خلونا نشتغل بطريقة أخرى [الأرشيـــــف]

عرض كامل الموضوع : خلونا نشتغل بطريقة أخرى

Jsirees

29/11/2006, 03:04

أنا مع القراءة لأبعد الحدود أنا كل يومين تلاتة بقرالي رواية أو مسرحية والحلو بأني بقراهم وبناقشهم مع آخرين فأنا أقوم بالدراسة بامعهد العالي للفنون المسرحية وهادا المعهد يعنى بالمسرح والرواية والسينما...
هلق أنا بقترح نبدا انساوي شي جديد في هذا المنتدى الرائع وهو كتابة رواية أو حتى قصة جماعية فباللي بده يشترك معي يراسلني من هذا المنتدى....
كلامي هذا لا يعني بأن نتوقف عن القراءة، بل القراءة مهمة جداً من أجل زيادة الثقافة والحصول على أسلوب جميل في الكتابة والتفكير.
وشكراً لجهودكم..

هلبا

29/11/2006, 13:56

محربا جسيريس:deal:
حلو الفكرة و معقولة كتير
انا يمكن ما بفيدك كتير اانا بدرس هندسة مدنية , بس ازا لزمك كم طوبة او شوال شمينتو انا جاهزة لنبني الرواية سوا ههههههههههه
الله معك خيوو انا ممكن اساعدك شوي حسب موضوع القصة او الرواية
نحنا بالخدمه بس وين الشباب معقول ولا حدا مبين ؟؟;-) ;-) ;-) :sick:

Alshami

29/11/2006, 13:57

فكرة حلوة كتير

اذا فيني ساعد انا جاهز

:D

Jsirees

29/11/2006, 20:20

أولاً يجب علينا من أجل البدء أن يكون عددنا 4 على الأقل من أجل تعدد الآراء.
ثانياً يجب أن نتفق على موعد نكون فيه جميعنا متفرغين لاجتماع في المنتدى.
ثالثاً يجب الاتفاق على فكرة العمل.
رابعاً يجب وضع أفكار للعمل عليها.
خامساً الاتفاق على فكرة بالتصويت.
سادساً الاتفاق على من سيبدأ بالكتابة أولاً.

هلبا

29/11/2006, 20:56

اوك
حدد يوم لنلتقى فيه بس يكمل العدد الي بدك اياه وانا جاهزه

Jsirees

29/11/2006, 21:11

شو رأيكم يكون الموعد مسائي بما أنو كل واحد فينا عنده شغله ودراسته...
أنا بقترح أيكون الموعد بحدود الساعة 10 تماماً لأنو بهيك وقت بكون الواحد أنهى أعماله وساوا مشاويره.
ما رأيكم:deal:

butterfly

29/11/2006, 21:47

هلبا

29/11/2006, 21:49

وانا كمان in

Jsirees

29/11/2006, 21:55

هلق صرنا ثلاث أشخاص بقيان عنا مشان انبلش شخص رابع....
لا اتخافوا الشغلة كتير سهلة

Jsirees

03/12/2006, 04:19

هلق ما بعرف يمكن ما حدا حب الفكرة إلا الثلاثة الذين اشتركوا معي هلبا و batterfly و Alshami، وأنا مصر على تكملة العمل لذلك أتمنى من الثلاثة الأكارم أن يتواجدوا في الغد (الأحد) الساعة 10:30 ليلاً إذا ما كان في مشكلة ورح كون أونلاين على الوقت تماماً.
ودمتم:larg:

ِAbu Alzooz

03/12/2006, 08:17

و الله لعيونكن أنا بفوت معكن بس إذا في شي برتية طرنيب أو تريكس
مو كتابة أي يسعدلي ربكن

sliman

03/12/2006, 12:56

الفكرة حلوي كتير و انا حابب اشترك معكم ويمكن فيدكن شوي صغيرة صغيرة لاني انا بدرس فلسفة و لاهوت وعامل بالزمانات سنة صحافة و موقف
بس في مشكلة صغيرة انو انا ما بقدر اتواجد كل يوم على الانترنت و خاصة بعد الساعة عشرة فشو رأيكم

ma7aba

03/12/2006, 17:49

فأنا أقوم بالدراسة بامعهد العالي للفنون المسرحية وهادا المعهد يعنى بالمسرح والرواية والسينما...
أهين من سيصبح زميل كيفك نقد ولا تمثيل وبأنو سنة حبيب انا بشاركن إذا حبيتوا

Jsirees

03/12/2006, 22:35

لأ أنا بدرس نقد مسرحي (دراسات مسرحية):larg:

ma7aba

03/12/2006, 22:43

لأ أنا بدرس نقد مسرحي (دراسات مسرحية)
لكان نص زميل مستقبلاً بس من دونكن نحنا كمان مابيمشي حالنا أنو سنة خيوا وياريت تشركونا بالحوار معكن

Jsirees

03/12/2006, 22:47

بالسنة الرابعة يعني تخرج هالسنة:larg:

ma7aba

03/12/2006, 22:52

ممتاز حبيب عندي مشروع حلو بالأخوية شو رايك نباشر فيوا نكتب تاريخ المسرح من طقطق لسلام عليكم مثل اللي كانوا يعطونا ياه انا درسني ياهن نبيل حفار ومصطفى عبود

Jsirees

03/12/2006, 22:58

بس في كتابين عن هذا الموضوع الأول اسمه تاريخ المسرح لفيتو باندولفي
الثاني اسمه المسرح في 3 آلاف عام :larg:

ma7aba

03/12/2006, 23:01

لا انا مابدي من هل الكتب بدي الخلاصة اللي كانوا يعطونا ياها يعني بدي امسك محاضرات الدكتور نبيل وبلش كتابة فين وبعدين محاضرات الدكتور مصطفى

nadeem_co47

05/12/2006, 13:25

اول شي صباح الخير على الشباب والصبايا باخوية
ثانيا انا معكم بهال المشروع .... بس مابعرف كيف ممكن ساعدكم فيه ..؟؟
انا طالب حاسوب ونظم معلومات بس عندي اهتمامات ادبية شوية وسنمائية كتير ..؟؟
بس بعمري ما قات رواية عربية كلهم معربات او اجنبيات .....
على كل الاحوال عجبني المشروع كتير ويسلم هالراس يلي طلع بهيك فكرة ....!!!
واذا في افكار تانية نحنا جاهزين للماعدة اذا الله قدرنا ....:shock: :shock:
انا اخر رواية خلصت من بين ايدي هي دافنشي كود لـ دان براون ...
عن جد هالزلمة يلي بيقرا الروايات السابقة الو ( الحصان القمي - الملائكة و الشياطين - نقطة خديعة )
بينتظر بفارغ الصبر الرواية الجديدة الو واسمها مفتاح سليمان :clap: :sosweet: :clap: :o
وعندي اقتراح على مشرفين المكتبة .....
بما انو المكتبة كل مالها لاضخم ونحنا عندنا مكتبة ما بيتمتع فيها اي منتدى ....
ليش ما بنفرعها .... قصدي نساويها اقسام ... لانو هيك بيصير الوصول للكتب المطلوبة كتير صعب بس اذا كانت المكتبة اقسام بتصير المهمة اسهل وعلى كل الاحوال نحنا عم نحاول نوصل هالمنتدى لقمة المنتديات بنشاط اعضائه وادارته كمان .... :ss: :ss:
الله يعطيكم الف عافية
:D :D :D :deal: :deal: :deal:

butterfly

05/12/2006, 13:50

وعندي اقتراح على مشرفين المكتبة .....
بما انو المكتبة كل مالها لاضخم ونحنا عندنا مكتبة ما بيتمتع فيها اي منتدى ....
ليش ما بنفرعها .... قصدي نساويها اقسام ... لانو هيك بيصير الوصول للكتب المطلوبة كتير صعب بس اذا كانت المكتبة اقسام بتصير المهمة اسهل وعلى كل الاحوال نحنا عم نحاول نوصل هالمنتدى لقمة المنتديات بنشاط اعضائه وادارته كمان .... :ss: :ss:
الله يعطيكم الف عافية
:D :D :D :deal: :deal: :deal:
يسلمو عالدعم ... الكتب اللي عنا هني 200 كتاب ومأرشفين بطريقة سهلة وسلسة ما بعرف إذا اطلعت عالأرشيف أو لأ ؟
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هلق وقت بدنا نصل لل 500 ( قولو انشالله :lol: أنا طموحي صغير عن جد .. بدي بس خمسمية :cry: ) أكيد رح نفكر بالتقسيم

عذرا من صاحب الموضوع :oops: شوي طلعنا عن الموضوع
:mimo: