-
دخول

عرض كامل الموضوع : هل تعتقد ان التعايش الديني في سوريا احسن من غير بلدان

سامر خالد
30/05/2004, 16:23
:?:
هل تعتقد ان التعايش الديني في سوريا احسن من غير بلدان
:?:
سامر خالد
30/05/2004, 16:39
:dr: :dr: :dr: :dr: :dr: :dr: :dr: :dr: :dr:
:dr: :dr: :dr: :dr: :dr: :dr: :dr: :dr:
:mrgreen: :mrgreen: :mrgreen: :mrgreen: :mrgreen:
majd88
30/05/2004, 16:57
حسب البلدان اللي عم نتقارن فيها.....
بس بالنسبة للدول المحيطة فينا وزميلاتنا من دول العالم الثالث فالوضع جيد..
Hus
30/05/2004, 17:32
بالمقارنة مع اي دولة عربية و مع 50 بالمية من الدول الاخرى احنا افضل لا وبكتيييييييييير
الوضع بغير دول سيئ جدا .. من كلا الطرفين
بالقاهرة المسيحية متعصبين ومقوقعين على نفسون اكثر من الاسلام
بالبنان حكي بحكي اذا القانون نفسو فيه تمييز ديني .. وجرب يا حبيب انزيل على بيروت وقلهوم انك مسلم سوري مثلا بجوني ولا بانطلياس .. وشوف .. لك ابدا ما في تقبل للاخر
بالسعودية ودول الخليج ما في دين اخر الدين الوحيد هوي الاسلام اما المسيحي فلو كان اميركي او بريطاني على الراص بينجط
غير هيك بيحاولو يهدو وبيشرو فيه .. من باب انو ياخدو سواب بالتبشير في المسيحية ليس اكثر
في السودان : السودان شعب مثقف .. بس ومافي عندهم تمييز كتير بس لو اتباع الترابي ضلو عم بيزيدو بهال النسبة لا البلد حتخرب الترابي على الرغم من حبي ليه لكنه من زعامات واعلام الاخوان المسلمين
الأردن: بحس بالاردن كل واحد قاعد ببيتو وما في حيات بنوب بعتقد ما في اختلاط مسيحي اسلامي اصلا
المغرب .. هون الوضع جيد وعندي الكثير من الاصحاب الجزائرية والمغربية وزي الفل .. بحكم خلطتهم مع اوربا اسبانيا وفرنسا ما عندهم كتير حزازية تجاه المسيحية
ليبيا: على الرغم من وجود مسيحيين مش كتار طبعا .. بس في تمييييييييز رهيم عشان بتعريف القزافي للمواطن الليبي يجب ان يكون مسلم سني هذا دين الدولة وما بيعترفو باي شي غير هيك

بالنسبة لبرا العام والسائد انه ما في تمييز كبير ..
بس بعض الدول الي فيها تمييز كبير للديانات .. ايطاليا .. اليونان .. وبعض المناطق في المانيا .. هاي باوربا
غير هيك ما بعرف عن اميركا ما عندي اي خلفية

بسوريا الوضع برأيي كتير منيح ولو منتكلم بصراحة . . بعني بالموضوع الديني بحكم انو الحكومة والجيش من العلويي بطريقة او باخرى
فهذا بالتالي مهدي الوضع ..
وبحكم حوادث التمانينات ايام الاخوان المسلمين .. بعدها الشعب اتربي .. اي محاولة تمييز طائفي او اي حركة مبنية على نزعة طائفية حيلقى عساب عسير..
صار ما عاد في مجال لحركات التطرف تنتشر .. وهيك طبعا بيعزز الوفاق والتعايش الديني برايي

سلام
majd88
31/05/2004, 10:52
هو التمييز الطائفي موجود. وخاصةً ببعض الحارات المتعصبة
مثلاً الحميدية ما فيها تعصب ضد الإسلام.
بس ما بصرح فيها الناس خوفا من الدولة (الأمن- الجيش -المخابرات)
سامر خالد
31/05/2004, 13:31
مين صوت انو نحن مو احسن من غير بلدان يطلع لحالو ويسلم نفسه احسن له :evil:
الكبير
31/05/2004, 14:32
مرحبا يا شباب
بالنسبة لهيك مواضيع انا رأيي أنو الشخص المهذب يعني الي أهلو ربو يعني اللي مانو ترباية شوارع
وين ما نزل وبأي حارة وشو ما كان دينو ماحدا بيقلو شي
أما الشخص - أو الشخصة طبعاً - الآخر واضح شو يعني
يعني اللي شايف حالو جيمس بوند زمانو أو آرنولد عصرو أو راغب علامة ستار أكاديمي أوصوفيا لورين
إذا ما حدا ضربو أنا مستعد امسح فيه الأرض لو كان شون كونري زمانو
هادا رأيي
Hus
31/05/2004, 16:03
إذا ما حدا ضربو أنا مستعد امسح فيه الأرض لو كان شون كونري زمانو

