-
عرض كامل الموضوع : ASP.NET نصيحة من الشباب الطيبة
مرحبا شباب
عم دور على احسن موقع بيقدم خدمة ASP. NET البرمجية
hosting provider i mean
اخر شي وجدته هو
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بس يا ريت اذا حدا من الشباب عندو شي نصيحة.. او خبرة اكتر بهل المجال... ما يبخل علينا
شكرا الكم
اكتر من 99% من الهوست بروفايدر ل ASP لازم السيرفر ويندوز .. طبعا مشكلتين هون الاولي بالسعر .. استضافة ويندوز اغلى من لينكس لان ويندوز ليه لايسنس (ترخيص) ام لينكس فمجاني (تقريبا)
الثانية السكيروتي كما كل منتجات مايكروسوفت ..
بس ليش بدك شي بيدعم asp يعني والله سيرفرات الينكس بتعم كلها php تقريبا .. وال php برايي افضل من asp معلش .. يعني بس انا هيك بعتقد
تحياتي
بالمنسابة .. شركة ويب هوست فور لايف شركة جيدة وزات صيت حلو كتير .. كمان اسعارها مقبولة ..
يعني لو ولهال البد وبدك سيرفر ويندوز بنصحك فيهم
ماني مجربهم بس سامع عنهم بالخير ..
شكرا Dr HUS
مان انا سمعت انو ASP بتعطيك حرية أكبر بكتير لما يكون السايت معقد.. و لما يكون في احتمال كبير انو يتغير و يتعدل و يتطور (هيك فهمت انا حسب معلوماتي المتواضعة بالبرمجة)
طبعا سمعت هل كلام من ناس مبرمجين... و السعر ما كتير رح يفرق علينا من السعر يلي كنا رح ناخدو مع هوست فور ويب... ع كل حال بس نظبط امورنا شوي اكتر برجع بحكي معك حول الموضوع بتفصيل اكتر
بس شكرا لانك طمنتني حول هل شركة.. انا كنت خيفان تكون جديدة او شغل نصب بتعرف
نراكم
نعم بالنسبة ل asp لغة ديناميكية تفاعلية بالنسبة للمواقع مقاربة جدا جدا ل php والي هيي لغة ديناميكية تفاعلية ايضا
الفرق الاساسي انو asp من منتجات مايكروسوفت php مفتوحة المصدر غير ملتزمة بشركة مباشرة.. حركات GNU
فيك تتطلع على
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
فيه معظم بروتوكولات المصادر المفتوحة و General public license / copylift / Linux/gpl and وهيك
بروتوكولات عالمية بتحسها هيك بالشم شي راقي جدا .. كلو شغل انو يكون العلم للجميع ويكون كلو ملك كلو .. والي بتشتريه بفلوس بينغع اتبيعو ببلاش والي بتاخدو مجانا بينفع تبيعو بمصاري .. هاي بالنسبة للبرامج والبرمجيات الي بتندرج تحت هال البروتوكولات ..
يعني الموضوع اخلاقيا هيك بتحسو نوع من الرقي .. شي ظريف والي تاييد عالمي كبير..
شتينا بالحكي عموما باي وقت انا بالخدمة .. عموما انا عندي سيرفر هلق ولو لزمك فيني اعطيك المساحة الي بتحتاج من سيرفري انا عندي مساحات زيادة ولا لازمتني ..
سلامي
يعني انت برأيك انو ASP بتمثل نوع من الاحتكار
بس قول ما بيهمنا كتير اذا كانوا محتكرين او غيرو... بهمنا يكونوا بيشتغلوا تمام طبعا... و اذا عن جد بتستاهل هل شوية مصاري زيادة
ع فكرة شكرا كتير على عرضك ... بس يمكن تكون شغلتنا عويصة شوي و تجارية... و يعني بدها تفكير شوي... ثم انا ما لحالي هون عرفت كيف
يالله سلام
عموما لازم نطرح موضوع asp و php كموضوع مستقل في كتير متعلقات بالموضوع ..
مو شغلة احتكار .. صايرة غير ..
من اهم الاشياء باي لغة برمجية الداتا ومصادر المعلومات ليها ..
بعتبار asp غير مجانية وكل متعلقاتها غير مجانية فبطريقة ما صار انك اتلاقي برامج مجانية ب asp موضوع صعب .. الفكرة من البرانج المجانية او مفتوحة المصدر انو تتعلم اكتر وتاخد خبرة اكتبر باللغة بالاطلاع على برامج مشابهة وهيك
بالنسبة php فاكواد لاي شيييي موجودة وبالمجان للجميع .. بالتالي صارت خبرة الناس عامة اقوى بال php .. وصار انو الواحد يتعلم ويحترف بيها موضوع اسهل .. وهيك ..
من ناحية القوة باللغة كلا الغتين من ناحية القوى على درجة قريبة جدا من التشابه ..
لو قلت phpاقوى او افضل في ناس ما بيعجبها هال الحكي بتقلك لا ال asp وجدال طويل عريض
بس بهيك اشياء انا بفضل الاحتزاء بالمواقع والشركات العالمية .. asp مستخدمة بمايكروسوفت وهاذا طبيعي بحكم انها لغة ملكها
اما php فاتخزت قرار شركة yahoo باعتمداها php بمواقعها .. يعني هيك قرار من شركة كبيرة متل ياهو اكيد مو عشان يوفرو فرنغين تمن برمجيات asp ومبرمجين .. اكيد في شي اقوي دفعهم لاخد هال القرار ..
وهيك
بالنسبة لعرضي .. لا مان حتى لو تجاري انا رايي انو بعطيكون المساحة الي بتحتاجوها بالاول على الاقل بين ما تظبطو وضع الموقع و ياقلع وهيك ..
سيرفري لا يدعم asp
اي وبعدها لو حسيتو انو في حاجة تنتقلو لسيرفر اخر بتنقلو .. بس يعني ما ضروري من الاول تاخدو سيرفر وتكاليف قبل ما يبتدي المشروع ..
سلامي
و الله يا شباب أنا كتييير بهتم بأمور التصميم و لغات البرمجة فأنا حسب ما قرأت في نقاشكم أنو في عندكن كتيير معلومات حلوى و مفيدة عن هاللغات فيا ريت ضمنولنا ياهن بمواضيع مفصلة منستفيد منها جميعاً و مشكورين سلفاً :D :D
و الله يا شباب أنا كتييير بهتم بأمور التصميم و لغات البرمجة فأنا حسب ما قرأت في نقاشكم أنو في عندكن كتيير معلومات حلوى و مفيدة عن هاللغات فيا ريت ضمنولنا ياهن بمواضيع مفصلة منستفيد منها جميعاً و مشكورين سلفاً :D :D
فكرة حلوة كتير بس انا مجرد هاوي و معلوماتي بهل مجال متواضعة كتير و ياريت فعلا لو ينحط شي موضوع لشرح هيك شغلات للناس العادية يلي ما عندها خبرة قوية بالبرمجة... يعني بلغة تنفهم بحيث نفهم الفروقات و قوة كل لغة
اي كتر معقول وفي معنا شلة شباب من الكمبيوترجي التقال وكلهم من زوي الخبرة
بس المشكلة انو هيك موضوع كبير بشكل يعني لو بيتحدد نقاط معينة او شو الحاجة عند اشخاص لهال الشي ممكن يصير الموضوع اسهل تقديما
يعني الشباب المهتمة مهتمة بهدف شو .. حابة تعمل موقع .. حابة تتعلم برمجة ولا شلون تحديدا
وبعدها منحكي عن الموضوع منفيد ومنستفيد بركي
تحياتي
Abo_Hanna
29/05/2004, 18:58
أنا ماني حابب هلق فوت بنقاش الفرق بين ASP و PHP لأنو بالتأكيد هدول الاتنين هني من الغات القوية المستخدمة في صفحات الانترنت التفاعلية أي اللي بتعتمد على وجود قاعدة معطيات بتسحب منها المعلومات وبتزتن بالصفحة ......
بس السؤال هو أنو ليش ما حدا فكر بال(JSP) او (Java Server Page)
أنا مع أخي drhus أنو الياهو شركة كبيرة لحتا تعتمد ال php وكمان حاليا ال msn إعتمدو الasp
هلق أنا نصيحتي للشباب أنو تفوتو على موقع ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
وتتعرفوا على ال J2EE أو ( Java 2 Enterprise Edition ) اللي هي أساس ال jsp وبعدين منكمل حكي بالهلموضوع الكتير كبير ومتشعب .....
سلامات
انا مستعد جرب الجن الازرق ..
بس عطيني مثال
عطيني موقع بيعمل بالكامل او بشكل شبه كامل على JSP
وبيقدر الواحد يحدد انو خرج يفوت بهال الزحمي ولا ما في داعي ..
انا بعرف في 3 اقسام رئيسية بعملية تصميم المواقع
information design
visual design
programming design
انا لو حبيت شي يوم صمم موقع لاي غرض كان فمقدرتي فقط بالقسمين الاول و التاني
و سبب سؤالي عن البرمجة اني فقط احصل على شوية معلومات بحيث لو كنت عم اشتغل مع شريك مبرمج اقدر افهم عليه اذا حكينا شوي بالبرمجة و اضطرينا ناخد قرارات حاسمة حول نوع لغات البرمجة
يعني المعلومات يلي عم دور عليها هي ثقافة عامة بحيث اقدر احكي بالموضوع لو انطرح بس ما ضروري كون انا شخصيا ضليع بالبرمجة كلغة... يعني بس كفكرة و خصائص و هيك
يمكن بالايام حاول اتعلم شوي بس ماني ناوي احترف
و ناطرينك أبو حنا
:wink:
بالظبط جو ..
التلات اقسمام عادة بالشركات الكبرى في لكل قسم ناس مختصين بس بهال القسم .. وحتى بتفاصيل اعمق
لكن الكل عنده فكرة عامة عن كل الاقسام منشان يقدر يحكي مع باقي الاقسام ويخاطبهم بلغتهم ومنشان يقدر بتخيل بطريقة افضل كيف صياغة الاحداث حتكون وهيك
مرحبا ....
الموقع اللي حكي عنو أبو حنا هو أحسن مثال عن JSP لأنو موقع الشركة المنتجة...
بس الفكرة انو في فروقات تقنية عظيمة بتتمبز فيها JSP عن ASP بس أنا ماعندي الوقت حاليا لأكتب عن الموضوع بس أكيد بعد الفحص رح نكتب مواضيع مطولة ومفصلة عن هالتقنية وعن غير تقنيات من اللي بتدعمن لغة JAVA
تحياتي
Abo_Hanna
30/05/2004, 05:14
انا مع الأخ جو على الأقسام التلاتة اللي حكا عنها:
information design
visual design
programming design
بس لحتا الموضوع يكون أكتر احترافية هي الأقسا بلغة المبرمجين ومحللين النظم بتكون أساميها وبالترتيب العملي كالتالي :
1- مرحلة التحليل.
2- مرحلة التصميم.
3- مرحلة التحقيق (البرمجة).
بس يا أبو عبود القصة مو متال ما قلت
لكن الكل عنده فكرة عامة عن كل الاقسام منشان يقدر يحكي مع باقي الاقسام ويخاطبهم بلغتهم ومنشان يقدر بتخيل بطريقة افضل كيف صياغة الاحداث حتكون وهيك
هو الموضوع هرمي يعني كل شخص إلو علاقة بالشخص اللي بعدو وقبلوا وبس يعني الأول ما إلوا أي علاقة بالتالت وبالعكس
يعني اللي عم يشتغل بالتحليل ما إلو أي علاقة بالمبرمج ولا حتا بيعرف بأي لغة بدو يكتب ..... وهيك
وحتى لزيادة التفصيل المصمم ما إلوا علاقة بالمبرمج بأي لغة بدو يكتب لأنو ممكن البرنامج أو التطبيق اللي عم يشتغلوا فيه يمكن يكون بدو ينعمل بأكتر من لغة برمجة وحدة
هلق ما رح نفوت بهل القصة لأنو تاركلا موضوع خالص بدي نزلوا بعد فترة قريبة إنشاء الله ...
بنرجع للموضوع ::::
ينعي يا أخي جو إنتا مانك مضطر تتعلم لغة برمجة
و سبب سؤالي عن البرمجة اني فقط احصل على شوية معلومات بحيث لو كنت عم اشتغل مع شريك مبرمج اقدر افهم عليه اذا حكينا شوي بالبرمجة و اضطرينا ناخد قرارات حاسمة حول نوع لغات البرمجة
يعني المعلومات يلي عم دور عليها هي ثقافة عامة بحيث اقدر احكي بالموضوع لو انطرح بس ما ضروري كون انا شخصيا ضليع بالبرمجة كلغة... يعني بس كفكرة و خصائص و هيك
متل ما قال Anmar الموقع اللي ذكرتو فوق (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ) هوي أفضل مثال للJSP
بس الفكرة أنو JSP هي أقرب لل ASP منها للPHP لسبب أنو التنتين بيعتمدو على لغة برمجة يعني :
JSP = Java
asp = VB or C
اما PHP فهي لغة خاصة متل HTML (على سبيل المثال) يعنو أنو ما بتعتمد على لغة برمجة مستقلة بذاتها
هلق أنا بنصح بال JSP مو لأني حريف (نوعا ما) فيها ومو لأني بكره كلشي إلوا علاقة بالمايكروسوفت :wink: بس لأنو متل ما قلت بتعتمد على الجافا وبتخيل أنو الكل بيعرف أنو هاللغة من أقوى إذا ما كانت أقوى لغة برمجة موجودة حاليا
هلق إذا حدا حابب يتعلم JSP فالموضوع مانو بالسهولة اللي إنتو متخيلينها .....يعني لازم الواحد يكون كتير قوي بالحافا وبعدين يتعلمها .....
هلق إذا حابيين تتعلموا جافا فأنا بنصح بكتاب الكتروني (بالانكليزي طبعا) واللينك تبعو هو :
(////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
طبعا بهل اللينك رح تلاقو كتير شغلات تنزلوها
أوك .....
نشاء الله بكون هيك فدكن وخاصة أخي جو
يمكن بالايام حاول اتعلم شوي بس ماني ناوي احترف
و ناطرينك أبو حنا
إنشاالله ما كون وجعتلكن راصكن ...
وللحديث تتمة ....
سلامات
يسلّم هل الايدين أخي أبو حنا
:D
لو اشتغلت انا على موقع ما رح يكون فيه عشر أشخاص كفريق عمل... بل واحد او 2 تانين... هادا يعني انو لسا رح يكون في شوية تقل على جميع الافراد انها تلم نوعا ما بعمل غيرها.. و لو إني فهمت عليك تماما حول نقطة الهرم و انو كل واحد الو علاقة بالقبلو و البعدو... بس نحنا لو اشتغلنا شغلة صغيرة رح تكون أقرب لمثلث منها لهرم...
شكرا كتير الكم مجددا و للكلام بقية
سلامات
جو
هي مقارنة سريعة بين الـJSP و الـ ASP بس كتبتا بالإنكليزي لأنو ما عندي وقت ترجمها
Abo_Hanna
15/06/2004, 23:14
لو اشتغلت انا على موقع ما رح يكون فيه عشر أشخاص كفريق عمل... بل واحد او 2 تانين... هادا يعني انو لسا رح يكون في شوية تقل على جميع الافراد انها تلم نوعا ما بعمل غيرها.. و لو إني فهمت عليك تماما حول نقطة الهرم و انو كل واحد الو علاقة بالقبلو و البعدو... بس نحنا لو اشتغلنا شغلة صغيرة رح تكون أقرب لمثلث منها لهرم...
إذا القصة هيك .... يعني أنو ما في فريق عمل كبير (مثلث مانها هرم) فأنا رأي أنو حرام تشتغلوا غير PHP لأنها سهلة بالنسبة لباقي الشغلات (ASP - JSP) لأنو هدول التنتين بدو يكون في عندك خبرة نوعا ما بأمور البرمجة الغرضية (فوتة كبيرة) فهيك أنا بنصحك بالأخ Dr Hus لأنو هو أعرف واحد بال PHP هون على حد علمي....
كنت حابب فسر شغلة أنو قصة الهرم الحكيت عنها سابقا ...... كان قصدي فسر طريق الشغل الأكاديمي بهيك أمور (الاحترافي). يعني ما قصدت أنو تشتغل فيها على عدد قليل من فريق العمل ...
سلامات :wink: :wink:
اشكركم لأجل المعلومات الجميله اللي استفدت منها كتير
علي فكره انا حاسبات ومعلومات في مصر وممكن افيد باي حاجه تحبوها
انا كنت عملت موقع متكامل بالasp وحسيت انها لغه سهله وقوية جدا
لكن معرفش ايه اخبار php ومدي قوته وسهولته في البرمجه
بس لاحظت ان السركات الكبيره اغلبها بيستخدم asp
ولا ايه رايكم ؟
حبيت نوه هون لشغلة
الموضوع بالأول بلش عن سؤال عن هوستينغ ل_ ASP.NET
وفي فرق كيبر بين ASP وبين ASP.NET
أول شغلة كمان قبل ما فوت وكمل حديثي خليني وضح نقطة هامة جداً
ASP والـ PHP هدول مش لغات برمجة هدول سكريبت
يعني في فرق كبير وأهم فرق جوهري هو إنو البرامج اللي بتنكتب بلغة برمجة بتصير compiled files وبتشتغيل بالذاكرة مباشرة يعني in process وهيك بتكون سريعة وبتستفيد من الذاكرة بشكل كامل وبإدارة للذاكرة منظمة
أما السكريبت Script متل ASP ياللي بتنكتب ب VBscript أو JScript هيدي بينعملها كومبايل Compile عند طلب الصفحة يعني on Demand وبيقوم الكومبايلر تبعها أو ما فينا نسميه compiler هو Interpeter يعني برنامج التفسير بيقوم بقراءة السكريبت المكتوب وبتنفيذه في كل مرة تطلب الصفحة
وكل من ASP و PHP هدول شباب سكريبتات مش لغات برمجة
أم ASP.NET فهيدي تكنولوجيا مختلفة تماماً ووضعتها مايكروسوفت عند إصدارها للجيل الجديد من بنية تطوير البرمجيات المسامات .NETFramework وهيي تكنلوجيا خاصة بتطوير المواقع وسموها ASP.NET عشان يصير في تواصل بالتسميات فقط
أما عن لغات البرمجة المستخدمة في هذه التكنولوجيا الجديدة فما بتنعد وتاركين الحرية تستخدم شو ما بدك
يعني بتقر تستخدم VB.NET أو #C و #J وحتى ++C
يعني شو بتتخيل الإشيا اللي فينك تعملها بهيك لغات برمجة متكاملة بتقدر تعملها واطبقها بالموقع
وبالمناسبة النتيجة اللي بتطلع من كتابة البرامج بهيك بيئة بتصير ملف ديناميكي DLL وهو اللي بيحتوي على كل الكلاسات Classes و Objects مع كل Methods and functions اللي برمجتون وهيك بس يشتغل الموقع بتتحمل هالملفات DLL هيدي بمنطقة من الذاكرة المحجوزة خصيصا إلها وبإدراة عالية الدقة من بيئة دوت نت
مش رح عقد الموضوع أكتر بس الموضوع بيفتح حرية عالية لمطوري المواقع لدرجة إنو ما في شي بيعجز عليه إنو يصير على الوب
من معالجة الرسوميات عند الطلب Graph on Fly على سبيل المثال
وأشياء أخرى تغني واجهات المستخدم وتطور منها
بظن حكيت كتير مووووووووووو ؟؟
اخوية نت
بدعم من : في بولتـين الحقوق محفوظة ©2000 - 2024, جيلسوفت إنتربـرايس المحدودة