متجر تشي - لكل إحتياجاتك الثورية !!

[Joe]

ما كان تشي غيفارا ليكون سعيدا أبدا اذا قدر له ان يعود إلى الحياة و ينظر إلى العالم الحالي

أعتقد انه كان ليكون غاضبا جدا من نفسه و من أتباعه... فهو... رمز الشيوعية و محاربة العولمة... تحول لأحد أكبر رموز العولمة... شخصية تكسب منها شركات الألبسة و الحرطقات الكثير و الكثير

أعتقد ان منافس تشي غيفارا الأكبر في السوق هو سلسلة مطاعم ماكدونلدز.. الرمز الاول للعولمة بدون منازع

ادخل أي متجر ألبسة في الغرب (ليس من اصحاب الماركات بل متجر شبابي ).. فتجد كل انواع الكنزات و القبعات التي عليها إما المنجل و المطرقة الشيوعية او صورة تشي غيفارا

حتى ان الإنترنت أصبح مليء بهذه المحلات.. و لا أستغرب اذا كان أصحاب هذه المحلات على الإنترنت ليس شيوعيا أصلا.. بل هو استغلال ذكي لرمز شيوعي

انظروا هذا المتجر: متجر تشي... لكل إحتياجاتك الثورية... نعم هذا هو شعار المحل!

الرابط هنا:
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

كنزات للشباب و للبنات... محتشم و مظلط... كاسات شناتي طواقي للصيفية و الشتوية.. ألعاب باربي و بوسترات..

هذه سوق الإنترنت المفتوحة للجميع.. حيث لا يعرف العالم حدود... لعله أحد كوابيس الفكر الماركسي و أحد كوابيس تشي غيفارا الذي مات لمحاربته

يا لسخرية القدر :wink:

[Tarek007]

و الله شي ببكي :( :( :( :( :( :(

بس معون حق يلي بيسقط بدو يدوق طعم الخسارة ...... با ماركسببن !!!!! :confo:

بس مو مهم ..... المهم تنتصر أرادة الشعوب في النهاية :?: :!:


:hart:

[HashtNasht]

ما قلنالكن ما رح يبقى منو غير الصورة :pos:

أنا أدعو كل محبي تشي غيفارا الى الامتنااااااااااااااااع عن استخدام صورة غيفارا لاي سبب كان .

يا اخي خلونا نكتب اسمو ولا نحط صورتو .....بعدين شو قصة عبادة الفرد عند الماركسييين ؟؟؟؟

شي بجنن يا زلمي :shock:

[krimbow]

أنا أدعو كل محبي تشي غيفارا الى الامتنااااااااااااااااع عن استخدام صورة غيفارا لاي سبب كان .

يا اخي خلونا نكتب اسمو ولا نحط صورتو .....بعدين شو قصة عبادة الفرد عند الماركسييين ؟؟؟؟

شو ممكن تكون استخدامات الصورة لحتى نمتنع عنها

بعدين موضوع عبادة الفرد موجود بكل العقائد العلمانية يعني طالما ما في عندون الله ينعبد بيعبدوا شي واحد من جماعتون
هاد دليل انو فكرة العبادة لسا ما انمسحت من مخون (يعني عم يضحكوا ع حالون قبل غيرون)
طبعا مو الكل

[to live is to die]

(يعني عم يضحكوا ع حالون قبل غيرون)
طبعا مو الكل

هاد الكلام حلو
يا شباب الشملة أو العقال تبع فلسطين هون موضه يعني مو لأنو هوه فلسطيني أو بدل على فلسطين الشباب والبنات هون ما بيعرفو شو معناتو بس هي موضة بحطوه عالخصر أو عالرقبة متل
وبالنسبة لتشيغيفارا فهو مات وانتهى وعصرنا غير عصرو تماماً
انسان عظيم اوكي بس مانو الله اذا في الله
واذا مات محمود درويش مو معناتا انو احسن واحد ليكو هي العاشق موجود قدها وقدود
والشيوعية أو الماركسية أو الاشتراكية كل المنتمين الها بقلولك الشيوعية سقطت كتجربة لكنها لم تسقط كنظام
المهم حيو الشيوعية بالنهاية انتهت عن الخارطة السياسية العالمية كقوة
والصين نظام رأسمالي يحتوي أو يدير قطاعات عمل اشتراكية أي نظام متعدد حر بعيد عن الشيوعية بكل المعايير
هاد ما بيمنع انو الواحد يحب شغلة قديمة متل فرقة البينك فلويد او الليد زبلن او البيتلز وعلى هاد الاساس انا ممكن اشتري كنزة لتشيغي لأنو انسان عظيم وبس
متل أي شي عظيم بالتاريخ
أتمنى أن نبتعد عن خلق رموز لأي شيء
فأنا لا أريد حافظ أسد بالفن أو بالرياضة
بيليه جيد ولكن من بعده أتى الكثيرين
أم كلثوم رائعة لكن من بعدها أتى الكثيرين
علينا اسقاط فكرة الرموز
كارل ماركس مفكر مبدع
ولكن بدمج توجهاته بالرأسماليه ظهرت الأننظمة الأوروبية التي تعيش حياة اشتراكية تخت مسمى رأسمالي :D


