink:

[Kakabouda]

واللي ما عندو سيارة شو بيعمل :confo: :confo: :confo:

[Kliopatra]

السلام عليكم

الموضوع حرج جدا جدا ........ وانا ما اخترت جواب للصراحة ............
لكن فعلا... بما انها بيك اب (لو قلت انها فيراري بمحلين بس كنا غيرنا الاجابة) لكن هية بيك اب !
وهايدا أول شغلة خطرتلي من وئت ما أريت الموضوع .. (يعني انا ومجودة افكارنا متشابهة طلعت)

ففعلا .. بركب المرة جنبي .. وصديق وحبيب بركبهون ورا .. بيتسلوا الشباب سوى ... وانا بتسلى مع المرة

وما بصير تحكي ... ان ختيارة وبدها تموت وما بعرف شو :D يعني لا سمح الله حط حالك محلها؟


والسلام

[salma]

سيدي بيك أب فيراري كله واحد

[yamen_h]

طيب اذا متل ما قلتو انو بتحطو الختيارة من قدام والصديق وفتاة الاحلام :hart: :hart: :hart: من ورا
(بلا معنى) :angel: :angel:
بلكي هالصديق طبق هالفتاة انا بكون اكلت كم مرتب
وخصوصي اذا ماتت معي الختيارة وانا عالطريق :cry: :cry:

فلذلك انا ما بطالع ولا واحد وبدي روح واجي قدامهن وبدي شفط بسيارتي قدامهن اذا طلعو متل ما توقعتن وبدي طرشهن بالوحل :aah:


وعندي حل تاني:
بوقف تكسي للختيارة وبدفع الاجرة و خلي الشوفير يوصلها ويبتلي فيها وهيك بكون شلتها من رقبتي
ومتل ما قال طارق بعطيه سيارتي لرفيقي
وبروح مع فتاة الاحلام :sosweet: :sosweet: :sosweet: :oops:

هلأ تلاتتون بدون يروحوا من الموقف...
و ما في معك غير محل واحد بالسيارة-بيك آب يعني-
مين رح تنقي...


:confo: :confo: :confo: :confo: :confo: :confo: :confo:

لقطتك انت ما قلت مين بدك تركب انت قلت مين بدك تنقي
:dr: :dr: :dr: :dr: :dr: :wink:

[أبو عبسي]

أنتو نسيتو أنو مطر كتير قوي..يعني تخييلوا مطالعين تنين ببيك آب و المطر شلالات..أنا محلن ما بقبل و بضل مقطوع بالطريق..يعني هنن متل ما قلت-يمكن ما قلت-بموقف يعني محميين من المطر.. ..
يعني إذا بدو الواحد يركب الكل معو..و اتنين ورا ..أنا برأيي ياخدون كلهن عالمستشفى مباشرة ..لأنو يمكن يصير معن التهاب قصبات ..
يا شي مرض نفسي..
أبو عبسي..
و سلام..!