ماذا فعلتي بآدم..... ياااااااااااااحواء

[ألف]

ماذا فعلتي بآدم ..... يا حواء

أخرجتيه من فردوسه الأبدي .....الفردوس حيث كان يعيش حياة أبدية من اللاوعي.... اللافكر.... اللامتعة.... اللالذة

أخرجتيه من فردوسه الأبدي ....ليعي للمرة الأولى أنه بشر.....ليعي للمرة الأولى أنه لديه جسد .....ليعي أنه مخلوق جنسي

أخرجتيه من فردوسه الأبدي.... ليعرف لذة الألم..... لذة التفكير.... لذة الجنس

نعم أخرجتيه من فردوسه الأبدي..... حولتيه إلى بشر يفكر ويعي ويستلذ بعد أن كان مجرد مخلوق يطيع ولايعصي .....يحيا ولايفكر .....يمارس كل ما تهبه اياه الحياة حتى الجنس دون أن يعيه

أخرجتيه من حياته التي لاتفنى ولكنها فارغة من أي معنى ...... إلى حياة تفنى ولكنها مليئة بالمعاني

شكراً حواء لانقاذ آدم والبشرية

[توت توت توت]

لك ليك الأخت شو بدها ...
حوا خربت بيتنا ... وبتقلي شكرا يا حوا لأنك أنقذت البشرية ...
:jakoush: :jakoush: :aah:
شو هالحكي !!!!!!!!
:aah: :aah: :aah: :aah:

[Atramez_Zeton]

انا عتبي على هل الموضوع انو المتعة الجنسية عم بتصير كانو نحنا شي حيوانات و عم نشتغل على الغريزة اما غير هيك بالموضوع حلو و بيستاهل 1000 :D

[ألف]

عيوني توت توت توت انا برأيي انه الحياة اللي عايشينها حاليا نعمة عن عيشة بلا عقل لذلك انا بعتبر الخروج من الجنة كان انقاذ....وبالنهاية لكل شخص رأيه

واطرميز زيتون ....انا اللي حكيته عن الجنس هو عكس اللي انت فهمته يعني قبل ما يخرج آدم من الجنة كان "يمارس كل ما تهبه اياه الحياة حتى الجنس دون أن يعيه " وهدا اللي كان برأيي مجرد غرائز حيوانية واللي انا حكيته انه حواء انقذتنا من هالشي بمعنى انها عطتنا الوعي لحتى نمارس الجنس بطريقة اكتر بشرية....يعني اللي انا عم احكيه هو الترفع عن الجنس الغريزي

وشكرا كتير لمروركم اللطيف

[توت توت توت]

يمارس كل ما تهبه اياه الحياة حتى الجنس دون أن يعيه "

من وينلك هالحكي ؟؟؟؟؟؟
شكلك رايحة عالجنة برحلة يوم الجمعة ؟؟؟؟؟؟؟؟ :P :angel: :angel:

ومني إلك أحلى وردة :D :D :D :D

[ألف]

لاطلعت عالجنة ولانزلت عجهنم :wink:
بس النصوص اللي بتحكي هالاسطورة بتحكي انه اول شي عملوه آدم وحواء بعد الخروج من الجنة هو انهم غطوا الاعضاء التناسلية باجسامهم الشي اللي بيدل على انهم بالجنة ما كان عندهم اي وعي لموضوع الجنس وحصلوا على هدا الوعي الجنسي بس بعد الخروج من الجنة
وبتمنى كون فسرتها صح :?
ومني الك الف وردة :D

[أبو عبسي]

حلو كتير الحكي..و على فكرة لازم نتذكر أنو الشيطان أيضا له دخل بالقصة..و الحلو أنو الشيطان ما كذب وقت قلن أنو بهذه الثمرة التي سيأكلانها سيعرفان الخير من الشر..
و لكن هل الوعي و العقل نعمة....
أم لعنة ....
و سلام..!

[Atramez_Zeton]

و لكن هل الوعي و العقل نعمة....
أم لعنة ....

هادا الشي بيعتمد على كيف توظف هل الوعي
الوعي مقياس بيختلف من شخص لاخر متل ميزان الحرارة

[باسل]

في هذه الأسطورة التي ورثناها من أجدادنا اليونايين والرومان الكثير من التناقض ولا بد لنا أن نعترف بهذه التناقضات

هذه الأسطورة مبنية أصلا على اختلاف وتمييز بين الجنسين وهذا ما يرفضه المجتمع الحي والقابل للتطور
وفيها أيضاً تصوير للرجل بأنه منزه في الأصل عن الخطاً وأن حواء المرأة هي التي زلقته نحو الخطيئة وهي التي استمعت للشيطان الآتي على هيئة أفعى وهذا ما يصبغ هذه الإسطورة بصبغة الظلم ويجردها تماماً من المعاني الروحية الطيبة
فاللاوعي عند الإنسان سيتأثر بطريقة أو بأخرى بهذا التمييز البارز في القصة
ونحن نعلم جميعاً أن أول سؤال يتردد في عقلنا الواعي عند بداية تفتحه هو كيف جئنا ومن أين أتينا وليأتيك الرد بطريقته الإسطورية التي يبتناها وبشدة علماء اللاهوت ورجال الدين وللأسف أقول ذلك. يأتينا الرد بهذه الإسطورة المحقونة بهذه العنصرية المجحفة
باعتقادي ولإطلاعي على كثير من الأساطير اليونانية التي كانت تحتوي معان مختلفة تماماً عن هذه الإسطورة
وقد حوت الكثير من أسطاير اليونان أفكاراً بعيدة كل البعد عن التميز البشري الجنسي. فقد كان التمييز الوحيد هو بين الآلهة والبشر بغض النظر عن الجنس. وكثيراً ما كانت الألهة هي أنثى لديهم.
لكن طغيان المجتمغ الذكوري في الفترة ما بعد موجة الإغريق واليونان أدت إلى اندحار تلك الأساطير وبقاء فقط الأساطير التي تمجد الذكورة وتخفف من شأن المرأة حتى وصلت بنا الحال إلى أديان ذكرية فقط فصارت الأديرة المسيحة تحتوي على رهبان ذكور ومنعتهم من الزواج حيث ربطت الخطيئة بالأنثى فقط وربطت متع الحياة الدنيوية بالزواج والجنس والأنثى
وكذلك الأمر في كثير من الأديان الأخرى كالبوذية والسيخية وكذلك في الإسلام

يبقى السؤال
هل نقبل نحن بهذا الإحتكار المجحف في الأساطير وبقاءنا مجتمع ذكوري إلى هذه الدرجة ؟؟؟

:!: :!: :!:

[ألف]

أبو عيسى ....انا برأيي العقل ممكن احيانا يكون مصيبة لما الشخص ما بيشغله بشكل صح ..... بس بيضل احسن من شخص بلا عقل... ومتل ما قال اطرميز زيتون انه هالشي بيعتمد بالنهاية عالشخص بذاته

اما حبيبي باسل :hart: تسلم لقلبي عالملاحظة الحلوة .... انا كتبت اللي كتبته الى حد ما من غيظي من هالتمميز....
وبعدين ببعض الاساطير متل ملحمة جلجامش .... بيعطوا للمرأة دور رائع باخراج الرجل من حالة الوحشية واللاعقل اللي بيكون عايشها وبتدخله بالحضارة او مرحلة العقل والانسانية اذا بدك تسميها بس بدون اعطائها دور الخطيئة والعصيان وبدون فكرة حرمانه من الفردوس.....وهدا بالضبط اللي صار مع انكيدو....يعني امرأة هي اللي حولته مما يشبه وحش غابات إلى انسان

[باسل]

وتأكيداً على الكلام أن أساطير اليونانيين الرائعة كانت محرمة على الناس لفترة طويلة خلال الحكم الذكوري

بالمناسبة أنا حولت الرد تبعي هوي لموضوع جديد عشان ما لقيت حدا عم يرد عليه
بس مبين في متابعة
شكراً

[توت توت توت]

انا كتبت اللي كتبته الى حد ما من غيظي من هالتمميز....


انو شو تمييز ما تمييز ... بهالوقت الحاضر صار الرجال لازم يطالبو بحق المساواة مع النسوان .....
آآآآآآآآآآآآآآخ على هالزمن آآآآآآآآآآآخ :jakoush: :jakoush: :jakoush: :jakoush: :jakoush:

[أبو عبسي]

الفكرة يللي ما وصلتكن من قصة حواء و آدم..أنو يللي اعتبرتوه سطحية كان هو بساطة..الإنسان الحكيم هو إنسان بسيط و كل إنسان معقد ما بيكون وصل للحكمة..و آدم و حواء قصتهن رمزية و أكيد ما صارت على أرض الواقع بس هيي كتير مهمة ..
نحنا هدفنا أنو نوصل للكمال فكل إنسان يسعى للأحسن أي للكمال..و الإنسان الكامل سيكون بسيطا..الدائرة مثلا فيها كمال فهي من كل الجهات التي تنظر إليها ستراها بسيطة..
فالرمزية تبع القصة أنو آدم وحواء كانو كاملين بس وقعوا بالغلط و نحنا هلأ عم نحاول استرجاع مكان الإنسان بأن نعود كاملين..
بالنسبة لموضوع التفرقة الجنسية الغلط ما بالقصة بل بتفسير القصة
و تذكرو أنو القصة عملت آدم غبي و خلتو يتأثر بكل بساطة بحواء..يللي هيي كمان كان عندها غباء لأنها تأثرت بالشيطان يللي هوي سبب الخطايا..
و المجتمع الذكوري حلل القصة لمصلحتو و فهما متل ما بدو.. أنتو غلطوا و فهمتوا متل ما بدو..
و العقل فعلا لعنة لأنو إذا لاحظنا انو الكرة الأرضية رح تكون منسجمة و متناغمة بدون وجود الغنسان أو عقله فعقلنا رح يقودنا للهلاك..
و سلام..!

[ألف]

أبو عبسي انت برأيك البساطة هي الكمال!!!! انا بوافقك بهالرأي بس بحب ضيف عليه شغلة انه البساطة عند الانسان بتكون كمال بس لما بيكون مصاحبها العقل ....وعلى هالاساس آدم وحواء ما كانو كاملين ابدا لانه البساطة اللي كانت عندهم كان سببها عدم استخدام العقل يعني بكلمة تانية كانو سذج مو بسيطين ....وانا برأيي قربو من الكمال بس بعد ما اكلو من الفاكهة المحرمة لانه لاول مرة استخدمو العقل
وشكرا للكل عالمشاركة

[أبو عبسي]

أنا ما عم قول أنو آدم و حواء كانو كتير كتير صح ..آدم وحواء كان لازم أنو ينزلو من الجنة..
الإنسان لو ما عرف أنو في جنة ما كان سعى إليها لو ما عرف جمال البساطة ما كان سعى إليه و العقل يللي اكتسبناه هوي الي بيساعدنا منشان نوصل للكمال
يعني الله ورجانا أنو في جنة..نزلنا منها و عطانا القدرات لنرجعلها ..ووقت نقدر نرجعلها رح تكون وقتها فهمانينها و مستحقينها..
و لكن نحنا عم نستعمل العقل لأشياء أخرى...عم يحولو للعنة...و عم يبعدنا عن السعادة و الحكمة..لأنو الحكيم دائما سعيد..زياد الرحباني أنا بلاقيه كتير حكيم..يللي بيسمع شغلو بيلاقيه دائما سعيد و دائما بسيط..و دائما حكيم..
و سلام..!

[حسون]

مشكورة كتير عالخاطرة
بس المشكلي أنيك إنتي طارحة فكرة مساواة المرأة مع الرجل من قصة آدم و حواء يلي نوضع لتنقص من قيمة المرأة أمام الرجل إذ يقول الله فيها و هو عليكي يسود

[ألف]

مشكورة كتير عالخاطرة
بس المشكلي أنيك إنتي طارحة فكرة مساواة المرأة مع الرجل من قصة آدم و حواء يلي نوضع لتنقص من قيمة المرأة أمام الرجل إذ يقول الله فيها و هو عليكي يسود
عيوني حسون بظن الي الحق افهم اسطورة آدم وحواء بالشكل اللي بيناسب تفكيري وبصراحة مابيناسبني ابدا افهمها بشكل ذكوري ..... انا كتير ضد الذكورية والسلطة الذكورية..... واذا بدي بلش فكر بالرجل كسلطة وسيادة رح اكره كل الرجال فخلوني افهمها باسلوب لاذكوري وضل احترم الرجل اللاسلطوي
وشكرا كتير عالمشاركة والرد :D

[hacker]

ماذا فعلتي بآدم ..... يا حواء

أخرجتيه من فردوسه الأبدي .....الفردوس حيث كان يعيش حياة أبدية من اللاوعي.... اللافكر.... اللامتعة.... اللالذة

أخرجتيه من فردوسه الأبدي ....ليعي للمرة الأولى أنه بشر.....ليعي للمرة الأولى أنه لديه جسد .....ليعي أنه مخلوق جنسي

أخرجتيه من فردوسه الأبدي.... ليعرف لذة الألم..... لذة التفكير.... لذة الجنس

نعم أخرجتيه من فردوسه الأبدي..... حولتيه إلى بشر يفكر ويعي ويستلذ بعد أن كان مجرد مخلوق يطيع ولايعصي .....يحيا ولايفكر .....يمارس كل ما تهبه اياه الحياة حتى الجنس دون أن يعيه

أخرجتيه من حياته التي لاتفنى ولكنها فارغة من أي معنى ...... إلى حياة تفنى ولكنها مليئة بالمعاني

شكراً حواء لانقاذ آدم والبشرية

اي ما عملت شي حوا هي بس طبختلو لادم تفاح محشي و لعن السرتفيك تبعو بهالطبخة
لك اخ من حوا ما بيجي منها الا وجع الراس :aah:

[Kakabouda]

اي ما عملت شي حوا هي بس طبختلو لادم تفاح محشي و لعن السرتفيك تبعو بهالطبخة
لك اخ من حوا ما بيجي منها الا وجع الراس

مو دايماً حبيب والله حوا مافي منها
تحياتي :D :D

[ألف]

شو هاكر الظاهر ملوع كتير من جنس حوا :shock:
Kakabouda ياهيك الكلام يابلا :D

[Kakabouda]

شو هاكر الظاهر ملوع كتير من جنس حوا :shock:
Kakabouda ياهيك الكلام يابلا :Dتعالي معي ننفض غبار التهمي ونشق طريقاً للعز والمجد العالي تعالي معي يا وردتي يا نسمة الريحان نمشي سوياً فوق أشواك الميادين تعالي معي إلى جنات ووديان عند مليك الكون الباسط المتعالي أنتي نوري أنتي جزء مني لا أستطيع الحراك دونك تعالي معي كتوأمان نتخطى طريق الهوان ونستقر في باحات الزهور والأشجان
تحياتي :D

[ألف]

عيوني Kakabouda جربت اكتبلك رد حلو على كلامك الحلو بس ما لقيت كلمات بحلاوة كلماتك لذلك بس رح اهديك وردة توفر عليي الكلام :D

[Kakabouda]

عيوني Kakabouda جربت اكتبلك رد حلو على كلامك الحلو بس ما لقيت كلمات بحلاوة كلماتك لذلك بس رح اهديك وردة توفر عليي الكلام :Dهي محطات تنتهي بنبضاتي على هوامش ذكرياتي..
وتتخطى حدود الافكار..

لتجسد.. بالحروف

نبضاتي.. واهاتي..

على الصفحات..

سيأتي يوما ما..

سأصمت..

وسأترك نبضاتي..
تحرك مافي الوجدان

تحياتي :D

[حسون]

مشكورة كتير عالخاطرة
بس المشكلي أنيك إنتي طارحة فكرة مساواة المرأة مع الرجل من قصة آدم و حواء يلي نوضع لتنقص من قيمة المرأة أمام الرجل إذ يقول الله فيها و هو عليكي يسود
عيوني حسون بظن الي الحق افهم اسطورة آدم وحواء بالشكل اللي بيناسب تفكيري وبصراحة مابيناسبني ابدا افهمها بشكل ذكوري ..... انا كتير ضد الذكورية والسلطة الذكورية..... واذا بدي بلش فكر بالرجل كسلطة وسيادة رح اكره كل الرجال فخلوني افهمها باسلوب لاذكوري وضل احترم الرجل اللاسلطوي
وشكرا كتير عالمشاركة والرد :D
عفوا أختي ألف إذا افهمتيني غلط
أنا ضد سيادة الرجل على المرأة و أنا مع حرية المرأة و مساواتها مع الرجل
بالإضافي لأني من أشد المؤيدين للكاتبة المصريي المدافعة عن حقوق المرأة نوال السعداوي
و قصة آدم و حوا هيي مجرد أسطورة وضعها الرجل ليؤكد سلطته على المرأة بأنها أتت من إرادة الله
و أنا برأيي أنيك تلاقي قصة تانيي لتدافعي فيا عن حقوق المرأة

[hacker]

عيوني Kakabouda جربت اكتبلك رد حلو على كلامك الحلو بس ما لقيت كلمات بحلاوة كلماتك لذلك بس رح اهديك وردة توفر عليي الكلام

عواطف مهترية :P

[ألف]

اخ حسون اذا بدنا نغير العقلية الذكورية السلطوية لازم نبدأ من الشي الموجود واللي بيهاجم المرأة ولازم نغير طريقة فهمنا اله يعني اختياري لهلاسطورة بالذات ما كان اعتباطي.... يعني انا اخترتها وحاولت اطرحها بطريقة مختلفة عن النظرة الذكورية المعتادة بقصد
يعني مو مفيد ابدا امسك نص بالاصل يكون مع حقوق المرأة وضل احكي فيه .....بكون ببساطة عم اجتر افكار غيري وبكون كلامي ما اله اي تأثير
وسرتني كتير مشاركاتك بالموضوع
وتحياتي :D

[ألف]

عيوني Kakabouda جربت اكتبلك رد حلو على كلامك الحلو بس ما لقيت كلمات بحلاوة كلماتك لذلك بس رح اهديك وردة توفر عليي الكلام

عواطف مهترية :P
هاكر عن جد غمرتني بلطفك تسلم :frown:

[Kakabouda]

هاكر عن جد غمرتني بلطفك تسلم

هاكر لم تعلم يوماً بأنك و بمجرد تعليقك الساذج على كوكب من الأحاسيس قد غير مجرى حيات الشعر ؟؟؟
سامحك الله على فعلتك و سامح الله ألف ان ام تسامحك ..
تحياتي

[ألف]

Kakabouda عيوني مافي داعي تطلب مني سامح هاكر لاني بالاساس مو زعلانة منه
وهي بسمة ووردة لالكم تنيناتكم :) :D
مع اطيب التحيات

[حسون]

عيوني Kakabouda جربت اكتبلك رد حلو على كلامك الحلو بس ما لقيت كلمات بحلاوة كلماتك لذلك بس رح اهديك وردة توفر عليي الكلام

عواطف مهترية :P
هاكر عن جد غمرتني بلطفك تسلم :frown:
و الله طلعتي حربوقة يا ألف
و ميت و :D

[ألف]

عيوني Kakabouda جربت اكتبلك رد حلو على كلامك الحلو بس ما لقيت كلمات بحلاوة كلماتك لذلك بس رح اهديك وردة توفر عليي الكلام

عواطف مهترية :P
هاكر عن جد غمرتني بلطفك تسلم :frown:
و الله طلعتي حربوقة يا ألف
و ميت و :D
حربوقة يا حسون :evil:
بسيطة قلبي طيب ومابزعل من حدا ومية وردة :D

[Tarek007]

رغم أني غير مقتنع أبداً بالقصة المفبركة لبداية الخلق ...و خروج البشرية من الجنة ...ألا أنني أقبل بها كرمز قابل للتأويل .......
....................................
.....................................

على كل الاحوال :
"حواء أخرجتنا من الجنة و لكنها الوحيدة القادرة على أن تجعلنا مرة آخرى نعود أليها ....برفقتها طبعاً "

هذه كانت مقولتي دائماً ....المشكلة .... أنك عندما تصل أنت و حواء الى باب الجنة .... ترفسك برجلها و تدخل لوحدها !!!....و تقول لك من مكان غامض بعيد :
أنتظرني سأعود ...... طبعاً الانتظار معناه أن تجلس في أحد مقاعد جهنم .... ريثما تعود .......

المصيبة أنها لن تعود........


لأنك ستكتشف متأخراً أن لحواء لغة خاصة ... لن تسطيع فك رموزها .....!
..............................................
...............................................

ما هو الحب ؟؟....أو ربما الجنس !
قد تكون أحدى تعريفاته : أمتزاج الألم مع العاطفة

....الالم – بالرغم أنه الم – ألا انه أحيانا لذيذ و ممتع !

أود هنا أن أسجل أن قمة الحب هو الجنس ...و لكن الجنس ليس قمة الحب !!!

.................................................. ........




سأشكر حواء فقط لأنها : أمي و أختي و معذبتي ...أقصد حبيبتي !
شكراً حواء لأنك خلقت البشرية


.................................................. ...........

[ألف]

بوافقك طارق تماما انه قصة الخلق هي مجرد اسطورة خلقتها عقول البشرية لتفسير اشياء عجزو يفسروها بالعقل.... يعني هي متل ما انت حكيت رموز قابلة للتأويل

وعجبتني كتير العبارة اللي حكيتها
"لأنك ستكتشف متأخراً أن لحواء لغة خاصة ... لن تسطيع فك رموزها .....! "
مابعرف اذا كنت عم تحاول تهاجم المرأة بكلامك السابق لهلعبارة او لأ .... بس بكل الاحوال هالعبارة بتوضح انه المرأة ماهي المخلوق المراوغ يللي بيتشبه دايما بالافعى وانما المشكلة الوحيدة هي بالتواصل بين الرجل والمرأة ....والملام هون مو المرأة متل ما دايما المجتمعات الذكورية بتتهمها


قمة الحب هو الجنس ...و لكن الجنس ليس قمة الحب !!!
عبارة روعة :D
وشكرا طارق عالتعليق :D

[عاشق من فلسطين]

والله يا ابو طريق كفيت ووفيت .. ومدري ليش تذكرت الموقف اللي جنب كراجات حلب ..


رغم أني غير مقتنع أبداً بالقصة المفبركة لبداية الخلق ...و خروج البشرية من الجنة ...ألا أنني أقبل بها كرمز قابل للتأويل .......

برياحة ...


على كل الاحوال :
"حواء أخرجتنا من الجنة و لكنها الوحيدة القادرة على أن تجعلنا مرة آخرى نعود أليها ....برفقتها طبعاً "

هذه كانت مقولتي دائماً ....المشكلة .... أنك عندما تصل أنت و حواء الى باب الجنة .... ترفسك برجلها و تدخل لوحدها !!!....و تقول لك من مكان غامض بعيد :
أنتظرني سأعود ...... طبعاً الانتظار معناه أن تجلس في أحد مقاعد جهنم .... ريثما تعود .......

المصيبة أنها لن تعود........


أنا أنظر الى الحب كملازم مع الألم .. لأنك تكون بحالة حب تشعر بالبداية بالسعادة العامرة .. ولكن سرعان ما يصبح الأمر روتينيا" .. ولكن الذي يكثر هذا الروتين هو الألم في الحب .. والبعد واللوعة .. اما الحب الذي تتحدث عنه فيروز ..
أنا كل ما بشوفك كأني بشوفك لأول مرة حبيبي ..
أنا كل ماتودعنا كأنا تودعنا لآخر مرة حبيبي ..
هادا الحب جبراني خيالي بعيد عن الواقع .. لأنو الحب مستحيل يبقى متل أولى فتراتو .. الا مع الالم ..
وذلك ليس فقط بحب المرأة بل بحب اي شيء ..
أنا عندي أصدقاء كثيرين رائعين ..
ولكن اكثر من أفتقده عند الحزن هو صديقي علي (أصدقاء ل 8 سنوات) وسبب أفتقادي له هو لأني كل لحظات حزني كان معي فيها وكا نيمسح الحزن والدمع والهم عن قلبي .. لذا فحبي له مطبوع بمواقف الألم .. فانا مثلا" عندما اكتب لا اذكر أحدا" الا الوطن وتوقي الى الحرية .. وعندما احزن أذكر علي .. وعندما أكسر أذكر طارق وكريم .. ووووو

يعني انا برأيي وانطلاقا" من مقولة أن الألم هو مصدر الابداع ..
فأن الحب (سواء كان لصديق أو لحبيبة أو لام أو لوطن) هو ابداع .. لأنني أذكر أمي التي أحب عندما كنت أقع واجرح نفسي وأبكي على صدرها .. وأذكر وطني الذي احب عندما كنت أتسكع في حديقة تشرين وأدخن السجائر وأشرب العرق واكتب .. وأذكر أبي الذي أحب عندما كان يعود من عمله منهكا" حزينا" .. وأذكر طفولتي التي أحب .. في لحظات فراق الأصدقاء ..
يعني باختصار لكل شيء في قلبنا ذكرتين ذكرى سعيدة وذكرى حزينة .. والذي يبقي هذا الشيء في قلبنا ويحفر عميقا" في ذاكرتنا هو الذكرى الحزينة ..اما السعيدة فهي نشوة عابرة .. تذكر في مجالس الضحك .. وليست كما الكرى التي تذكر في كل محطات الحياة ...

لا تواخذونا تفلسفنا كتير ..

[Danito]

النقطة اللي ما منتختلف عليها بعتقد هي أنو المرأة مظلومة بالعالم بشكل عام و بمجتمعنا على وجه الخصوص .. حنى بعض النساء بمجتمعنا بدافعو عن عبوديتهن للرجل..

بس السؤال المحيرني حول الحب ، هو مو استمرارته بنفس الدرجة .. بس هل الحب من طرفين موجود أصلاً؟؟؟

إذا موجود أنا بتصور أنو هو حالة متطرفة لأن الحب _حسب ما شفته بحياتي _ موجود بدرجات متفاوتة من الطرفين

بس آدام قد ما سب حوى ما في عيشي بلاها .. و حوى ما فيها تعيش بلاه..

[SABE]

انا برأيي انو الحب طبعا موجود ... ولولا الحب ما كان في امل ... ولولا اللانل ما تحققت الأحلام ووصلنا ليلي نحنا فيه هلأ ..
اما مشان استمرارية الحب ... فهو بيتطور وبياخد اشكال وابعاد جديدة مع الوقت ... لانو مانو شغلة ثابتة ومتغير مع تغير كل شخص من الطرفين وتطورو ..

[ألف]

شكرا عاشق نورت الموضوع بفلسفتك الحلوة..... يعني رأيك بالالم فيه وجهة نظر قوية واذا بدنا نضل نفكر بانه حواء طلعت ادم من الجنة فشكرا الها لانها خلتنا نحس بهالالم

دانيتو
طرحت موضوع كتير روعة وهو انه بعض النساء وللآسف بيدافعو عن عبوديتهم للرجل حتى احيانا اكتر من الرجل نفسه :cry:

وسعيد
نيالك اذا لسه عندك قدرة تؤمن بالحب كعاطفة.... انا عم شوف انه الحب متل ماانت حكيت بياخد ابعاد واشكال جديدة بس للاسف عم يتغير و ياخد منحى مادي يعني عم يصير حسابات اكترما هو عواطف

وشكرا لكل اللي نورو بالرد

[Kakabouda]

شكرا عاشق نورت الموضوع بفلسفتك الحلوة..... يعني رأيك بالالم فيه وجهة نظر قوية واذا بدنا نضل نفكر بانه حواء طلعت ادم من الجنة فشكرا الها لانها خلتنا نحس بهالالم

دانيتو
طرحت موضوع كتير روعة وهو انه بعض النساء وللآسف بيدافعو عن عبوديتهم للرجل حتى احيانا اكتر من الرجل نفسه :cry:

وسعيد
نيالك اذا لسه عندك قدرة تؤمن بالحب كعاطفة.... انا عم شوف انه الحب متل ماانت حكيت بياخد ابعاد واشكال جديدة بس للاسف عم يتغير و ياخد منحى مادي يعني عم يصير حسابات اكترما هو عواطف

وشكرا لكل اللي نورو بالردعاشق الو طابع خاصة يا ألف و طابعو رائع

[ألف]

شكرا عاشق نورت الموضوع بفلسفتك الحلوة..... يعني رأيك بالالم فيه وجهة نظر قوية واذا بدنا نضل نفكر بانه حواء طلعت ادم من الجنة فشكرا الها لانها خلتنا نحس بهالالم

دانيتو
طرحت موضوع كتير روعة وهو انه بعض النساء وللآسف بيدافعو عن عبوديتهم للرجل حتى احيانا اكتر من الرجل نفسه :cry:

وسعيد
نيالك اذا لسه عندك قدرة تؤمن بالحب كعاطفة.... انا عم شوف انه الحب متل ماانت حكيت بياخد ابعاد واشكال جديدة بس للاسف عم يتغير و ياخد منحى مادي يعني عم يصير حسابات اكترما هو عواطف

وشكرا لكل اللي نورو بالردعاشق الو طابع خاصة يا ألف و طابعو رائع
فعلا طابعه رائع :D :D

[عاشق من فلسطين]

شكرا عاشق نورت الموضوع بفلسفتك الحلوة..... يعني رأيك بالالم فيه وجهة نظر قوية واذا بدنا نضل نفكر بانه حواء طلعت ادم من الجنة فشكرا الها لانها خلتنا نحس بهالالم

:oops: :oops: شكرا" وألف شكرا" لأنو انا بستمتع بالألم .,. لأنو بعدو بتجي السعادة .. :D :D


عاشق الو طابع خاصة يا ألف و طابعو رائع

:oops: مشكور أبو جريج الغالي بتضل بتخجلني .. وكل واحد بهالمنتدى الو طابع الخاص فيه والرائع .. :D :D


فعلا طابعه رائع

يعني هيك رح تخلوني روح انتحر من كتر ما خجلتوني .. وعلى فكرة الطابع الرائع ما بيظهر بالانسان الا لما يكون مع ناس روعة متلكن .. :D

[Tarek007]

حتى للأنوثة وجه آخر !!!!!


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// er=asc&highlight=

[Kakabouda]

ان لم تفعل فعلتها لكنا اليوم جميعنا ملائكة بالجنة و لكن لا تبحري بعيداً فلولاكي يا حوا لما كانت النار :D

[ألف]

طارق مشكور كتير عالمقالة الروعة بس المشكلة انها فوتتني بالحيط بطلت اعرف انا وين توضعي بين الحالتين :shock:
مشكور :D

كاكابودا شكرا عالمرور.... :D

لولا حوا لما وعى البشر انهم ملائكة في الجنة :wink:

[Kakabouda]

لولا حوا لما وعى البشر انهم ملائكة في الجنة

تعديل بسيط ...
لولا حوا لما وعى البشر أنهم كانو سيكونون ملائكة في الجنة ... :lol: :lol:

[ألف]

لولا حوا لما وعى البشر انهم ملائكة في الجنة

تعديل بسيط ...
لولا حوا لما وعى البشر أنهم كانو سيكونون ملائكة في الجنة ... :lol: :lol:

شكرا كتير كاكابودا عالتعديل :lol:
:D :D :D

[Kakabouda]

لولا حوا لما وعى البشر انهم ملائكة في الجنة

تعديل بسيط ...
لولا حوا لما وعى البشر أنهم كانو سيكونون ملائكة في الجنة ... :lol: :lol:

شكرا كتير كاكابودا عالتعديل :lol:
:D :D :D :D :D :D :D