يسلمو جوي عدنا إلى المنبر الحر

[عاشق من فلسطين]

يوجد فرق بين الرمز والسقف .. فانا اكتب الشعر .. واحترم محمود درويش وأدونيس والماغوط وكل الأدباء العرب والعالميين .. وأعتبرهم رموز رائعة في الأدب ولكن ليس سقفا" لا أستطيع اجتيازه .. لأن الانسان بمجرد ان يضع في نفسه انه لن يستطيع ان يسبق فلان في المجال الفلاني ... فلن يستطيع ذلك ولو ملك الامكانيات او الموهبة التي يستطيع فيها أن يسبقه .. بعض الناس تضع الرموز كسقوف لها لكي تهزم نفسها داخليا" لأن الانسان بطبعه يميل الى الراحة .. وبعض الناس تضع الرموز كقدوة يحتذا بها .. مع رغبتهم في أن يصبحوا أفضل منهم .. ويبقى أحترامهم لرمزهم ولو تفوقوا عليه .. اي أن يسبق الطالب تلميذه .. وبالنسبة لآرنستو تشي غيفار .. فهو رمز للانسان الثوري .. ويمكن لكل شخص يسعى نحو الأفضل ونحو التغيير والثورة ( ذاتية أو خارجية) أن يقتدي به .. لكن مع أختلاف الطرائق والوسائل التي يقوم بها بثورته .. يعني ان يتحلى بصبر وصدق واندفاع وعنفوان وثورية تشي غيفارا مع انتقاء الوسائل الملائمة للعصر والمكان والنظام الذي يعيش في ظله ..

مشكور جوي .. :D

[غريب الدار]

بالنسبة الي أنا ما عندي رمز ولا مثل أعلى
وأنا صغير كنت أحلم صير الله بس إكبر
بس كبرت ولقيت ما في الله
صرت اطمح كون انا نفسي يعني ذاتي
فما شفت بيوم من الايام واحد خرج حطو قدوة لاني لقيت حالي رح حط حد لطموحي مهما كان عظيم هالقدوة

يوجد فرق بين الرمز والسقف .. فانا اكتب الشعر .. واحترم محمود درويش وأدونيس والماغوط وكل الأدباء العرب والعالميين .. وأعتبرهم رموز رائعة في الأدب ولكن ليس سقفا" لا أستطيع اجتيازه .. لأن الانسان بمجرد ان يضع في نفسه انه لن يستطيع ان يسبق فلان في المجال الفلاني ... فلن يستطيع ذلك ولو ملك الامكانيات او الموهبة التي يستطيع فيها أن يسبقه .. بعض الناس تضع الرموز كسقوف لها لكي تهزم نفسها داخليا" لأن الانسان بطبعه يميل الى الراحة .. وبعض الناس تضع الرموز كقدوة يحتذا بها .. مع رغبتهم في أن يصبحوا أفضل منهم .. ويبقى أحترامهم لرمزهم ولو تفوقوا عليه .. اي أن يسبق الطالب تلميذه .. وبالنسبة لآرنستو تشي غيفار .. فهو رمز للانسان الثوري .. ويمكن لكل شخص يسعى نحو الأفضل ونحو التغيير والثورة ( ذاتية أو خارجية) أن يقتدي به .. لكن مع أختلاف الطرائق والوسائل التي يقوم بها بثورته .. يعني ان يتحلى بصبر وصدق واندفاع وعنفوان وثورية تشي غيفارا مع انتقاء الوسائل الملائمة للعصر والمكان والنظام الذي يعيش في ظله



فيها وجهة نظر