خواطر شخصيه ولا سرقه !!!!! [الأرشيـــــف]

عرض كامل الموضوع : خواطر شخصيه ولا سرقه !!!!!

abu-wdea3

12/11/2006, 00:09

لاحظنا في هالقسم الحلو ويا حلوين صبايا وشباب
الخواطر الحلوه بس انا شاكك انو شي 99% منقوله من منتدى او موقع او وصلت بالأيميل او من جريده او من مجله او سمعانا من حدا او.......او...........او.............الخ

المهم حابب حط بهالموضوع الخواطر الشخصيه يعني الاجتهاد الشخصي ويلي مما عندو خواطر شخصيه ممكن يحطلنا اي كلمه تعبر عنو

وانا رح ابدا بخواطري الشخصيه ويمكن البعض يسموا شعر المهم اتفضلو

******************************
محتار وجسمي موجوع ودقه قلبي تعبانه
بعيوني ما ضل دموع تروي جروحي العطشانه
دولاب العمر دوار
طبعك يا زمن غدار
بدي من العمر شي نهار تغفى عيوني السهرانه
ودعتا عبواب البيت وسافرت لبلاد بعيده
اتمنيت امشي وقلبا غفيان بايدي
ماظن الجرح يزول
او ارجعلا مش معقول
تكرر كلماتا و تقول
يلا روح وانساني
قلتلا يا روح الروح مجبر روح وخليكي
دفتر ايامي مجروح خلي حروفو تبكيكي
ما بدي الامي تزيد
ولا قلبي يحمل جرح جديد
مهما عنك رحت بعيد تبقى عيونك عنواني
بعيونا حلفت يمين تنسى كل كلمه حكيتا
وعشفافا ضحكه وداع بتقسى على روحي وتبيدا
********************************
يا دنيا خدتي مني الغالي وبعذابي تركتيني
يا دنيا قتلتيني
غيبتي الحبايب فرقتي الاقارب
يا هالقلب الدايب عالذكرى خليني
شو صعبان وداعو مع ايامي الضاعو
جرحي واوجاعه وقلبي يا دنيا دمرتيني
لا تقوليلي انسيهم لا تتولع فيهم
عرفتيني بيهم
يادنيا ظلمتيني
*****************************
جميع حقوق النشر غير محفوظه يلي بدو يسرق يتفضل:p
*************
تحياتي

أبووديع

abu-wdea3

12/11/2006, 14:31

شكلو ما عجبكون
خلص نادولنا حدا من الحكومه بحذفو

thegodfather

13/11/2006, 15:33

مشكور يا كبير
:hart::hart::sosweet::sosweet::sosweet::hart::hart :

nights

14/11/2006, 10:33

بين ما كتبت انت
وما سأكتب انا الكثر من التشابه

انت تكتب عن حب ناره احرقتك
وانا اكتب عن قلب احرق من حوله

انت تكتب عن حبيبة موجودة
وانا اكتب عن حبيب باع هواه

لن اكمل
فالكلام عن الحب لن ينتهي
وانا صبري انتهى
وقلبي انتهى
وكلماتي الصادقة انتهت
ولا احب المزين من الكلمات
وما زاد عن ما في القلب مات

كلماتك جميله
معانيها اصيلة
كلمة شكرا يا ريتها تكفيها

خارج السرب

15/11/2006, 05:34

ابـــو وديع اشكركـ على حروفكـ

.
.
.

ولكن ورغم انني لا زلت جديداً بينكم إلا اننـــي انادي المسؤولين عن هذا القسم بأن يســّعوا لأن يكون ///للكتابات الشخصية فقط قدر المستطاع ///

اكرر جزيل الشكر ولكـ ارق التحايا .