oliver68
05/11/2006, 00:14
مرحبا شباب...
قبل ما احكي عن ثقب الأوزون لازم نعرف بالأول شو هوي الأوزون، الأوزون و بكل اختصار هوي عبارة عن غاز O3، يعني أكسجين ثلاثي، و بالأصل هوي بيتكون من خلال اتحاد ذرة أكسجين مع أكسجين ثنائي عادي، يعني يللي منتنفسوا، و هالتفاعل بحاجة للأشعة فوق البنفسجية مشان يحدث، و نتيجة هالاتحاد بيتكون غاز أكسجين ثلاثي، و بيتواجد بطبقة الستراتوسفير، و غاز الأوزون خطر على حياة الإنسان و يسبب التهاب الرئة، لكن بنفس الوقت هوي سبب أساسي للحياة على الأرض من خلال امتصاص الأشعة فوق البنفسجية الحارقة و المسرطنة للجلد.
للمعلومات العامة، الأوزون يللي بفيدنا (good ozone) موجود بطبقة الستراتوسفير(stratosphere)، و الأوزون يللي بضرنا (bad ozone) موجود بطبقة التروبوسفير(troposphere)
أما ثقب الأوزن هوي عبارة عن حدوث تفكيك في غاز الأوزون، فبيتكون شي متل الثقب بهادا الغاز، و السبب الرئيسي لتفكك الأوزون هوي الكلور، إي الكلور،من خلال المركبات الملوثة يللي فيها كلور، وهيي مركبات ال CFC و بالعربي مركبات الكلوروفلوروكاربون، لما تطلع على طبقات الجو العليا بتتفكك بواسطة الأشعة فوق البنفسجية، فبتحرر ذرة كلور و بتتفاعل مع الأوزون و بتففككوا لقسمين، القسم الأول ذرة أكسجين وحدة بتتحد مع الكلور، أما القسم الثاني فهوي غاز أكسجين ثنائي من يللي منتنفسوا، و الأكسجين الثنائي بيتفكك لذرتين أكسجين منفصلات بواسطة الأشعة فوق البنفسجية، و كل ذرة منفصلة بتتحد مع ذرة كلور، و هيك تفاعل مستمر بيستهلك الأوزون و يسبب نقصو و بالتالي ثقب بطبقة الأوزون.
هلأ ثقب الأوزون بيتركز بالأقطاب، و خاصة القطب الجنوبي، و السبب بكل بساطة هوي نتيجة الملوثات العديدة يللي بيطلقها الإنسان و بالأخص الأحماض النيتروجينية و أحماض الكبريت، لما بتوصل عالقطب الجنوبي و بتنزل درجة الحرارة عن 78 درجة سيلسيوس تحت الصفر بيتكون عنا غيوم جليدية كتييييييير رفيعة، و بصير تفاعل كيميائي لكريستالات الجليد على سطح هالغيوم، و بينتج من ورا هالتفاعل مركبات CFC يللي ذكرتها قبل، و بتبلش سلسلة تفكيك الأوزون.
و هي رابط للمهتمين بالأوزون ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
آسف عالإطالة و بتمنى يكون الموضوع مفيد و جاوب على تساؤلات البعض. :D
قبل ما احكي عن ثقب الأوزون لازم نعرف بالأول شو هوي الأوزون، الأوزون و بكل اختصار هوي عبارة عن غاز O3، يعني أكسجين ثلاثي، و بالأصل هوي بيتكون من خلال اتحاد ذرة أكسجين مع أكسجين ثنائي عادي، يعني يللي منتنفسوا، و هالتفاعل بحاجة للأشعة فوق البنفسجية مشان يحدث، و نتيجة هالاتحاد بيتكون غاز أكسجين ثلاثي، و بيتواجد بطبقة الستراتوسفير، و غاز الأوزون خطر على حياة الإنسان و يسبب التهاب الرئة، لكن بنفس الوقت هوي سبب أساسي للحياة على الأرض من خلال امتصاص الأشعة فوق البنفسجية الحارقة و المسرطنة للجلد.
للمعلومات العامة، الأوزون يللي بفيدنا (good ozone) موجود بطبقة الستراتوسفير(stratosphere)، و الأوزون يللي بضرنا (bad ozone) موجود بطبقة التروبوسفير(troposphere)
أما ثقب الأوزن هوي عبارة عن حدوث تفكيك في غاز الأوزون، فبيتكون شي متل الثقب بهادا الغاز، و السبب الرئيسي لتفكك الأوزون هوي الكلور، إي الكلور،من خلال المركبات الملوثة يللي فيها كلور، وهيي مركبات ال CFC و بالعربي مركبات الكلوروفلوروكاربون، لما تطلع على طبقات الجو العليا بتتفكك بواسطة الأشعة فوق البنفسجية، فبتحرر ذرة كلور و بتتفاعل مع الأوزون و بتففككوا لقسمين، القسم الأول ذرة أكسجين وحدة بتتحد مع الكلور، أما القسم الثاني فهوي غاز أكسجين ثنائي من يللي منتنفسوا، و الأكسجين الثنائي بيتفكك لذرتين أكسجين منفصلات بواسطة الأشعة فوق البنفسجية، و كل ذرة منفصلة بتتحد مع ذرة كلور، و هيك تفاعل مستمر بيستهلك الأوزون و يسبب نقصو و بالتالي ثقب بطبقة الأوزون.
هلأ ثقب الأوزون بيتركز بالأقطاب، و خاصة القطب الجنوبي، و السبب بكل بساطة هوي نتيجة الملوثات العديدة يللي بيطلقها الإنسان و بالأخص الأحماض النيتروجينية و أحماض الكبريت، لما بتوصل عالقطب الجنوبي و بتنزل درجة الحرارة عن 78 درجة سيلسيوس تحت الصفر بيتكون عنا غيوم جليدية كتييييييير رفيعة، و بصير تفاعل كيميائي لكريستالات الجليد على سطح هالغيوم، و بينتج من ورا هالتفاعل مركبات CFC يللي ذكرتها قبل، و بتبلش سلسلة تفكيك الأوزون.
و هي رابط للمهتمين بالأوزون ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
آسف عالإطالة و بتمنى يكون الموضوع مفيد و جاوب على تساؤلات البعض. :D