وقفات مع shrek

[butterfly]

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
يمكن من أحلى الأفلام اللي فيا معاني عميقة ... حبيتو بحياتي .... حابة شارككون بشوية تعليقات عنو ...لأنو العلاقة بين شريك والحمار دونكي كتير فيا شي مميز
بيبدا الفيلم بشريك الأوجر ( غول ) بشع أخضر ريحتو بشعة وبشكل عام الكل بيخاف منو والكل ما بيقدر يتعامل معو ...
بيلتقى بالحمار دونكي اللي بيكون هربان من الحرس وبيدافع عنو
وبيبدا دونكي بيقلو ... .بدي أبقى معك ؟ وأكيد شريك بيرفض لأنو متعود يضل لحالو وبيخاف حدا يقترب منو ...
بيقلو ما بيزعجك كوني أخضر وبشع ومخيف ؟ بيقلو دونكي لأ ... فبيقبلو عندو ليلة وحدة
( قبولنا الأشخاص متل ما هنن بيساعدنا نفتح باب لعلاقة معون )
وهي الصورة
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بيصلو لبيت شريك بالمستنقع ... بيفوت دونكي بدو ينام جوا ... دونكي لحوح ... دونكي ما بيسكت أبداً ... بيقلعو شريك وبيخليو ينام برا ...
( في وقت للعلاقات... الدخول نحو الأخرين بحاجة لوقت ومعرفة )
بيجو الحيوانات الخرافية كلون بيصيرو بالمستنقع بأمر من الوالي البشع القصير كتير
بينزعج شريك وبيروح بدو يحكي مع الوالي ... يبعرض عليو الوالي أنو بيعطيو المستنقع مقابل يجبلو العروس فيونا ... ويأنقذا ( هية محبوسة ببرج بيحرسو تنين )
هلق طول المسيرة بتشوف ... بديو يعيشو دونكي وشريك سوا... ينامو يمشو يحكو يغنو ...

من أحلى المواقف اللي بتصير ... بيقلو شريك لدونكي .. انو أنا متل البصل ألي طبقات
بيقلو دونكي ليش متل البصل ؟؟ الحلوى ألا طبقات ... بيقلو لأ ما بدي كون شي الكل بيحبو بدي كون بصل
( يمكن ما نكون منشبه الكل بس ما بينفي كوننا فريدين )
المهم بيوصلو لجسر تحتو كلو حمم نارية
بيبدا دونكي بيقلو لشريك أنو خايف ( الصداقة بتقتضي مشاركة بأعمق الأشيا )
بيقلو شريك : أنا هنا إلى جانبك ... سنخطو خطوة صغيرة في كل مرة
وبالفعل سوا بيقطعو الجسر
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ما رح أحكيلكون كل القصة ... بدي عقب أنو بعد ما أنقذوا لفيونا ... بتقلو لشريك : أنزع خوذتك ... بدي شوف أميري الوسيم ...
ولما شريك بيخلعا بترفضو وما بتقبل شكلو
( وقت بدنا نطالب الأخرين أنو يكشفو عن ذواتون .. لازم نتخلى عن أحكامنا وتوقعاتنا المسبقة ونقبلون بجمالون وبشاعتون كما هم تماما ً )

في لقطة كمان بتصير
أنو دونكي وشريك المسا عم يتفرجو عالنجوم
بيسألو دونكي : شو رح نعمل وقت نرجع مستنقعنا .
بيقلو شريك : ما رح نعمل شي .. ما في نحن .. أنا ... مستنقعي
سأبني جدار حول المستنقع
بيقلو دونكي : جدار لترك الأشخاص خارجاً
بيبدا شريك بيحكيلو كيف كان ينرفض من قبل الناس : الناس تخاف مني قبل أن تعرفني ( الصداقة نكتشف جروح الأخر وألمه ... )

هلق الأحداث بتتغير كتيرو بتتسارع ( مشان شوقكون تحضروه :lol: )
بس المهم دونكي وشريك بيتقاتلو وبيفترقو
بس دونكي بيرجع وبيواجه شريك ( دونكي أحلى شي فيو أنو ما بيمل ... ما بيأس من المحاولة )
بيقلو أنت بالفعل شخص أناني ومسخ و....
بيقلو شريك : لماذا عدت
بيقلو دونكي : لأنك صديقي
وبيتصالحو
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ومنشوف وقت اللي بيروحو بيتجوزو فيونا وشريك كيف دونكي عم يرقص ويغني :yahoo:
( الصداقة مشاركة في الفرح )
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

وتوتة توتة خلصت الحتوتة
بعتذر إذا طولت عليكون :mimo:

[handsome]

:? :? :? :shock:

شو مشان انا وقت تفرجت عالفلم عجبني كتير وكنت كل الوقت عما افرط من الضحك ...
بس ولا مرة خطر ببالي المعاني تبعيت المشاهد :shock:

بس مع هيك بيضل فلم بيجنن مع اني فهمتو على طريقتي وبالبساطة تبعيتو وبدون تفكير زائد ..
بس هلق وانا عما ققرا المعاني, طلع عنجد في الو عبرة هالفلم ولازم نتعلم منو ..
خلص لكن بكرا بس يكبروا ولادي رح خليون يتفرجو على هالفلم مشان يتعلمو منو :p

بس مع هيك شكرا مرسيل انك زكرتيني فيه , عنجد فلم اكتر من رائع :D
وعما نستنى الجزء التاني اوكي

[Syrian__Angel]

شو مشان انا وقت تفرجت عالفلم عجبني كتير وكنت كل الوقت عما افرط من الضحك ...
بس ولا مرة خطر ببالي المعاني تبعيت المشاهد

وانا نفس الشي :lol:


بس بشكل عام .. تقريبا مافي فيلم كرتون بيعملوه ما بيكون في من وراه هدف او رسالة بدهم يوصلوها ...
يعني كمثال تاني ice age مثلا .. مع انو بيفرّط ضحك .. بس كمان مو عالفاضي ;-)

[marioma alghzayala]

ههههه هالدونكي شغلة:o ..احلى من شريك الابو شريك ...:lol:
وميرسي ميمووو :yahoo:

[ghazool]

:?

قديش تاري في أبعـاد انسانية بهالفيلم :king: ..

بتمنى يكون عندي شي رفيقة أو رفيق متل دونكي :pos: ..

موضوع حلو :D ..

[فراشة]

انا كمان ماكنت منتبهة على هالمعاني من الفيلم ..كنت مفكرتو بس بس للتسلية والضحك
كتير حلو نقدك للافكار butterfly
واحلى فكرة هي هي


( وقت بدنا نطالب الأخرين أنو يكشفو عن ذواتون .. لازم نتخلى عن أحكامنا وتوقعاتنا المسبقة ونقبلون بجمالون وبشاعتون كما هم تماما ً )

يعني هالفكرة كتير حلوة ومعبرة بس مابعتقد كتير ناس بيطبقوها
:yahoo:

[فراشة]

:?

قديش تاري في أبعـاد انسانية بهالفيلم :king: ..

بتمنى يكون عندي شي رفيقة أو رفيق متل دونكي :pos: ..

موضوع حلو :D ..

:o:o
شو غزول بفهم من كلامك ماعندك ولا رفيق او رفيقة دونكي:lol:
نيالك

[marioma alghzayala]

:o:o
شو غزول بفهم من كلامك ماعندك ولا رفيق او رفيقة دونكي:lol:
نيالك
ااااااه يا حدقة ....:p :lol: :p

[fattii]

انا كمان تفرجت فيه وعجبني لكن مانتبهتش للمعاني إلي حكيت عليهم
شكرا لأنك نبهتينا

[امرأة من ورق]

الفلم روعة :yahoo: :yahoo: :yahoo:

والاروع منو تعليقات ميمو :yahoo: :yahoo: :yahoo:


:D

[butterfly]

:? :? :? :shock:

شو مشان انا وقت تفرجت عالفلم عجبني كتير وكنت كل الوقت عما افرط من الضحك ...
بس ولا مرة خطر ببالي المعاني تبعيت المشاهد :shock:


:? :? أي وأنا كمان أول مرة حضرتو ما كتير دققت بس تاني مرة ... هيك صار معي :oops:
الله يستر من تالت مرة :clap: :yahoo:

[سرسورة]

اول شي شكرا ميمو......حلو كتيير اختيارك للمقاطع....:king:
هلأ متل ما قلتو انو افلام الكرتون دايما بكون فيا عبرة واضحة...بيتقصدو انا تكون واضحة شوي مشان الاولاد اللي بيحضرو الفلم.....عنجد اروع افلام الكرتون عم تتناول موضوع الصداقة و تقبل الاخر بطريقة كتيير حلوة.....بس طبعا غالبا الولاد لما عم يحضرو هدول الافلام(او حتى نحنا لانو نحنا منحضر اكتر منن animation ) بيحضرو الفلم...بيتأثرو بوقتا و بينسوا بعدين....و نحنا كمان بعتقد نفس الشي....
هلأ انا عم احكي هيك لانو بتذكر انو لما اختي الصغيرة(هي مو كتيير صغيرة) حضرت الفيلم,,,كتيير تأثرت في...وأخدت كتيير قرارات ع اساسو...رجعت نسيتا تاني يوم....:p .
في فيلم تاني بيتناول نفس الفكرة تقريبا ....بس بطريقة مختلفة..تبعthe little mermaide ما بعرف اينو جزء منو...كمان نفس القصة.....وكمان كتييير حلو....
ما بعرف انا شو كريت هلأ...بس بدي قول ميمو ميرسي كتيير ذكرتيني بالفيلم :D :D ....و shrek 2 كمان كتييير حلو......جاي ع بالي ارجع احضرون....

[butterfly]

هلق حضرت شريك 3 ..
اللي بيكتب السيناريو رهيب .. مع أني حبيت الجزأين الأول والتاني اكتر من التالت ..
الأول كان فيه عمق أكتر
والتاني كان فيه كوميديا اكتر ..

في جملة كتير حبيتا بالتالت بتقول :
"إذا كانو يعاملونك على أنك شرير او وحش .. او فاشل .. فهذا لا يعني انك كذلك ..
أهم شيء هو ما تظنه بنفسك .. إن كان هناك شيء تريده بقوة .. فالشخص الوحيد الذي يقف في طريقك هو انت "

حضرو الفيلم كتير لذيذ
:mimo: