سؤال صغير [الأرشيـــــف]

عرض كامل الموضوع : سؤال صغير

مايا *

08/11/2006, 10:53

هلى انا بعرف أنو أول شيئ لاح ينقلي من الطالون .....

بس بصراحة ما لئيت مكان تاني حط الموضوع فيه .

هلى هوي انا صحي لساتني جديدة .. بس عملت جولة بالمواضيع الئديمة ( يمكن القديمة كتير )

ولئيت فرء كبير كتير مع إحترامي لكل الأعضاء الحاليين ,, بس هوي شيئ بتشعرو أنو الأخوية الأولى هيي غير الأخوية الحالية .. ما بعرف كيف بس أنا هيك حسيت ,,

يعني كان مستوى النقاش عقلاني وسلس أكتر .. هلى ما في يا دوب مشاركتين والتالتة طبيش ,,

ولسى شغلة ,, أنو كان في أعضاء كتـــــــــــير برفعو الرأس بغض النظر عن إتجاهاتون ,,

وين راحو .. يعني كذا أسم مرو عليي يعني يعتبرو كنز للمنتدى ,, بتشوف آخر تواجد إلهون من سنة وأكتر ..

يعني هجو ولا شو القصة ,, ؟؟

بعتزر من المشرف سلفا ,, بس هوي شيئ بيحز بالنفس انو تخسر أقلام حلوة و آراء جميلة ..

ودمتم بخير

achelious

08/11/2006, 17:08

شو مشان .. وجودك!؟! ..

ماما منوشه

08/11/2006, 18:12

والله اجملتي تاريخ الاخوية بهالموضوع
فعلا قبل ما ينفتح التسجيل بالاخوية كانت احلى كتير بس شو بدنا نعمل
كنا حوالي 10 الاف عضو شوفي هلأ كم صرنا
لازم يكون فرق كبير
وبالنسبة للأعضاء اللي اخر مشاركاتهم من سنة
هن فعلا هجو من الي صاير بالاخوية هالايام
الله يعيد اخوية متل ما كانت يارب

Syrian__Angel

08/11/2006, 20:44

فعلا قبل ما ينفتح التسجيل بالاخوية كانت احلى كتير بس شو بدنا نعمل
كنا حوالي 10 الاف عضو شوفي هلأ كم صرنا

لاء بذمتك !!!
مشان الله تحكي شي بيتصدق !

نورنا ب:

May 2006
بيّن معك وين صاير الغلط بالضبط ؟!

نرجع لمايا ...
هالموضوع صار منحكى فيه اكتر من مليون مرة .... الاخوية شهر عن شهر عم تتغير .. لك حتى ليش لنبعّد .. اسبوع عن اسبوع عم تختلف ... يعني اعداد مهولة اللي عم تسجّل بالمنتدى هالايــّام...
بتذكر وقت اللي سجلت بقي اسمي شي نهار بالعضو الاطزج :lol: ... هلأ بطلع ساعة برجع بلاقي اسم جديد .. وكل اللي بيدخل بيتطلع نظرة سريعة على الاخوية هلأ ... بيلاقي المنتدى للتسالي ضحك ولعب ودردشة ... بيقوم بيدخل بالجو دغري وبيكمّل و - بيزيد الطين بلّة -... وقليلين اللي بيطلّـــوا على اقسام الحوار مثلاً لحتى يقرأولهم شي موضوع عليه القيمة ويدخلوا بالجو " المطلوب " ... لك حتى ليش ليروحو لهديك الاقسام ؟ على مستوى الصالون .. لو انطرح موضوع للنقاش وكان في حكي زيادة - ان كان طويل بالطرح او بعدد الردود وطولها - بيقومو بيستكسلوا يقرأو كل هالسطور.. بئا من وين بدّو يرجع ؟؟؟
صحي ، بالنسبة للاعضاء اللي كانوا قبل .. شي انشغل اما بدراستو او بشغلو وما عاد فاضي يدخل متل اوّل بس بيطل كل فترة والتانية مع انو ما بينزل ردود .. وفيكي تعرفي ليش ..
وشي ترك بالمرّة لانو الوضع صار بيأسّي ... و شي استعاض بمواقع بديلة ، ومن فترة كان صاير حكي مشان هالقصة وقلبت مشكلة ;-)
واخر قسم من الغايبين هنن المعتقلين ....

:D

ماما منوشه

08/11/2006, 20:50

لاء بذمتك !!!
مشان الله تحكي شي بيتصدق !

بيّن معك وين صاير الغلط بالضبط ؟!

مبين انو انتي معك فقدان بسيط بالذاكرة حبيبتي
انا اصلا مسجلة بالاخوية عن طريق دعوة ارسلهالي الحكيم ايام ما كان المنتدي مسكر
والعدد وقتا كان فعلا 10 الاف بس والدليل انو كان في بالبريد موضوع تبع واحدة سعودية بالتحديد وكانت تعيب بالمنتدي انو مسكر به التسجيل مع انو الاعضاء بس 10 الاف وحسب ما اتذكر كان هالموضوع بشهر يوليو
شكرا حبيبتي وانا اعرف ا اقول فعلا واسألي برة لو مش مصدقة:o
تحياتي حبيبتي:D

Syrian__Angel

08/11/2006, 20:53

اوكي متل ما بدك ..

حبيبتي:p

اسطورة رسمها الزمن

08/11/2006, 21:55

سؤال صغير؟؟
بالعكس
مضمونه كبير
انا ما بعرف الاخوية من زمان
بس بلاقي معك حق
يعني ببدو جد وبنهو لهب
بس منيح برضو
ما في مشكلة خطيرة
بالعكس
اهم ما في الواحد بطلع عن مضمون الحياة الروتيني
بلاقي حدن بمزح
حدن بسلي
موضوع بضحك
يعني
فشة خلق برضو

والله يكون مع الاخوية واهلها
:ss:

KILLER011

08/11/2006, 23:50

والله شي غريب .........................

لازم يختلف المنتدى من وقت لآخر...................

يعني من المنطق كل جيل بختلف عن الجيل اللي قبلوا

وهادا اللي صار....................