وانا بزقفلك كبير ..
يحيا الكبير يحيا الكبير :o
HashtNasht
31/05/2004, 21:27
مين صوت انو نحن مو احسن من غير بلدان يطلع لحالو ويسلم نفسه احسن له :evil:
خير يا حبيب؟؟؟
هدي حالك شوي احسن ما يطقلك شي عرق
:o
الكبير
31/05/2004, 23:31
مرحبا تاني على قول المصاروي
الرجاء من الجميع
الحديث ودي وأخوي اللي بدو يحاور يكون هادي وحباب أو يعتذر عن الحوار
ماشي ؟؟؟؟؟؟؟؟؟
سلامات
HashtNasht
01/06/2004, 00:16
مرحبا تاني على قول المصاروي
الرجاء من الجميع
الحديث ودي وأخوي اللي بدو يحاور يكون هادي وحباب أو يعتذر عن الحوار
ماشي ؟؟؟؟؟؟؟؟؟
سلامات
شو يعني حباب؟؟؟؟؟؟؟؟؟
:shock:
Hus
01/06/2004, 01:16
له يا حبيب هذا الكبيــــــر :oops:
:wink:
:D
الكبير
01/06/2004, 01:18
الكبير كتب:
مرحبا تاني على قول المصاروي
الرجاء من الجميع
الحديث ودي وأخوي اللي بدو يحاور يكون هادي وحباب أو يعتذر عن الحوار
ماشي ؟؟؟؟؟؟؟؟؟
سلامات

شو يعني حباب؟؟؟؟؟؟؟؟؟

ولو يا hasht
يعني LOVE-DOOR
:wink: :wink: :wink:
الكبير
01/06/2004, 01:19
ما معك لغات حية؟؟؟؟؟؟
الأستاذ
04/06/2004, 21:33
يعني أنا فيني قول و ضميري ما عم يحكني أنو الوضع بسوريا بهالمجال أحسن من كل الدول العربية
و أنا بختلف مع dr-hus بأسبابو و بعتقد أنها بترجع لطبيعة الشعب السوري المسالم و المنفتح على الآخر(عم نحكي نسبياً بالمقارنة مع الدول العربية) بالاضافة لدور المفكرين الاسلاميين المتنورين يلي عاشو ببدايات القرن الماضي (مثل الشيخ عبد الحميد الزهراوي)
يعني
الله أعلم
بسي الأمور الحمدلله بخير و إنشالله تضل هيك :)
الكبير
08/06/2004, 00:53
مرحبا


الأمور الحمدلله بخير و إنشالله تضل هيك


انشالله يا استاذ
بهمة الشباب والصبايا الواعية وبمساعدة أصحاب العقول الراجحة في سورية وهني متل ما بتعرف كتار
:D :D :D :D :D :D :D
rashaqa
13/06/2004, 03:08
ليش كلكون معصبين :roll:
just4asm
24/06/2004, 19:38
مرحبا يا جماعة :
أنا بعتقد انو نحن أحسن من غير خلق كتييييييييييييير ورح أحكي بالنسبة الي في حلب :
السريان - السليمانية - السبيل - جسر الرازي - محطة بغداد ذات أغلبية مسيحية بس الجو متل الفلة ... وما في مشاكل على العكس تماما أنا بيت جدي كان بمحطة بغداد وكل جيرانهم 100% مسيحيين .... وبعمرهم ما حدا زعلهم أو قال لهم شي بيزعج .... يعني ( نانتي ) بالحلبي ( جدتي ) .... لهلق الها أصحاب ...صار عمرها 65 سنة ... أركسي و أم جورج وأوزبرت .... ما بعرف اذا التهجئة صحيحة وكلهم الهم مودة لحد الآن .... بالعربي : الوضع بسوريا أحسن من غير بلد بكتييييييييييييير ....
ranran
29/06/2004, 00:29
برأيي الوضع بسوريا منيح لأنو في مين ضلبب الوضع ماأكتر من هيك
لأنو التعليش بيخلق لما الأشخاص من كل دين بكون عندن استعداد من دون أي حكم مسبق يعرفو شوي عن دين غيرهن
بس أن بسوريا كل نشاطاتي و اهتماماتي هي مع أهل ديني مع أنو عندي رفقة أسلام بس رفقاتي من أصل أهلن عندن رفقة مسيحية و الطرفين بيعرفو عن بعضن
و هالعالم ما بشكلو نسبة 1 بالمية
لأنو إذا عملت إحصائية شو بيعرف المسيحي عن الدين الإسلامي رح يجي الجواب متعصب و بالعكس
تقبل الآخر المختلف هو أسلوب تربية متوافر ظاهرياً في سوريا
Giordano
02/11/2004, 17:53
الأردن: بحس بالاردن كل واحد قاعد ببيتو وما في حيات بنوب بعتقد ما في اختلاط مسيحي اسلامي اصلا


lool...lesh hal2ad shayefna mayteen?! :lol:
well..I can tell u about Jordan...
we study,work,hang out together but never discuss each other faithes...it's a red line for co-existance!
yass
02/11/2004, 18:28
بعتقد أنو بسوريا الوضع أحسن من غير دول (عربية تحديدا) بس ممكن الوضع يكون أحسن ...
وتبقى أمي سوريا :hart: :hart: